ചേട്ടായീ ഒന്നും തോന്നല്ലേ… അയാൾ അങ്ങനെയാ സംസാരിക്കുന്നെ….
സാരമില്ലെടാ… എന്നാലും ഞാൻ ഇത്രയും കഷ്ടമാണ് നിന്റെ അവസ്ഥ എന്നറിഞ്ഞില്ല…
മരിക്കാൻ പലപ്പോഴും തോന്നിയതാ… പിന്നെ എന്റെ കുഞ്ഞിനെ ഓർത്താ ഞാൻ…
അവൾ പറഞ്ഞു കൊണ്ടിരുന്നത് പാതിയിൽ നിർത്തി പാത്രവുമായി എഴുന്നേറ്റു…. അപ്പോഴും കൊടുത്തതിൽ പകുതിയിലധികം പാത്രത്തിൽ അവശേഷിച്ചു…..
റീനാ പാത്രം കഴുകണ്ട… ഞാൻ ചെയ്തോളാം…. പോവാൻ നോക്ക്…. അല്ലേൽ ഇനി അത് മതി…
ശെരി ചേട്ടായീ… ഞാൻ ഇറങ്ങിയേക്കുവാ…..
എനിക്ക് നിന്റെ കാര്യങ്ങളൊക്കെ അറിയാമെന്നു അവനോട് പറയണ്ട കേട്ടോ..
എന്നോടൊന്നു നേരെ മിണ്ടിയിട്ട് തന്നെ നാളുകളായി…. പിന്നെ എങ്ങനെയാ…
അവർ കരഞ്ഞു കലങ്ങിയ കണ്ണുകളുമായി പടി ഇറങ്ങി പോകുമ്പോഴും ഒരു വിങ്ങൽ എന്റെ നെഞ്ചിൽ അവശേഷിച്ചു…..
ഒരു ദിവസം കൂടി മാത്രേ അവന് ബാക്കിയുള്ളൂ…. നാളെ കഴിഞ്ഞാൽ അവൻ വെറും പിണമാണ്…. ശവത്തിന് തുല്യം….
*************
വൈകുന്നേരമായി….ചാർളിയുടെ ഫോണിൽ വിളിച്ചിട്ടാണേൽ അവൻ എടുക്കുന്നതേയില്ല…. എത്ര പ്രാവശ്യമായി…. അടിച്ചു ഫിറ്റ് ആയി കിടക്കുവാണോ അതോ ഫോൺ വെച്ചിട്ട് എവിടേലും പോയോ…. ആർക്കറിയാം…. അവൻ റീനയെ എന്തേലും പറഞ്ഞു കാണുവോ എന്നുള്ള പേടിയാണ് കൂടുതൽ….
വീണ്ടുമൊന്നു വിളിച്ചു നോക്കി…റിങ് തീരാറായപ്പോഴാണ് ഫോൺ എടുത്തത് തന്നെ…..
ടാ ചാർലി നീ എവിടെയാടാ… വിളിച്ചിട്ട് കിട്ടുന്നില്ലലോ…
ചേട്ടായീ ഞാനാ റീന…
എന്താടോ.. അവൻ എവിടെ പോയി….
എനിക്കറിയില്ല…. ബിനീഷ് വന്നു കൊണ്ട് പോയതാ….
ഞാൻ അവനെ എസ്റ്റേറ്റിലേക്ക് കണ്ടില്ല.. അതാ വിളിച്ചേ….
(അവളെ പറ്റിയുള്ള എന്റെ ആധിയാണ് ഉള്ളിലെന്നു മറച്ചു വെച്ചു കൊണ്ട് ഞാൻ സംസാരിച്ചു…..)
ശെരി.. വരുമ്പോ വിളിക്കാൻ പറയാം… ശെരി എന്നാൽ ഞാൻ ഒന്ന് കിടക്കട്ടെ…
എടൊ തന്നെ അവൻ എന്തേലും ചെയ്താരുന്നോ രാവിലെ….
ഇല്ല.. എന്താ അങ്ങനെ ചോദിച്ചേ…
അല്ല… ശബ്ദം കേട്ടപ്പോൾ എന്തോ വേദനയുള്ള പോലെ തോന്നി…..
ഒന്നുല്ല ചേട്ടായീ.. ഒരു ക്ഷീണം പോലെ… ഞാൻ വെച്ചേക്കുവാ….
അവൾ ഫോൺ വെച്ച് പോയി…. അവളുടെ ശബ്ദം കെട്ടാലറിയാം എന്തോ അവിടെ സംഭവിച്ചിട്ടുണ്ടെന്ന്……
എനിക്ക് ദേഷ്യം ഇരച്ചു കയറുന്ന പോലെ തോന്നി…..
***********
വൈകുന്നേരമായപ്പോൾ ബിനീഷിന്റെ കാർ മുറ്റത്തു വന്നു നിന്നു…. അതിൽ നിന്നും ചാർലി ഇറങ്ങി അകത്തേക്ക് വന്നു .. ഞാനപ്പോ രാത്രിയിലേക്കുള്ള ആഹാരം ഉണ്ടാക്കുന്ന തിരക്കിലായിരുന്നു….
ചാർളി നീ എവിടാരുന്നു … ഞാൻ കുറെ വെട്ടം വിളിച്ചു… അവസാനം റീനയാ ഫോണെടുത്തെ… നീ ബിനീഷിന്റെ കൂടെ പോയെന്നു പറഞ്ഞു….
അതെ അളിയാ… അവന്റെ അമ്മയ്ക്ക് വയ്യാതെ കിടക്കുവല്ലേ… അതാ അങ്ങോട്ട് പോയെ…
അതിരിക്കട്ടെ… ഈ കാർ ഇന്ന് അവന് വേണ്ടാരുന്നോ..
വേണ്ടെന്നു പറഞ്ഞു… ഞാനിങ്ങു എടുത്തിട്ട് പോന്നു..ഇന്ന് നമുക്ക് ഇവിടെ കൂടാം…. നീ ചപ്പാത്തി രണ്ടെണ്ണം കൂടുതൽ ഉണ്ടാക്കിക്കോ…
നീയെന്തു മയിര് വർത്താനാടാ ഈ പറയുന്നേ…. അവിടെ റീനയും കുഞ്ഞും ഒറ്റക്കല്ലേ…
ഇല്ലെടാ… അങ്ങോട്ട് നാളെ പോവാം…
എന്തേ… ഉച്ചക്ക് എന്തേലും പ്രശ്നം ആയോ….
ആഹ്…. ഉണ്ടായി… അത് അവളുടെ അഹങ്കാരം കൊണ്ടാ…
എന്താടാ കാര്യം പറ….
അളിയാ നിന്നോടായൊണ്ട് ഞാൻ പറയാം… ഞാൻ മാനം മര്യാദക്ക് അവളോട് പറഞ്ഞതാ എനിക്കൊന്നു കിടന്ന് തരാൻ… അപ്പോ അവൾക്ക് പറ്റില്ലെന്ന് പറഞ്ഞു…. നമ്മൾ ആണുങ്ങളല്ലേടാ… വിട്ടു കൊടുക്കാൻ പറ്റുവോ…. പിടിച്ചു വലിച്ചിട്ടു നന്നായിട്ടൊന്നു പെരുമാറി….
ഇതൊക്കെ കെട്ട് എനിക്ക് തല കറങ്ങുന്ന പോലെ തോന്നി….ദേഷ്യം പിടിച്ചു നിർത്താൻ പറ്റിയില്ല…..
കൈ നീട്ടി അവന്റെ കരണം നോക്കി ഒന്ന് പൊട്ടിച്ചു….
അവനൊന്നു ഞെട്ടി…. കരണവും തടവി എന്നെ നോക്കി……
ടാ അളിയാ നീ എന്തിനാടാ എന്നെ അടിച്ചേ… അതെന്റെ പെണ്ണുമ്പിള്ളയാടാ….
അപ്പോഴാണ് എനിക്ക് സ്ഥലകാല ബോധം വന്നത്…
ചാർളി… അപ്പോ വന്ന ദേഷ്യത്തിന് അടിച്ചു പോയതാടാ… നീയൊന്നും വിചാരിക്കല്ലേ…
അതെനിക്കറിയാം ആൽബി… അല്ലാതെ നീയെന്നെ ഒന്നും ചെയ്യില്ലെന്ന്… നമ്മൾ കൂട്ടുകാരല്ലെടാ….. അവൻ അതും പറഞ്ഞു തടവിക്കൊണ്ട് പുറത്തേക്കിറങ്ങി….
ഞാനും അവന്റെ ഒപ്പം ഇറങ്ങി മുറ്റത്തു നിന്നു…
എടാ റീനയുടെ നമ്പർ ഒന്ന് തന്നെ… ഞാൻ അവളോട് വിളിച്ചു പറയാം.. നീ എന്റെ കൂടെ ഉണ്ടെന്ന്…
പോടാ… അതൊന്നും വേണ്ട… അവൾ ആദ്യായിട്ടല്ല ഒറ്റയ്ക്ക് ആ വീട്ടിൽ…. മിക്കവാറും ഞാൻ വീട്ടിൽ പോലും പോവാറില്ല….
എന്നാലും അതല്ല… അവളെ ഞാൻ വിളിച്ചപ്പോ ടെൻഷൻ പോലെ തോന്നിയാരുന്നു…. നീ നമ്പർ താ…
അവൻ മടിച്ചു മടിച്ചാണേലും അവളുടെ നമ്പർ തന്നു…… അവളുടെ ഓരോ നമ്പറും ഓരോ ഹൃദയ തുടിപ്പായിട്ടാണ് അവൻ ഡയൽ ചെയ്തത്… ഞാൻ അവളെ വിളിച്ചു കൊണ്ട് അവൻ കേൾക്കാത്ത രീതിയിൽ ഇത്തിരി മാറി നിന്നു……. കുറെ നേരം ബെല്ലടിച്ചു… എന്നിട്ടാണ് എടുത്തത്…
റീനേ ഞാൻ ആൽബിയാ…
പറ ചേട്ടായീ….
അവൻ എന്റെ കൂടെ ഉണ്ട്…. നന്നായി വെള്ളമടിച്ചിട്ടുണ്ടെന്ന് തോന്നുന്നു…..
(ഞാൻ അവളോട് അങ്ങനെ ഒരു കള്ളം പറഞ്ഞു…… അല്ലേൽ ചെയ്യാൻ പോകുന്ന കാര്യങ്ങളിൽ എന്നെ സംശയിക്കാതിരിക്കാൻ എനിക്കങ്ങനെ പറയേണ്ടി വന്നു.)
അത് പതിവല്ലേ ചേട്ടായീ…. സാരമില്ല… ഇന്ന് അവിടെ കിടന്നോട്ടെ…
അല്ല… അവൻ അങ്ങോട്ട് വരാൻ നിൽക്കുവാ….
വേണ്ട… എനിക്ക് വയ്യ…
റീനേ അവൻ എന്നോട് പറഞ്ഞു ഇന്നെന്താ അവിടെ ഉണ്ടായതെന്ന്…
അത് പിന്നെ ചേട്ടായീ… വിഷമം ആവേണ്ടെന്നു വെച്ചാ ഞാൻ പറയാഞ്ഞേ….
സാരമില്ല…. നാളെ ഞാൻ വന്നു നിന്നെ കണ്ടോളാം…. ഇപ്പൊ വെച്ചോ…..
ഞാൻ ഫോൺ വെച്ചിട്ട് അവന്റെ അടുത്തേക്ക് ചെന്നു…..
ടാ നേരം ഇരുട്ടായി… വാ നമുക്ക് അകത്തിരിക്കാം… ഒരു കുപ്പി ഇരിപ്പുണ്ട്…..പൊട്ടിക്കാം….
അളിയാ നീ ഇതൊക്കെ നേരത്തെ പറയണ്ടേ…. വാ…. നീ ഗ്ലാസ്സെടുത്തു വയ്ക്ക്….. ഞാൻ പോയി ടച്ചിങ്സ് വാങ്ങിയിട്ട് വരാം….
നീയെങ്ങും പോവണ്ട… എല്ലാം ഇവിടെയുണ്ട്… വാ…
ഞങ്ങൾ അകത്തേക്ക് കേറി…. അടി തുടങ്ങി…
ബോധപൂർവം ഞാൻ കുറച്ചു മാത്രേ കുടിച്ചുള്ളൂ…. അവനെ കൊണ്ട് തന്നെ ആ കുപ്പിയിലെ അവസാന തുള്ളിയും കുടിപ്പിച്ചു…..
അവൻ ടേബിളിൽ തല വെച്ചു കിടന്ന് എന്തൊക്കെയോ പിച്ചും പേയും പറയുന്നുണ്ടായിരുന്നു…..