ടോണി ഗ്ലാസ്സുകളിലേക്ക് കള്ള് പകർന്നു. കപ്പയുടെയും മീൻ കറിയുടെയും മണം മുറിയിലാകെ പരന്നു. ഞാൻ ആ ബെഡിൽ നിന്ന് എഴുന്നേറ്റ് അവന്റെ അടുത്തിരുന്നു.
ഞാൻ: (ഒരു കഷ്ണം കപ്പ എടുത്ത് വായിലിട്ട്) “ഹാ… ഇതിന് വേണ്ടി മാത്രമാണെങ്കിലും ഈ ചുരം കേറി വന്നത് മുതലായി. നാട്ടിൽ കിട്ടുന്നതിനേക്കാൾ ഒരു പ്രത്യേക ടേസ്റ്റ്. അല്ലെങ്കിലും ഈ തണുപ്പത്ത് ഇങ്ങനെ അടിക്കുന്നത് ഒരു സുഖം തന്നെയാ.”
ടോണി: (ഒരടി അടിച്ച് ഗ്ലാസ് താഴെ വെച്ചു) “അതൊക്കെ പോട്ടെടാ. നീ ആതിരയുടെ ഫോട്ടോ കണ്ടിട്ട് അവളെ കുറിച്ച് പാവമാണെന്നൊക്കെ പറഞ്ഞല്ലോ. പക്ഷേ നീ ഒരുകാര്യം ആലോചിച്ചു നോക്കിയോ? നീ വന്ന കാര്യം പോലും അവൾക്കറിയില്ല. നാളെ നീ അവളുടെ മുന്നിൽ ചെല്ലുമ്പോൾ അവൾ എങ്ങനെയൊക്കെ റിയാക്ട് ചെയ്യുമെന്ന് എനിക്ക് കാണണം. ചിലപ്പോൾ നിനക്ക് കണക്കിന് കിട്ടും.”
ഞാൻ: (ചിരിച്ചുകൊണ്ട്) “എടാ പട്ടി, അവൾ എന്നെ ‘മഹിയേട്ടാ’ എന്നൊക്കെയാ വിളിക്കുന്നത്. നീ പേടിപ്പിക്കുന്നത് പോലെ അത്ര വലിയ വില്ലത്തിയൊന്നും ആവില്ല അവൾ. അല്ലെങ്കിലും നിന്നെ അവൾ പേടിപ്പിച്ചു നിർത്തുന്നതിന്റെ സുഖം വേറെയായിരിക്കും. അതാ നീ ഇങ്ങനെയൊക്കെ പറയുന്നത്.”
ടോണി: (അല്പം ഫിറ്റായിത്തുടങ്ങിയ ശബ്ദത്തിൽ) “നീ നാളെ കാണാൻ ഇരിക്കുന്നതേയുള്ളൂ. അവളെ വളച്ചെടുക്കാൻ ഞാൻ പെട്ട പാട് എനിക്കറിയാം. അത്രയെളുപ്പത്തിൽ ആരെയും വിശ്വസിക്കുന്ന കൂട്ടത്തിലല്ല. എന്തായാലും നിന്റെ കയ്യിലുള്ള വിദേശി ഇപ്പോൾ എടുക്കണ്ട. ഈ കള്ള് തീർത്തിട്ട് നമുക്ക് രാത്രിയിൽ അത് മൂച്ചിന് എടുക്കാം.”
മദ്യത്തിന്റെ ലഹരി തലയ്ക്ക് പിടിച്ചു തുടങ്ങിയപ്പോൾ ഞങ്ങളുടെ സംസാരം ആതിരയിൽ നിന്നും പണ്ട് സ്കൂളിൽ പഠിച്ച കാര്യങ്ങളിലേക്ക് വഴിമാറി. ആ തണുത്ത വൈകുന്നേരം മദ്യത്തിന്റേയും സൗഹൃദത്തിന്റേയും ലഹരിയിൽ അലിഞ്ഞു ചേർന്നു. രമ്യയുടെ അഭാവം ഉണ്ടാക്കിയ നിരാശ പതുക്കെ പതുക്കെ ആ കള്ളിൽ മുങ്ങിപ്പോയി.
ഞാൻ: “നാളെ എന്തായാലും നിന്റെ വീട് വരെ വരണമല്ലോ. അവിടെ ചെല്ലുമ്പോൾ ഈ കള്ളിന്റെ മണം ഒക്കെ മാറ്റി നല്ല കുട്ടപ്പനായിട്ട് വേണം പോകാൻ. അല്ലെങ്കിൽ നിന്റെ കെട്ടിയവൾ എന്നെ അവിടെ നിന്ന് ഇറക്കി വിടും.”
ടോണി: “അതൊക്കെ നമുക്ക് സെറ്റാക്കാം. നീയിപ്പോ ഈ അടി നിർത്തിയിട്ട് വല്ലതും തിന്നാൻ നോക്ക്. നമുക്ക് രാത്രി കുറച്ചുകൂടി ഇരിക്കാനുള്ളതാ.”
രാത്രിയായതോടെ വയനാടൻ തണുപ്പ് മുറിക്കുള്ളിലേക്ക് അരിച്ചുകയറാൻ തുടങ്ങി. പുറത്ത് കാറ്റ് വീശുന്ന ശബ്ദം കേൾക്കാം. നാളെ ആതിരയുടെ മുന്നിലേക്ക് എത്തുന്ന ആ നിമിഷം ഓർത്ത് എന്റെ ഉള്ളിൽ ചെറിയൊരു ആവേശം അപ്പോഴേക്കും ഉരുത്തിരിഞ്ഞു കഴിഞ്ഞിരുന്നു.
ആ കപ്പയും മീൻകറിയും കഴിച്ച് കള്ളും അടിച്ച് കുറച്ചു കഴിഞ്ഞപ്പോൾ ടോണിക്ക് ഒരു ബുദ്ധി തോന്നി.
ടോണി: “എടാ മഹേഷേ… ഈ റിസോർട്ടിൽ ഒരു മനോഹരമായ സ്വിമ്മിംഗ് പൂൾ ഉണ്ട്. ഈ അടിച്ചു പൂസായ ടൈമിൽ അതിലൊന്ന് വീണാൽ നമ്മുടെ സകല ക്ഷീണവും മാറും. വാടാ… നമുക്ക് ഒന്ന് നീരാടി വരാം.”
വയനാടൻ തണുപ്പും മദ്യത്തിന്റെ ലഹരിയും ഒത്തുചേർന്നപ്പോൾ എനിക്കും അത് ശരിയാണെന്ന് തോന്നി. ഞങ്ങൾ രണ്ടുപേരും തപ്പിപ്പിടഞ്ഞ് പൂൾ ഏരിയയിലേക്ക് നടന്നു. അവിടെ ആരുമുണ്ടായിരുന്നില്ല. തണുത്തുറഞ്ഞ വെള്ളത്തിലേക്ക് എടുത്തുചാടിയപ്പോൾ ശരീരത്തിലുണ്ടായിരുന്ന ലഹരി ഒന്ന് മാറിപ്പോയെങ്കിലും ഒരു വല്ലാത്ത ഉന്മേഷം തോന്നി. കുറെ നേരം ഞങ്ങൾ ആ പൂളിൽ കിടന്ന് പഴയ കഥകൾ പറഞ്ഞു ചിരിച്ചു.
കുളി കഴിഞ്ഞ്, നനഞ്ഞ തോർത്ത് തോളിലിട്ട് പതുക്കെ റൂമിലേക്ക് മടങ്ങാനായി ഞങ്ങൾ റിസപ്ഷൻ ഏരിയയിലൂടെ നടന്നു. പെട്ടെന്നാണ് എന്റെ കണ്ണ് അവിടെ ഇരുന്ന ഒരാളിൽ ഉടക്കിയത്.
അവിടെ ഒരു പെൺകുട്ടി ആരെയോ കാത്തുനിൽക്കുന്നു. ഒരു കടും പച്ച നിറത്തിലുള്ള ചുരിദാറും ചുവന്ന ലെഗ്ഗിങ്സും ആണ് അവളുടെ വേഷം. കഴുത്തിൽ ഷാൾ ഇല്ല. ഒതുക്കമുള്ള ശരീരവും അഴിച്ചിട്ട മുടിയുമായി അവൾ അവിടെ ഫോണിൽ നോക്കി നിൽക്കുകയാണ്.