ബാക്കിയുള്ള ചടങ്ങുകളും ഗംഭീര സദ്യയും കഴിഞ്ഞ് വീട്ടിൽ നിന്നും ഇറങ്ങാൻ നേരമാണ് രാജീവനും ഇന്ദിരയ്ക്കും മകളോടുള്ള സ്നേഹം അണപൊട്ടിയൊഴുകിയത്. ഇന്ദിര തുഷാരയെ കെട്ടിപിടിച്ച് കരയുമ്പോൾ രാജീവന്റെ കണ്ണ് നിറഞ്ഞത് കാണാം. ഇന്ദിരയെ ചേർത്തുപിടിച്ച് രാജീവൻ മകളുടെ കൈപിടിച്ച് എന്നെ ഏൽപ്പിക്കുമ്പോൾ തുഷാരയുടെ മിഴികളും ഈറനണിഞ്ഞിരുന്നു. കണ്ണ് നിറച്ചുകൊണ്ട് എന്റെ കൈപിടിച്ച് നടക്കുന്ന തുഷാരയെ നോക്കി ലെച്ചുവും പാച്ചുവും കളിയാക്കുന്നുണ്ടെങ്കിലും പെണ്ണിന്റെ കണ്ണുനീർ നിർത്താതെ ഒഴുകി…
: ഡീ കട്ടുറുമ്പേ…
: ഉം….
: ഇങ്ങനെ കരയല്ലെടി… എല്ലാം കാമറയിൽ ഒപ്പിയെടുക്കുന്നുണ്ടേ..
: അത് സാരൂല…. ഇതൊക്കെ എല്ലാരും ചെയ്യുന്നതാ…
: ഉം.. മതിയെടോ. കണ്ണ് തുടച്ചേ… ഇന്ന് നമ്മുടെ ആദ്യരാത്രി അല്ലേടി പെണ്ണെ…
ഇത് കേട്ടയുടനെ തുഷാര നല്ലൊരു ചിരി പാസ്സാക്കി… ലെച്ചു ഉടനെ കണ്ണ് ബൾബാക്കി എന്നെ നോക്കി.
: എന്താടാ നീ അവളോട് പറഞ്ഞേ… പെണ്ണ് ഇത്ര പെട്ടെന്ന് ചിരിക്കാൻ
: ഞാൻ പുതിയ ബ്രഷ് വാങ്ങിയ കാര്യം പറഞ്ഞതാ…
: ഓഹ്…രണ്ടാളും കൊതിച്ച് കെട്ടിയപോലുണ്ടല്ലോ…
: അളിയോ… മറ്റേ ഡയലോഗ് പറയുന്നോ… ജങ്ക ജഗ ജഗാ…
വീട്ടിലേക്കുള്ള യാത്രയിൽ പുറകിലെ സീറ്റിൽ എന്നോട് ചേർന്നിരിക്കുകയാണ് തുഷാര. ലെച്ചു മുന്നിൽ ഇരുന്ന് എല്ലാവരെയും കിട്ടത്തക്ക വിധത്തിൽ ഫോണും പിടിച്ച് സെൽഫി എടുക്കുന്ന തിരക്കിൽ ആണ്.
വീട്ടിലെത്തി ഫോട്ടോ പിടുത്തവും ബാക്കി ചടങ്ങുകളും ഒക്കെ കഴിഞ്ഞ് കുറച്ചൊന്ന് ഫ്രീയായത് ഇപ്പോഴാണ്. പൂമാലയും കയ്യിലെ ബൊക്കയും അഴിച്ചു വച്ചപ്പോഴല്ലേ പെണ്ണിന്റെ ശരിക്കുള്ള ഭംഗി കാണുന്നത്. കെട്ടിപ്പിടിച്ച് അങ്ങനെ നില്ക്കാൻ തോന്നും. എന്താ ഒരു അഴക്…. ഡ്രസ്സ് മാറാനായി തുഷാര എന്റെ മുറിയിലേക്ക് പോവാൻ ഒരുങ്ങുകയാണ്. എനിക്ക് എങ്ങനെങ്കിലും കൂടെ പോകണമെന്നുണ്ട്. എന്താ ഒരു വഴി… വഴിയൊരുക്കാനല്ലേ നമ്മുടെ ലെച്ചുപെണ്ണ്…
: ലെച്ചു.. ഒന്നിങ്ങ് വന്നേ…
: എന്താടാ..
:ഡീ… എന്നെക്കൂടി എങ്ങനെങ്കിലും ഒന്ന് മുകളിൽ എത്തിക്കെടി…
: എന്തൊരു ആക്രാന്തം ചെക്കന്..
: എടി അതല്ല… എനിക്ക് ഈ വേഷത്തിൽ അവളെയൊന്ന് കെട്ടിപിടിക്കണം… ഈ അവസരം പിന്നെ കിട്ടില്ലല്ലോ… പ്ലീസ് ലെച്ചു
: ഓഹ്.. അങ്ങനെ… നിക്ക് ഞാൻ വഴിയുണ്ടാക്കാം…
ലെച്ചു തുഷാരയെയും കൂട്ടി മുകളിലേക്ക് പോയി. എന്റെ മുറിയിൽ എത്തി കുറച്ച് സമയത്തിന് ശേഷം അവൾ മുകളിൽ നിന്നും ഉറക്കെ വിളിച്ചു.
: ശ്രീകുട്ടാ…. ഈ ഷെൽഫിന്റെ താക്കോൽ എവിടെ…
: അവിടെ എവിടേലും കാണും… നീ ശരിക്കും നോക്ക്
: അവൾ നോക്കിയാലൊന്നും കാണില്ല, നീ പോയി എടുത്ത് കൊടുക്ക് ശ്രീകുട്ടാ…
: എന്റെ അമ്മേ.. അവിടെ തന്നെ ഉണ്ട് .. അവൾ കാണാഞ്ഞിട്ടാ
: നീ പോയിട്ട് വാടാ.. നിനക്കും ഡ്രസ്സ് മാറണ്ടേ…
എന്റെ ലച്ചൂ.. നീ മുത്താണ് മോളെ. ഇത്ര പെട്ടെന്ന് ആഗ്രഹം സാധിച്ചു തരുമെന്ന് വിചാരിച്ചില്ല. മുറിയിൽ എത്തിയ ഉടനെ ലെച്ചു പുറത്തേക്കിറങ്ങി. അവളുടെ മുഖത്തെ കള്ളചിരിയൊന്ന് കാണണം..
: ഡാ.. വേഗം വേണേ.. ഞാൻ ഇവിടെ തന്നെ നിൽക്കാം
: ദേ പോയി ദാ വന്നു…. നീ പുറത്ത് നിൽക്ക്.
കതക് കുറ്റിയിട്ട് തിരിഞ്ഞപ്പോഴേക്കും തുഷാര ബാത്റൂമിന്റെ വാതിൽ തുറന്ന് പുറത്തേക്ക് വന്നു. എന്നെ കണ്ടതും അവളുടെ കണ്ണുകൾ തിളങ്ങി. എന്റെ അരികിലേക്ക് ഓടി വന്ന അവളുടെ തുടയോട് ചേർത്തുപിടിച്ച് പൊക്കി. മുതുകിൽ കൈകുത്തി നിന്ന് എന്നെത്തന്നെ നോക്കി നിൽക്കുന്ന അവളെയും കൊണ്ട് രണ്ടു വട്ടം കറങ്ങി, പെണ്ണിനെ നിലത്ത് നിർത്തി…ഉടനെ അവൾ എന്റെ നെറ്റിയിൽ ഒരു ചുംബനം നൽകി. തുഷാരയുടെ രണ്ട് കവിളും ചേർത്തുപിടിച്ച് തുടിക്കുന്ന അവളുടെ ചുണ്ടിലേക്ക് എന്റെ ചുണ്ടുകൾ അമർന്നു….
: ഏട്ടാ… എങ്ങനുണ്ട്
: എന്റെ പൊന്നേ… ഇത് എത്രയാ ഈ ഇട്ടിരിക്കുന്നേ, ചെറിയ ജ്വല്ലറി തുടങ്ങാൻ മാത്രം ഉണ്ടല്ലോ
: അച്ഛന്റെ നിർബന്ധം ആണ്…
: എല്ലാം സൂപ്പറായിട്ടുണ്ട്. ഈ ജിമിക്കി മതിയല്ലോ പെണ്ണെ നിന്നെ മോഹിക്കാൻ…
: ഏട്ടനും ഗ്ലാമർ ആയിട്ടുണ്ട്.. കഴുത്തിൽ ഒരു മാലയൊക്കെ വന്നപ്പോൾ എന്താ രസം കാണാൻ..
: വർത്തമാനമൊക്കെ നമുക്ക് പിന്നെ പറയാം… നീയിങ്ങ് വന്നേടി പെണ്ണെ…
തുഷാരയുടെ ഇടുപ്പിൽ പിടിച്ച് വലിച്ച് എന്നിലേക്ക് അടുപ്പിച്ചു. അവളെ കെട്ടിപിടിച്ച് അങ്ങനെ നിന്നു. കഴുത്തിൽ മുഖം ചേർത്തുവച്ച് പരസ്പരം ഒട്ടിച്ചേർന്ന് അൽപനേരം അങ്ങനെ നിന്നു.
: എടി കട്ടുറുമ്പേ… ഇങ്ങനെ നിന്നാൽ മതിയോ. താഴെ എല്ലാവരും കാത്തുനിൽപ്പുണ്ട്.
: ഇങ്ങനെ നിൽക്കാം ഏട്ടാ… എന്താ സുഖം ഇങ്ങനെ കെട്ടിപിടിച്ച് നിൽക്കാൻ.
: ഇനിയെന്നും ഇതുപോലെ നിന്നൂടെ.. ഇപ്പൊ എന്റെ മോള് ഡ്രെസ്സൊക്കെ മാറി വേഗം താഴേക്ക് വന്നേ.. ആൾക്കാരൊക്കെ വന്നുതുടങ്ങും ഇപ്പൊ, റിസപ്ഷൻ ഇല്ലേ
………….
വൈകുന്നേരത്തെ റിസെപ്ഷന് എല്ലാവരും ഒത്തുകൂടി. വെള്ള ഗൗണിൽ മാലാഖയെപ്പോലെ, കല്ലുവച്ച നെക്‌ലസും അതിന് മാച്ചായ കമ്മലും വളയുമണിഞ്ഞ് എന്റെ കയ്യിൽ കൊരുത്തുപിടിച്ച് കൂടെത്തന്നെയുണ്ട് തുഷാര. പാർട്ടിക്ക് വന്ന എല്ലാവരുടെയും നോട്ടം മൂന്നുപേരിലേക്കാണ്. തുഷാര ലെച്ചു ഇന്ദിര… നോക്കാതെ പറ്റില്ലല്ലോ. മൂന്നാളും അതുപോലല്ലേ ഒരുങ്ങിയിറങ്ങിയിരിക്കുന്നത്. പാർട്ടിയൊക്കെ കഴിഞ്ഞ് ആളുകൾ ഒഴിഞ്ഞുതുടങ്ങി. തുഷാരയുടെ വീട്ടിൽ നിന്നും വന്നവർ എല്ലാവരും തിരിച്ചുപോയി. ഇനി വേണം പെണ്ണിനെ സ്വസ്ഥമായി ഒന്ന് കാണാൻ..
പാച്ചു വീട്ടിലേക്ക് പോകാനുള്ള ഒരുക്കത്തിൽ ആണ്. അവൻ എയർപോർട്ടിൽ നിന്നും നേരെ ഇവിടേക്ക് വന്നതല്ലേ. ഇപ്പൊ പോയിട്ട് രാവിലെ വരാമെന്നും പറഞ്ഞ് പാച്ചു ഇറങ്ങി. ലെച്ചു എന്റെ പെങ്ങൾ അല്ലെ. അവൾക്ക് അങ്ങനെ പോകാൻ പറ്റുമോ. അവൾ വീട്ടിൽത്തന്നെയുണ്ട്. തിരക്കൊക്കെ കഴിഞ്ഞ് നല്ലൊരു കുളിയും കഴിച്ച് ഉമ്മറത്തിരുന്ന് സംസാരിക്കുകയാണ് എല്ലാവരും. ലെച്ചു അടുക്കളയിൽ എന്തോ പണിത്തരത്തിലാണ്. അമ്മയും തുഷാരയും അമ്മായിയും കൂടെ ഭയങ്കര ചർച്ചയിൽ ആണ്. തുഷാരയ്ക്ക് പിന്നെ എല്ലാവരെയും അറിയാവുന്നതുകൊണ്ട് പരിചയമാവാനുള്ള ബുദ്ദിമുട്ടൊന്നും ഇല്ല. ലെച്ചു ഉമ്മറത്തേക്ക് വരുമ്പോഴേക്കും ലെക്ഷ്മികുട്ടിയമ്മ കോട്ടുവായിടാൻ തുടങ്ങിയിരുന്നു. എല്ലാവർക്കും നല്ല ക്ഷീണം കാണും. കുറേ ദിവസമായില്ലേ ഓടിനടന്ന് പണിയെടുക്കാൻ തുടങ്ങിയിട്ട്…
: ഇതെന്താ ആർക്കും ഉറങ്ങണ്ടേ… ആന്റിയൊക്കെ ഉറങ്ങി വീഴാറായല്ലോ.. എല്ലാരും വന്നേ കിടക്കാം
: ശരിയാ മോളെ.. ഞാൻ കിടക്കാൻ പോകുവാ.. ശ്രീകുട്ടാ മോനെ,… മോളെയും വിളിച്ച് മുറിയിൽ പോകാൻ നോക്ക്.
: ശ്രീകുട്ടാ, നീ വിട്ടോ.. ഞാൻ ഇവളെയും കൂട്ടി വരാം.
