“ഇല്ലത്തിപ്പോ ഗർഭിണികളാരേലുമുണ്ടോ നീലീ… ?”..
നീലിയും അതാണ് ആലോചിച്ചത്..
“ഉം… ഉണ്ട്… വല്യ തമ്പ്രാന്റെ എളേ മോളിപ്പോ ഗർഭിണിയാ… അഞ്ചോ ആറോ മാസമായിക്കാണും… “..
“അവള് ആളെങ്ങിനെയാ… ?”..
“തമ്പ്രാനെക്കാൾ പെഴയാ… അവളുടെ അടിയോ തൊഴിയോ ഏൽക്കാത്ത വാല്യക്കാരികൾ ഇല്ലത്തില്ല… എനിക്കും അടിയും ചവിട്ടും കിട്ടിയിട്ടുണ്ട്… “..
ഇല്ലത്തെ പുറം പണിക്കാരിയാണ് നീലി.. അവിടുത്തെ എല്ലാ കാര്യങ്ങളും നീലിക്കറിയാം..
“ അവളുടെ കിടത്തം താഴെയോ, മോളിലോ…?”..
“മോളിലായിരുന്നു… ഇപ്പോ ഗർഭിണിയായപ്പോ താഴെയാ…”..
“ആശാനേ… എന്നാ പിന്നെ അത് നോക്കാം അല്ലേ… ?”..
കുമാരൻ എന്തിനും ഒരുക്കമായിരുന്നു..
“ഉം… പക്ഷേ അതിനും പ്രശ്നങ്ങളുണ്ട്… ഇല്ലത്ത് കയറി അവളുടെ വയറ് കീറി കുട്ടിയെ എടുക്കുകാന്ന് പറഞ്ഞാ അത്ര ചെറിയ കാര്യമല്ല… അത് ചെയ്തതും ഒരു മനുഷ്യനാണെന്ന് ഒരാൾക്കും അറിയരുത്… കിടന്നുറങ്ങുന്ന അവളെ എടുത്ത് കൊണ്ട് പോയി യക്ഷിക്കാവിലെത്തിക്കണം… പുലരുമ്പോ യക്ഷി അവളുടെ വയറ് പിളർന്നതായേ ആർക്കും
തോന്നാവൂ… “..
കൃത്യമായിരുന്നു ആശാന്റെ നീക്കങ്ങൾ..
“അഛാ… അതിലേറെ എളുപ്പമുള്ള മറ്റൊരു വഴിയുണ്ട്…നമുക്കൊരു ഗർഭിണിയെപ്പോരേ… ?. രാത്രി ഇല്ലത്ത് കയറി അവളെ എടുത്തോണ്ട് പോകാനൊക്കെ ബുദ്ധിമുട്ടാകും… കാര്യസ്ഥൻ കൈമളുടെ മൂത്തമോള് ജാനകിയും ഗർഭിണിയാ… നമുക്കത് നോക്കിയാലോ… ?. ഇല്ലത്ത് കയറുന്നതിനേക്കാൾ എളുപ്പം കാര്യസ്ഥന്റെ വീട്ടിൽ കയറുന്നതാ…
അവിടെ കയറാനുള്ള വഴിയൊക്കെ എനിക്കറിയാം…”..
നീലിയാണത് പറഞ്ഞത്.. കാര്യസ്ഥന്റെ വീട്ടിലും അവൾ പണിക്ക് പോകാറുണ്ട്..
“ എന്നാ അതായിരിക്കും കുറച്ചൂടെ എളുപ്പം… എന്നാ ഏറ്റവും അടുത്ത ദിവസം നോക്കി അതങ്ങ് ചെയ്യുക… ബാക്കിയൊക്കെ അത് കഴിഞ്ഞ്… കാര്യസ്ഥൻ വീട്ടിലില്ലാത്ത ഒരു രാത്രി നോക്കി വേണം അവിടെ കയറാൻ… “..
“ അത് നോക്കണ്ട ആശാനേ… കാര്യസ്ഥനിപ്പോ മിക്കവാറും രാത്രി എന്റെ കൂരയിലാ… “..
വേദനയോടെയാണ് കുമാരനത് പറഞ്ഞത്..
“ഉം… ഒക്കെ ശരിയാവും കുമാരാ… നിനക്ക് നിന്റെ കൂരയിൽ സമാധാനമായി ഉറങ്ങാം…”..
അന്നത്തെ ചർച്ച അവസാനിപ്പിച്ച് അവർ തൽക്കാലത്തേക്ക് പിരിഞ്ഞു..
✍️.. കാര്യസ്ഥൻ ശേഖരക്കൈമളിന് മൂന്ന് മക്കളാണ്.. രണ്ട് പെണ്ണും ഒരാണും.. പരമ്പരയായി ജന്മിത്തമ്പ്രാക്കളുടെ കാര്യസ്ഥൻമാരായിരുന്നു കൈമളുടെ കുടുംബം.. ക്രൂരതയുടെ പര്യായമായിരുന്നു ഇല്ലത്തെ കാര്യസ്ഥന്മാരെല്ലാം.. ജന്മിമാർക്ക് വേണ്ടി അവർ കൊന്ന് തള്ളിയ അടിയാന്മാർക്ക് കണക്കില്ല… അതിൽ ഏറ്റവും ദുഷ്ടൻ ശേഖരക്കെെമളാണ്..
ഒരു തെറ്റും ചെയ്യാത്ത പാവങ്ങളെ കഴുത്ത് ഞെരിച്ച് കൊല്ലുന്നത് കൈമൾക്കൊരു ഹരമാണ്.. വിവാഹം പോലും കഴിച്ചിട്ടില്ലാത്ത കന്യകമാരായ പെൺകുട്ടികളെ ക്രൂരമായി ബലാൽസംഗം ചെയ്ത് കൊലപ്പെടുത്തുന്നതും കൈമളുടെ ക്രൂരവിനോദമാണ്..
തമ്പ്രാക്കൾക്ക് കിട്ടുന്ന അതേ ഭക്തിയും ബഹുമാനവും കാര്യസ്ഥനും കുടുംബത്തിനും കിട്ടും..ബഹുമാനത്തേക്കാൾ കൈമളിനെ ഭയമാണ് അടിയാന്മാർക്ക്..
അയളെ കാണുമ്പോ തന്നെ വല്ലാത്തൊരു ഭയം അടിയാന്മാർക്കിടയിൽ അയാൾ ഉണ്ടാക്കിയെടുത്തിട്ടുണ്ട്.. കൈമൾക്കെന്ത് ചെയ്യാനുമുളള അനുമതി തമ്പ്രാക്കൾ അനുവദിച്ച് കൊടുത്തിട്ടുമുണ്ട്..
അയാളുടെ മൂത്ത മകളാണ് ജാനകി..
അവൾ ഏഴ് മാസം ഗർഭിണിയാണ്..അവൾക്കിളയതാണ് ഇരുപത്തിനാല് വയസുള്ള സുജാത.. കൈമളുടെ മുഴുവൻ സ്വഭാവവും അപ്പാടെ പെൺമക്കൾക്ക് പകർന്ന് കിട്ടിയിട്ടുണ്ട്..
അടിയാത്തിപ്പെണ്ണുങ്ങളോട് ക്രൂരമായാണ് രണ്ടാളും പെരുമാറുന്നത്..
നീലിയേയും രണ്ടാളും ചേർന്ന് ക്രൂരമായി ദ്രോഹിച്ചിട്ടുണ്ട്…
ജാനകിയുടെ വയറ് പിളർന്ന് ചാപിള്ളയെ എടുക്കാനും, സുജാതയെ മാനഭംഗപ്പെടുത്താനും കുട്ടിരാമനും, കുമാരനും കൂടി പദ്ധതി തയ്യാറാക്കി..