“എടാ വിക്രം! നിനക്ക് എന്തു പറ്റി?” ശെരിക്കും ആശങ്കയോടെ ചേട്ടന് ചോദിച്ചു.
“കുറച് ദിവസം എനിക്ക് സുഖം ഇല്ലായിരുന്നു, ചേട്ടാ. പക്ഷേ അതൊക്കെ മാറി.” ഒരു കൂസലുമില്ലാതെ ഞാൻ നുണ പറഞ്ഞു.
പക്ഷേ വിശ്വാസം വരാത്ത പോലെ ചേട്ടൻ കുറെ നേരം എന്നെ തന്നെ സൂക്ഷിച്ചു നോക്കി.
“അത് പോട്ടെ. ഈ ബാഗ് ഒക്കെ ആയിട്ട് ചേട്ടൻ ഇപ്പൊ എങ്ങോട്ടേക്കാ?” ചേട്ടൻ കൊണ്ട് വന്ന വലിയ ബാഗ് നോക്കി ഞാൻ ചോദിച്ചതും ചേട്ടൻ എന്റെ കാര്യം മറന്ന് സന്തോഷത്തില് ചിരിച്ചു.
“എടാ ഞാൻ എന്റെ കൂട്ടുകാരുടെ അടുത്തേക്കാണ് പോകുന്നത്. ഒരു ടൂറ് ഞങ്ങൾ പ്ലാൻ ചെയ്തിരുന്നു.”
“അപ്പോ ചേച്ചിയെ കൊണ്ട് പോകുന്നില്ലേ?” മുഖം ചുളിച്ചു കൊണ്ട് ഞാൻ ചോദിച്ചതും ചേട്ടന്റെ മുഖം ദേഷ്യത്തില് കറുത്തു.
“കഴിഞ്ഞ ആഴ്ചയേ ഈ ടൂറിന്റെ കാര്യം അവളോട് ഞാൻ പറഞ്ഞിരുന്നതാ. ഇന്ന് വൈകിട്ട് പോണം എന്നും അന്നേ ഞാൻ പറഞ്ഞിരുന്നു. അപ്പോൾ അവള് ഒന്നും പറഞ്ഞിലായിരുന്നു. അവസാന നിമിഷത്തില് അവള് വരുമെന്ന് തന്നെയാ ഞാനും കരുതിയിരുന്നത്.” അത്രയും പറഞ്ഞിട്ട് അയാൾ ദേഷ്യത്തില് പല്ലിറുമ്മി.
“പിന്നേ എന്താ സംഭവിച്ചത്?” ഞാൻ ചോദിച്ചു.
“പക്ഷേ ഇന്ന് രാവിലെ അവളോട് എല്ലാ റെഡിയാക്കി വെക്കാൻ പറഞ്ഞപ്പോ അവള് വരുന്നില്ലെന്നും പറഞ്ഞ് ശെരിക്കും വാശി പിടിച്ചായിരുന്നു. അതുകൊണ്ട് ദേഷ്യത്തില് ഞാൻ ഒരു അടി കൊടുത്തതും അവൾ ഇറങ്ങി നിന്റെ ഫ്ലാറ്റിലേക്ക് പോയി കതവും ലോക് ചെയ്തു. ഞാൻ പിന്നേ ജോലിക്കും പോയി. തിരികെ വന്നിട്ട് അവളെ ഫോണിൽ വിളിച്ചിട്ട് എടുക്കുന്നില്ല. നിന്റെ കതവ് തട്ടിയും ബെല്ല് അടിച്ചും നോക്കി. പക്ഷെ വരുന്നില്ല എന്നും പറഞ്ഞു എനിക്ക് അവൾ മെസേജ് മാത്രം ചെയ്തു. അതുകൊണ്ട് ഞാൻ ഒറ്റക്ക് ഇറങ്ങി.” അയാൾ കഠിന കോപത്തോടെ പറഞ്ഞു.
പെട്ടന്ന് ഉള്ളില് പതഞ്ഞ സന്തോഷം അടക്കി കൊണ്ട് ഞാൻ ചോദിച്ചു, “ടൂറ് എന്നു കഴിയും?”
ടൂറിന്റെ കാര്യം ചോദിച്ചതും ചേട്ടന്റെ മുഖം തെളിഞ്ഞു.
“എടാ, ഇതിപ്പോ എന്റെ വെക്കേഷൻ ടൈം ആണ്. പക്ഷേ ഞാൻ നാട്ടില് പോകുന്നില്ല എന്നും, പകരം ഇവിടെ ഒരാഴ്ച മാത്രം ലീവ് മതി എന്നും പറഞ്ഞപ്പോ കമ്പനിയും സമ്മതിച്ചു. നാളെ മുതൽ എന്റെ അവധി തുടങ്ങി വെള്ളിയാഴ്ച വരെയുണ്ട്. പക്ഷേ ശനിയും ഞായറും അവധി ആയത് കൊണ്ട് എനിക്ക് ഒന്പത് ദിവസം കിട്ടും. അപ്പോ ഒന്പത് ദിവസത്തേക്ക് ഞാനിവിടെ ഉണ്ടാവില്ല, വിക്രം. അടുത്ത ഞായറാഴ് രാത്രി അല്ലെങ്കിൽ തിങ്കളാഴ്ച രാവിലെ എന്നെ പ്രതീക്ഷിച്ച മതി.” ചേട്ടൻ ഉത്സാഹത്തോടെ പറഞ്ഞു.
അതുകേട്ട് എന്റെ മനസ്സിൽ ഞാൻ തുള്ളിച്ചാടി.
“ശരി ചേട്ടാ, അപ്പോ ഒന്പത് ദിവസം കഴിഞ്ഞ് നമുക്ക് കാണാം.” അതും പറഞ്ഞ് ഞാൻ വണ്ടിയില് നിന്ന് ഇറങ്ങിയതും ഒപ്പം ചേട്ടനും ഇറങ്ങി.
“പിന്നേ വിക്രം, ഒരു കാര്യം കൂടിയുണ്ട്. നിന്നെ ഇവിടെ പാർക്കിംഗിൽ വച്ച് കാണാന് കഴിഞ്ഞില്ലെങ്കിൽ നിന്നെ വിളിക്കാം എന്നാ ഞാൻ വിചാരിച്ചത്. എന്തായാലും നേരിട്ട് കണ്ടത് നന്നായി.”
അത് കേട്ടതും ചോദ്യ ഭാവത്തില് ഞാൻ ചേട്ടനെ നോക്കി. അയാള്ക്ക് കാശ് വേണം എന്നതിൽ എനിക്ക് സംശയമേ ഇല്ലായിരുന്നു.
“ഒരു പതിനായിരം എനിക്ക് വേണം, വിക്രം.” അയാൾ മടിച്ചു കൊണ്ടാണ് ചോദിച്ചത്. കാരണം ഇത്ര വലിയ തുക ഞാൻ അയാള്ക്ക് കൊടുക്കുമോ എന്ന സംശയം അയാള്ക്ക് ഉണ്ടായിരുന്നു.
സത്യത്തിൽ, പതിനായിരം അല്ല അതിൽ കൂടുതൽ ചോദിച്ചിരുന്നെങ്കിലും ഞാൻ കൊടുത്തേനെ. കാരണം, അയാൾ പോയാൽ, ഒന്പത് ദിവസവും അഞ്ചന ചേച്ചി എന്റെ ഫ്ലാറ്റിൽ ആയിരിക്കും എന്ന ചിന്താഗതി ആയിരുന്നു എനിക്ക്.
“ഞാൻ തരാം ചേട്ടാ.” അയാള്ക്ക് ഞാൻ ഉറപ്പ് കൊടുത്തതും അയാളുടെ ടെൻഷൻ മാറി മുഖം തെളിഞ്ഞു.
“പിന്നെ അഞ്ചന ഒറ്റയ്ക്കാണ്, വിക്രം. അതുകൊണ്ട് അവളെ നീ തന്നെ നോക്കിക്കോണം.” ചേട്ടൻ ഗൗരവതത്തിൽ പറഞ്ഞു.
“ശരി ചേട്ടാ, ഞാൻ നോക്കി കൊള്ളാം.” ചേട്ടന് ഞാൻ ഉറപ്പ് കൊടുത്തു.
“പിന്നേ ഒരു കാര്യം കൂടി നിന്നോട് എനിക്ക് പറയാനുണ്ട്.” അയാള് സീരിയസ്സായി പറഞ്ഞതും ഞാൻ പെട്ടന്ന് പേടിച്ചു.
എന്റെ കാര്യം വല്ലതും അയാൾ അറിഞ്ഞോ?
“എപ്പോഴത്തേയും പോലെ എന്നെ വെറുതെ ഫോൺ വിളിച്ച് ശല്യം ചെയ്യരുത്, വിക്രം. അത് എന്റെ മൂഡിനെ തന്നെ നശിപ്പിക്കും.” ചേട്ടൻ കടുപ്പിച്ചെന്നേ നോക്കിയാണ് പറഞ്ഞത്.
ഹോ!! ഇതായിരുന്നോ അയാള്ക്ക് പറയാൻ ഉണ്ടായിരുന്നത്!?
ഇപ്പോഴാണ് സമാധാനമായത്.
“അപ്പോ പിന്നെ ചേട്ടൻ ചത്തോ ജീവിച്ചിരിപ്പണ്ടോ എന്ന് ഞാനെങ്ങനെ അറിയും?”
സംശയത്തോടെ ഞാൻ ചോദിച്ചതും ചേട്ടൻ എന്നെ ദയനീയമായി നോക്കി.
“ശരി.. ഓക്കെ.. ഓക്കെ.” ഞാൻ വേഗം പറഞ്ഞു. “ഞാൻ വിളിക്കില്ല. ചേട്ടൻ പോയി അടിച്ചുപൊളിക്ക്.”
ശ്വാസം ആഞ്ഞ് എടുത്തുകൊണ്ട് ചേട്ടൻ തലയാട്ടി.
“പിന്നേ അത്ര പണം ഇപ്പൊ എന്റെ കൈയിലില്ല, ട്രാൻസ്ഫർ ചെയ്താൽ പോരെ?” ഞാൻ പെട്ടന്ന് ചോദിച്ചതും ചേട്ടന്റെ മുഖം ഒന്ന് തെളിഞ്ഞു.
“മതിയാവും വിക്രം.” ചേട്ടൻ പറഞ്ഞതും അപ്പോ തന്നെ ഞാൻ ട്രാൻസ്ഫർ ചെയ്തു കൊടുത്തു.
“അപ്പോ ശരി ഡാ. നമുക്ക് പിന്നെ കാണാം.”
അതും പറഞ്ഞ് ചേട്ടൻ അയാളുടെ കാറിലേക്കും ഞാൻ ലിഫ്റ്റിലേക്കും നടന്നു.
എന്റെ മനസ്സില് മൊത്തം ചേച്ചിയായിരുന്നു. എന്റെ നടത്തത്തിൽ ചെറിയൊരു തുള്ളല് പോലും ഉണ്ടായിരുന്നു.
എന്റെ ഫ്ലാറ്റിന്റെ കീ ഹോളിൽ ചാവി ഇട്ടതും ചാവി മുഴുവനായി കേറിയില്ല. അപ്പുറത്തെ സൈഡിലെ കീ ഹോളിൽ ചേച്ചിയുടെ ചാവി ഉള്ളത് കൊണ്ട് എനിക്ക് തുറക്കാന് കഴിഞ്ഞില്ല.
അതുകൊണ്ട് ഞാൻ ബെല്ല് അടിച്ചിട്ട് കാത്തിരുന്നു.
അല്പ്പം കഴിഞ്ഞ് അഞ്ചന ചേച്ചി വാതിൽ തുറന്നു.
“സോറി വിക്രം! ചാവി അല്പ്പം പിന്നിലേക്ക് വലിച്ചു വെക്കാൻ ഞാൻ മറന്നു.” അത്രയും പറഞ്ഞിട്ട് ചേച്ചി എന്നെ നോക്കിയതും ചേച്ചിയുടെ വായ് മലർക്കേ തുറന്നു.
പക്ഷേ ചേച്ചിയെ കണ്ടതും എന്റെ കണ്ണുകൾ സന്തോഷത്തില് വിടര്ന്നു. എത്ര ദിവസമായി എന്റെ അഞ്ചനയെ കണ്ടിട്ട്.
ചേച്ചിയെ കോരി എടുത്ത് വട്ടം ചുറ്റാൻ തോന്നി. പെട്ടന്ന് ഒരു എനർജി എവിടെ നിന്നോ എന്റെ ശരീരത്തിൽ പ്രവേശിച്ചു. ഉടനെ എന്റെ ശരീരത്തിനും മനസ്സിനും എല്ലാം നല്ല ഉന്മേഷം കിട്ടി.
“വിക്രം?” ചേച്ചി വെപ്രാളം കാട്ടി. “എന്താടാ ഇത്? നീയെന്താ ഇങ്ങനെ ക്ഷീണിച്ച് പോയത്?” ചേച്ചി വേവലാതി പെട്ടു.