വീണ : മ്മ്.. കൊള്ളാം.. തനിക്കു ദോശയാ കൂടുതൽ ഇഷ്ടം?
ഞാൻ : ഏയ്‌ അങ്ങനെയൊന്നുമില്ല എല്ലാം കഴിക്കും
വീണ : മം.. ഇവിടെ എപ്പോഴും വരാറുണ്ടോ?
ഞാൻ : ഇടക്കൊക്കെ രതീഷിന്റെ കൂടെ അവനാ ഈ കട കാണിച്ചു തന്നത്
വീണ : മം അല്ല അച്ഛൻ വിളിച്ചിരുന്നോ തന്നെ?
ഞാൻ : ഇല്ല എന്തേയ്?
വീണ : ഒന്നുല്ല അന്ന് നമ്പർ മേടിക്കുന്നുണ്ടായിരുന്നല്ലോ അതാ ചോദിച്ചത്
ഞാൻ : മം..ഷോപ്പിൽ ഇപ്പൊ വർക്കൊന്നുമില്ല വരുമ്പോ ഞാൻ വിളിച്ചേക്കാന്ന് പറഞ്ഞേക്ക്
വീണ : ഞാനൊന്നുമില്ല താൻ തന്നെ പറഞ്ഞാൽ മതി, എന്നിട്ട് വേണം ഇനി..
ഞാൻ : എന്താ അച്ഛനെ പേടിയാ?
വീണ : പേടിയൊന്നുമല്ല വെറുതെ എന്തിനാ,ഇനി തന്നെ എപ്പോ കണ്ടനൊക്കെ ചോദിക്കാൻ
ഞാൻ : ഓഹോ ചെലവ് തരാൻ വന്നപ്പോ കണ്ടെന്നു പറയണം
വീണ : പൊക്കോണം അവിടെന്ന്, ദേ ഇത് വേറെയാരോടും പോയി പറഞ്ഞേക്കല്ലേ
ഞാൻ : ഹ ഹ ഹ ഹ ഹമ്..
വീണ : പ്രതേകിച്ചു തന്റെ കൂട്ടുകാരനോടും
ഞാൻ : ഏ.. അതെന്താ ഒരു പ്രതേകിച്ച്
വീണ : ഹമ്.. ഞാൻ ഒരു കാര്യം പറയട്ടെ
ഞാൻ : ആ.. പറയ്
വീണ : നല്ല അസ്സൽ കോഴിയാണ് തന്റെ കൂട്ടുകാരൻ
ഞാൻ : പിന്നെ.. വെറുതെ
വീണ : സത്യം…
ഞാൻ : അവനൊരു പാവമാണല്ലോ
വീണ : ഹമ് ഒരു പാവം, താൻ വിശ്വസിക്കേണ്ട അവനുള്ളപ്പോ മനുഷ്യന് വീട്ടിൽ ഒരു സ്ഥലത്തും ഇരിക്കാൻ കഴിയില്ല
ഞാൻ : ഹേയ്..ചുമ്മാ..
വീണ : ആ.. ഞാൻ ആരോടാ ഈ പറയുന്നേ അവന്റെ കൂട്ടുകാരനല്ലേ താനും
ഞാൻ : അതിന്? ഞാനും അങ്ങനെയാ?
വീണ : എന്ന് ഞാൻ പറഞ്ഞില്ലല്ലോ, അങ്ങനെയാണെങ്കിൽ തന്റെ കൂടെ ഞാൻ ഇവിടെ വരോ
ഞാൻ : മം.. അവനെന്ത് ചെയ്തെന്നാ താൻ പറയുന്നേ
വീണ : അതിപ്പോ എവിടെ നിന്നാലും ഇങ്ങനെ നോക്കി നിക്കും
ഞാൻ : അതാണോ അത് പിന്നെ തന്നെ കാണാൻ നല്ല ലുക്കല്ലേ
വീണ : പോടോ
ഞാൻ : അതെന്താ ലുക്കല്ലേ?
വീണ : അതല്ലേ ഒരുമാതിരി നോട്ടവും ദേഹത്തു മുട്ടലും എനിക്കങ്ങോട് ചൊറിഞ്ഞു വരും
‘ ഇതിപ്പോ അവൻ കള്ളം പറയുന്നതാണോ അതോ ഇവള് കള്ളം പറയുന്നതാണോ, ഇവള് ഇതുവരെ മോശമായൊന്നും എന്നോട് പെരുമാറിയട്ടില്ല അവനാവുമ്പോ കുറച്ചു തള്ള് കൂടുതലാ, പക്ഷെ അവൻ വാസന്തിയുടെ കാര്യം പറഞ്ഞത് ശെരിയായിരുന്നു ‘ എന്നൊക്കെ മനസ്സിൽ വന്നുകൊണ്ടിരിന്നു
വീണ : ഡോ.. താനെന്താ സ്വപ്നം കാണുവാണോ?
ഞാൻ : ഏയ്‌ ഇല്ല ഞാൻ അവനെക്കുറിച്ച് ഓർത്തതാ, അങ്ങനെ വരാൻ ഒരു വഴിയുമില്ല
വീണ : ആ.. എന്നാ ഞാൻ കള്ളം പറയുന്നതാ ഹമ്
കാലിയായ പ്ലെയ്റ്റ് വാങ്ങി കടയിലേക്ക് പോയി ഒരു കുപ്പി വെള്ളവും വാങ്ങി വന്ന് അവൾക്ക് കൊടുത്തു, കൈയും വായും കഴുകി തുടച്ച് കൊണ്ട്
വീണ : എത്രയായി?
ഞാൻ : എന്ത്?
വീണ : ക്യാഷ് കൊടുക്കണ്ടേ?
ഞാൻ : അതൊന്നും വേണ്ട താൻ വണ്ടിയെടുക്ക്
വീണ : ഏ.. അതെന്താ?
ഞാൻ : ഞാൻ കൊടുത്ത്
വീണ : എന്തിന് എന്റെ ചെലവല്ലേ താൻ എന്തിനാ കൊടുത്തത് മര്യാദക്ക് ക്യാഷ് മേടിച്ചോ
എന്റെ നേരെ പൈസയും നീട്ടി നിക്കുന്ന അവളോട്‌
ഞാൻ : ഇത് എന്റെ ചെലവാടോ താൻ പൈസ എടുത്ത് വെക്ക്
വീണ : എന്തിന്റെ ചെലവ്?
ഞാൻ : ഞാനൊരു ബൈക്ക് മേടിച്ചു അതിന്റെ
വീണ : ബൈക്കോ എവിടെ ഞാൻ കണ്ടില്ലല്ലോ
ഞാൻ : ഷോപ്പിൽ തന്റെ വണ്ടിയുടെ അടുത്ത് ഒരു ബൈക്ക് നിപ്പുണ്ടായില്ലേ
വീണ : ആ..
ഞാൻ : അത് തന്നെ
വീണ : ഹമ്.. താനപ്പൊ നുണ പറഞ്ഞതാലേ ദുഷ്ട്ടൻ
ഞാൻ : ദുഷ്ട്ടനോ ഞാനോ ഹ ഹ ഹ ഹ പാവം ഞാൻ
വീണ : ഒരു പാവം വന്നിരിക്കണു ആരെയും വിശ്വസിക്കാൻ കൊള്ളില്ല
ഞാൻ : താൻ അടുത്ത തവണ ചെലവ് ചെയ്തോളു പോരെ
വണ്ടി സ്റ്റാർട്ട്‌ ചെയ്ത്
വീണ : ഞാൻ ഇനി ചെയ്യില്ല ഹമ്, താൻ വന്ന് കേറുന്നുണ്ടോ
വണ്ടിയുടെ പുറകിൽ കയറി
ഞാൻ : വഴക്കാണോ?
ഒന്നും മിണ്ടാതെ അവൾ വണ്ടി മുന്നോട്ടെടുത്തു
ഞാൻ : ഡോ.. എന്തെങ്കിലും ഒന്ന് പറയടോ
മൈൻഡ് ഇല്ലാതെ അവൾ വണ്ടിയുടെ സ്പീഡ് കൂട്ടി സ്ട്രീറ്റ് ലൈറ്റ് തെളിയാത്ത വഴിയിലെ ഒരു ഗട്ടറിൽ വണ്ടി കേറിയിറങ്ങി ബാലൻസ് പോയ ഞാൻ അവളുടെ അടുത്തേക്ക് നീങ്ങി ചെന്ന് അരയിൽ വട്ടം പിടിച്ച് മുതുകിൽ ചാരി, അപ്രതീക്ഷിതമായ കൈകളുടെ ആലിംഗനത്തിൽ അവൾ വണ്ടി നിറുത്തി തിരിഞ്ഞു നോക്കി വേഗം കൈകൾ എടുത്ത് പുറകിലേക്ക് നീങ്ങി
ഞാൻ : സോറിയടോ പെട്ടെന്ന് വീഴാൻ പോയപ്പോ അറിയാതെ പിടിച്ചതാ സോറി..
എന്റെ വെപ്രാളവും പേടിയും കണ്ട് മുഖം വീർപ്പിച്ചിരുന്ന അവൾ പൊട്ടി ചിരിച്ചു. പെട്ടെന്നുള്ള അവളുടെ ചിരിയിൽ
ഞാൻ : താനെന്തിനാ ഇങ്ങനെ ചിരിക്കുന്നേ?
ചിരിയടക്കി
വീണ : ഏയ്‌.. ഒന്നുല്ല
വണ്ടി മുന്നോട്ടെടുത്തു
ഞാൻ : തനിക്ക് വട്ട് വല്ലതും ഉണ്ടോ?
വീണ : ആ.. കുറച്ച്
ഞാൻ : ആ..കണ്ടപ്പോ തോന്നി
വീണ : പോടാ…
ഞാൻ : പോടാന്നോ
വീണ : അതെ, പോടാ പ്രാന്താ..
ഞാൻ : ഹമ്.. ഇത് വട്ട് തന്നെ
ഷോപ്പിന് മുന്നിൽ വണ്ടി നിറുത്തി
വീണ : ഇറങ്ങിക്കോ
വണ്ടിയിൽ നിന്നും ഇറങ്ങി
ഞാൻ : എന്നോട് വഴക്കൊന്നുമില്ലല്ലോ?
വീണ : എന്തിന്? വഴക്കിടാൻ താൻ എന്റെ ആരാ?
ഞാൻ : മം.. എന്നാ ശരി
ഞാൻ ഷോപ്പിലേക്ക് നടന്നു
വീണ : ഡോ
തിരിഞ്ഞു നോക്കിയ എന്നോട്
വീണ : പോടാ പ്രാന്താ…
എന്നും പറഞ്ഞ് ചിരിച്ചു കൊണ്ട് വണ്ടിയും ഓടിച്ച് പോയി. ഒന്നും മനസ്സിലാവാതെ ഷോപ്പിലേക്ക് കയറി വന്ന എന്നോട് ബില്ലിംഗ് കൗണ്ടറിൽ ഇരിക്കുന്ന
റസിയ : ആരാ അത് ലൈനാ..?
ഞാൻ : തനിക്ക് ഇതു തന്നെ ചോദിക്കാനുള്ളോ
കുറച്ചു പരുഷമായ എന്റെ മറുപടിയിൽ ഒന്നും മിണ്ടാതെ അവൾ ഇരുന്നു. ഓഫീസ് റൂമിൽ കയറി ദിവാൻ കോട്ടിൽ കിടന്ന് ഫോൺ എടുത്ത് ഫേസ്ബുക്കിൽ കയറി , ഒരു മെസ്സേജ് വന്നിരിക്കുന്നത് കണ്ട് അത് തുറന്നു മയൂഷയുടെ ‘ ഹായ് ‘ എന്നുള്ള റിപ്ലേ കണ്ട് ഒരു സന്തോഷം തോന്നി വേഗം വീണ്ടും ഒരു ‘ ഹായ് ‘ കൊടുത്തു പെട്ടെന്ന് തന്നെ ഓൺലൈനിൽ ഉണ്ടായിരുന്ന മയൂഷയുടെ റിപ്ലേ വന്നു
മയൂഷ : ഹായ്..
ഞാൻ : മഞ്ജുവിന്റെ അമ്മായിയല്ലേ?
മയൂഷ : അതേ
ഞാൻ : എന്നെ മനസ്സിലായോ?
മയൂഷ : ഇല്ലാ ആരാ?
ഞാൻ : ഏ.. മഞ്ജു പറഞ്ഞില്ലേ?
മയൂഷ : എന്ത്?
ഞാൻ : മഞ്ജുവിന്റെ കൂടെ പഠിക്കുന്ന ഫ്രണ്ട്
