ആമ്മയും ചേട്ടത്തിയും എല്ലാം വളരെ സന്തോഷത്തിൽ ആയിരുന്നു.. മാളുവിനോട് സംസാരിക്കാൻ ആയി അവൾ മുറിയിൽ പോയ തക്കം നോക്കി ഞാനും പോയി……
“മാളു ”
അവൾ എന്നെ ഒന്നു തിരിഞ്ഞു നോക്കി….. അവളുടെ മുഖത്തു ഒരു സന്തോഷം ഉണ്ടായിരുന്നു..
“ഞാൻ പറഞ്ഞ വാക്ക് പാലിച്ചു…… നീ ഒരിക്കലും തെറ്റ് കാരി അല്ല എന്ന് ഞാൻ എല്ലാരുടെ മുന്നിലും തെളിയിച്ചു… നിന്റെ വീട്ടുകാരെ നിനക്ക് പഴയത് പോലെ കിട്ടും ”
“ഇന്നലെ അമ്മയും അച്ഛനും എന്നെ ഫോണിൽ വിളിച്ചിരുന്നു രാത്രി… അവർ എന്നോട് എല്ലാത്തിനും ക്ഷേമ ചോദിച്ചു… അവർ എന്നെ ഇപ്പോൾ പഴയത് പോലെ സ്നേഹിക്കുന്നുന്നു പറഞ്ഞു..”
“ആ നിനക്ക് ഇനി പഴയതു പോലെ നിന്റെ അമ്മയെയും അച്ഛന്റെയും ഒപ്പം സന്തോഷം ആയി ജീവിക്കാമല്ലോ……..?”
ഞാൻ അത് പറഞ്ഞത് അവളുടെ മുഖം പെട്ടന്നു മാറി.. എന്നാൽ മാറ്റത്തിന്റെ കാരണം എനിക്കു മനസ്സിലായില്ല.. അവൾ ഞാൻ നോക്കുന്ന കണ്ട് വോൾടേജ് കുറഞ്ഞ ഒരു ചിരി തന്നു…
“മാളു……. എന്നോട് ഉള്ള ദേഷ്യം തീർക്കാൻ ആണ് അവൻ നിന്നെയും ഇതിൽ കരുവാക്കിയത്….. അതിനു ഞാൻ നിന്നോട് ക്ഷമ ചോദിക്കുന്നു…. ”
ഞാൻ അവളോട് അത്രയും പറഞ്ഞു… മുറിയിൽ നിന്നു ഇറങ്ങി പോയി…. എന്റെ ഉള്ളിൽ ഒരു സന്തോഷം ഉണ്ടായിരുന്നു എന്നാൽ ഒരു വിഷമവും എന്നെ ബാധിച്ചു… ഈ ഇത്രയും നാൾ എന്റെ കൂടെ വീട്ടിൽ ഉണ്ടായിരുന്ന അവൾ ചിലപ്പോൾ ഇനി മുതൽ ഉണ്ടാകണം എന്നില്ല… എപ്പോഴാണ് എന്റെ ഉള്ളിൽ അവൾ കയറിക്കൊടിയത് എന്ന് പിടിയില്ല…… അവളുടെ അച്ഛനും അമ്മയും വന്നു വിളിച്ചാൽ അവൾ പോകും അവരുടെ കൂടെ.. അവളും അതാകും ആഗ്രഹിക്കുന്നത്…… തന്റെ കൂടെ അവൾ ഇത്രയും നാൾ അവൾ ഉണ്ടയിരുന്നതു അവൾക്കു വേറെ വഴികൾ ഒന്നും ഇല്ലാത്തത് കൊണ്ടാകും…
എന്നാൽ എനിക്കു അവളെ പിരിയാൻ കഴിയുമോ… അറിയാതെ ആണേലും ഞാൻ അവളുടെ കഴുത്തിൽ താലി കെട്ടിയവൻ അല്ലേ… അവൾ എന്റെ ഭാര്യ അല്ലേ… ഞാൻ എപ്പോൾ ആണ് അവളെ ഇഷ്ടപെട്ടത്…. അതോ അവളോട് ഉള്ളത് സഹതാപം ആയിരുന്നോ… എന്റെ മനസ്സിൽ ഓരോ ചിന്തകൾ അങ്ങനെ വന്നു കൊണ്ടിരുന്നു… മനസ്സിൽ ഓരോ കാര്യങ്ങൾ കാരണം ഒരു യുദ്ധം തന്നെ ഉണ്ടായി എന്നു വേണമെങ്കിൽ പറയാം… അവസാനം എന്റെ മനസ്സ് എനിക്കു ഒരു ഉത്തരം തന്നു
അതെ…. അവളെ ഞാൻ പ്രേമിക്കുന്നു…. അവൾ എന്റെ ജീവന്റെ പാതിയാണ്…….
എന്നാൽ അവൾ എന്നെ അങ്ങനെ കണ്ടിട്ടില്ല എങ്കിലോ… അവൾ ഇതുവരെ അതിന് ഒരു സൂചന പോലും തന്നില്ലല്ലോ…. എന്റെ ഇഷ്ടം അവൾക്കു മേൽ അടിച്ചേൽപ്പിക്കാൻ ഞാൻ ഒരുക്കമല്ല.. അവൾക്കു നല്ല ഒരു ജീവിതം ഇനിയും കാത്തിരിക്കുന്നു…
എന്തൊക്കയോ ആലോചിച്ചു….. ഞാൻ വീടിന്റെ പുറത്തു എത്തി… എന്നാൽ എന്റെ ആകെ വല്ലാതെ ആയിരുന്നു.. വീട്ടിൽ നിന്നാൽ വട്ടു പിടിക്കും എന്ന് തോന്നിയ ഞാൻ നേരെ ബൈക്ക് എടുത്തു എങ്ങോട്ടെന്നില്ലാതെ പോയി…….. കുറെ നേരം പാർക്കിൽ ഒക്കെ പോയിരുന്നു..
പിന്നെ രാത്രി ഒരു 9 മണി ആയപ്പോൾ ആണ് വീട്ടിൽ എത്തിയത്.. അമ്മയുടെ വായിൽ നിന്നു കുറെ കേട്ടു എങ്കിലും.. ഞാൻ ഒന്നും തിരിച്ചു പറയാൻ നിന്നില്ല…… അമ്മ ഫുഡ്‌ കഴിക്കാൻ വിളിച്ചപ്പോൾ വിശപ്പില്ല എന്ന് പറഞ്ഞു ഒഴിഞ്ഞു മാറാൻ നോക്കി എന്നാൽ അമ്മ എന്നെ നിർബന്ധിച്ചു പിടിച്ചിരുത്തി…
എന്നാൽ എനിക്കു ഒന്നും കഴിക്കാൻ തോന്നിയില്ല.. മനസിൽ പിന്നെയും ഓരോ ചോദ്യങ്ങൾ വന്നു കൊണ്ടിരിന്നു…… ഞാൻ ഒരു ചപ്പാത്തിയുടെ പകുതി മാത്രം കഴിച്ചു.. എണിറ്റു മുറിയിൽ പോയി.. മാളു വരുന്നതിനു മുൻപ് ഉറങ്ങണം എന്നായിരുന്നു എന്റെ പ്ലാൻ.. ഞാൻ പെട്ടന്ന് ഒരു കുളി പാസ്സ് ആക്കി.. കയറി കിടന്നു.. എന്നാൽ മനസ്സിലെ കാലുഷിത അവസ്ഥ കാരണം എനിക്കു ഉറക്കം വന്നില്ല… ഞാൻ കണ്ണും അടച്ചു ഉറങ്ങാൻ ശ്രെമിച്ചു…. എന്നാൽ നിദ്ര ദേവി എന്നെ തിരിഞ്ഞു നോക്കിയില്ല..
ഒരു പാട് നേരം കട്ടിലിൽ തിരിഞ്ഞും മറിഞ്ഞും കിടന്നു.. എന്നാൽ വലിയ മാറ്റം ഒന്നും ഉണ്ടായില്ല….. അപ്പോൾ തന്നെ വാതിലിനു അടുത്ത് ഒരു അനക്കം കേട്ടു… ഞാൻ കണ്ണ് അടച്ചു ഉറങ്ങിയാ പോലെ കിടന്നു….. അവൾ വന്നു കുളിക്കാൻ കയറിയ തക്കം നോക്കി ഞാൻ എണിറ്റു ബലക്കണിയിൽ പോയി നിന്നു.. കുറെ നേരം അവിടെ നിന്നു….. റോഡിൽ ഉള്ള പോസ്റ്റിലെ ലൈറ്റ് നോക്കി നിന്നു…. അതിലെ വെട്ടത്തിന് ചുറ്റും പറക്കുന്ന പ്രാണികളെ ഞാൻ നോക്കി നിന്നു സമയം കളഞ്ഞു…
കുളിച്ചു ഇറങ്ങിയപ്പോൾ എന്നെ കട്ടിലിൽ കാണാതെ അവൾ ബാൽക്കണിയിൽ വന്നു..
“കിടക്കുന്നില്ലേ ”
അവൾ എന്റെ പുറകെ വന്നു ചോദിച്ചു…. അവൾ ചോദിച്ചപ്പോൾ ആണ് അവൾ വന്നത് ഞാൻ ശ്രെദ്ധിക്കുന്നത്….
“കിടന്നിട്ട് ഉറക്കം വരുന്നില്ല….. മാളു പോയി കിടന്നോ..”
ഞാൻ അവളോട് പോയി കിടക്കാൻ പറഞ്ഞു ഞാൻ അവിടെ തന്നെ നിന്നു… കുറച്ചു കഴിഞ്ഞു അവൾ മടങ്ങിപോയപ്പോൾ ഞാൻ ബാൽക്കണിയിൽ നിന്നും താഴെക്കി പോയി… ഹാളിൽ ലൈറ്റ് എല്ലാം അണഞ്ഞു കിടന്നിരുന്നു.. എല്ലാരും ഉറക്കം ആയി എന്ന് എനിക്കു മനസ്സിലായി..
ഞാൻ നേരെ സോഫയിൽ പോയി കിടന്നു.. അമ്മ ഇപ്പോൾ ഹാളിൽ വരല്ലേ എന്നായിരുന്നു എന്റെ പ്രാർത്ഥന…… വന്നാൽ എന്നെ തിരിച്ചു മുകളിൽ കയറ്റും… ഞാൻ സോഫയിൽ ചുരുണ്ടു കൂടി കിടന്നു…. കുറെ സമയം കിടന്നപ്പോൾ ഞാൻ പതിയെ ഉറക്കത്തിലേക്കു വീണു….
……………………………………………………….
അടുത്ത ദിവസ്സം എല്ലാരും വീട്ടിൽ തന്നെ ഉണ്ടായിരുന്നു.. ചേട്ടനും ചേട്ടത്തിയും ഒന്നും ജോലി ഇല്ലായിരുന്നു….. ഞാൻ രാവിലെ തന്നെ കല്യാണിയുടെ കൂടെ സമയം ചിലവഴിച്ചു പോയി… അവളുടെ ഓരോ കളികളും ചിരിയും ഒക്കെ കാണുമ്പോൾ എന്റെ മനസ്സിലെ വീർപ്പു മുട്ടൽ എനിക്കു കുറഞ്ഞു വന്നു….. ഞാൻ അവളെയും കൊണ്ട് വീടിന്റെ പുറത്തു ഒക്കെ നടന്നു… ചേട്ടൻ ഇടയ്ക്കു വന്നു ഇനി കിച്ചുവും ആയി പ്രശ്നം ഒന്നും ഉണ്ടാക്കരുത് എന്നൊക്കെ പറഞ്ഞു ഞാൻ എല്ലാത്തിനും ഓക്കേ പറഞ്ഞു അങ്ങനെ നിന്നു….
കുറച്ചു കഴിഞ്ഞപ്പോൾ വീടിന്റ ഗേറ്റ് കടന്നു ഒരു കാർ വന്നു…. ഞാൻ നോക്കിയപ്പോൾ പരിചയം ഇല്ലാത്ത കാർ.. ഞാൻ കല്യാണിയെയും കൊണ്ട് അങ്ങോട്ട്‌ നടന്നു.. നോക്കുമ്പോൾ മാളുവിന്റെ അച്ഛനും അമ്മയും കാറിൽ നിന്നു ഇറങ്ങി…… എനിക്കു അവരെ കണ്ടപ്പോൾ വല്ലാതെ ആയി എന്നാലും ഞാൻ അത് പ്രകടിപ്പിക്കാൻ നിന്നില്ല.. ഞാൻ അവരുടെ അടുത്ത് പോയപ്പോൾ അവർ എന്റെ മുഖത്തു നോക്കി ചിരിച്ചു…. ഞാനും ചെറിയ രീതിയിൽ ചിരിച്ചു..
വീടിന്റെ ഉള്ളിൽ നിന്നു മാളു ഓടി വന്നു അവളുടെ അമ്മയെ കെട്ടിപിടിച്ചു… അവർ രണ്ടുപേരും പരസ്പരം കരയാൻ തുടങ്ങി… അവളുടെ അച്ഛനും അവളോട് ഓരോന്ന് പറഞ്ഞു സമാധാനിപ്പിച്ചു… എന്റെ അമ്മയും ചേട്ടത്തിയും എല്ലാരും കൂടി അങ്ങോട്ട്‌ വന്നു അവരെ വീടിന്റെ ഉള്ളിൽ വിളിച്ചു കൊണ്ട് പോയി… ഞാനും അവരുടെ ഒപ്പം പോയി…. അവർ എന്തൊക്കയോ വിശേഷം പരസ്പരം പറയുന്നുണ്ട്……ഇടയ്ക്കു അവർ മാളുവിനെ ഇന്ന് വീട്ടിൽ കൊണ്ട് പോകട്ടെ എന്ന് അമ്മയോട് ചോദിച്ചു… എന്നാൽ അമ്മ ഉത്തരം പറയാതെ എന്നെ ഒന്നു നോക്കുക മാത്രം ആണ് ചെയ്തത്.. ഞാനും ഒന്നും പറയാൻ കഴിയാതെ ഒന്നു ചിരിച്ചു…..ചേട്ടത്തി ചായയും ആയി അടുക്കളയിൽ നിന്നു വന്നു എല്ലാർക്കും കൊടുത്തു… എനിക്കു ചായ നീട്ടിയപ്പോൾ ഞാൻ വേണ്ട എന്ന് പറഞ്ഞു….
“എന്തടാ എന്ത് പറ്റി മുഖം വല്ലാതെ ഇരിക്കുന്നെ…”