അച്ചു സൽമാന്റെ നെഞ്ചിൽ കൈവെച്ച് പിന്നിലേക്ക് ആഞ്ഞു വീഴുമ്പോൾ സിദ്ധാർത്ഥ് അവളെ താങ്ങിപ്പിടിച്ചു. അവർ മൂവരും ചേർന്നുള്ള ആ ചലനങ്ങൾ കൃത്യമായ ഒരു താളത്തിലായിരുന്നു.
അച്ചുവിന്റെ ആവേശം ഓരോ നിമിഷവും കൂടിക്കൂടി വന്നു. അവൾ സൽമാന്റെ കഴുത്തിൽ കൈകൾ ചുറ്റിപ്പിടിച്ച് വായുവിൽ ഉയർന്നു നിൽക്കുമ്പോൾ സിദ്ധാർത്ഥ് അവളുടെ കാലുകൾ പിടിച്ചുയർത്തി. സ്റ്റേജിലെ പുകപടലങ്ങൾക്കിടയിൽ ആ മൂന്ന് ശരീരങ്ങളും ഒന്നായി ഇഴചേരുന്നത് പോലെ തോന്നി.
പാട്ടിന്റെ ക്ലൈമാക്സ് എത്തിയപ്പോൾ സൽമാനും സിദ്ധാർത്ഥും അച്ചുവിനെ തങ്ങളുടെ തോളുകളിലേക്ക് എടുത്ത് വെച്ചു. അച്ചു രണ്ടുപേരുടെയും തലകളിൽ പിടിച്ചു കൊണ്ട് തന്റെ ശരീരം മുന്നിലേക്ക് ആഞ്ഞു വളച്ചു. ലൈറ്റുകൾ മിന്നിത്തിളങ്ങു കയും സ്റ്റേജിൽ പൂത്തിരികൾ കത്തുകയും ചെയ്തപ്പോൾ ആ പ്രകടനം അതിന്റെ പാരമ്യതയിൽ അവസാനിച്ചു.
മിനിറ്റുകളോളം നീണ്ടുനിന്ന കയ്യടികൾക്കിടയിൽ അച്ചുവും സൽമാനും സിദ്ധാർത്ഥും വിയർത്തു കുളിച്ച് കിതച്ചുകൊണ്ട് കാണികളെ അഭിവാദ്യം ചെയ്തു. അച്ചുവിന്റെ വേഷം വിയർപ്പിൽ ഒട്ടിപ്പിടിച്ചിരുന്നു. അവളുടെ മുടിയിഴകൾ മുഖത്തോട് ചേർന്ന് കിടന്നു. സ്റ്റേജിൽ നിന്നും അവർ പതുക്കെ ബാക്ക് സ്റ്റേജിലേക്ക് മറഞ്ഞു. ആയിരക്കണക്കിന് ആളുകൾക്ക് അതൊരു വിരുന്നായിരുന്നുവെങ്കിലും, എന്റെ ഉള്ളിൽ അച്ചുവിനെക്കുറിച്ച് വല്ലാത്തൊരു ആശങ്ക പടർന്നു.
ആ പ്രകടനം കഴിഞ്ഞപ്പോൾ അവൾ എന്റെ അച്ചുവല്ല, മറിച്ച് ഏതോ മറ്റൊരു ലോകത്തെ പെണ്ണാണെന്ന് എനിക്ക് തോന്നിപ്പോയി. ശ്വാസം മുട്ടിക്കുന്ന ആ രാത്രിയുടെ ഭാരം പേറി ഞാൻ എന്റെ സീറ്റിൽ തളർന്നിരുന്നു. പരിപാടികൾ അവസാനിക്കുകയാണ്, പക്ഷേ എന്റെയുള്ളിൽ പുതിയൊരു കൊടുങ്കാറ്റ് തുടങ്ങുകയായിരുന്നു.
പ്രോഗ്രാം കഴിഞ്ഞ് ഏകദേശം ഒരു മണിക്കൂറിന് ശേഷമാണ് അച്ചു തിരികെ വന്നത്. സ്റ്റേജിലെ ആ വന്യമായ വേഷമെല്ലാം മാറി, ഇളം നിറത്തിലുള്ള ഒരു കുർത്തിയും പാന്റും ധരിച്ച് അവൾ ഫ്രഷ് ആയിരിക്കുന്നു. അവളുടെ മുഖത്ത് വലിയൊരു ഭാരം ഇറക്കിവെച്ച ആശ്വാസമായിരുന്നു.
“ഹരി… നമുക്ക് പോകാമല്ലേ?”
അവൾ ക്ഷീണിച്ച സ്വരത്തിൽ ചോദിച്ചു.
“മ്… പോകാം,”
ഞാൻ ചുരുക്കത്തിൽ മറുപടി നൽകി. ഉള്ളിൽ വല്ലാത്തൊരു അകലം എനിക്ക് അനുഭവപ്പെടുന്നുണ്ടായിരുന്നു. സൽമാന്റെയും സിദ്ധാർത്ഥിന്റെയും കൈകൾ അവളുടെ ദേഹത്ത് പടർന്നത് ഇപ്പൊഴും എന്റെ കണ്ണിൽ നിന്ന് മായുന്നില്ല. പക്ഷേ, ഇപ്പോൾ ഒന്നും പറയേണ്ട എന്ന് ഞാൻ തീരുമാനിച്ചു.
ക്യാബിൽ ഇരിക്കുമ്പോഴും ഞങ്ങൾക്കിടയിൽ വലിയ സംസാരമൊന്നുമുണ്ടായില്ല. അവൾ ക്ഷീണം കാരണം എന്റെ തോളിലേക്ക് തല ചായ്ച്ചു.
പഴയതാണെങ്കിൽ ആ സ്പർശനം എനിക്ക് വലിയ ലഹരിയായേനെ, പക്ഷേ ഇന്ന് ആ തോളിൽ അവളുടെ തല ഇരിക്കുന്നത് എനിക്ക് വല്ലാത്തൊരു അസ്വസ്ഥതയാണ് നൽകിയത്.
ഫ്ലാറ്റിലെത്തി രാത്രി ഭക്ഷണം കഴിഞ്ഞ് ഞാൻ ബാൽക്കണിയിലേക്ക് ഇറങ്ങി. ഇരുട്ടിൽ ദൂരെയുള്ള നഗരവിളക്കുകളിലേക്ക് നോക്കി ഞാൻ വിഷാദത്തോടെ നിന്നു. കുറച്ചു കഴിഞ്ഞ് അച്ചു അങ്ങോട്ടേക്ക് വന്നു. അവൾ എന്റെ പിന്നിലൂടെ വന്ന് എന്നെ കെട്ടിപ്പിടിച്ചു.
“നീ ഇപ്പോഴും ആ ഡാൻസിന്റെ മൂഡിലാണോ ഹരി?” അവൾ പതുക്കെ ചോദിച്ചു. ”
നിന്റെ മുഖം കണ്ടാലറിയാം നിനക്ക് എന്തോ വിഷമമുണ്ടെന്ന്. ഞാൻ അന്നേ പറഞ്ഞതല്ലേ ഇത് ഇങ്ങനെയൊരു ഡാൻസ് ആണെന്ന്. അതൊരു പ്രൊഫഷന്റെ ഭാഗമായി കണ്ടാൽ മതി. കൂടുതലൊന്നും മനസ്സിൽ വെക്കണ്ട.”
ഞാൻ ഒന്നും മിണ്ടിയില്ല. അവൾ എന്റെ മുന്നിലേക്ക് വന്നു നിന്ന് എന്റെ കണ്ണുകളിലേക്ക് നോക്കി.
“ഹരി… എനിക്ക് നിന്നോടുള്ളതുപോലൊരു വികാരം എനിക്ക് മറ്റാരിലും തോന്നില്ല. സൽമാനും സിദ്ധാർത്ഥും ഒക്കെ എന്റെ വെറും കൊളീഗ്സ് മാത്രമാണ്. ആ സ്റ്റേജിൽ കണ്ടത് വെറും അഭിനയം മാത്രമായിരുന്നു. നിന്നെ ഞാൻ എത്രത്തോളം സ്നേഹിക്കുന്നുണ്ടെന്ന് നിനക്കറിയില്ലേ?”
Waiting for the next…