” എനിക്ക് ബിയർ പറ്റില്ലെടോ ഹോട്ടാണ് കഴിക്കാറ് , സ്നേഹ തിരിച്ച അവൾ ബിയർ മാത്രേ കഴിക്കു , ഇതവളുടെ ബിയർ ആണ് ”
” അയ്യോ ആള് വരുമ്പോ പ്രശ്നാവുമോ ”
” ഹേയ് ആള് ചില്ലാണ് , എൻ്റെ മുത്ത് മണിയ ”
അവൾ മെല്ലെ ഗ്ലാസ് മുട്ടിച്ച് ഒറ്റ വലിക്ക് കുടിച്ചു തീർത്തു. അവനും ഒരു സിപ്പ് എടുത്തു.
” അവൾ എനിക്കെൻ്റെ എല്ലാമാണ് , നാലഞ്ചു വർഷമായി ഞങ്ങൾ ഒന്നിച്ചാണ് , ഒരു പക്ഷെ അവളില്ലാതിരുന്നേൽ താനെന്നെ കണ്ടിട്ടുണ്ടാവില്ല എന്നേ മരിച്ചു മണ്ണടിഞ്ഞിട്ടുണ്ടാവുമായിരുന്നു , അവളാ എന്നെ പിടിച്ചു നിർത്തിയത്. പാവം ഒരുപാട് കഷ്ടപ്പെട്ടു , ”
അവളുടെ ഒരു ദീർഘ നിശ്വാസമെടുത്തു.അവൾ ഒരു പെഗു കൂടി ഒഴിച്ചു . ആര്യ നീറുന്ന ഒരു അഗ്നിപർവ്വതമാണെന്ന് അവന് ളനസ്സിലായി. അവൾ അവനോട് മനസ്സു തുറക്കുകയായിരുന്നു. തൻ്റെ മനസ്സ് മുഴുവനും അവന് മുന്നിൽ തുറന്നു കാട്ടാൻ തന്നെ അവൾ തീരുമാനിച്ചിരുന്നപോലെ ഓരോന്നായി അവനോട് പറഞ്ഞു.സന്തോഷത്തോടെ ഫാമിലിയുടെ വീട്ടിൽ ജീവിച്ചത് തൻ്റെ പഠനകാലം എല്ലാം അവൾ ഓരോന്നായി വിവരിച്ചു.
” എല്ലാം ആ നശിച്ച പെണ്ണുകാണലില അവസാനിച്ചെ എൻ്റെ ജീവിതം തകർന്നത് അവിടെ നിന്ന, അത്രയും കാലം ഞാനായിരുന്നെടൊ ഈ ലോകത്തിലെ സന്തോഷവതി വീട്ടിലെ പൊന്നോമന കോളേജിലെ ടീച്ചേർസിൻ്റെ ഫേവറൈറ്റ് കൂട്ടുകാരുടെ പ്രീയപ്പെട്ടവൾ , കോളേജ് കഴിഞ്ഞ് അടുത്തുള്ള ഒരു ഹോസ്പിറ്റലിൽ ഡോക്ടറായി ജോലി നോക്കുമ്പോഴാ ,
അച്ഛൻ്റെ സുഹൃത്ത് വഴി അമേരിക്കക്കാരൻ ഒരു ഡോക്ടറുടെ ഒരു ആലോചന വരുന്നത്, എനിക്ക് നാട് വിട്ടു പോകാൻ ആഗ്രഹമില്ലാതിരുന്നതുകൊണ്ട് വേണ്ടാന്ന് പറഞ്ഞത പക്ഷെ അമേരിക്ക എൻ്റെ ഫ്യൂച്ചർ നല്ല പയ്യൻ അങ്ങിനൊക്കെ അച്ഛൻ്റെ നിർബന്ധത്തിന് സമ്മതിച്ചു. ”
അവൾ ഒഴിച്ചു വെച്ച അടുത്ത ഗ്ലാസും കാലിയാക്കി , തൻ്റെ ബിയർ കഴിക്കുന്നതിനിടയിൽ അവൻ ശ്രദ്ധാപൂർവ്വം അവളെ കേട്ടിരുന്നു.
” പ്രദീഷ് അതാ എന്നെ കെട്ടിയവൻ്റെ പേര് , ആള് ശെരിക്കും ഒരു ജൻ്റിൽ മാൻ തന്നെയ , എന്നെ പെണ്ണുകാണാൻ വന്നതിൻ്റെ അന്ന് ഞങ്ങൾ സംസാരിച്ചിരുന്നു , അന്ന് അവൻ കുറച്ച് കാര്യങ്ങൾ പറഞ്ഞു. ആൾക്കൊരു റിലേഷനൊക്കെ ഇണ്ടായിരുന്നു പക്ഷെ പുള്ളിക്കാരത്തിയുടെ വീട്ടുകാർക്ക് ഒരു റിലേറ്റിവിനെക്കൊണ്ട് കെട്ടിക്കണം അങ്ങിനെ ബ്രേക്കപ്പായി പുള്ളിക്കാരി വേറെ കെട്ടേം ചെയ്തു. ആള് ഓപ്പണായതുകൊണ്ടല്ലെ ഇതൊക്കെ പറഞ്ഞത് ഞാൻ വീണു എന്നോട് എല്ലാം കഴിഞ്ഞപോലാണ് സംസാരിച്ചത്.
ഞാൻ ഓക്കെ പറഞ്ഞു ആറു മാസം ഞങ്ങൾ സംസാരിച്ചു അടുത്തു ഇഷ്ടപ്പെട്ടു കല്ല്യാണം കഴിച്ചു. കല്ല്യാണത്തിൻ്റന്ന് ആദ്യരാത്രി റൂമില് ഞാനവനെ ഒന്നു കെട്ടിപ്പിടിച്ചു. അത്രക്ക് ആശിച്ച് മോഹിച്ച് കെട്ടിയതല്ലെ പക്ഷെ അവൻ ഒഴിഞ്ഞു മാറി. നല്ല ക്ഷീണമൊക്കെ അല്ലേ എന്നുകരുതി ഞാനും അത് കളഞ്ഞു.
ദിവസങ്ങൾ പലതു കടന്നു പോയ് പുറത്ത് ആളൊരു പെർഫെക്റ്റ് , ഭർത്താവിൻ്റെ കടമകളൊക്കെ ചെയ്ത് നാട്ടുകാർക്കും വീട്ടുകാർക്കുമൊക്കെ ഉത്തമനായി നടന്നു. പക്ഷെ ഞങ്ങൾക്കിടയിൽ മാത്രം ഒന്നും നടന്നില്ല, ഞാനും ഒരു പെണ്ണല്ലേടൊ വികാരങ്ങളൊക്കെ ഇണ്ടാവില്ലെ പലവട്ടം നാണംകെട്ട് അവനെ മുട്ടി ഉരുമ്മിയിട്ടും അവനൊരു കുലുക്കവും ഉണ്ടായില്ല,
ഒരു മാസം കഴിഞ്ഞു കാണും എവിടുന്നൊ മൂക്കുമുട്ടെ കുടിച്ച് ലക്കു കെട്ട് കയറി വന്നതിൻ്റന്ന് ഞാൻ ആശിച്ച് മോഹിച്ച എൻ്റെ ആദ്യരാത്രി മുഴു മദ്ധ്യലഹരിയിൽ ബോധമില്ലാതെ നടന്നു. പക്ഷെ അപ്പോഴും എനിക്ക് പരിഭവമുണ്ടായിരുന്നില്ല ഒരു തേപ്പ് കിട്ടിയതാണെന്നുള്ള സിമ്പതി കാരണം ഞാൻ അഡ്ജസ്റ്റ് ചെയ്തു.
അവൻ എന്നെ ചെയ്യുമ്പോഴും വിളിച്ചിരുന്നത് മൊത്തം ആരതി…. അവൻ്റെ പഴയ കാമുകിയെ ആയിരുന്നു. ഏതെങ്കിലും ഭാര്യമാര് സഹിക്കുമോ എന്നിട്ടും ഞാനവനെ ഉള്ളുകൊണ്ട് സ്നേഹിച്ചു എന്നെങ്കിലും അവൻ അവളെ സ്നേഹിക്കും പോലെ എന്നെയും സ്നേഹിക്കുമെന്ന് കരുതി, പക്ഷെ അതുണ്ടായില്ല ഒരു വർഷത്തിനിടയിൽ ഒന്നോ രണ്ടോ തവണ മദ്ധ്യലഹരിയിൽ അവനെന്നെ സ്നേഹിച്ചു ബെഡിൽ. എന്നിട്ടും അവനെ വിട്ടുകളയാൻ ഞാൻ തയ്യാറായിരുന്നില്ല. ”