അകത്ത് ചിരിയും സംസാരവും തകൃതിയായി നടക്കുന്നുണ്ട്.. അഷ്റഫിന്റെ കണ്ണുകൾ ഇടയ്ക്കിടെ അകത്തേക്ക് നീളുന്നുണ്ട്. പെണ്ണുങ്ങൾ അകത്ത് തെസ്നിയോട് ഓരോന്ന് ചോദിച്ചു ചിരിക്കുമ്പോൾ, അവളുടെ ആ കള്ളച്ചിരിയും അഷ്റഫിന്റെ ഉള്ളിൽ വീണ്ടും തീ പടർത്തുന്നുണ്ടായിരുന്നു.
അകത്ത് പെണ്ണുങ്ങളുടെ ചിരിയും തമാശകളും കൊണ്ട് വീട് ശരിക്കും സജീവമായി. തെസ്നി അടുക്കളയിൽ എല്ലാവർക്കും ജ്യൂസ് അടിക്കുന്ന തിരക്കിലാണ്. അവളുടെ കൂടെ ലതച്ചേച്ചിയും കൂടി. രണ്ടുപേരും കൂടി ഓരോന്ന് പറഞ്ഞു ചിരിക്കുന്നുണ്ട്. ലതച്ചേച്ചി തെസ്നിയുടെ ഗ്ലാമറും ഇപ്പോഴത്തെ ആ ഒരു ഉഷാറുമൊക്കെ കണ്ട് ഇടയ്ക്ക് ഓരോന്ന് ചോദിച്ചു കളിയാക്കുന്നുമുണ്ട്.
ഉമ്മറത്ത് രമേശേട്ടനും അഷ്റഫും നാട്ടിലെ കാര്യങ്ങളും വീടുപണിയുടെ ബാക്കി വിശേഷങ്ങളും സംസാരിച്ച് ഇരുന്നു. അകത്തെ മുറിയിൽ വർഷയും മുത്തശ്ശിയും കൂടി അഷ്റഫിന്റെ മോനെ കളിപ്പിക്കുന്ന തിരക്കിലാണ്. പ്ലസ്ടു കഴിഞ്ഞ ആവേശത്തിൽ നിൽക്കുന്ന വർഷയ്ക്ക് കുഞ്ഞിനെ വലിയ ഇഷ്ടമായി. വിനീഷ് ആകട്ടെ, ഹാളിലെ പുതിയ വലിയ ടിവിയിൽ ചാനലുകൾ മാറ്റി മാറ്റി നോക്കി അവിടെ തന്നെ സെറ്റിലായി.
അഷ്റഫിന്റെ ശ്രദ്ധ പകുതിയും അകത്തെ സംസാരത്തിലാണ്. തെസ്നി ജ്യൂസ് ഗ്ലാസുകളുമായി ഹാളിലേക്ക് വരുമ്പോൾ അവളുടെ ആ നടത്തവും ഉടലിലെ ആ ചടുലതയും അവൻ കണ്ണിമയ്ക്കാതെ നോക്കി നിന്നു..
ജ്യൂസ് കൊടുക്കുന്നതിനിടയിൽ അഷ്റഫിന്റെ കണ്ണ് തന്റെ മേൽ ഉടക്കി നിൽക്കുന്നത് തെസ്നിയും അറിഞ്ഞു. അവൾ അവനെ നോക്കി ഒന്ന് കണ്ണിറുക്കി, എന്നിട്ട് ലതച്ചേച്ചിയോട് എന്തോ പറഞ്ഞു ചിരിച്ചു.
അഷ്റഫിന്റെ ഉള്ളിൽ ഇപ്പോൾ ചെറിയൊരു വെപ്രാളമുണ്ട്. എല്ലാവരും ഒന്ന് വേഗം പോയിരുന്നെങ്കിൽ ആ രണ്ട് വർഷത്തെ പലിശയും മുതലും ചേർത്ത് ഒന്ന് വീട്ടിത്തുടങ്ങാമായിരുന്നു.
എല്ലാവരും ജ്യൂസ് ഒക്കെ കുടിച്ച് ഇറങ്ങാൻ തുടങ്ങിയപ്പോഴാണ് അഷ്റഫ് പതുക്കെ രമേശേട്ടന്റെ അടുത്തുചെന്ന് ചെവിയിൽ മന്ത്രിച്ചു.
രമേശേട്ടാ.മദ്യപാനം ഉണ്ടോ..? സാധനം കയ്യിലുണ്ട്, സ്കോച്ച് കൊണ്ട് വന്നിട്ടുണ്ട്.”
രമേശേട്ടന്റെ കണ്ണൊന്ന് തിളങ്ങി. “നീ ഇങ്ങെടുക്ക് അഷ്റഫേ… ഇന്ന് രാത്രി അതൊന്നു പരീക്ഷിച്ചേക്കാം!” എന്ന് പറഞ്ഞ് പുള്ളി ചിരിച്ചു. അഷ്റഫ് പതുക്കെ ലതച്ചേച്ചിയെ ഒന്ന് നോക്കി. “ചേച്ചിക്ക് വല്ല പ്രശ്നവുമുണ്ടോ?”
”ഏയ് അതൊന്നും സാരമില്ലടാ, നിങ്ങൾ തമ്മിൽ ഇങ്ങനെയൊക്കെയല്ലേ,” എന്ന് പറഞ്ഞ് ലതച്ചേച്ചി ഗ്രീൻ സിഗ്നൽ കൊടുത്തു. ഉടനെ അഷ്റഫ് അകത്തുപോയി ഗൾഫിൽ നിന്ന് കൊണ്ടുവന്ന ആ ബോട്ടിൽ എടുത്ത് കവറിൽ പൊതിഞ്ഞ് ആരും കാണാതെ രമേശേട്ടന്റെ കയ്യിൽ ഏൽപ്പിച്ചു. രമേശേട്ടന്റെ മുഖത്ത് ഇപ്പോൾ 100 വോൾട്ടിന്റെ ചിരി!
അതേസമയം അകത്തെ റൂമിൽ തെസ്നിയും ലതച്ചേച്ചിയും വർഷയും കൂടി നല്ല സംസാരത്തിലായിരുന്നു. വർഷയ്ക്ക് തെസ്നിയുടെ ആ ഗൾഫ് സാധനങ്ങളൊക്കെ കണ്ടപ്പോൾ വലിയ കൗതുകം. തെസ്നി തന്റെ ഡ്രസ്സിങ് ടേബിൾ തുറന്ന് അഷ്റഫ് കൊണ്ടു വന്ന നല്ല ലിപ്സ്റ്റിക്കുകളും ബോഡി സ്പ്രേയും ഒക്കെ വർഷയ്ക്ക് എടുത്തു കൊടുത്തു.
”ഇത് നിനക്ക് ഇരിക്കട്ടെ വർഷേ…
എന്ന് പറഞ്ഞു തെസ്നി അവൾക്ക് കൊടുത്തു. തെസ്നിയുടെ ആ ചടുലതയും, വർഷയുടെ കൗതുകവും ലതച്ചേച്ചിയുടെ സ്നേഹവും കൂടി ആ മുറിയിൽ ഒരു നല്ല വൈബ് തന്നെയായിരുന്നു.
കവറും വാങ്ങി രമേശേട്ടനും കുടുംബവും പടിയിറങ്ങാൻ ഒരുങ്ങി. പുറത്ത് ഇരുട്ട് കനത്തു തുടങ്ങിയിട്ടുണ്ട്.
പുറത്ത് രാത്രിയുടെ നിശബ്ദത കനത്തു. അവസാനത്തെ അതിഥിയും പടിയിറങ്ങിയതോടെ അഷ്റഫ് ചെന്ന് ഉമ്മറത്തെ വലിയ തേക്കിൻ വാതിൽ അടച്ചു കുറ്റിയിട്ടു. ആ ശബ്ദം ഒരു തുടക്കമായിരുന്നു.
”വാ ഇക്ക, വിശക്കുന്നുണ്ടാവും, നമുക്ക് വേഗം കഴിക്കാം,” തെസ്നി വിളിച്ചു. അവൾക്കും ഉള്ളിലൊരു വെപ്രാളമുണ്ടായിരുന്നു. മകന് ചോറു കൊടുത്ത്, മൂന്നുപേരും കൂടി വേഗം അത്താഴം കഴിച്ചു തീർത്തു. തെസ്നി മിന്നൽ വേഗത്തിൽ അടുക്കള ജോലികളെല്ലാം ഒതുക്കി. മോനെ ഉറക്കാൻ കിടത്തിയപ്പോൾ അവൻ വേഗം തന്നെ ഉറക്കത്തിലേക്ക് വഴുതിവീണു. ആ കുഞ്ഞു ശ്വാസഗതിയുടെ താളത്തിനൊപ്പം ആ വീട് പൂർണ്ണമായും നിശബ്ദമായി.