“ഉം…. മുപ്പതു കഴിഞ്ഞവർ പെട്ടെന്ന് സ്വന്തം ശരീരം സൂക്ഷിക്കാൻ തുടങ്ങിയാൽ ഒന്നുകിൽ അസുഖം, അല്ലെങ്കിൽ അവിഹിതം…. അതാണ് ലോക നിയമം….” സിനി കള്ളച്ചിരിയോടെ പറഞ്ഞു..
“ഹ ഹ.. ഭയങ്കരം തന്നേ!!……” സീത ചിരിച്ചു….
“ഉം.. അത് പോട്ടെ…. ജ്യോതി എന്തു പറയുന്നു.. പ്രൊപ്പോസൽ ഒന്നും നോക്കുന്നില്ലേ??….” സിനി ചോദിച്ചു…
“തിരിച്ചു ഹോസ്റ്റലിൽ പോയി.. പെണ്ണിനിപ്പോ കല്യാണം വേണ്ടെന്നാ.. ജോലീ കിട്ടീട്ടേ കെട്ടുന്നുള്ളത്രേ……..” സീത പറഞ്ഞു….
“ഉം…. ആ പറഞ്ഞേലും കാര്യമുണ്ടെടീ…. എങ്കിലേ ഇന്നത്തെ കാലത്ത് പെണ്ണിനൊരു വിലയുള്ളൂ.. ” സിനി സമ്മതിച്ചു…
“അത് തന്നെയാ ഏട്ടനും പറയുന്നെ…….. ഇന്നർ വെയർ വാങ്ങാൻ കെട്ട്യോനോട് കെഞ്ചണ്ട ഗതികേടാവും നിനക്കെന്നവളോടു പറഞ്ഞു.. ഏട്ടന്റെ സപ്പോർട്ടും കൂടിയായപ്പോ പിന്നെ പെണ്ണ് അതങ്ങ് ഉറപ്പിച്ചിരിക്കുവാ…. “
“ഹ ഹ ഹ.. അത് കൊള്ളാം…. വിനോദ് ഇപ്പഴും മൂന്നാർ യാത്രയുണ്ടോ?…” സിനി ചോദിച്ചു….
“മഴ കാരണം നിർത്തി വെച്ചിരിക്കുവാ….. റിസ്ക് ആണത്രെ…. ഇനി ഓഗസ്റ്റ് ആദ്യമേ പോകുന്നുള്ളൂന്നാ പറഞ്ഞേ….”
“മംഗലാപുരം പ്രോജക്റ്റോ??…. അതെന്നാ ലോഞ്ച്??….”
“സെപ്റ്റംബർ അല്ലെങ്കിൽ ഒക്ടോബർ…. “ സീത പറഞ്ഞു….
“ഉം.. അത് കഴിഞ്ഞിട്ട് വേണം അങ്ങോട്ട് ഒരു ട്രിപ്പ് പോകാൻ…. ഞാനിതുവരെ അവിടെ സ്റ്റേ ചെയ്തിട്ടില്ല….” സിനി അതും പറഞ്ഞ് എഴുന്നേറ്റു…
തിരികെ റൂമിലേക്ക് കയറുമ്പോൾ സീതയുടെ നെഞ്ചിൽ ഒരു തണുപ്പ് പോലെ തോന്നിച്ചു.. മംഗലാപുരം പ്രൊജക്റ്റിന്റെ ലോഞ്ച്.. സെപ്റ്റംബർ അല്ലെങ്കിൽ ഒക്ടോബർ.. അന്നാണ് ഇനി ഹരിയുമായി കാണാൻ അവൾ തീരുമാണിച്ചിരിക്കുന്നത്..
അവൾ ഫോണിൽ വാട്സാപ് എടുത്തു നോക്കി… പതിവ് ഗുഡ് മോണിങ്ങിനും, ലവ് യൂ, ഉമ്മയ്ക്കും ഒപ്പം ഇന്നും ചോദിച്ചിട്ടുണ്ട് എപ്പോഴാ ഇനി ഒന്നു കാണുക എന്ന്….
ചെക്കൻ എന്നും കരച്ചിലാണ്… ഒന്നിവിടം വരെ വന്നൂടെ??.. അല്ലെങ്കിൽ ഞാൻ അങ്ങോട്ടൊന്നു വന്നോട്ടേ എന്നൊക്കെ ചോദിച്ച്.. കുറ്റം പറയാൻ പറ്റില്ല…. കന്നിനെ കയം കാണിച്ചിട്ടു കരയ്ക്ക് പിടിച്ചു കെട്ടിയിട്ടാൽ അത് നിൽക്കുമോ ???
ഇന്ന് വൈകിട്ട് സ്ഥിരം ചാറ്റിംഗിന് പകരം വീഡിയോകോൾ ചെയ്തുകളയാം എന്ന തീരുമാനം എടുത്ത ശേഷം സീത തന്റെ ജോലികളിലേക്ക് കടന്നു..
ദിവസവും രാത്രി ഉറങ്ങും മുൻപായിരുന്നു അവൾ ഹരിയുമായി ചാറ്റ് ചെയ്തിരുന്നത്.. അന്നുണ്ടായ കൊച്ചുകൊച്ചു സംഭവങ്ങൾ, വീട്ടിലെയും ഓഫീസിലെയും ഹരിയുടെ കോളേജിലെയും വിശേഷങ്ങൾ, എന്താണ് കഴിച്ചത്, നാളെയെന്താണ് പരിപാടി, എന്നാ ഇനി കാണുക, അങ്ങനെയങ്ങനെ പോകും ചാറ്റുകൾ.. ചില രാത്രികളിൽ അത് പതിനൊന്നു പതിനൊന്നര വരെ നീളും…
വിനോദിന്റെയും സീതയുടെയും വിവാഹം അറേയ്ഞ്ച്ഡ് മാര്യേജ് ആയിരുന്നതിനാൽ പ്രണയിച്ചു നടക്കാനോ, ആ സുഖം ആസ്വദിക്കാനോ സീതയ്ക്ക് കഴിഞ്ഞിട്ടില്ല.. പോരാത്തതിന് പൈങ്കിളിപ്രണയം വിനോദിന് ഒട്ടു വഴങ്ങുകയുമില്ല… അതോർക്കുമ്പോ അവന് ചിരിയാണ് വരിക..
വിനോദ് തന്നോടു പ്രണയപരവശനായി പഞ്ചാരവർത്തമാനങ്ങൾ പറയുന്നതോർക്കുമ്പോ സീതയ്ക്കും ചിരിയാണ് വരിക… പക്ഷേ ആ സ്ഥാനത്ത് ഹരിയാവുമ്പോൾ അവൾ അതാസ്വദിക്കുന്നു..
സീതയുടെ ഉള്ളിൽ ഇതൊക്കെ കൊതിക്കുന്ന ഒരു പെണ്ണുണ്ടെന്ന കാര്യം അവളെക്കാൾ നന്നായി വിനോദിന് അറിയാം.. അതുകൊണ്ടാണ് തന്റെ ഭാര്യയുടെ പ്രണയം ആസ്വദിക്കാൻ അവന് കഴിയുന്നത്..
മൊബൈലിന്റെ നേരിയ വെളിച്ചത്തിൽ ഹരിയോട് ചാറ്റ് ചെയ്യുന്ന സീതയുടെ മുഖഭാവങ്ങൾ ഇടംകണ്ണുകൊണ്ടു നോക്കിക്കിടക്കും വിനോദ്… ടൈപ്പു ചെയ്യുന്നതെന്തെന്നറിയില്ലെങ്കിലും അവളുടെ മുഖത്ത് പ്രണയവും, ചിരിയും, പിണക്കവും കുസൃതിയുമൊക്കേ വിരിഞ്ഞുമറയുന്നത് കാണാൻ അവന് ഇഷ്ടമാണ്…
വല്ലപ്പോഴും ഒരു ഉമ്മയുടെ അടക്കിപ്പിടിച്ചുള്ള ശബ്ദവും കേൾക്കാറുണ്ട് വിനോദ്. അവന് ചിരി വരും.. എന്തിനാണ് ഇവൾ ഇങ്ങനെ ഒളിക്കുന്നത്?. എല്ലാം താൻ അറിഞ്ഞല്ലേ?.. തുറന്നു തന്നേ പ്രണയിച്ചു കൂടെ?.. പിന്നെ വിനോദ് സ്വയം തിരുത്തും.. ഇതാണല്ലോ അതിന്റെ ഒരു സുഖം.. കട്ട് തിന്നുന്നതിന്റെ രുചി..