ഞാൻ : അത് തന്റെ അമ്മ പറഞ്ഞല്ലോ
വീണ : തട്ടുകടയെങ്കിൽ തട്ടുകട താൻ വാ
വണ്ടിയിൽ കയറി സ്റ്റാർട്ട് ചെയ്ത്
വീണ : വന്നില്ലേ?
അവളുടെ പുറകിൽ കേറാൻ പോവുന്നേരം
വീണ : തനിക്ക് വണ്ടിയില്ലേ?
ഞാൻ : എനിക്കേത് വണ്ടി?
വീണ : എന്റെ വണ്ടിയിൽ കൊണ്ടുപോവാനോ ആരെങ്കിലും കാണും
ഞാൻ : ഹമ്…എന്നാ താൻ പൊക്കോ ഞാൻ നടന്നു വന്നോളാം
വീണ : ഡോ.. ശോ ആരെങ്കിലും കണ്ടാൽ
ഞാൻ : താൻ പൊക്കോടോ ഞാൻ നടന്നോളാം
മുന്നിലേക്ക് നടന്ന എന്റെ അടുത്ത് വണ്ടി നിറുത്തി
വീണ : വാ.. വന്ന് കേറാൻ നോക്ക്
ഞാൻ : അപ്പൊ ആരെങ്കിലും കാണില്ലേ?
വീണ : വേഗം കേറടോ
ചിരിച്ചു കൊണ്ട് പുറകിൽ കേറിയതും വണ്ടി വലതു വശത്തേക്ക് ചരിഞ്ഞു വണ്ടിയുടെ സൈഡിൽ പിടിച്ച് പുറകിൽ നിന്നും കാല് താഴെകുത്തി
ഞാൻ : താഴെയിടോ?
വണ്ടി നേരെയാക്കി
വീണ : തനിക്കെന്തൊരു വെയിറ്റാ
ഞാൻ : പിന്നെ ഉണ്ടയാണ് കാല് നിലത്തെത്തണില്ല എന്നിട്ട് എനിക്ക് വെയിറ്റാണെന്ന്
വണ്ടി മുന്നോട്ടെടുത്
വീണ : ആവിശ്യത്തിനൊക്കെ എത്തുന്നുണ്ട് അതുമതിയട്ടോ കളിയാക്കണ്ട
ഞാൻ : ഹ ഹ ഹ അപ്പോഴേക്കും പിണങ്ങിയാ ഞാൻ ചുമ്മാ പറഞ്ഞതാ
വീണ : മം..
ഞാൻ : തന്റെ ക്ലാസ്സ് തുടങ്ങിയോ?
വീണ : ആ.. തന്റെയോ?
ഞാൻ : തുടങ്ങി.. അല്ല എനിക്ക് ചെലവ് തരാൻ വേണ്ടിയാണോ ഇത്രയും ദൂരം വന്നത്
വീണ : പിന്നേ എനിക്ക് വേറെ പണിയില്ല ഈ വഴി വന്നത് കൊണ്ട് കേറിയെന്ന് മാത്രം
ഞാൻ : ഹമ്..
അസ്തമന സൂര്യന്റെ വെളിച്ചത്തിൽ ഒരു ഗ്യാപ്പിട്ടിരുന്ന് അവളുടെ പുറംമോഡി ഞാൻ ആസ്വദിച്ചു, കാറ്റത്ത് പറന്ന് നടന്ന മുടിയിഴകൾ എന്റെ മുഖത്ത് വീണുകൊണ്ടിരുന്നു. പാലം എത്താറായപ്പോൾ
വീണ : അവിടെയാണോ?
ഞാൻ : ആ കുറച്ചൂടെ മുന്നോട്ട്
തട്ടുകടയുടെ എതിർവശം വണ്ടി നിറുത്തി
വീണ : താൻ പോയി മേടിച്ചു കൊണ്ടുവാ
ഞാൻ : അപ്പൊ അങ്ങോട്ട് വരുന്നില്ലേ
വീണ : വേണ്ടടോ നിറയെ ആളുകളല്ലേ താൻ ഇങ്ങോട്ട് കൊണ്ടുവാ
ഞാൻ : മം എന്നാ ശരി എന്താ വേണ്ടത്?
വീണ : താൻ കഴിക്കുന്നത് തന്നെ എടുത്തോ
ഞാൻ : മം
റോഡ് ക്രോസ്സ് ചെയ്ത് കടയിൽ ചെന്ന് കുറച്ചു നേരം നിന്ന് തിരിച്ച് രണ്ട് പ്ലേറ്റുമായി വന്ന് ഒരു പ്ലെയ്റ്റ് അവൾക്ക് കൊടുത്ത്
ഞാൻ : നല്ല ചൂട് ദോശയും സാമ്പാറും ചമ്മന്തിയുമ്മാ
പ്ലെയ്റ്റ് വാങ്ങി വണ്ടിയിൽ ഇരുന്ന് ദോശ കഴിക്കുന്നതിനിടയിൽ
ഞാൻ : എങ്ങനുണ്ട്?
വീണ : മ്മ്.. കൊള്ളാം.. തനിക്കു ദോശയാ കൂടുതൽ ഇഷ്ടം?
ഞാൻ : ഏയ് അങ്ങനെയൊന്നുമില്ല എല്ലാം കഴിക്കും
വീണ : മം.. ഇവിടെ എപ്പോഴും വരാറുണ്ടോ?
ഞാൻ : ഇടക്കൊക്കെ രതീഷിന്റെ കൂടെ അവനാ ഈ കട കാണിച്ചു തന്നത്
വീണ : മം അല്ല അച്ഛൻ വിളിച്ചിരുന്നോ തന്നെ?
ഞാൻ : ഇല്ല എന്തേയ്?
വീണ : ഒന്നുല്ല അന്ന് നമ്പർ മേടിക്കുന്നുണ്ടായിരുന്നല്ലോ അതാ ചോദിച്ചത്
ഞാൻ : മം..ഷോപ്പിൽ ഇപ്പൊ വർക്കൊന്നുമില്ല വരുമ്പോ ഞാൻ വിളിച്ചേക്കാന്ന് പറഞ്ഞേക്ക്
വീണ : ഞാനൊന്നുമില്ല താൻ തന്നെ പറഞ്ഞാൽ മതി, എന്നിട്ട് വേണം ഇനി..
ഞാൻ : എന്താ അച്ഛനെ പേടിയാ?
വീണ : പേടിയൊന്നുമല്ല വെറുതെ എന്തിനാ,ഇനി തന്നെ എപ്പോ കണ്ടനൊക്കെ ചോദിക്കാൻ
ഞാൻ : ഓഹോ ചെലവ് തരാൻ വന്നപ്പോ കണ്ടെന്നു പറയണം
വീണ : പൊക്കോണം അവിടെന്ന്, ദേ ഇത് വേറെയാരോടും പോയി പറഞ്ഞേക്കല്ലേ
ഞാൻ : ഹ ഹ ഹ ഹ ഹമ്..
വീണ : പ്രതേകിച്ചു തന്റെ കൂട്ടുകാരനോടും
ഞാൻ : ഏ.. അതെന്താ ഒരു പ്രതേകിച്ച്
വീണ : ഹമ്.. ഞാൻ ഒരു കാര്യം പറയട്ടെ
ഞാൻ : ആ.. പറയ്
വീണ : നല്ല അസ്സൽ കോഴിയാണ് തന്റെ കൂട്ടുകാരൻ
ഞാൻ : പിന്നെ.. വെറുതെ