ഞാൻ അവരുടെ മുന്നിൽ വച്ചു തന്നെ ആ രണ്ടു ഫോണും അടിച്ചു പൊട്ടിച്ചു…… സിം പോലും ഞാൻ അവർക്കു കൊടുത്തില്ല….. പ്രേശ്നത്തിന്റെ സീരിയസ് മനസ്സിലാക്കി കിച്ചുനെയും രേഷ്മയെയും കോളേജിൽ നിന്നു ഡിസ്സ്മിസ്സ് ചെയ്തു…….. എനിക്കു ഒരു വാണിംഗ് തന്നു വിട്ടു… ഒരു പെൺകുട്ടിയുടെ ഭാവി ഓർത്തു ഇത് പോലീസ് കേസ് ആക്കണ്ട എന്ന് പ്രിൻസിപ്പൽ പറഞ്ഞു….
അങ്ങനെ ഞങ്ങൾ പുറത്തു ഇറങ്ങി….ഞാൻ നോക്കുമ്പോൾ കിച്ചുവിന്റെ അമ്മ ധന്യയുടെ കാലിൽ വീണു മാപ്പ് ചോദിക്കുന്നു…. എന്നാൽ അവൾക്കു ഒരു കുലുക്കവും ഇല്ലായിരുന്നു.. അവളുടെ അവസ്ഥ കണ്ടു ഞാൻ വല്ലാതെ വിഷമിച്ചു… അവളുടെ വീട്ടുകാരുടെ അവസ്ഥയും മറിച്ചായിരുന്നില്ല……
ഞാൻ അവളെയും അവളുടെ വീട്ടുകാരെയും പറഞ്ഞു കാര്യം എല്ലാം മനസ്സിലാക്കി… അവൾക്കു ഒരു മാറ്റം വേണം അതുകൊണ്ട് അവർ അവളെ വീട്ടിൽ കൊണ്ട് പോയി…. കിച്ചുവിന്റ അമ്മ എന്നോട് സംസാരിക്കാൻ ശ്രെമിച്ചു എനിക്കിലും ഞാൻ അത് കേൾക്കാൻ കൂട്ടാക്കിയില്ല……
………………………………………………………….
അങ്ങനെ ദിവസ്സങ്ങൾ കടന്നു പോയി.. ഒരു ആഴ്ച കഴിഞ്ഞാണ് ഞാൻ കോളേജിൽ പോയത്.. ക്ലാസ്സിൽ കയറാൻ എനിക്കു മനസ്സ് വന്നില്ല…. എന്നാൽ വീട്ടിൽ അടഞ്ഞുകൂടി ഇരിക്കുന്നതിനേക്കാൾ നല്ലത് ക്ലാസ്സിൽ പോകുന്നതാണെന്നു തോന്നി…
കോളേജിൽ ആരും ആ എന്താണ് പ്രശ്നം എന്ന് വെക്തമായി അറിഞ്ഞിരുന്നില്ല.. പലരും എന്നോട് വന്നു ചോദിച്ചു. എന്നാൽ ഞാൻ അതിൽ നിന്നും എല്ലാം ഒഴിഞ്ഞു മാറി….. കിച്ചുവിന് ഞാൻ കൊടുത്ത പണി നല്ല രീതിയിൽ ആയിരുന്നു…. 4 മാസം അവനു ബെഡിൽ തന്നെ ആയിരുന്നു… അത് കഴിഞ്ഞു അവനെ അവന്റ അച്ഛൻ കൂടെ ഗൾഫിൽ കൊണ്ട് പോയി.. നാട്ടിൽ അവനെ നിർത്തിയാൽ ഇനിയും ശെരി ആകില്ല എന്ന് അവർക്കു മനസ്സിലായി…
ഇതിനിടയിൽ ഒരു ദിവസ്സം ധന്യയുടെ അച്ഛൻ കോളേജിൽ വന്നു.. അവളുടെ tc വാങ്ങാൻ ആണ് അദ്ദേഹം വന്നത്… അന്ന് എന്നെ വന്നു കണ്ടിരുന്നു… അവൾക്കു ഒരു മാറ്റം വേണം എന്നും അത് കൊണ്ട് അവർ എല്ലാം ലണ്ടനിൽ പോകുക ആണെന്നും ഇനി നാട്ടിൽ വരില്ല എന്നും എല്ലാം പറഞ്ഞു… എല്ലാം കേട്ടപ്പോൾ എനിക്കു വിഷമം ആയി എങ്കിലും അവൾക്കു നല്ല ജീവിതം കിട്ടാൻ വേണ്ടി ഞാൻ അത് ഉള്ളിൽ ഒതുക്കി….
കുറേനാൾ അവളെ ഓർത്തു വിഷമം ഉണ്ടായിരുന്നു എങ്കിലും പതുക്കെ പതുക്കെ ഞാൻ എല്ലാത്തിനും പൊരുത്തപ്പെട്ടു… കിച്ചുവിന്റ സ്വഭാവം അറിഞ്ഞ മീനാക്ഷി വളരെ വിഷമിച്ചു എന്നാൽ ഞാൻ അവളെയും എല്ലാം പറഞ്ഞു പഴയത് പോലെ ആക്കി.. എന്റെ ജീവിതവും ആയി ഞാൻ മുന്നോട്ടു പോയി… അന്നത്തെ സംഭവത്തിന് ശേഷം ഞാൻ കിച്ചുവിനെ പിന്നെ കണ്ടിട്ടില്ല
എന്നാൽ പകയുടെ തീയും ആയി അവൻ പിന്നെയും എന്റെ ജീവിതത്തിൽ വരും എന്ന് ഞാൻ അന്ന് കരുതിയില്ല
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
ഞാൻ നടന്ന കാര്യം എല്ലാം കിരണിന്റെ അടുത്ത് പറഞ്ഞു… അവനും അത് കേട്ടു മിണ്ടാതെ ഇരുന്നു…..
“ഡാ എനിക്കു അവനെ ഇപ്പോൾ വേണം……ഇപ്പോൾ തന്നെ ”
ഞാൻ ദേഷ്യത്തിൽ അവനോടു പറഞ്ഞു….. എന്റെ മുഖഭാവം കണ്ടു അവനു കാര്യം മനസ്സിലായി…. ഹോട്ടലിൽ നിന്നു കിട്ടിയ ഫോൺ നമ്പർ ചെക്ക് ചെയ്യാൻ ആരെയോ വിളിച്ചു ഡീറ്റെയിൽസ്സും ഇപ്പോൾ ഉള്ള ലൊക്കേഷനും പറയാൻ ആവശ്യപ്പെട്ടു…
ഞങ്ങൾ അവിടെ നിന്നു ഇറങ്ങി നേരെ വണ്ടി പാർക്ക് ചെയ്തിരുന്ന അടുത്ത് പോയി…. അവനു അപ്പോൾ കാൾ വന്നു.. അവൻ അത് എടുത്തു സംസാരിച്ചു…. കുറച്ചു കഴിഞ്ഞു അവൻ എന്റെ അടുത്ത് വന്നു… അവൻ എന്നെ വിളിച്ചു
“ഡാ ”
“ഡാ എന്തായി…. അവൻ എവിടെ ഉണ്ട് ഇപ്പോൾ?”
“ഡാ അവന്റ നമ്പർ തന്നയ…. ഇപ്പോൾ നിന്റെ വീടിന്റെ അടുത്തുള്ള ലൊക്കേഷൻ ആണ് കാണിക്കുന്നേ…….”
അവൻ പറഞ്ഞത് കേട്ടപ്പോൾ അവൻ അവന്റ വീട്ടിൽ തന്നെ കാണും എന്ന് എനിക്കു മനസ്സിലായി… ഞാൻ അവനോടു വണ്ടിയിൽ കയറാൻ പറഞ്ഞു…. അവൻ എന്റെ ഒപ്പം വണ്ടിയിൽ കയറി… ഞാൻ വേഗത്തിൽ വണ്ടി പായിച്ചു… അവൻ എന്തൊക്കയോ എന്നോട് പറയുക ആയിരുന്നു.. എന്നാൽ അതൊന്നും കേൾക്കാൻ പറ്റിയ മനസിക അവസ്ഥ ആയിരുന്നില്ല ഞാൻ…… വണ്ടിയിൽ ഇരുന്ന് അവൻ ചേട്ടനെ വിളിച്ചു കാര്യം പറഞ്ഞു… ചേട്ടൻ ബാങ്കിന്റെ ഫ്രണ്ടിൽ നിൽക്കാം എന്ന് പറഞ്ഞു..
ഞാൻ അതിരുവിട്ടാൽ എന്നെ തടയാൻ ചേട്ടനെ കൊണ്ടേ പറ്റു അത് കൊണ്ട് ഞാൻ ചേട്ടനെയും കൂട്ടി കിച്ചുവിന്റ വീട് ലക്ഷ്യം ആക്കി പോയി…. പോകുന്ന വഴിയിൽ മുഴുവൻ അവർ എന്നോട് അബദ്ധം ഒന്നും കാണിക്കരുത് എന്ന് പറഞ്ഞു കൊണ്ടിരുന്നു.. എന്നാൽ എനിക്കു അത് കേൾക്കാൻ താല്പര്യം ഇല്ലാതെ എത്രയും പെട്ടന്ന് അവിടെ എത്താൻ വേണ്ടി വണ്ട് പറപ്പിച്ചു വിട്ടു….
അങ്ങനെ വേഗത്തിൽ ഞങ്ങൾ കിച്ചുവിന്റ വീടിന്റെ മുന്നിൽ കാർ കൊണ്ട് നിർത്തി….. ഞാൻ ഡോർ വലിച്ചു തുറന്നു വേഗത്തിൽ ആ വീടിന്റ ഉള്ളിൽ ഓടി… മുന്നിലെ വാതിൽ തുറന്നു കിടക്കുക ആയിരുന്നു… ഞാൻ വേഗത്തിൽ അകത്തോട്ടു ഓടി…. എന്റെ പിന്നാലെ അവരും ഉണ്ടായിരുന്നു. ഞാൻ ഓടി ഹാളിൽ എത്തിയപ്പോൾ അവനെ ഞാൻ കണ്ടു… അവനെ കണ്ടതും ഒരു ഇരയെ കാണുന്ന വേട്ടക്കാരന്റെ അവസ്ഥ ആയിരുന്നു എനിക്കു…
അവൻ സോഫയിൽ ഇരുന്നു tv കാണുക ആയിരുന്നു.. പെട്ടന്ന് അവൻ എന്നെ കണ്ടു ഒന്ന് പേടിച്ചു… ഞാൻ ഓടി ചെന്ന് അവന്റെ നെഞ്ച് നോക്കി ആഞ്ഞു ഒരു ചവിട്ട് ചവിട്ടി…. ചവിട്ടു കൊണ്ട അവൻ സോഫയുടെ പുറകിലേക്ക് മലന്നു പോയി…. അവനു എഴിക്കാൻ കഴിയുന്നതിനു മുന്നേ ഞാൻ അവനെ തൂക്കി എടുത്തു മേശയുടെ പുറത്തു എറിഞ്ഞു….. ആ സമയത്താണ് ചേട്ടനും കിരണും അവിടെ എത്തിയത് അവൻ വീണപ്പോൾ മേശയുടെ ഗ്ലാസ് എല്ലാം പൊട്ടി അവന്റ ദേഹത്ത് കുത്തിയിരുന്നു..
ഈ സൗണ്ട് എല്ലാം കേട്ടു അവന്റെ അച്ഛനും അമ്മയും ഓടി വന്നു… അവർ ഈ കാഴ്ച എല്ലാം കണ്ടു ഞെട്ടി നിൽക്കുക ആയിരുന്നു..
എന്നാൽ ഞാൻ മൃഗത്തെ പോലെ ആണ് പെരുമാറിയത്….. ഞാൻ അവനെ അടിക്കാൻ ഒരുങ്ങിയതും കിരൺ എന്നെ താടയാൻ നോക്കി എന്നാൽ ഞാൻ അവനെ തള്ളി മാറ്റി അവനെ പിടിച്ചു ചുമരിൽ ഇടിച്ചു… അവന്റെ ദേഹം മുഴുവൻ ചോര ആയി…. ഞാൻ അവനെ അടിക്കാൻ കൈ ഓങ്ങിയതും ചേട്ടൻ വാന്നു എന്നെ പിടിച്ചു മാറ്റി….. ചേട്ടൻ എന്നെ അവനിൽ നിന്നും ദൂരേക്ക് കൊണ്ട് പോയി… ഞാൻ അപ്പോഴും അവനെ അടിക്കാൻ ആയി മുന്നോട്ടു കുതിച്ചു കൊണ്ടിരുന്നു..
ഇതെല്ലാം കണ്ടു നിന്ന അവന്റ അമ്മ നിസ്സഹായ ആയി കരയുക ആയിരുന്നു.. എന്നാൽ അവന്റെ അച്ഛൻ അവനെ പിടിച്ചു എഴുന്നേൽപ്പിച്ചു… എന്നാൽ കിരൺ പോയി അവനെ പിടിച്ചു നിർത്തി… അവന്റ കാരണത് ഒന്ന് കൊടുത്തു…
“ഡാ ഞങ്ങക്ക് വന്ന കാര്യം എന്താണെന്നു നിനക്ക് മനസ്സിലായി കാണുമല്ലോ……. നീ നല്ല കുട്ടിയായി എല്ലാം പറ…. ഇല്ലേൽ നീ വിവരം അറിയും… ഞാൻ സ്റ്റേഷനിൽ കൊണ്ട് പോയാൽ ഇങ്ങനെ ആയിരിക്കില്ല…”