ഭാര്യയുടെ അവിഹിതവവും ഭർത്താവിന്റെ കുറ്റാന്വേഷണവും – 7 25അടിപൊളി 

 

ഇന്നലെ ഇവിടെ നടന്നത് വെറും ഒരു സാധാരണ പാർട്ടിയല്ല എന്ന് എൻ്റെ മനസ്സ് മന്ത്രിച്ചു കൊണ്ടിരുന്നു.

 

. ഈ ബെഡ് ഷീറ്റിൽ പടർന്നു കിടക്കുന്ന ഈ ഗന്ധങ്ങൾ ആരുടേതാണ്? എൻ്റെ മനസ്സാകെ പുകയുകയായിരുന്നു. രാത്രിയുടെ മറവിൽ ഇവിടെ എന്തൊക്കെയാണ് നടന്നത്?

ഞാൻ ആ ബെഡ് ഷീറ്റ് വീണ്ടും മെഷീനിലേക്ക് തന്നെ ഇട്ടു. കുളിക്കാൻ കയറിയെങ്കിലും വെള്ളം ദേഹത്ത് വീഴുമ്പോൾ എനിക്ക് യാതൊരു തണുപ്പും തോന്നിയില്ല. എൻ്റെ ഉള്ളിലെ ചിന്തകൾ അത്രമേൽ ചൂടുള്ളതായിരുന്നു.

 

അച്ചുവിനെ ഞാൻ അത്രമാത്രം വിശ്വസിച്ചിരുന്നു. പക്ഷേ, ഈ കണ്ട തെളിവുകൾ എന്നെ വല്ലാതെ ഭയപ്പെടുത്തി.

 

പാലക്കാട് നിന്നും വേണിയുടെ ആ സ്നേഹം അനുഭവിച്ചു വന്ന എനിക്ക്, സ്വന്തം വീട്ടിലെ ഈ ദുരൂഹതകൾ സഹിക്കാവുന്നതിലും അപ്പുറമായിരുന്നു. അച്ചു തിരികെ വരുന്ന നിമിഷത്തിനായി ഞാൻ കാത്തിരുന്നു. സത്യങ്ങൾ ഓരോന്നായി പുറത്തു കൊണ്ടുവരണമെന്ന് ഞാൻ ഉറപ്പിച്ചു. ഓരോ നിമിഷവും എൻ്റെ ഉള്ളിലെ സംശയം ഒരു വലിയ ഭാരമായി വളരുകയായിരുന്നു.

 

 

 

.കുളി കഴിഞ്ഞ് പുറത്തിറങ്ങിയപ്പോൾ മനസ്സാകെ ഒരു ഭാരമായിരുന്നു. കണ്ണാടിക്ക് മുന്നിൽ നിന്ന് മുടിയും താടിയും ഒതുക്കുമ്പോഴും ആ മെഷീനിൽ കണ്ട കാഴ്ചകൾ മനസ്സിൽ നിന്ന് മായുന്നില്ല.

 

അച്ചുവിനെക്കുറിച്ച് മോശമായി ചിന്തിക്കാൻ എനിക്ക് വയ്യായിരുന്നു, പക്ഷേ തെളിവുകൾ ഓരോന്നായി എന്റെ മുന്നിൽ വന്നു വീഴുകയാണ്. ഈറൻ മാറിയ ശേഷം കയ്യിലിരുന്ന ടവൽ ഞാൻ ബെഡിലേക്ക് ഒരേറ് കൊടുത്തു. പക്ഷേ അത് ബെഡിൽ തങ്ങിനിൽക്കാതെ തെന്നി താഴേക്ക് വീണു.

 

തറയിൽ മുട്ടുകുത്തി ഇരുന്ന് ടവൽ എടുക്കാൻ കുനിഞ്ഞപ്പോഴാണ് കട്ടിലിന് അടിയിൽ ഒരു കറുത്ത തുണി കിടക്കുന്നത് കണ്ടത്. സംശയത്തോടെ ഞാനത് കയ്യിലെടുത്തു. വിടർത്തി നോക്കിയപ്പോൾ എന്റെ ഉള്ളൊന്ന് കാളി. അതൊരു പുരുഷന്റെ അടിവസ്ത്രമാണ്!

 

പലവട്ടം ഞാൻ അത് തിരിച്ചു തിരിച്ചും നോക്കി. ഉറപ്പാണ്, ഇത് എന്റേതല്ല. എന്റെ ഓരോ വസ്ത്രത്തെക്കുറിച്ചും എനിക്ക് വ്യക്തമായ ബോധ്യമുണ്ട്. അപ്പോൾ ഇത് ആരുടേതാണ്?

 

ഇന്നലെ രാത്രി ഇവിടെ നടന്ന ആ പാർട്ടിക്കിടയിൽ അച്ചുവിന്റെ മുറിയിൽ കയറാൻ മാത്രം സ്വാതന്ത്ര്യമുള്ള ആ പുരുഷൻ ആരാണ്? സ്വന്തം കിടപ്പുമുറിയിൽ ഇത്തരം ഒരു കാഴ്ച കാണുന്നത് എന്നെ വല്ലാതെ തളർത്തിക്കളഞ്ഞു. നെഞ്ചിലൊരു കനത്ത ആഘാതം ഏറ്റതുപോലെ എനിക്ക് തോന്നി.

 

കണ്ണുകൾ നിറഞ്ഞു വന്നു, പക്ഷേ കരയുന്നതിനേക്കാൾ ഇപ്പോൾ വേണ്ടത് സത്യം പുറത്തുകൊണ്ടുവരികയാണെന്ന് എന്റെ ഉള്ളിലെ വാശി മന്ത്രിച്ചു.

 

“ഇനിയും നിന്റെ കള്ളക്കളി കണ്ടില്ലെന്ന് വെക്കാൻ എനിക്ക് കഴിയില്ല അച്ചു…”

 

ഞാൻ പല്ലിറുമ്മിക്കൊണ്ട് സ്വയം പറഞ്ഞു.

Uk യിൽ നിന്ന് വരുമ്പോൾ തന്നെ അച്ചുവിന്റെ മാറ്റങ്ങളിൽ ചില സംശയങ്ങൾ എനിക്കുണ്ടായിരുന്നു. ഇനിയത് ഉറപ്പിക്കണമെങ്കിൽ ടോണിയുടെ വഴിയേ സഞ്ചരിച്ചേ മതിയാവു…

 

ഇന്നുവരെ അത് ഉപയോഗിക്കേണ്ടി വരുമെന്ന് ഞാൻ കരുതിയിരുന്നില്ല. ഞാൻ പെട്ടെന്ന് ആ ബോക്സ് എടുത്തു. ചെറിയ ബട്ടണുകളുടെ വലിപ്പമുള്ള മൂന്ന് വൈഫൈ ക്യാമറകൾ.

 

എനിക്ക് ഇതിന്റെ സാങ്കേതിക വശങ്ങൾ അത്ര വശമില്ലാത്തതുകൊണ്ട് ഞാൻ ഉടനെ ടോണിയെ വിളിച്ചു.

 

 

 

“എടാ ടോണി… നീ ഒന്ന് സഹായിക്കണം. നീതന്ന ക്യാമറകളില്ലേ.., ഇതൊന്ന് ഫോണിൽ കണക്ട് ചെയ്യാൻ എന്താ വഴി?” ഞാൻ ശബ്ദം താഴ്ത്തി ചോദിച്ചു.

 

 

 

“എന്താടാ ഹരി, പെട്ടെന്ന് ? എന്താ പരിപാടി?”

 

ടോണി അപ്പുറത്ത് ചിരിച്ചുകൊണ്ട് ചോദിച്ചു.

 

“ഒന്നുമില്ലെടാ… വീട്ടിൽ വെക്കാൻ വേണ്ടിയാ. നീ അതൊന്ന് പറഞ്ഞു താ,”

 

അവിഹിതം പിടിക്കാനാണെന്ന സത്യം ഞാൻ അവനോട് പറഞ്ഞില്ല.

ടോണി ഓരോന്നായി പറഞ്ഞു തന്നു. ലാപ്ടോപ്പും മൊബൈലും ഉപയോഗിച്ച് ഞാൻ ആ ക്യാമറകൾ ഫ്ലാറ്റിലെ വൈഫൈയുമായി ബന്ധിപ്പിച്ചു. തുടർന്ന് അതീവ ജാഗ്രതയോടെ ഞാൻ അത് സെറ്റ് ചെയ്യാൻ തുടങ്ങി. ബെഡ്റൂമിലെ ഒരു മൂലയിൽ കണ്ണാടിക്ക് അരികിലായി ഒരെണ്ണം ഒളിപ്പിച്ചു. ഹാളിന്റെ ഒരു വശത്ത് സെറ്റിയുടെ നേരെയായി മറ്റൊന്ന്. പിന്നെ അടുക്കളയിലേക്കും കണ്ണെത്തുന്ന രീതിയിൽ മൂന്നാമത്തേതും.