ഞാനെന്റെ ഫോണെടുത്തു.. നേരം 8 ആവുന്നതേയുള്ളൂ…… അവൾ ഉറങ്ങി കാണില്ലെന്നു ഉറപ്പായിരുന്നു ….
ഞാൻ ആൻസി ചേച്ചിയെ വിളിച്ചു….
മോനെ…
ചേച്ചി അവൾ ഉറങ്ങിയോ…..
ഇല്ല മോനെ…ഞാനൊരു ബുക്ക്‌ വായിച്ചു കൊടുക്കുവാ….
ആണോ എന്നാൽ ആ വീഡിയോ ഒന്ന് ഓൺ ആക്കിക്കേ… ഞാൻ അവൾക്ക് ഒരാളെ കാണിച്ചു കൊടുക്കാം…..
ചേച്ചി ഫോണിലെ വീഡിയോ ഓൺ ആക്കി അവളുടെ മുഖം കാണുന്ന രീതിയിൽ തിരിച്ചു…
കണ്ടിട്ട് നല്ല സങ്കടം തോന്നി… പഴയതിലും ഒരുപാട് ക്ഷീണിച്ചിരുന്നു….. കണ്ണുകൾ പോലും മുഴുവൻ തുറന്നു വരുന്നില്ല…
നിമ്മി മോളെ….നിന്റെ ഇച്ചായനാ…
മനസിലായി ഇച്ചായാ…
എന്താ എന്നെ കാണിക്കാൻ ഉള്ളത്…..
നീ തന്നെ നോക്കിക്കോ… എന്ന് പറഞ്ഞു ഞാൻ അവന്റെ മുഖം അവൾക്ക് കാണിച്ചു കൊടുത്തു…..
അവശയായിരുന്ന അവളുടെ കണ്ണുകളിൽ പകയുടെ മിന്നലാട്ടം ഞാൻ കണ്ടു….
ഇച്ചായാ ഇത് അവനല്ലേ…
അതെ മോളെ….. കുടിപ്പിച്ചു കിടത്തിയേക്കുവാ…. നമ്മൾ പ്ലാൻ ചെയ്തത് പോലെ ഇനി ഇവൻ എഴുന്നേൽക്കാത്ത രീതിയിൽ ഇവനെ ആക്കാൻ പോവല്ലേ…. അപ്പോ എന്റെ മോളും കൂടി അതൊന്നു കാണണം എന്ന് തോന്നി……
ഇച്ചായ ഞാൻ പറഞ്ഞ സാധനം കിട്ടിയാരുന്നോ അപ്പോ….
അതില്ല മോളെ… അതിലും കൂടിയ ഒരു സാധനം ജിമ്മിച്ചൻ കൊടുത്തു വിട്ടാരുന്നു…
ഞാൻ കണ്ണ് ചിമ്മാതെ നോക്കി ഇരിക്കാം ഇച്ചായ… കുത്തി കേറ്റിക്കൊ അവന്റെ കഴുത്തിൽ….. ചെവിയുടെ താഴത്തൂടെ ഒരു ഞരമ്പ് പോവും… അതിൽ കുത്തിയാൽ മതി… പെട്ടെന്ന് തലച്ചോറിൽ എത്തും…..
ഞാൻ എഴുന്നേറ്റ് ഫോൺ അവൾക്ക് കാണാൻ പറ്റുന്ന രീതിയിൽ ടേബിളിൽ വെച്ചു…. എന്നിട്ട് മുറിയിൽ നിന്ന് സിറിഞ്ചിൽ നിറച്ച മരുന്നെടുത്തു കൊണ്ട് വന്നു…. അവൾ പറഞ്ഞ പോലെ തന്നെ ചെവിയുടെ താഴെയുള്ള ഞരമ്പിൽ കുത്തി കേറ്റി….. അവൻ ഒന്ന് ഞരങ്ങി…..
ആ ഞരക്കം കണ്ട് അവളുടെ മുഖത്തു കൊലച്ചിരി കാണുന്നത് ഞാൻ അപ്പോഴായിരുന്നു …അവന്റെ ശരീരം നിശ്ചലമാകുന്നത് വരെ അവൾ കണ്ണിമ വെട്ടാതെ നോക്കി ഇരുന്നു..
ഇച്ചായ കഴിഞ്ഞ എട്ടു വർഷം ഞാൻ സഹിച്ചത് ഇനി ഇവനെ ബാക്കിയുള്ള കാലം മുഴുവൻ അനുഭവിക്കണം…… ചെയ്ത് പോയ കാര്യങ്ങളെ ഓർത്തു ഇവൻ ദുഖിക്കണം….
അവളുടെ കണ്ണിൽ നിന്നും കണ്ണീർ വന്നുകൊണ്ടിരുന്നു…
ഇച്ചായാ ഇനി ഇവന്റെ ഭാര്യയെ കൊന്നേക്ക്… ആരും വേണ്ട അവന്… അല്ലേൽ അവൾ ഇവനെ ആയുഷ്കാലം മുഴുവൻ നോക്കും…
അത് കേട്ടപ്പോൾ പെട്ടെന്ന് ആൽബിയുടെ മനസ്സിൽ ഒരു വെള്ളിടി വെട്ടി…
മോളെ… അത് വേണോ….
അത് വേണം ഇച്ചായ…
മോളെ ഞാൻ അവളെ കണ്ടിരുന്നു…. ഒരു പാവമാ അത്…. നിന്നെ ഇവൻ ഒരു പ്രാവശ്യമല്ലേ അങ്ങനെ ചെയ്തുള്ളൂ…. കഴിഞ്ഞ ഒരു വർഷമായി അവളോട് ഇവൻ അങ്ങനെയാ ചെയ്യുന്നേ…… നീയൊന്നു ആലോചിച്ചു നോക്കിക്കേ…. അവളും ഒരു പെണ്ണല്ലേ…..
ഇച്ചായൻ എന്റെ മനസ് മാറ്റാൻ നോക്കുവാണോ…
അല്ല മോളെ…. ആ പാപം നമുക്ക് വേണ്ട… ഒരു കുഞ്ഞും ഉള്ളതല്ലേ…. അവർ എന്ത് തെറ്റ് ചെയ്തു….നമുക്ക് ഇവന്റെ ജീവിതം പോരെ ….
അപ്പോ അവളോ… അവൾ ഇവനെ നോക്കില്ലെ…
ഇല്ല… അതിനുള്ളത് ഞാൻ ചെയ്തോളാം….
വേണ്ട… ഇച്ചായൻ ഒന്നും ചെയ്യണ്ട …. എന്താ ചെയ്യണ്ടേ ന്നു ഞാൻ പറഞു തരാം….. അതും കഴിഞ്ഞിട്ടേ ഞാൻ അങ്ങ് മോളിലേക്ക് പോവൂ …
അതും പറഞ്ഞു കാൾ കട്ട്‌ ആയി…..
കഴിഞ്ഞ എട്ടു വർഷത്തെ ഞങ്ങളുടെ കാത്തിരിപ്പാണ് ഇവനെ കയ്യിൽ കിട്ടിയാൽ എന്ത് ചെയ്യണം എന്നുള്ളത്….. അവസാനം അത് ചെയ്ത് കഴിഞ്ഞു… അതും അവളുടെ കണ്മുന്നിൽ തന്നെ……
ഇനിയാണ് ബാക്കി കാര്യങ്ങൾ ചെയ്യേണ്ടത്….
നേരത്തെ ചിന്തിച്ചു വെച്ച പോലെ തന്നെ അവൻ ഫോണെടുത്തു റീനയെ വിളിച്ചു…
2
റീനാ ഞാനാണ്…
മനസിലായി ചേട്ടായീ….എന്തേ ഇപ്പൊ വിളിച്ചേ… അവിടെ എന്തേലും പ്രശ്നം ആയോ….
ഇല്ല… അവൻ അങ്ങോട്ട് വരാൻ പോവാണെന്നു പറഞ്ഞു നിൽക്കുവാ… കാറുണ്ട് അവന്റെ അടുത്ത്…
അയ്യോ അത് ശെരിയാവില്ല ചേട്ടായീ…
ഞാൻ എന്താ വേണ്ടേ… നന്നായി വെള്ളമടിച്ചിട്ടുണ്ട്….
എന്നെ ഓർത്തു ഒരു ഉപകാരം ചെയ്യുവോ…. ചേട്ടായിക്ക് ഒന്നിങ്ങോട്ട് കൊണ്ടാക്കാൻ പറ്റുവോ….
സത്യം പറഞ്ഞാൽ എനിക്കും അവളുടെ വായിൽ നിന്ന് അത് തന്നെയായിരുന്നു കേൾക്കേണ്ടത്..
റീനേ അത് വേണോ…
വേണം…. കൊണ്ടാക്കിയിട്ട് ഇന്നിവിടെ കിടന്നോ… രാവിലെ പോകാം അത് പോരെ…
ശെരി ഞാൻ കൊണ്ട് വരാം…..
ഞാൻ ചിരിച്ചു കൊണ്ട് കാൾ കട്ട്‌ ചെയ്ത് ഫോണെടുത്തു എന്റെ പോക്കറ്റിൽ ഇട്ടു….
തളർന്നു കിടക്കുന്ന അവനെ ഞാനൊന്ന് എടുത്തുയർത്തി…. കുറച്ചു കഷ്ടപ്പെട്ടിട്ടാണെങ്കിലും അവനെ കാറിന്റെ ഡ്രൈവിംഗ് സീറ്റിൽ ഇരുത്തി…..സീറ്റ്‌ ബെൽറ്റിട്ടു…. (അവൻ ചാവരുത് എന്നെനിക്ക് നിർബന്ധം ഉണ്ടായിരുന്നെന്നു കൂട്ടിക്കോ…..)
കൈ എടുത്ത് സ്റ്റീറിങ്ങിൽ പിടിപ്പിച്ചു….. മരുന്നിന്റെ എഫക്ട് കൊണ്ടാണോ എന്തോ അവന്റെ തല പോലും നിവർന്നിരിക്കുന്നില്ലായിരുന്നു….
കാറിന്റെ ഗിയർ ന്യൂട്ടറിൽ ഇട്ട് ഞാൻ പുറത്തിറങ്ങി വണ്ടി മുന്നിലേക്ക് തള്ളി ഗേറ്റിന്റെ അങ്ങോട്ടേക്ക് വിട്ടു…..വണ്ടി ഗേറ്റും കടന്ന് മുന്നിലൂടെയുള്ള റോഡിന്റെ താഴെ കാണുന്ന ചെറിയ കുഴിയിലേക്ക് അവനെയും കൊണ്ട് മറിയുന്നത് ഞാൻ നോക്കി നിന്നു….
എന്തൊരു ആത്മ സംതൃപ്തി ആയിരുന്നു എനിക്ക്…… ഇത്രയും സന്തോഷം തരുന്നൊരു കാഴ്ച അതിന് മുന്നേ എനിക്കുണ്ടായിട്ടില്ല…..
അതിൽ നിന്നും മോചിതനായി ഞാൻ ഫോണെടുത്തു പോലീസിനെയും ആംബുലൻസിനെയും വിവരം അറിയിച്ചു….. പിന്നെയൊരു ബഹളമായിരുന്നു….
എല്ലാരും വരുന്നു… കാർ പൊക്കിയെടുക്കുന്നു… അതിൽ ചാവാതെ കിടക്കുന്ന ചാർളിയെ എടുത്ത് ആംബുലൻസിൽ കേറ്റുന്നു….
പോലീസിൽ ഈ കാര്യം അറിയിച്ചാലും അവരെന്നെ പിടിക്കില്ല എന്നെനിക്ക് ഉറപ്പായിരുന്നു….
കാരണം അതൊരു സാധാരണ ആക്‌സിഡന്റ് പോലെ തന്നെ ആയിരുന്നു….. ഡ്രൈവർ മദ്യപിച്ചു വണ്ടി ഓടിച്ചു… അത് കുഴിയിലേക്ക് മറിഞ്ഞു.. അത്രയേ ഉള്ളൂ… ആൾ മരിച്ചില്ലല്ലോ….. ബ്രേക്ക്‌ ചവിട്ടാത്തത് കൊണ്ട് ഏതേലും വശം ചെന്ന് സ്റ്റീറിങ്ങിൽ ഇടിച്ചു… അങ്ങനെ അവന്റെ ശരീരം തളർന്നു….
(പിന്നെ ഇവിടെ വല്ല്യ ഹോസ്പിറ്റലൊന്നും ഇല്ലാത്തത് കൊണ്ട് തന്നെ കൂടുതൽ ചികിത്സ ഒന്നും നടക്കത്തുമില്ല……)
ഇത് തന്നെയാവും പോലീസ് ഭാഷ്യം…. അത് അറിയാവുന്നത് കൊണ്ട് തന്നെയാണ് ഇങ്ങനെ ചെയ്തത്….. റെന്റ് കാറിൽ ചെയ്യണം എന്ന് കരുതിയതാ… പിന്നെ ഇവൻ തന്നെ കാർ കൊണ്ട് വന്ന് ഇരന്നു വാങ്ങിച്ചു…
