നിശാഗന്ധി 5

Nishgandhi Part 5 | Author : Vedan

[ Previous Part ] [ www.kambi.pw ]

---

 

 

മഴയൊക്കെ മാറി ചെറു ചാറ്റൽ പൊടിയുന്നുണ്ട്, ഞാനവളുടെ നമ്പറിലേക്കൊന്ന് വിളിച്ചു

പക്ഷെ ബിസി ആയിരുന്നു. ഞാൻ ഫോൺ കട്ടാക്കി പോക്കറ്റിൽ ഇട്ടു,

 

 

ഒരു പതിനഞ്ചു മിനിറ്റ് കഴിഞ്ഞുക്കാണും തിരിച്ചു കാൾ വന്നു, അപ്പോളേക്കും കാലും കഴുകി ഞാൻ വീട്ടിൽ എത്തിയിരുന്നു….

 

“” ഹലോ….. “” കോൾ എടുത്തതും ഞാൻ നീട്ടി വിളിച്ചു…

 

 

“” ഓഹ് ന്താ….ആ ഹലോക്ക് നീട്ടം… .ഹാ.. ഹ….

 

വീട്ടീന്ന് വിളിച്ചെടാ അതാ ലേറ്റ് ആയെ .. “”

 

 

“” അത് കുഴപ്പോയില്ല…

പിന്നെ പറ….ന്ത്‌ പറയുന്നു നിന്റെ വീട്ടുകാര്.. “”

 

ഞാനാ കസേരയിലേക്ക് ചാഞ്ഞിരുന്നു,

 

 

“” ന്ത്‌ സ്റ്റിരം ക്ലീഷേ… അച്ചാച്ചി ഇന്നും കുടിച്ചിട്ട് ബഹളം തന്നെ ബഹളം., ഇങ്ങനെ പോയാ അമ്മ അമ്മിക്കല്ലോണ്ട് തലക്കിട്ട് ഒന്ന് കൊടുക്കുന്ന് പറയുന്നുണ്ടായിരുന്നു…””

 

അവളൊന്ന് ചിരിച്ചു,

 

 

“” ന്നാ അച്ഛനെ എവിടേലും കാണിക്കാൻ മേലായിരുന്നോ… അല്ലാതെ “” ഞാൻ മുഴുവപ്പിക്കുന്നതിന് മുന്നേ അവളിടക്ക് കേറി,

 

 

“” നിനക്കെന്നാ…ഇങ്ങനെയൊക്കെ ആണേലും രണ്ടും മുടിഞ്ഞ സ്നേഹാ.. രണ്ടാൾക്കും തമ്മിതമ്മി കാണാതിരിക്കാനൊക്കില്ല… പിന്നെ പറയുമ്പോ പറയുന്നേ ഉള്ളു…. “”

 

 

പിന്നെയും ഞങ്ങളുടെ സംസാരം നീണ്ടു പോയി, ആ സംസാരം പിന്നീടും നീണ്ടുകൊണ്ടിരുന്നു, അത് ദിവസങ്ങളായി, ദിവസങ്ങൾ ആഴ്ചകളായി, ആഴ്ചകൾ മാസങ്ങളും, വർഷങ്ങളുമായി…

 

 

അവളുടെ പഠിത്തം കഴിഞ്ഞു അവളിപ്പോ ബാംഗ്ലൂരിൽ ഒരു പ്രൈവറ്റ് കമ്പനിയിൽ ജോലി ചെയ്യുന്നു. അങ്ങനെ ആണേലും പെണ്ണിന്റെ സ്വഭാവത്തിൽ മറ്റൊന്നുല്ലാ, ന്റെ മേലെ അവളെന്തെകിലും GPS ഫിറ്റ്‌ ചെയ്തിട്ടുണ്ടോ ന്ന് പോലും നിക്ക് തോന്നാറുണ്ട്, ഞാൻ എവിടെ പോയാലും അവളറിയും.

 

പിന്നെ എന്നും വൈകിട്ട് വീഡിയോ കോളിൽ വരണം അത് നിർബന്ധ..അവളുടെ അന്നത്തെ ദിവസത്തെ കാര്യം മുഴുവൻ അതായത് രാവിലെ മിണ്ടുന്നവരുടെ എണ്ണം തൊട്ട് വൈകിട്ട് തിരിച്ചു വരുന്ന വഴി കണ്ട പൂച്ചയുടെ കാര്യം വരെ ന്നെ പറഞ്ഞു കേൾപ്പിച്ചാലേ അവൾക്കുറക്കം വരൂ…

 

പിന്നെന്തുണ്ട് ന്ന് ചോദിച്ചാ ഞാൻ വീട്ടിൽ ഉണ്ടായിരുന്ന കോഴിനേം പശുനേം ഒക്കെ വിറ്റു, ഇപ്പോ കവലയിൽ ഉള്ള കാടമുറിയുടെയും, കൃഷിയിലെയും വരുമാനം മാത്രത്തിൽ ഒതു‌ക്കി,

 

 

അതൊന്നുവല്ല ഇന്നത്തെ പ്രതേകത.. ഇന്നെന്റെ റിസൾട്ട്‌ വരുവാണ്,,

അതിന്റെ കുറച്ചു ടെൻഷൻ എനിക്കും വിശാലിനും ഒഴികെ ബാക്കി എല്ലാർക്കും ഉണ്ട്,

 

അങ്ങനെ മൂന്നു വർഷം… എങ്ങോട്ടോ ഓടി മറഞ്ഞു.

 

“” നിനക്കൊരു ടെൻഷനുമില്ലേയെന്റെ സിദ്ധു… “”

 

കടിച്ചു തീർത്ത നഖത്തിന്റെ കണക്കെടുക്കാതെ ആൻഡ്രേസ്സ അടുത്ത കൈ വായിലേക്ക് വെച്ചു,

 

 

“” അവൻ ജയിക്കൂന്ന് ആരെക്കാളും നന്നായിട്ട് അവനറിയാം… സകല ഒഴപ്പിനും നടക്കേം, ന്തിന് നേരെചൊവ്വേ ക്ലാസ്സിൽ കേറ പോലുമില്ല ന്നാലും അവൻ ജൈക്കും… ന്ത്‌ മറ്റേതാണോ… “”

 

അപർണ്ണ അതിന് കൂട്ട് പിടിച്ചു, പക്ഷെ നിക്കും ടെൻഷൻ ഉണ്ട്, കാരണം ജയിച്ചില്ലേ അവളെന്നെ എടുത്ത് ഉടുക്കും.

 

പുള്ളിക്കാരി ജോലി ചെയ്യുന്നിടത് തന്നെ നിക്ക് ഒരു ജോലി പറഞ്ഞു വച്ചിരിക്കുവാണ്,, അതോണ്ട് എന്നെക്കാളും ടെൻഷൻ ഇപ്പോ അവളവിടെ അനുഭവിക്കുന്നുണ്ടാവും… ഞാൻ ചുറ്റും കണ്ണോടിച്ചു, വിശാലിന്റെ മുഖത്തും പുച്ഛം..

 

കാരണം ന്റെ ഹാളിൽ ന്റെ രണ്ട് ബെഞ്ച് പുറകിലായിരുന്നവൻ.. ന്റെ മുഖം കണ്ടാണ് അവനിത്ര കോൺഫിഡൻസ്..

 

 

“” നിയെന്ത് കോപ്പിനാടാ ആറ്റിട്യൂട് ഇടുന്നെ… നിന്നെയൊക്കെ എക്സാം എഴുതിക്കാൻ സമ്മതിച്ചത് തന്നെ മാനേജ്മെന്റിന്റെ കരുണ… “”

 

 

ടെൻഷൻ അടിച്ച് പണ്ടാരമടങ്ങിവവന്മ്മാര് അവനെ കണ്ട് ചോദിച്ചതും അവൻ അവരെയും നോക്കിയൊന്ന് പുച്ഛിച്ചു..