‘ഇല്ലെങ്കിലോ ‘ ന്ന് പറയലും പിന്നെയും കിട്ടി ഒരടാറു സാധനം.
പിന്നെ ചോദ്യവുമില്ല വർത്തമാനവുമില്ല അടങ്ങി നല്ല കുട്ടിയായ് കാറിലിരുന്നു.. “ഹല്ല പിന്നെ കളി നമ്മളോടാ….
കുറച്ച് മുന്നോട്ട് പോയപ്പോൾ ഒരു ബാർബർ ഷോപ്പിൻ്റെ മുന്നിൽ നിർത്തി.ന്നിട്ട് എന്നോട് മുടിയും താടിയുമൊക്കെ ഒപ്പിക്കാൻ പറഞ്ഞിട്ട്.. ചെറിയമ്മ മുന്നിൽ കണ്ട അനശ്വര റെഡിമെയ്ഡ് ഷോപ്പിൽ കയറി.അതവരുടെ തന്നെ ഷോപ്പാണ് ..
മുടിയും താടിയും ഒപ്പിച്ചപ്പോയാണ് എന്നെ തന്നെ നോക്കിയത്.. നല്ലൊരു മെനെയൊക്കെ ഉണ്ട് ഇപ്പോൾ കാണുവാൻ…
ഞാനൊട്ടും തന്നെ പ്രതീക്ഷിക്കാത്തതൊക്കെയും നടക്കുന്നുണ്ട് ചിലപ്പോൾ നല്ലതിനായിരിക്കാം എങ്കിലും അധികമൊന്നും ആഹ്ലാദിക്കാനും പറ്റില്ല .
ഞാനെന്ന മുഖത്തിന് കണ്ണാടി ആവശ്യമില്ല .
എല്ലാം കഴിഞ്ഞ് വരുമ്പോളുണ്ട് നാലോ അഞ്ചോ കവറും കാറിൽ വെച്ച് ബാർബർ ഷോപ്പിലേക്ക് നടന്ന് വരുന്ന ചെറിയമ്മയെ…
ഹൻ്റമ്മച്ചീ ….ഇതെന്ന കാണുന്നേന്നും ചോദിച്ച് എന്നേ തന്നെ നോക്കി നിൽക്കുന്ന ചെറിയമ്മ.. ആ കണ്ണുകളിലൊരു ആശ്ചര്യവും തിളക്കവുമുണ്ടിപ്പോൾ..
.. ന്നിട്ട് ഒരു പറച്ചിലും എന്നും ഇതേപോലെ കണ്ടിട്ടില്ലെങ്കിൽ നിൻ്റെ മുഖത്തിൻ്റെ ഷെയ്പ്പ് ഞാൻ മാറ്റൂന്നും പറഞ്ഞ് ബാർബർ ഷോപ്പിലേക്ക് പൈസ കൊടുക്കാനായി കയറുമ്പോൾ ഞാൻ പറഞ്ഞു പൈസയൊക്കെ ഞാൻ കൊടുത്തിട്ടുണ്ടെന്നും പറഞ്ഞതും..
ഒരു നോട്ടം .. സത്യം പറഞ്ഞാൽ ആ നോട്ടത്തിൽ ഒന്നു പതറിയെങ്കിലും ആ പതർച്ച മുഖത്ത് വരാതെ ഒന്ന് ചിരിച്ചു കൊടുത്തു.
അതേ സമയം തന്നെ ചെറിയമ്മയെ ഒരു കള്ള് കുടിയൻ വന്ന് അറിയാത്ത രീതിയിൽ ഒന്ന് ശരീരത്ത് മുട്ടാൻ തുടങ്ങി ..പിന്നെയും അതേപോലെ തട്ടാൻ നോക്കുമ്പോഴേക്കും ഞാനവനെ പിടിച്ച് രണ്ടെണ്ണം പൊട്ടിക്കുകയും ഊരയ്കിട്ട് ഒരു ചവിട്ടും കൊടുത്തിട്ട് ഇനിയൻ്റെ ചെറിയമ്മയെപ്പോലെ ആരുടെയും ദേഹത്ത് അനാവശ്യമായ് നിൻ്റെകൈ പൊങ്ങരുതെന്നും പറഞ്ഞ് അവൻ്റെ വലത്കൈയ്യങ്ങ് ഒടിച്ച് കളഞ്ഞു…. എന്താ എന്നറിഞ്ഞൂട ദേഷ്യം മൂക്കിൽ തുമ്പത്താ ഇപ്പോൾ-..
അവനെ ന്യായികരിക്കാനായ് വന്ന മറ്റൊരുത്തനെ ചുമരോട് കൂട്ടി പിടിച്ച് ചെള്ളയ്ക്കൊന്നു കൊടുക്കുകയും ചെയ്തു…
ന്നിട്ട് ചെറിയമ്മയോട് പോകാന്ന് പറഞ്ഞു. മെല്ലെ ഞാൻ നടന്നു.
എന്നിട്ടും ചെറിയമ്മ അവിടുന്ന് അനങ്ങിയില്ല മൂപ്പര് ഞാൻ ചെയ്ത കാര്യങ്ങളൊക്കെ കണ്ട ഷോക്കിലായിരുന്നു…
വാ.. പോകാന്നും പറഞ്ഞ് ചെറിയമ്മേൻ്റെ കൈയ്യും പിടിച്ച് മെല്ലെ ഞാൻ കാറിനടുത്തേക്ക് വന്നു …ന്നിട്ട് കുറച്ച് വെള്ളം മടമടാന്ന് കുടിച്ചു…
” ടാ നീയെങ്ങനെയാടാ അവനെ പിടിച്ചടിച്ചത് ..അതും നിന്നേക്കാൾ രണ്ടിരട്ടിയുള്ള ആ കുടിയനെ അതും ഞാനെന്തോ വല്യ കാര്യമാറ്റം ചെയ്ത പോലെയുള്ള സംസാരവും നോട്ടവും..
”
ഹ ഹ ഹ അത് വളരെ സിമ്പിളല്ലേ.. ഒന്നാമതെ ആ ചെറ്റ ഫിറ്റാണ്.. പോരാഞ്ഞിട്ട് ഞാൻ ചെറിയോര് കരാട്ടെ ബ്ലാക്ക് ബെൽട്ടും കൂടിയ…
പ്രത്യേകിച്ച് ചെറിയമ്മയെ അങ്ങനെ തൊട്ട ചെറ്റയെ ഞാൻ പിന്നെ പൂവിട്ട് പൂജിക്കണോ…
”അത്രയ്ക്കിഷ്ടമാണോ എന്നെ നിനക്ക് ”
എവിടെ എനിക്കിഷ്ടമൊന്നുമല്ല ..
അത് മുഖത്ത് നോക്കി പറയടാ…
ചില കാര്യങ്ങൾ പറയുന്നതിൽ അർത്ഥമില്ല.
നമ്മളറിഞ്ഞ് പ്രവർത്തിക്കണം..
ഹ ഹ അപ്പോ ഇതേ വരെ ചെറിയമ്മയ്ക്ക് മനസ്സിലായിട്ടില്ലേ.. ഞാനറിയാതെ എന്നെയും അന്വേഷിച്ച് സ്കൂളിലേക്ക് വരുന്നതും എൻ്റെ അക്കൗണ്ടിലേക്ക് മാസമാസം പൈസ ഇടുന്നതും എൻ്റെ കാര്യങ്ങളറിയാൻ രാഘവേട്ടനെ കൂലിക്ക് നിർത്തിയതും എൻ്റെ കരാട്ടെ ക്ലാസിൻ്റെ ഫീസ് അടക്കുന്നതും അച്ഛനല്ലന്നും ചെറിയമ്മയാണെന്നും എനിക്കറിയാമായിരുന്നു.
” നന്ദൂട്ട ഇതൊക്കെ എങ്ങനെ എല്ലാമറഞ്ഞിട്ടും നീ എന്തിനാ പിന്നെ എൻ്റടുത്ത് വരാതിരുന്നത് ”
ഹ ആരു പറഞ്ഞു ഞാൻ വരാതിരുന്നന്ന്.. ഞാനിടയക്കിടെ ചെറിയമ്മയെ കാണാറുണ്ടല്ലോ …
നിങ്ങളുടെ അനുരുദ്ര ലേഡീസ് പാർലറിൽ വെച്ചും ഇപ്പോൾ വന്ന അനശ്വര ടെക്സ്റ്റൈൽസിൽ വെച്ചും.. ഇത് രണ്ടും ചെറിയമ്മയുടെ അച്ചൻ്റെയാണ് .. ഇപ്പോൾ ചെറിയമ്മയാണ് നോക്കി നടത്തുന്നത്..
”ഇതല്ലാം എപ്പോൾ മുതൽ ”
ഞാൻ നാടുവിടുന്നതിന് മുമ്പേ രാഘവേട്ടനിൽ നിന്നും അറിഞ്ഞ കാര്യങ്ങൾ
അത് കൊണ്ടാണ്ട് കോഴിക്കോടിലേക്ക് ട്രെയിന് കയറിയതും… ഒന്നും നിങ്ങളെ അറിയിക്കരുതെന്ന് പറഞ്ഞതും…
എനിക്കറിയാം ആരൊക്കെ അവിശ്വസിച്ചാലും ചെറിയമ്മയെന്നെ അവിശ്വസിക്കില്ലാന്നും….
പക്ഷെ ഞാൻ കാരണം നിങ്ങളും കൂടി പഴി കേൾക്കേണ്ടന്ന് വച്ചത് കൊണ്ടാണ് ഒന്നും അറിയിക്കരുതെന്ന് രാഘവേട്ടനോട് ചട്ടം കെട്ടിയത്…
” നിന്നെയെനീ എവിടേക്കും വിടില്ല ഞാൻ…”എത്ര കാലായി നിന്നെ ശരിക്കൊന്ന് കണ്ടിട്ട്..
ക്ഷമിക്കണം ചെറിയമ്മേ എനിക്കൊരിക്കലും അതിന് സാധിക്കില്ല…
ചെറിയമ്മക്ക് ചിലപ്പോൾ ഒരു പ്രശ്നവും ഉണ്ടാകില്ല പക്ഷെ മറ്റുള്ളവർക്കതു ബുദ്ധിമുട്ടായിരിക്കും.. അത് കൊണ്ട് ഏത് നിമിഷവും ഞാൻ പോയ്ക്കളയും ഒന്ന് മനസ്സിലാക്ക് ചെറിയമ്മേ.. പ്ലീസ് …
”ഹ മ്മക്ക് നോക്കാം പറ്റുവോ ഇല്ലയോ..ന്ന് ”
ചെറിയമ്മേ വയ്യ ഇനിയും എനിക്ക് ഓടാൻ.. ഞാൻ കാരണം ചെറിയമ്മയും ഒരുപാട് കേട്ടില്ലേ…
അവസാനം എൻ്റെ പേരും പറഞ്ഞല്ലേ നിങ്ങൾ വിവാഹ മോചിതയായതും.. ഇപ്പോൾ നിങ്ങൾ രണ്ടു പേരും വീണ്ടുമൊന്നിക്കുന്ന നിമിഷവേളയിൽ ഞാൻ കാരണം പിന്നൊയൊരു പ്രശ്നം ഉണ്ടാകാൻ പാടില്ല.
” ആണോ നിനക്ക് തോന്നുന്നുണ്ടോ നിന്നെ മറന്ന് കൊണ്ട് ഞങ്ങൾ വീണ്ടുമൊന്നിക്കുമെന്ന്”
പ്ലീസ് ഞാൻ.. നിങ്ങളെ കാല് പിടിക്കാം എന്നെ എൻ്റെ പാട്ടിന് വിട്ടേക്ക്…
” എനി നീ ഒരു വാക്ക് മിണ്ടിയാൽ… മുഖത്തിൻ്റെ ഷെയ്പ്പ് ഞാൻ മാറ്റിക്കളയും ഇനി മുതൽ …ഞാൻ പറയും നീ അനുസരിക്കും ”
ചെറിയമ്മേ …
ഒരു ചെറിയമ്മയും കുറിയമ്മയും ഇല്ല ..
ഇനിയൊന്നും പറഞ്ഞിട്ട് കാര്യമില്ലാ…. ന്ന് തോന്നിയത് കൊണ്ട് ഞാനും മിണ്ടാതിരുന്നു..
ചെറിയമ്മയൊന്ന് തീരുമാനിച്ചാൽ തല പോയാലും വാക്ക് മാറില്ല….
ശേഷം കാറ് നിന്നത്ചെറിയമ്മയുടെ വീട്ടിലായിരുന്നു….
” അമ്മേ അച്ചാ ഇതാരാ വന്നതെന്ന് നോക്കിയേ” ന്നും പറഞ്ഞ് ചെറിയമ്മ മുറ്റത്ത് നിന്ന് തന്നെ വിളിച്ച് പറഞ്ഞ് വീട്ടിലേക്ക് കയറി..
ചെറിയമ്മയ്ക്ക് പിറകെ ഞാനും..
പ്രതീക്ഷിക്കാതെ എന്നെക്കണ്ടതും മുത്തശ്ശനും ‘മുത്തശ്ശിയും വാരിപ്പുണർന്ന് ഉമ്മവെയ്ക്കാനും കരയാനും തുടങ്ങി…
ഇതൊക്കെയെന്നിലും അറിയാതെ കണ്ണീർ വരാൻ കാരണമായ് പക്ഷെ മുഖത്ത് വീഴും മുന്നേ ആരും കാണാതെ തുടച്ചു കളഞ്ഞു..
അപ്പോളെനിക്ക് മറ്റൊരു വീട്ടിലാണെന്നുള്ള യാതൊരു വിധ സങ്കോചവും ഉണ്ടായില്ലെന്നത് എനിക്ക് തന്നെ വിശ്വസിക്കാൻ തന്നെ സാധിച്ചില്ല…
