“അതിനല്ലേ മോളേ നിന്റെ കെട്ടിയോൻ ഇല്ലാത്ത സമയം നോക്കി ഞങ്ങൾ വരുന്നത്? അവൻ ഇവിടെ ഉള്ളപ്പോൾ ഇങ്ങനെയുള്ള പരിപാടികൾ ഒന്നും നടക്കില്ലല്ലോ,” അവൻ പരിഹാസത്തോടെ പറഞ്ഞു.
അതുകേട്ട അച്ചു ദേഷ്യപ്പെടുന്നതിന് പകരം അവനെ നോക്കി വശ്യമായി ഒന്ന് ചിരിച്ചു. ആ ചിരി എന്റെ ഉള്ളിൽ ഒരു മുറിവുണ്ടാക്കി. ഞാൻ ഒരിക്കലും കാണാത്ത, പരിചിതമല്ലാത്ത ഒരു ചിരിയായിരുന്നു അത്. അവർ രണ്ടുപേരും ചേർന്ന് ഹാളിലേക്ക് നടന്നു. അവിടെ ഷോർട്സ് ഇട്ടു ഇരുന്നിരുന്ന ഗൗരി അവരെ കണ്ടതും ചിരിച്ചു.
“വന്നല്ലോ രണ്ട് തെമ്മാടികൾ!”
ഗൗരി കളിയാക്കി പറഞ്ഞു.
സൽമാൻ നേരെ ചെന്ന് ഗൗരി ഇരുന്ന നീളൻ സോഫയിൽ അവളോട് ചേർന്നിരുന്നു. സിദ്ധാർത്ഥ് മറ്റൊരു സിംഗിൾ സോഫയിൽ ചെന്നിരുന്നു. അച്ചു അടുത്തുള്ള മറ്റൊരു കസേരയിലേക്ക് ഇരിക്കാൻ ആഞ്ഞതും സിദ്ധാർത്ഥ് പെട്ടെന്ന് അവളുടെ കൈയ്യിൽ പിടിച്ചു വലിച്ചു. ഒരു നിമിഷം ബാലൻസ് തെറ്റിയ അവൾ നേരെ ചെന്നിരുന്നത് സിദ്ധാർത്ഥിന്റെ മടിയിലേക്കാണ്.
ടിവിയിൽ ആ കാഴ്ച കണ്ടപ്പോൾ എന്റെ വിരലുകൾ കസേരയിൽ മുറുകി അമർന്നു. പക്ഷേ അച്ചു അവിടുന്ന് എഴുന്നേൽക്കാൻ ശ്രമിച്ചില്ല. അവൾ അവന്റെ മടിയിൽ ഇരുന്ന് തന്റെ മുടിയിഴകൾ ഒതുക്കി.
“എടാ… വിട്, ആരെങ്കിലും കാണും,” അവൾ വെറുതെ ഒന്ന് പറഞ്ഞു.
“ആര് കാണാൻ? നിന്റെ ആ പാവം ഹരി പാലക്കാട്ട് ഇരുന്നു ഇപ്പോൾ അമ്മാവന്റെ വക ഇഡ്ഡലി തട്ടുന്നുണ്ടാകും,”
സൽമാൻ കുപ്പികൾ മേശപ്പുറത്ത് വെച്ചുകൊണ്ട് പറഞ്ഞു. എല്ലാവരും കൂടി ഉറക്കെ ചിരിച്ചു.
“അല്ലെങ്കിലും അച്ചു… ഇന്നലത്തെ നിന്റെ ആ പെർഫോമൻസ് കണ്ടപ്പോൾ സത്യം പറഞ്ഞാൽ സ്റ്റേജിൽ വെച്ച് തന്നെ നിന്നെ പൊക്കിയെടുക്കാൻ തോന്നിയതാ. ആ ചുവന്ന ബെൽറ്റ് ഇട്ടപ്പോളുള്ള നിന്റെ ആ ഒരു വടിവ് ഉണ്ടല്ലോ…”
സിദ്ധാർത്ഥ് അവളുടെ അരക്കെട്ടിൽ കൈ വെച്ച് പതുക്കെ തടവിക്കൊണ്ട് പറഞ്ഞു.
“അയ്യടാ… പണി പാളിയേനെ. പബ്ലിക്കായി അങ്ങനെ വല്ലതും ചെയ്തിരുന്നെങ്കിൽ അച്ചുവിന്റെ ആ uk കുമാരൻ ബോധം കെട്ടു വീണേനെ,”
ഗൗരി ഇടയ്ക്ക് കയറി പറഞ്ഞു.
“അവനെക്കൊണ്ട് ഇതിനൊന്നും കൊള്ളില്ല ഗൗരി… പാവം ഒരു മാന്യൻ,” അച്ചു സിദ്ധാർത്ഥിന്റെ തോളിൽ ചാഞ്ഞു കൊണ്ട് പറഞ്ഞു.
“പക്ഷെ സ്റ്റേജിൽ സൽമാൻ എന്നെ അങ്ങോട്ട് പിടിച്ചപ്പോൾ എന്റെ ശ്വാസം ശരിക്കും പോയി. കടുവ പിടിക്കുന്നത് പോലെയുണ്ട് നിന്റെ ആ പിടുത്തം.”
അവൾ സൽമാനെ നോക്കി കണ്ണിറുക്കി.
“അതൊക്കെ ട്രെയിനിങ് അല്ലെ മോളേ… നിന്റെ ആ ഷേപ്പിൽ ഒന്ന് പിടിച്ചാൽ കൈ വിടാൻ ആർക്കെങ്കിലും തോന്നും?”
സൽമാൻ ഒരു ഡബിൾ മീനിങ് ചിരിയോടെ മറുപടി നൽകി.
അവർ നാലുപേരും ചേർന്ന് കുപ്പികൾ തുറക്കാൻ തുടങ്ങി. ഗ്ലാസുകളിൽ മദ്യം പകരുമ്പോഴും അച്ചു സിദ്ധാർത്ഥിന്റെ മടിയിൽ നിന്ന് എഴുന്നേറ്റിട്ടില്ല. ഇടയ്ക്ക് സിദ്ധാർത്ഥ് അവളുടെ കാതുകളിൽ എന്തോ മന്ത്രിക്കുന്നുണ്ട്. അതുകേട്ട് അവൾ ചിരിച്ചു കൊണ്ട് അവന്റെ നെഞ്ചിൽ പതുക്കെ അടിക്കുന്നു.
ഞാൻ ടിവിയിൽ കണ്ടുകൊണ്ടിരിക്കുന്നത് എന്റെ അച്ചുവിനെ തന്നെയാണോ? പ്രൊഫഷന്റെ ഭാഗമായി മാത്രം ഡാൻസിനെ കാണണം എന്ന് പറഞ്ഞവൾ, ഇപ്പോൾ സിദ്ധാർത്ഥിന്റെ മടിയിലിരുന്ന് എന്നെ പരിഹസിക്കുന്നത് കേട്ടപ്പോൾ എന്റെ ലോകം തകരുന്നത് പോലെ തോന്നി.
എങ്കിലും ഒരു കാര്യം ഞാൻ ശ്രദ്ധിച്ചു… അവർ തമ്മിൽ വളരെ സ്വാതന്ത്ര്യത്തോടെ ഇടപഴകുന്നുണ്ടെങ്കിലും, അവിഹിതമായ എന്തെങ്കിലും ഒന്ന് അവിടെ നടക്കുന്നുണ്ടെന്ന് എനിക്ക് 100% ഉറപ്പിക്കാൻ കഴിഞ്ഞില്ല. ഒരുപക്ഷേ ഒരേ പ്രൊഫഷനിൽ ഉള്ളവർക്കിടയിലെ ഒരു അതിരുകടന്ന സൗഹൃദം മാത്രമാകുമോ ഇത്? അതോ ഈ ചിരികൾക്കും സംസാരങ്ങൾക്കും അപ്പുറം വേറെന്തെങ്കിലും രഹസ്യങ്ങൾ ആ മുറികൾക്കുള്ളിൽ ഒളിഞ്ഞിരിക്കുന്നുണ്ടോ?
Waiting for the next…