“ഇതൊക്കെ വൻസെറ്റപ്പ് ആണല്ലോ ”
ആ കാഴ്ചകളൊക്കെ കണ്ടു നടക്കവേ ഞാൻ മഞ്ജുസിനോടായി പറഞ്ഞു . എന്റെയും അവളുടെയും പുറത്തൊരു ബാഗുകൾ ഉണ്ടെന്നതൊഴിച്ചാൽ വേറെ മാറാപ്പൊന്നും കയ്യിലില്ല . റിസോർട് ജീവനക്കാരിൽ ഒരാൾ ഞങ്ങളെ വഴികാണിച്ചു മുൻപേ നടക്കുന്നുണ്ട്.
“ആഹ് ..ആദ്യം അറിയാമായിരുന്നേൽ ഇതിലൊന്ന് എടുക്കാരുന്നു ല്ലേ ?”
ഓല മേഞ്ഞ വില്ലകളുടെ ഭംഗി നോക്കി മഞ്ജുസ് ആരോടെന്നില്ലാതെ പറഞ്ഞു .
“നീ ഇവിടെ കാഴ്ച കണ്ടു സുഖിച്ചു താമസിക്കാൻ ആണോ ഉദ്ദേശം ?”
അവളുടെ മട്ടും ഭാവവും കണ്ടു ഞാൻ സംശയത്തോടെ ചോദിച്ചു .
“എനിക്ക് പല ഉദ്ദേശവും ഉണ്ട് ..”
ഞാൻ പറഞ്ഞത് ഇഷ്ടമാകാത്ത പോലെ മഞ്ജുസ് എന്നെ നോക്കി പുച്ച്ചമിട്ടു .
“എനിക്ക് ആകെ ഒരുദ്ദേശമേ ഉള്ളൂ ..”
ഞാൻ അർഥം വെച്ച് പറഞ്ഞു മഞ്ജുസിനെ നോക്കാതെ സമീപത്തെ പൂൾ വില്ലകളിൽ നീന്തി തുടിക്കുന്ന മദാമ്മകളെ നോക്കി . നടക്കുന്നതിനിടെ മഞ്ജുസും അത് ശ്രദ്ധിച്ചിരുന്നു . ബിക്കിനി എന്നുപോലും പറയാൻ മടിതോന്നുന്ന തരത്തിലുള്ള കുഞ്ഞു വേഷങ്ങൾ അണിഞ്ഞു ചന്തിയും കുലുക്കി നടക്കുന്ന സുന്ദരികൾ ! അവരിൽ ചിലർ പൂളിൽ നീന്തിത്തുടിക്കുന്നുണ്ട് !ഞാനതെല്ലാം തെല്ലൊരു കൗതുകത്തോടെ നോക്കി വെള്ളമിറക്കി .
“ദുരുദ്ദേശം അല്ലെ ? അതൊക്കെ എന്റെ മോൻ പറയാതെ തന്നെ എനിക്കറിയാം .വായ് നോക്കി ജന്തു ”
ഞാൻ മദാമ്മയുടെ ചോര ഊറ്റികുടിക്കുന്നത് കണ്ട മഞ്ജുസ് ദേഷ്യത്തോടെ പറഞ്ഞു എന്റെ കയ്യിൽ നുള്ളി .
“സ്സ്…ആഹ്…”
ഞാൻ അവളുടെ നിനച്ചിരിക്കാത്ത നേരത്തുള്ള പിച്ചലിൽ ഒന്നു പിടഞ്ഞുകൊണ്ട് അവളെ നോക്കി കണ്ണുരുട്ടി .
“നേരെ നോക്കി നടക്ക് പൊട്ടാ ”
മഞ്ജുസ് അർഥം വെച്ചുതന്നെ പറഞ്ഞു ചിരിച്ചു .
“പോടീ …അതിനെയൊക്കെ കാണുമ്പോഴാ നിന്നെ എടുത്തു കടലിൽ എറിയാൻ തോന്നണത് ”
ഞാൻ മഞ്ജുസിനെ കളിയാക്കാൻ വേണ്ടി പയ്യെ പറഞ്ഞു .
“എന്ന നീ അതിന്റെ കൂടെ പൊക്കോ ഡാ …”
മഞ്ജുസ് ഗൗരവത്തിൽ തന്നെ പറഞ്ഞു സ്വല്പം പോസ് ഇട്ടു .
“ആ നോക്കട്ടെ …ഇവിടെ ഫുൾ ചിക്സ് ആണ് “
ഞാൻ കളിയായി പറഞ്ഞു അവളെ കെട്ടിപിടിച്ചു നടന്നു . ഞങളുടെ മുൻപേ നടക്കുന്ന റിസോർട് ജീവനക്കാരൻ അതൊന്നും മൈൻഡ് ചെയ്യാതെ മുന്നേ നടക്കുന്നുണ്ട്.
ഞങ്ങൾ നടക്കുന്ന വഴിയിൽ തന്നെ ഓരങ്ങളിലായി ഒരു ജിമ്മും , ക്ളബും , ക്ലിനിക്കുമൊക്കെ ഉണ്ട് . ആവശ്യക്കാർക്ക് അതൊക്കെ ഉപയോഗപ്പെടുത്താം ! അതും പിന്നിട്ട് ഞങ്ങൾ സ്വല്പം കൂടി മുന്നോട്ടു നടന്നതോടെ ബീച്ച് കോട്ടേജുകളുടെ അടുത്തെത്തി .അതിലൊന്നിൽ ആണ് ഞങ്ങൾക്കുള്ള റൂം.
“അത്ര പോരാ ..”
കോട്ടേജ് കണ്ടതും മഞ്ജുസ് ആരോടെന്നില്ലാതെ പറഞ്ഞു .അവള് പ്രതീക്ഷിച്ച രൂപമോ ഭാവമോ ആ കോട്ടേജുകൾക്ക് ഉണ്ടായിരുന്നില്ല എന്ന് തോന്നുന്നു . ഓർക്കിഡ് പുഷ്പങ്ങളും ചെടികളും ഒക്കെ നട്ടുപിടിപ്പിച്ചു കോട്ടേജിന്റെ മുറ്റം ഉദ്യാനം പോലെ പരിപാലിച്ചിട്ടുണ്ട് .
“മ്മ്..നീയല്ലേ സെലക്ട് ചെയ്തത് ..ഇത്രയൊക്കെ പ്രതീക്ഷിച്ച മതി..സാരല്യ പോട്ടെ ”
ഞാൻ മഞ്ജുസിന്റെ കവിളിൽ പയ്യെ ഉമ്മവെച്ചു അവളുടെ നിരാശ മായ്ക്കാൻ വേണ്ടി പറഞ്ഞു .
“പോടാ ..”
മഞ്ജുസ് അതുകേട്ടു പയ്യെ മുരണ്ടു .
കോട്ടേജ് ഞങ്ങൾക്ക് കാണിച്ചു , കീ തന്നുകൊണ്ട് റിസോർട് ജീവനക്കാരൻ ഉപചാരപൂർവം മടങ്ങി .പക്ഷെ ഞങ്ങൾ ആ സമയം കോട്ടേജിനകത്തേക്കു പോകാതെ റിസോർട്ടിന്റെ മറ്റൊരു വശത്തേക്ക് നീങ്ങി . അവിടെ ഇളനീല നിറത്തിൽ സമുദ്രത്തിന്റെ അടിത്തട്ടും കാണിച്ചു കിടക്കുന്ന ബീച് ഉണ്ട് . ബീച്ചിനോട് ചേർന്നുള്ള കോട്ടേജ് വേണമെന്നത് മഞ്ജുസിന്റെ നിർബന്ധമായിരുന്നു .
“എന്തായാലും സ്ഥലം പൊളി ആണ് ..”
ഞാൻ ചുറ്റുമൊന്നു നോക്കി ആവേശത്തോടെ പറഞ്ഞു .
“മ്മ് ..”
മഞ്ജുസും അതിനൊന്നും മൂളി . പിന്നെ എന്നെ മൈൻഡ് ചെയ്യാതെ ബീച്ചിനടുത്തേക്ക് നടന്നു . കണ്ടൽ ചെടികൾ എന്ന് തോന്നിക്കുന്ന ചെടികൾക്കിടയിലൂടെ നടന്നു മഞ്ജുസ് റിസോർട്ടിന്റെ പ്രൈവറ്റ് ബീച്ചിലേക്ക് നടന്നു നീങ്ങി .
“ഡീ ..നീയെങ്ങോട്ടാ ..?”
കാഴ്ച കണ്ടു നടന്നു നീങ്ങുന്ന മഞ്ജുസിനെ നോക്കി ഞാൻ ഉറക്കെ വിളിച്ചു .
“വാടാ ..ചുമ്മാ ഇതൊക്കെ നോക്കി കാണാന്നെ..”
മഞ്ജുസ് ചിരിയോടെ പറഞ്ഞു എന്നെ മാടിവിളിച്ചു . അതോടെ പൂഴിമണലിലൂടെ ആയാസപ്പെട്ട് ഓടികൊണ്ട് ഞാനവളുടെ അടുത്തെത്തി .
ബീച്ചിലെത്തിയതും എനിക്ക് തെല്ലൊരു അത്ഭുതം തോന്നി . ചുറ്റോടു ചുറ്റും തെളിഞ്ഞ നീല ജലം ! ആഴമോ തിരകളോ ഇല്ലാത്ത സമുദ്ര ഭാഗം . അതിലൂടെ കുറെ ദൂരം കൊച്ചു കുട്ടികൾക്ക് പോലും നടന്നു നീങ്ങാം !
“വൗ …കിടു ..”
ഞാൻ മഞ്ജുസിന്റെ അടുത്തെത്തിയതും അമ്പരപ്പോടെ പറഞ്ഞു .
“എന്തോന്ന് ആ പോണ സാധനം ആണോ ?”
ഞങ്ങൾക്ക് മുൻപിലൂടെ നീങ്ങുന്ന ബിക്കിനി വേഷ ധാരിയായ മദാമ്മ പെണ്ണിനെ നോക്കി മഞ്ജുസ് ചിരിയോടെ ചോദിച്ചു .
“ഊതല്ലേ മോളെ …”
അവളുടെ അസ്ഥാനത്തുള്ള വളിച്ച കോമഡി കേട്ട് ഞാൻ കണ്ണുരുട്ടി . ബീച്ചിലെ സായാഹ്നം ആഘോഷിക്കാനെന്നോണം അവിടെയെത്തിയ കമിതാക്കളൂം ടൂറിസ്റ്റുകളുമെല്ലാം ജലക്രീഡകളിൽ ഏർപ്പെട്ടിട്ടുണ്ട് . അതിൽ തന്നെ മുട്ടൻ ചരക്കുകളായ പെണ്ണുങ്ങളുമുണ്ട് ! നമുക്കീ ബിക്കിനി വേഷക്കാരെ നേരിട്ട് കണ്ടു അത്ര പരിചയമില്ലാത്തതുകൊണ്ട് അറിയാതെ നോക്കിപ്പോകും !അത് ഉദ്ദേശിച്ചാണ് മഞ്ജുസ് എനിക്കിട്ടൊന്നു താങ്ങിയത്.
“ഊതിയതൊന്നുമല്ല ..നിന്നെ എനിക്ക് അറിഞ്ഞൂടെ മോനെ ”
മഞ്ജുസ് കള്ളച്ചിരിയോടെ പറഞ്ഞു എന്റെ വയറിനിട്ടു പയ്യെ കുത്തി .
പിന്നെ എന്റെ കൈകോർത്തുപിടിച്ചു കാഴ്ചകൾ കണ്ടു ബീച്ചിലൂടെ നടന്നു . ബാഗും തോളിലിട്ട് നടന്നു നീങ്ങുന്ന ഞങ്ങളെ ബീച്ചിൽ കൂടിയിരുന്ന ചിലരും കൗതുകത്തോടെ നോക്കുന്നുണ്ട് . ആ കൂട്ടത്തിൽ ഫുൾ ഡ്രസ്സ് ഇട്ടവർ ഞങ്ങൾ മാത്രമാണ് !
വൈകുന്നേരം ആയതോടെ സൺസെറ്റ് കാണാനായി ഇറങ്ങിയവരാണ് അധികവും . ബീച്ചിനോട് ചേർന്ന് കടലിലേക്ക് ഇറക്കി കെട്ടിയ പാലത്തിന്മേൽ ഒരു ചെറിയ ബാർ ഉണ്ട് . വെള്ളത്തിൽ നാട്ടിയ തൂണുകളിൽ ഉയർന്നു നിൽക്കുന്ന ഇത്തരം ബാറുകളും റിസോർട്ടുകളും മാലിയിൽ പതിവ് കാഴ്ചയാണ് . ആ ബാറിലെ ചെയറുകളിലും സോഫകളിലുമൊക്കെ ആളുകൾ സൺസെറ്റ് കാണാൻ വേണ്ടി സ്ഥാനം പിടിച്ചു കഴിഞ്ഞിട്ടുണ്ട് .
“ഡ്രസ്സ് ഒകെ ഊരികളഞ്ഞിട്ട് അതുപോലെ നടക്കെടി മഞ്ജുസേ..”
കടലിൽ നീന്തുന്ന പെണ്ണുങ്ങളെ ചൂണ്ടിക്കൊണ്ട് ഞാൻ എന്റെ കൈപിടിച്ച് നടക്കുന്ന മഞ്ജുവിനോടായി പറഞ്ഞു .
“അയ്യാ ..എനിക്കൊന്നും വയ്യ ..”
മഞ്ജുസ് കള്ളച്ചിരിയോടെ പറഞ്ഞു മണൽ പരപ്പിലൂടെ നടന്നു .ബീച്ചിനു ചേർന്ന് തെങ്ങിൻ തോപ്പുകളും അതിന്റെ തണലും കാറ്റുമൊക്കെ വേണ്ടുവോളം ഉണ്ട് . സാധനം അടിക്കേണ്ടവർക്ക് ബാറും അവൈലബിൾ ആണ് .
