വാക്കുകൾ ഹൃദയത്തിൽ നിന്ന് ഓരാന്നായി ഞാൻ പോലും അറിയാതെ പുറത്തേക്ക് വരുന്നുണ്ടായിരുന്നു…അതൊക്കെ അവൾ കണ്ണൊന്ന് ചിമ്മുക പോലും ചെയ്യാതെ എന്നെ നോക്കുമ്പോൾ ഞാൻ പറഞ്ഞുകൊണ്ടേയിരുന്നു…
” പിന്നെ താൻ അന്ന് കണ്ടത്…അന്നതെ തൻ്റെ പെർഫോമൻസിൽ പിന്നെ ആതിര ശല്ല്യം ചെയ്യ്തിട്ടില്ല…അത് കൊണ്ട് തന്നെ പിന്നെ ഞാൻ അവളോട് ദേഷ്യം കാണിക്കാനും പോയില്ല…ഒരു ക്ലാസ്മേറ്റ് എന്ന രീതിയിൽ ഒരു ഫ്രണ്ടായി ഞാൻ വീണ്ടും അവളെ കണ്ട് തുടങ്ങി…അപ്പോൾ കോളേജ് ടൈമിലെ ജൂനിയർ പിള്ളേരുടെ ചെറിയ ഒരു തമാശ ഒരു ട്രൂത്ത് ഓർ ഡേറ് ഞാൻ അതിനെ അങ്ങനെ കണ്ടുള്ളൂ…അതൊന്ന് മനസ്സിലാക്കാൻ ഇയാള് ശ്രമിച്ചില്ല…അതെന്താന്ന് എനിക്കറിയില്ല…സാരമില്ല ഇതൊന്ന് പറയണം എന്ന് തോന്നി…ഇനി ശല്ല്യം ചെയ്യാനൊന്നും വരില്ല…അപ്പൊ ഇയാള് പൊക്കോ… ”
ഞാൻ ഒടുക്കം എല്ലാം പറഞ്ഞു തീർന്നതും ഞാനൊരു നെടുവീർപ്പിട്ടു…പക്ഷെ ഇത്രയൊക്കെ പറഞ്ഞിട്ട് പൊക്കോളാൻ പറഞ്ഞിട്ടും അവളൊരേ നിൽപ്പ് തന്നെ നിൽക്കുന്നത് കണ്ട് ശരിക്കും പറഞ്ഞാ പേടിയാ തോന്നിയത്…സമയം പാതിരാത്രി… ചുറ്റിലും ഇരുട്ട്… ഇനി സിനിമയിൽ ഒക്കെ കാണും പോലെ ഇവളിപ്പൊ വല്ല യക്ഷിയും ആയി മാറി എൻ്റെ ചോരകുടിക്കുവോ…
” ഡോ… പൊയിക്കോ…ഇയാള് ഉള്ളിൽ കയറിയിട്ട് വേണം എനിക്ക് പോകാൻ… ”
ഞാൻ വീണ്ടും കൈ കൊണ്ട് ഒരു ഞൊട്ട ഇട്ടശേഷം പറഞ്ഞു… അതോടെ തിരിച്ചൊന്നും പറയാൻ നിൽക്കാതെ അവൾ തിരിഞ്ഞു നടക്കാൻ തുടങ്ങി…അത് എന്നിൽ ഒരു ചെറിയ നീരസമുണ്ടാക്കി…ഈ പാതിരാത്രി ഇത്രയൊക്കെ പറഞ്ഞിട്ടും അവളെന്നോട് ഒന്നും സംസാരിച്ചില്ലല്ലോ…മ്മ്…എന്തേലുമാവട്ടെ പറയാനുള്ളത് പറഞ്ഞു…ഇനി പോവാം അത്രെന്നെ…ഞാനും അവൾക്ക് പിന്നിലായി നടക്കാൻ തുടങ്ങി…
” അതേ… ”
അവൾ ഉമ്മറത്ത് കേറിയതും ഞാൻ ശബ്ദം താഴ്ത്തി ഒരിക്കൽ കൂടി വിളിച്ചു…അത് കേട്ടതും അവൾ തിരിഞ്ഞെന്നെ നോക്കി…അതോടെ ഞാൻ വേഗം അവൾക്ക് അരികിലായി എത്തി…
” ഇയാള് അന്ന് പറഞ്ഞപോലെ കണ്ണികണ്ട എല്ലാം പെമ്പിള്ളാരുടേം കൈയ്യിൽ കേറി പിടിക്കുന്ന ഒരുത്തൻ അല്ല ഞാൻ…ഞാൻ മടിയൊന്നുമില്ലാതെ ഇയാളുടെ കൈയ്യിൽ കയറി പിടിച്ചെങ്കിൽ ഞാൻ എൻ്റെ പെണ്ണായി ഇയാളെ മനസ്സിൽ കണ്ടത് കൊണ്ടാണ്…സോറി…അപ്പൊ ശരി… “
അന്ന് അവൾ പറഞ്ഞ വാക്കുകൾ എൻ്റെ ഹൃദയത്തിൽ എത്രമാത്രം അഴാന്നിറങ്ങി എന്ന് അവൾ മനസ്സിലാക്കണം എന്നുള്ളത് കൊണ്ടാണ് ഞാൻ അതുകൂടി പറഞ്ഞത്… പറഞ്ഞതിന് ശേഷം അവളുടെ മുഖഭാവം പോലും നോക്കാതെ ഞാൻ തിരിഞ്ഞ് നടന്നു…
നേരെ നന്ദുവിനടുത്തേക്ക് എത്തിയപ്പൊ മനസ്സിലാകെ ഒരു തെളിച്ചം വന്നപോലെ…പറയേണ്ടതൊക്കെ പറഞ്ഞപ്പൊ ഒരു മനസുഖം…
” നായിൻ്റെ മോനെ… എന്നാ പിന്നെ ഒരു കൊച്ചിനേം ഉണ്ടാക്കി വെളുപ്പിന് വന്നേപോരാർന്നോ… ”
ഞാൻ തിരിച്ചെത്തി എന്ന് കണ്ടതും നന്ദു പല്ലിറുമ്മി…കാരണം വിചാരിച്ചതിനേകാൾ സമയം എടുത്തല്ലോ ഞാൻ….
” ക്ഷമിയെടേയ്…എന്തായാലും വന്ന കാര്യം ഭംഗിയായി നടന്നു…ഒരു സുഖമുണ്ട് ഇപ്പൊ… ”
ഞാൻ അവനെ നോക്കി ഒന്ന് പുഞ്ചിരിച്ചു…
” മ്മ്…മതി മതി ആരേലും കണ്ട് ഇനി പണിവാങ്ങാൻ നിക്കണ്ട പോകാം വാ… ”
അവൻ എൻ്റെ കീശയിൽ നിന്നും ചാവിയും എടുത്ത് വണ്ടിക്ക് അരികിലേക്ക് നടന്നു…ഒരിക്കൽ കൂടി ഒന്ന് ആ ഗേറ്റിനടുത്ത് നിന്ന് ആ വീടിന് മുൻവശത്തേക്ക് നോക്കി… അപ്പോഴേക്കും ആ മുൻവാതിൽ അടഞ്ഞിരിന്നു…അതൊടെ ഗേറ്റും പഴയപടി ചാരി ഞാനും അവന് പിന്നാലെ ബൈക്കിൽ കേറി അവിടെ നിന്നും തിരിച്ചു…പോകും വഴി നടന്നതൊക്കെ ഞാൻ അവനോട് പറയുന്നുണ്ടായിരുന്നു….
അവിടെ നിന്നും തിരിക്കുമ്പോൾ അവളോട് എല്ലാം തുറന്നു പറഞ്ഞത് കൊണ്ട് മനസ്സിൽ ഒരു സമാധാനമായിരുന്നു…അല്ലെങ്കിലും പ്രണയത്തിന്റെ കാര്യത്തിൽ ഒരിക്കലും തുറന്ന് പറയാൻ ഉള്ളത് മടിച്ച് ഉള്ളിൽ വെക്കരുത്…കാരണം പറയാൻ ഉള്ള മടിയും പേടിയും കാരണം ഈ ലോകത്ത് ഏറ്റവും കൂടുതൽ നിരാശ നൽകിയ ഒരു വികാരം അത് പ്രണയം മാത്രമാണ്… അപ്പോഴും അത്രയൊക്കെ പറഞ്ഞിട്ടും ഒരു മറുപടി അവൾ തരത്തതിൽ ഒരു അസ്വസ്ഥത എനിക്കുണ്ട്…പക്ഷെ അത് മനസ്സിലാക്കാൻ അതികം സമയം വേണ്ടി വന്നില്ല…കാരണം പിന്നീടങ്ങോട്ട് കുറച്ചു ദിവസം അവളെങ്ങനെയാണോ എന്നോട് പെരുമാറിയത് അത് പോലെ തിരിച്ച് ഞാനും കാണിച്ച് തുടങ്ങി… മുഖാമുഖം നടന്നകന്ന നിമിഷം പോലും എന്നോട് എന്തോ സംസാരിക്കാൻ വന്നപോഴും ഞാൻ അവളെ ഒന്ന് നോക്കാൻ പോലും നിന്നില്ല… മനപൂർവ്വം ഒഴിഞ്ഞുമാറിയിരുന്നു…എന്തിനാണെന്ന് ചോദിച്ചാൽ എനിക്കും അറിയില്ല…അങ്ങനെ മുന്നോട്ട് പോയിരിക്കുന്ന സമയം ഒരു ദിവസം കറക്റ്റായി പറഞ്ഞാൽ ചേട്ടത്തിയുടേയും സൂര്യയുടേയും നിശ്ചയത്തിൻ്റെ തലേ ദിവസം കോളേജിൽ ലഞ്ച് ബ്രേക്കിൽ ചേട്ടത്തിയിലൂടെ ഞാൻ പലതും അറിഞ്ഞു…
” നീ അന്ന് രാത്രി കാണിച്ചതെന്താ…എന്നോട് അവളെല്ലാം ഇന്നലെയാണ് പറഞ്ഞത്… “
കോളേജിന്റെ വാകമരചോട്ടിൽ അന്ന് രാത്രി അവളുടെ വീട്ടിൽ നടന്ന സംഭവങ്ങൾ എല്ലാം അവൾ ചേട്ടത്തിയോട് പറഞ്ഞത് എനിക്ക് തികച്ചും അസ്വസ്ഥത ഉണ്ടാക്കി…എന്നാലും തലതാഴ്ത്തി നിൽക്കാൻ ഉദ്ദേശമില്ലായിരുന്നു…
” എനിക്ക് എൻ്റെ ഭാഗം തുറന്ന് കാട്ടാൻ ഒരു വഴിയും ഇല്ലാന്ന് കണ്ടപ്പൊ അങ്ങനെ തോന്നി… ചെയ്തു പോയി…പിന്നെ ചേട്ടത്തിയുടെ മുന്നിൽ ഇനി മറച്ചു പിടിക്കേണ്ട ആവശ്യമില്ലല്ലോ അതുകൊണ്ട് പറയാം… ഇഷ്ടമാണ് അവളെ ഒരുപാട്… അതുകൊണ്ട് അവൾക്ക് മുന്നിൽ പലതവണ അത് പറയാൻ ശ്രമിച്ചു പക്ഷെ കൂട്ടാക്കിയില്ല…അതാ ഞാൻ… സോറി… നല്ല ഫ്രണ്ട്സാണെന്ന് കരുതി ചേട്ടത്തി ഞങ്ങൾക്ക് തന്ന ഫ്രീഡം ഞാൻ മുതലാക്കി എന്ന് കരുതരുത്… ഇഷ്ടപ്പെട്ടു പോയി…പക്ഷെ ഞാൻ ഇപ്പോൾ അതിൽ നിന്നും വിട്ടു മാറാൻ ശ്രമിക്കുന്നുണ്ട്…സ്നേഹം പിടിച്ചു വാങ്ങാൻ ഒരിക്കലും കഴിയില്ലല്ലോ… ”
ഞാൻ ചേട്ടത്തിയെ നോക്കി ഒരു പുഞ്ചിരിയോടെ പറയുമ്പോൾ ഒരുപക്ഷെ ഉള്ളിലുള്ള ചെറിയ നോവ് പോലും വാക്കുകളെ തടഞ്ഞു നിർത്തിയില്ല…
” നിനക്ക് അതിന് കഴിയുവോ… ”
എൻ്റെ മറുപടി കേട്ടതും മറുഭാഗത്ത് ചോദ്യം ഉയർന്നു…ഞാൻ അതിന് മറുപടി പറയാതെ ശ്രദ്ധ ചേട്ടത്തിയുടെ മുഖത്തിൽ നിന്നും മാറ്റി…
” ഇങ്ങോട്ട് നോക്കെടാ….ചോദിച്ചത് കേട്ടില്ലെ…നിനക്ക് അവളെ അങ്ങനെ ഒഴിവാകാൻ പറ്റുവോന്ന്… ”
വീണ്ടും ശബ്ദം ഉയർന്നതോടെ നിസ്സഹായതയോടെ ഞാൻ ചേട്ടത്തിയെ നോക്കി…
” എന്താ ഉത്തരം ഇല്ലേ നിന്റെ പക്കൽ…മ്മ്…പക്ഷെ എനിക്ക് ഒരു ഉറപ്പുള്ള ഒരു ഉത്തരം നിനക്ക് നൽകാൻ കഴിയും.. നീ കഷ്ടപ്പെട്ട് ശ്രമിച്ചാലും അവൾക്ക് പക്ഷെ ഈ ജന്മത്തിൽ ഇനി നിന്നെ അല്ലാതെ ഒരാളെ ഇഷ്ടപ്പെടാൻ പറ്റില്ലാന്നുള്ള സത്യം… ”
ചേട്ടത്തിയുടെ വായിൽ നിന്നും വന്ന വാക്കുകൾ കാതുകളിലൂടെ ഇരിച്ചു കയറിയ അടുത്ത നിമിഷം ഞാൻ ഒരു ശിലപോലെ ചേട്ടത്തിയുടെ മുഖം നോക്കി സ്തംഭിച്ച് നിന്നു…ദിവ്യാ…അവൾക്ക് എന്നെ ഇഷ്ടമാണെന്നോ…ഞാൻ കരുതിയത്…അതിലേറെ ആഗ്രഹിച്ചത്…അത് സത്യമാണെന്നോ….!!
