എന്തോ പെട്ടെന്ന് ലെനയുടെ ആ പെരുമാറ്റം കണ്ടപ്പോൾ പവി എല്ലാം മറന്ന് മനസ്സ് തുറന്നൊന്ന് പൊട്ടിച്ചിരിച്ചുപോയി,, പവിയുടെ ആ ചിരിയിൽ ലെനയും പങ്കുചേർന്നു,, അങ്ങനെ പതിവു ദിവസങ്ങൾ പോലെ തന്നെ അന്നും അവരുടെ ഉച്ചയൂണ് കളിയും തമാശകളുമായി കടന്നുപോയി
*************
ജോലി കഴിഞ്ഞ് വീട്ടിലേക്കുള്ള യാത്രയിലുടനീളം പവിയുടെ മനസ്സ് ലനയുടെ ജീവിതത്തെക്കുറിച്ചുള്ള ചിന്തകളിലായിരുന്നു. കഴിഞ്ഞ കുറച്ചു മാസങ്ങളായി ലന തന്നോട് പങ്കുവെച്ച കാര്യങ്ങൾ അവൾ ഓരോന്നായി ഓർത്തു. ദാമ്പത്യ ജീവിതത്തിൽ താനും ലനയും ഒരേപോലെ ദുഃഖിതരായിരുന്നു; ആ സമാനമായ അവസ്ഥ തന്നെയായിരുന്നു അവരുടെ സൗഹൃദത്തെ ഇത്രയും ദൃഢമാക്കിയതും.
ഭർത്താവിൽ നിന്നുള്ള അവഗണനകളും ജീവിതത്തിൽ താൻ തീർത്തും തനിച്ചായിപ്പോയി എന്ന തോന്നലുമായിരുന്നു ലനയെ ഇൻസ്റ്റാഗ്രാമിൽ അഡിക്റ്റാക്കി മാറ്റിയത്. പക്ഷേ, തുടക്കത്തിൽ അതൊരു വെറും സമയകൊല്ലി എന്നതിനപ്പുറം മറ്റൊരു ദുരുദ്ദേശവും അവൾക്കുണ്ടായിരുന്നില്ല. അങ്ങനെയൊരിക്കൽ അവിചാരിതമായാണ് അജിത് എന്ന പയ്യനുമായി അവൾ ഇൻസ്റ്റാഗ്രാമിൽ പരിചയപ്പെടുന്നത്.
ആദ്യമൊക്കെ ഒരു അപരിചിതനുമായുള്ള ചാറ്റിനോട് ലെന അത്ര വലിയ താല്പര്യം കാണിച്ചിരുന്നില്ല. എന്നാൽ, അവൾ എത്ര മറുപടി കൊടുത്തില്ലെങ്കിലും അവൻ എന്നും മുടങ്ങാതെ മെസ്സേജുകൾ അയച്ചുകൊണ്ടിരുന്നു. അവളുടെ സുഖവിവരങ്ങളും ആരോഗ്യവും മനസ്സിലെ സന്തോഷവും തിരക്കി, വളരെ കെയറിങ്ങായ രീതിയിലുള്ള അവന്റെ ആ ഇടപെടലുകൾ പതിയെ ലെനയുടെ ശ്രദ്ധ പിടിച്ചുപറ്റി.
പതിയേ പതിയെ അവർ സുഹൃത്തുക്കളായി മാറി. അവൾ അവനിൽ വലിയൊരു ആശ്വാസം കണ്ടെത്തി തുടങ്ങി. ജീവിതത്തിൽ ഒറ്റപ്പെട്ടുപോയ ഒരാൾക്ക് ലഭിക്കുന്ന തണൽ പോലെ ആ സൗഹൃദം വളരെ വേഗം ദൃഢമായ ഒരു ബന്ധത്തിലേക്ക് വഴിമാറി. പിന്നീട് അങ്ങോട്ട്, മനസ്സിലെ എല്ലാ വിഷമങ്ങളും തുറന്നു പറയാനുള്ള ഒരു താങ്ങായി അവൻ മാറിത്തുടങ്ങി.
ഒരു കോഫി കുടിയിലായിരുന്നു അവർ തമ്മിലുള്ള ആദ്യത്തെ കൂടിക്കാഴ്ച. ചാറ്റിനപ്പുറം ഈ ബന്ധം വളർത്തരുതെന്ന് മനസ്സിൽ ഉറപ്പിച്ചു ലന ഒരുപാട് തവണ ഒഴിഞ്ഞുമാറിയതാണ്. എങ്കിലും, അവന്റെ തുടരെത്തുടരെയുള്ള അപേക്ഷകൾക്ക് മുമ്പിൽ ഒടുവിൽ അവൾ വീണുപോവുകയായിരുന്നു.
പിന്നീട്, ആഴ്ചയിൽ ഒന്നോ രണ്ടോ കോഫികൾ എന്നത് പതിവായ ഒരു ശീലമായി മാറി. സാവധാനം, കോഫി ഷോപ്പുകളിൽ നിന്നും ബീച്ചിലേക്കും പാർക്കുകളിലേക്കും ഒടുവിൽ മൂവി തിയേറ്ററുകളിലേക്കും അവരുടെ കൂടിക്കാഴ്ചകൾ വളർന്നു.
അവനോടുള്ള വിശ്വാസം വർദ്ധിച്ചതോടെ, ഒരു വൺഡേ ടൂറിനും ലോങ്ങ് ട്രിപ്പിനും സമ്മതം മൂളാൻ ലനയ്ക്ക് ഒട്ടും മടിയുണ്ടായില്ല. എന്നാൽ ആ യാത്രക്കിടയിലായിരുന്നു അവരുടെ ബന്ധത്തിൽ ആ വഴിത്തിരിവ് സംഭവിച്ചത്. അല്പം ബലം പ്രയോഗിച്ചാണെങ്കിലും, കാറിലിരുന്ന് അവൻ അവളെ ആദ്യമായി ചുംബിച്ചു.
ആ ചുംബനം ഒട്ടും സൗമ്യമായിരുന്നില്ല. തന്റെ ആദ്യത്തെ ആ അവിഹിത ചുംബനത്തിൽ നിന്നും ഒഴിഞ്ഞുമാറാൻ അവൾ എല്ലാവിധത്തിലും
ശ്രമിച്ചു നോക്കിയിരുന്നു. പക്ഷേ, അവന്റെ ചുണ്ടുകളും നാക്കുകളും ചേർന്നപ്പോൾ ആ ചുംബനത്തിന്റെ ലഹരി അവളുടെ രക്തത്തിൽ കുതിച്ചു പൊങ്ങുകയായിരുന്നു,, ആ നിമിഷത്തിൽ അവൾ പൂർണ്ണമായും വഴങ്ങി പോവുകയായിരുന്നു. തിരികെ വീട്ടിലെത്തിയപ്പോൾ അവൾ ഒരുതരം പാരവശ്യത്തിലായിരുന്നു. തെറ്റും ശരിയും, സുഖവും ഒപ്പം കുറ്റബോധവും ചേർന്നൊരു തീയിൽ അവൾ എരിഞ്ഞു തീരുകയായിരുന്നു.
തന്റെ ജീവിതത്തിൽ ചെയ്ത ഏറ്റവും വലിയ തെറ്റായി അവൾക്ക് തോന്നിയിരുന്നു ആ നിമിഷം. വീട്ടിൽ മടങ്ങിയെത്തിയ ലനയ്ക്ക് പിന്നീടങ്ങോട്ട് കുറ്റബോധത്തിന്റെ ദിനങ്ങളായിരുന്നു. എല്ലാ ദിവസവും, ഭർത്താവിന്റെ മുഖത്തേക്ക് നോക്കുമ്പോഴും അദ്ദേഹത്തിന്റെ അടുത്ത് കിടന്നുറങ്ങുമ്പോഴും അവൾക്ക് തന്നോട് തന്നെ വല്ലാത്ത വെറുപ്പും പുച്ഛവും തോന്നി. ഇനി ഇതിനപ്പുറം ഈ ബന്ധം വേണ്ട എന്ന ദൃഢനിശ്ചയത്തിൽ അവൾ അവനെ ബ്ലോക്ക് ചെയ്തു.