“ഞാൻ എങ്ങനെ ചേട്ടത്തി.. അവൾക്കു അത്തരത്തിൽ ഒരു ഇഷ്ടം ഇല്ലെങ്കിൽ….. അവളുടെ അവസ്ഥക്ക് അറിയാതെ ആണേലും ഞാൻ ഒരു കാരണക്കാരൻ അല്ലേ…..”
“നീ എന്തൊക്കെയാടാ ചിന്തിച്ചു കൂട്ടുന്നെ… അവൾ ഇവിടെ ഉണ്ടായിരുന്ന 3 വർഷത്തിൽ ഒരിക്കൽ പോലും അവൾ നിന്നെ കുറ്റം പറഞ്ഞിട്ടില്ല… അവൾക്കു നിന്നെ എപ്പോഴും വിശ്വാസം ആയിരുന്നു….. ഡാ അവൾ ഒരു പാവം ആണെടാ ”
“ചേട്ടത്തി ഞാൻ…….”
“നീ ഒന്ന് ഇരുന്നു ആലോചിക്കൂ……….. നീ നാളെ അവളുടെ വീട്ടിൽ പോയി എല്ലാം ഒന്ന് തുറന്നു സംസാരിക്കു…എല്ലാം ശെരിയാകും..”
എന്നെ ഓരോന്ന് പറഞ്ഞു ചേട്ടത്തി സമാധാനിപ്പിച്ചു…എന്നാൽ അവൾക്കു എന്നെ ഇഷ്ടമല്ല എന്നാ ചിന്തയിലാണ് ഞാൻ കിടന്നത്……… ഇഷ്ടം ആയിരുന്നേൽ അവൾ എന്നോട് ഏതെങ്കിലും വിധത്തിൽ അവൾ പറയാൻ ശ്രെമിക്കും ആയിരുന്നു….. ഓരോന്ന് ആലോചിച്ചു പിന്നെയും കിടന്നു…..
അവസാനം ഞാൻ ഒരു തീരുമാനത്തിൽ എത്തി.. ഞാൻ എന്റെ മനസ്സിനെ കല്ലക്കി ആ തീരുമാനം എടുത്തു.. എന്റെ ഇഷ്ടം ഒരിക്കലും തുറന്നു പറയാൻ പാടില്ല… എന്നുന്നേക്കും ആയി അവളിൽ നിന്നു അകലുക ആണ് ലക്ഷ്യം… സമ്മതമില്ലാതെ നടന്ന കല്യാണം ആണേലും രണ്ടുപേരുടെയും സമ്മതത്തോടെ പിരിയുക… അതെ ഡിവോഴ്സ്…… എന്റെ വീട്ടുകാർക്ക് അവളെ പിരിയുന്നതിൽ വിഷമം ഉണ്ടാകും.. പതുക്കെ അവരെ പറഞ്ഞു മനസിലാക്കാം.. എന്റെ വിഷമവും കുറെനാൾ കഴിയുമ്പോൾ മാറുമായിരിക്കും… ഇനി മാറിയില്ലേലും അവൾ സന്തോഷം ആയിരിക്കുമല്ലോ… അത് മതി… അങ്ങനെ ഒരു ഉറച്ച തീരുമാനം ഞാൻ എടുത്തു.. നാളെ തന്നെ അവളെ വീട്ടിൽ പോയി കാണണം… എല്ലാം പറയണം..
………………………………………………
ഒരു 10 മിനിറ്റ് കൂടി കഴിഞ്ഞാൽ അവളുടെ വീട്ടിൽ എത്തും.. ഇന്നലെ ഞാൻ എടുത്ത തീരുമാനം തന്നെ ചെയ്യാൻ ആണ് പോകുന്നത്.. അവളോട്‌ എങ്ങനെ കാര്യം പറയണം എന്നാ പിടിയില്ല എന്നാൽ പറയാതെ പോകാനും കഴിയില്ല…. ഓരോന്നും ആലോചിച്ചു ഞാൻ കാർ വേഗത്തിൽ മുന്നോട്ടു തന്നെ പായിച്ചു… രാവിലെ അവളെ കാണാൻ പോകുക ആണെന്ന് പറഞ്ഞപ്പോൾ അമ്മക്കും ചേട്ടത്തിക്കും മുഖത്തു വളരെ സന്തോഷം കണ്ടു.. എന്നാൽ എല്ലാം അറിയുമ്പോൾ അവരുടെ സന്തോഷം പോകും എന്ന് ഓർത്തു എനിക്കു വിഷമം ആയി..
അങ്ങനെ അവളുടെ വീടിന്റെ ഗേറ്റ് കടന്നു വണ്ടി മുന്നോട്ട് നിർത്തി .. അവളുടെ പുറത്തു തന്നെ ഉണ്ടായിരുന്നു….. അദ്ദേഹം എന്നെ കണ്ടു ചിരിച്ചിട്ട് മുന്നോട്ടു വന്നു…
“വാ മോനെ….. അകത്തു കയറു…”
ഞാൻ അവളുടെ അച്ഛനൊപ്പം വീടിന്റെ ഉള്ളിൽ കയറി… ആ വീടിന്റെ സിറ്റ് ഔട്ടിൽ കയറിയിട്ടുണ്ട് എങ്കിലും ആ വീടിന്റെ ഉള്ളിൽ കയറുന്നതു ആദ്യം ആണ്…. എന്നോട് സോഫയിൽ ഇരിക്കാൻ പറഞ്ഞിട്ട് അവളുടെ അമ്മയെ വിളിച്ചു… അമ്മ എന്നെ നോക്കി ചിരിച്ചു.. ഓരോ കാര്യങ്ങൾ ചോദിച്ചു കൊണ്ടിരുന്നു… ഞാനും എന്തൊല്ലയോ പറഞ്ഞു.. അമ്മ എനിക്കു ചായ ഒക്കെ ഇട്ടു തന്നു.. അത്രയും നേരം ആയിട്ടും മാളൂനെ അവിടെ ഒന്നും കണ്ടില്ല… ഞാൻ വീടിന്റെ ഉള്ളിൽ അവളെ തിരഞ്ഞു….
ഞാൻ അവളെ കണ്ണുകൊണ്ടു അന്നെഷിക്കുന്നത് കണ്ടു അവളുടെ അമ്മ ചെറുതായി ഒന്നു ചിരിച്ചു… അത് കണ്ടപ്പോൾ ഞാനും ഒരു ചമ്മിയ ചിരി ചിരിച്ചു…
“അങ്ങോട്ട്‌ ഇങ്ങോട്ടും നോക്കണ്ട…. അവൾ അകത്തു മുറിയിൽ ഉണ്ട്….. നിങ്ങളുടെ വീട്ടിൽ നിന്നു വന്നതിനു ശേഷം പെണ്ണിന് ഒന്നിനും വലിയ ഉത്സവം ഒന്നും ഇല്ല എപ്പോഴും ആ മുറിയിൽ തന്നെ ആണ് ഇരുപ്പു… മോൻ ചെല്ല്… അവളെ കാണു ”
ആ അമ്മ അത്രയും പറഞ്ഞു എന്നെ അവളുടെ മുറി കാണിച്ചു തന്നു… ഞാൻ അവരെ നോക്കി ഒന്നു കൂടെ ചിരിച്ചിട്ട് ആ മുറിയിൽ പോകാൻ പോയി……
ഞാൻ ആ മുറിയിൽ ഡോറിൽ രണ്ടു വട്ടം ഒന്നു തട്ടി… എന്നാൽ അനക്കം ഒന്നും ഉണ്ടായില്ല….. ഞാൻ ഡോർ തുറന്നു അകത്തു കയറി….. നല്ല ഭംഗി ഉള്ള മുറി.. എല്ലാം നല്ല അടുക്കി പെറുക്കി വച്ചിരിക്കുന്നു…..
നോക്കുമ്പോൾ കട്ടിലിൽ കമന്നു കിടക്കുക ആണ് കക്ഷി…. ഞാൻ മുറിയിൽ കയറിയത് ഒന്നും അറിഞ്ഞില്ല.. ഞാൻ പതുക്കെ അവളുടെ കാട്ടിലിനു അടുത്ത് പോയി.. നിന്നു ഒരു വെള്ള ചുരിദാർ ആണ് വേഷം… ഞാൻ അവളെ വിളിച്ചു..
“മാളു ”
പെട്ടന്ന് അവൾ ഞെട്ടി ഒന്നു തിരിഞ്ഞു നോക്കി…. എന്നെ കണ്ടതും ആ കണ്ണുകൾ വിടരുന്നത് ഞാൻ കണ്ടു….. അവൾ നന്നായി ഒരുങ്ങി ഒക്കെ ആണ് നിൽക്കുന്നത്.. വീട്ടിൽ നിൽക്കുമ്പോഴും ഇങ്ങനെ ആണോ നിൽക്കുന്നെ എന്ന് ഞാൻ സംശയിച്ചു… ഞാൻ അവളെ തന്നെ നോക്കി നിന്നു…. എനിക്കു കണ്ണ് മാറ്റാൻ പറ്റിയില്ല… ഞാൻ വന്ന കാര്യം പോലും മറന്നു പോകും എന്നാ ഒരു തോന്നൽ എനിക്കു ഉണ്ടായി… പെട്ടന്ന് ഞാൻ ചിന്തയിൽ നിന്നു തിരിച്ചു വന്നു…. അവളെ നോക്കി നിൽക്കുന്നത് കണ്ടു അവൾ എന്നെ നോക്കി ചിരിച്ചു
“മാളു നമുക്ക് ഒരു സ്ഥലം വരെ പോകണം ഒരു ആളെ കാണാൻ ഉണ്ട്…..”
ഞാൻ പറഞ്ഞ കേട്ടു അവൾ എങ്ങോട്ടാണ് എന്നാ രീതിയിൽ എന്നെ നോക്കി…
“മാളു നമുക്ക് ഒരു വക്കിലിനെ കാണാൻ പോകാം.. ഇഷ്ടം ഇല്ലാത്ത ഒരു ജീവിതം ഇനി ഞാൻ ജീവിക്കണം എന്നില്ല…. നമുക്ക് ഒരു വക്കിലിനെ കണ്ടു… ഡിവോഴ്സ് നു ഉള്ള അപേക്ഷ കൊടുക്കാം.. രണ്ടുപേർക്കും സമ്മതം ആയതു കൊണ്ട് പെട്ടന്ന് കിട്ടുകയും ചെയ്യും…”
ഞാൻ ഒറ്റ വക്കിൽ എല്ലാം പറഞ്ഞു അവളെ നോക്കി…. ചെറുപുഞ്ചിരി ഉണ്ടായിരുന്ന മുഖത്തു സങ്കടം നിറഞ്ഞു… അവളുടെ കണ്ണുകൾ കലങ്ങി.. അടുത്ത നിമിഷം ഞാൻ പ്രേതീക്ഷിക്കാത്ത ഒരു കാര്യം അവിടെ സംഭവിച്ചു…..
മാളുവിന്റെ കൈ എന്റെ വലതു കവിളിൽ പതിച്ചു… നല്ല പവർ ഉണ്ടായിരുന്നു ആ അടിക്കു…. അത് കിട്ടി ഒന്നു നിവർന്നപ്പോൾ കിട്ടി അവിടെ തന്നെ ഒന്നു കൂടെ….. എന്താണ് സംഭവിക്കുന്നെ എന്ന് എനിക്കു ഒരു പിടിയും കിട്ടിയില്ല… അടുത്ത നിമിഷം അവൾ എന്റെ രണ്ട് കോളറിലും കയറി പിടിച്ചു…… അവൾ നിന്നു കത്തുക ആയിരുന്നു… അവൾ എന്നെ അവളുടെ മുഖത്തോട് അടുപ്പിച്ചു..
“നിനക്ക് എന്നെ ഉപേക്ഷിക്കണം അല്ലേടാ…. പറയെടാ നിനക്ക് എന്നെ വേണ്ടല്ലേ… പറ നിനക്ക് എന്നെ വേണ്ടല്ലേ… പറയെടാ….”
അവൾ നിന്നു അലറുക ആയിരുന്നു…. അവളുടെ ഇങ്ങനെ ഉള്ള പ്രതികരണം ഞാൻ ഒട്ടും പ്രേതീക്ഷിച്ചില്ല…..
“നിനക്ക് ഇഷ്ടമല്ല എന്ന് കരുതിയ ഇത്രയും നാൾ നിന്നെ ഞാൻ ശല്യം ചെയ്യാതെ.. നീ എന്നേലും എന്നെ തിരിച്ചു ഇഷ്ടപെടും എന്ന് കരുതി… എന്നാൽ ഇപ്പോൾ… ഇന്നലെ ചേട്ടത്തിയോട് നിനക്ക് എന്നോട് ഉള്ള ഇഷ്ടം പറഞ്ഞുന്നു വിളിച്ചു പറഞ്ഞപ്പോൾ… ഞാൻ ഒരുപാട് സന്തോഷിച്ചു… നീ ഇന്ന് ഇവിടെ വന്നപ്പോൾ നീ എന്നെ കൊണ്ട് പോകാൻ വന്നതന്ന ഞാൻ കരുതിയത്…. എന്നാൽ നീയോ…. നിനക്ക് എന്നെ ഉപേക്ഷിക്കണം അല്ലേടാ….”
അവൾ പറയുന്ന കേട്ടു ഉള്ള കിളികൾ എല്ലാം പറന്നു പോയി… എനിക്കു ഒന്നും പറയാൻ കഴിയാതെ നിന്നു.. നടക്കുന്നത് സത്യം ആണോ കള്ളം ആണോ എന്ന് എനിക്കു പിടി ഇല്ല…….. ഞാൻ ചലനം ഇല്ലാതെ നിന്നു…അടുത്ത നിമിഷം അവൾ എന്നെ കെട്ടിപിടിച്ചു കരയാൻ തുടങ്ങി.. അവൾ എന്നെ ശക്തിയായി കെട്ടി പിടിച്ചു….
“എനിക്കു നിന്നെ ഇഷ്ടം ആട പൊട്ടാ….. ഒരുപാട് ഇഷ്ടം.. എന്റെ ജീവനെക്കാളും ഇഷ്ടം ആണെടാ നിന്നെ എനിക്കു…..”