“പത്തു മീറ്ററുക്കപ്പുറം താൻ കിടയ്ക്കും … ”
മുനിച്ചാമി പോകാനിറങ്ങിയിട്ട് സ്റ്റെപ്പിൽ തിരിഞ്ഞു നിന്നു …
“കവലപ്പെടേണ്ട തമ്പീ… കടവുൾ താൻ പെരിയവൻ.. അമ്മ സൗഖ്യമായിടും…”
പറഞ്ഞിട്ട് അയാൾ വണ്ടിയുമെടുത്തു പോയി …
മുനിച്ചാമി പറഞ്ഞതെന്താണെന്ന് അജയ് ന് മനസ്സിലായില്ല ..
അടുക്കളയിൽ ഗ്യാസും സ്റ്റൗവും ഉണ്ടായിരുന്നു …
സൂര്യരശ്മികൾ വട്ടവടയ്ക്കു മുകളിൽ ചിതറി വീണു തുടങ്ങി …
പ്രകാശം പരന്നു തുടങ്ങിയതോടെ തണുപ്പ് അകന്നു തുടങ്ങിയതായി ഇരുവർക്കും മനസ്സിലായി …
അടുക്കളയിൽ സാധനങ്ങൾ എടുത്തു വെച്ചിട്ട് ഇരുവരും വാതിൽ ചാരി പുറത്തേക്കിറങ്ങി …
മുനിച്ചാമിയുടെ പത്തു മീറ്റർ അരക്കിലോമീറ്ററായിരുന്നു …
അവിടെ നിന്നു കൊണ്ട് അവൻ ക്ലീറ്റസിനെ വിളിച്ചു.
ഡാഡിയുടെ കൂട്ടുകാർ ചിലപ്പോൾ വന്നേക്കുമെന്നും അതുകൊണ്ടാണ് ഫാം ഹൗസിൽ താമസം ഏർപ്പാടാക്കിയതെന്നും ക്ലീറ്റസ് പറഞ്ഞു ..
ഡൈവോഴ്സും മാതാപിതാക്കളുടെ മരണവും കാരണം തകർന്നു പോയ അമ്മയെ സന്തോഷിപ്പിക്കാൻ കുറച്ചു ദിവസം താമസിക്കാനാളു വരും എന്നാണ് മുനിച്ചാമിയോട് ക്ലീറ്റസ് പറഞ്ഞിരുന്നത് ..
മുനിച്ചാമി നേരത്തെ പറഞ്ഞ വാക്കുകളുടെ അർത്ഥം അപ്പോൾ അവന് മനസ്സിലായി …
കോടമഞ്ഞ് അകന്നു തുടങ്ങിയപ്പോൾ വട്ടവടയുടെ പ്രകൃതി ഭംഗി വെളിവായിത്തുടങ്ങി ..
“നല്ല സ്ഥലമാണല്ലോടാ…”
” കുറച്ചു വാങ്ങിയിട്ടാലോ ..”
അജയ് ചോദിച്ചു …
” നോക്കാം … ”
ഇരുവരും കൈ കോർത്തു പിടിച്ച് കുറച്ചു കൂടി മുന്നോട്ടു നടന്നു..
വലത്തേക്ക് ഒരു ചെറിയ നടപ്പാത കണ്ടു …
” ഇതിലെ ഒന്ന് പോയി നോക്കിയാലോ മ്മാ …”
” വാതിൽ പൂട്ടിയിട്ടില്ല … ”
” ഇത് മുനിച്ചാമിയുടെ ഏരിയയല്ലേ …, ആരു വരാൻ ….?” പറഞ്ഞിട്ട് അജയ് മുന്നേ നടന്നു…
ക്യാരറ്റും കാബേജും വിളഞ്ഞു നിൽക്കുന്ന നിലങ്ങൾ ഇരുവശത്തും അവർ കണ്ടു …
ഒരു ചെറിയ അരുവിയും വെള്ളച്ചാട്ടവും കുറച്ചകലെ അവർ കണ്ടു …
” അങ്ങോട്ടൊന്നു പോകാം … ”
” ഞാനില്ല … തണുപ്പത്ത് വെള്ളത്തിലേക്ക് … ”
അഭിരാമി പറഞ്ഞു …
“ഈ അമ്മ … ”
പറഞ്ഞിട്ട് അജയ് അവളുടെ കയ്യിൽ പിടിച്ചു വലിച്ചു … അവൾ കുതറാൻ ശ്രമിച്ചെങ്കിലും അവൻ അവളെ മുന്നിലാക്കി തള്ളിക്കൊണ്ട് പോയി ..
” അജൂ … വിട ടാ …”
” ഒന്ന് കണ്ടിട്ടു വരാം മ്മാ …”
അവളുടെ പ്രതിഷേധത്തിന്റെ ശക്തി കുറഞ്ഞു ..
ചെറിയ വെള്ളച്ചാട്ടമാണെങ്കിലും അടുത്തേക്ക് ചെല്ലുന്തോറും അതിന്റെ ഭംഗി ഇരുവർക്കും ദൃശ്യമായി …
” അടിപൊളി …..”
അവളെ വിട്ട് അജയ് കൈകൾ വായുവിൽ കുടഞ്ഞു പറഞ്ഞു.
വെള്ളച്ചാട്ടത്തിനു കീഴെ , മടക്കുകളായി കുത്തനെ ഇറക്കമായിരുന്നു …
കോടമഞ്ഞിനപ്പുറം കാഴ്ചകൾ മറഞ്ഞിരുന്നു ..
” കൂയ് …..”
അഗാധതയിലേക്ക് നോക്കി അവൻ കൂകി വിളിച്ചു …
“മിണ്ടാതിരിയെടാ… ”
ചെറിയ ഒരു പേടിയോടെ അവളവന്റെ വായ പൊത്തി …
അവന്റെ ശബ്ദം താഴേക്കിങ്ങനെ പ്രതിദ്ധ്വനിച്ച് പോകുന്നത് ഇരുവരും കേട്ടു …
അരുവിക്കപ്പുറം വലിയ മരങ്ങൾ കണ്ടപ്പോൾ അപ്പുറം വനഭൂമിയാകാമെന്ന് അഭിരാമിക്ക് തോന്നി …
ചെറിയ കാറ്റ് വീശി ….
വെള്ളച്ചാട്ടത്തിൽ നിന്നും വെള്ളത്തുള്ളികളുടെ ഒരല അവളുടെ ദേഹത്തേക്ക് വീണു …
“തണുക്കുന്നെടാ …”
അഭിരാമി അവന്റെ ദേഹത്തോടൊട്ടി ….
അജയ് അവളെ വലിച്ചു തന്റെ മുന്നിൽ നിർത്തി..
“താഴേക്കു നോക്കമ്മാ ….”
ചെരിഞ്ഞു പതിക്കുന്ന സൂര്യകിരണങ്ങളാൽ വെള്ളച്ചാട്ടത്തിൽ മഴവില്ല് ഓളം വെട്ടുന്നത് അവൾ കണ്ടു …
“മഴവില്ല് …..”
അവൾ പതിയെ പറഞ്ഞു …
” കോടമഞ്ഞ്… മഴവില്ല് … വട്ടവടയിലെ പ്രകൃതി ഭംഗി ….”
മഴവില്ലിലേക്ക് നോക്കി അവൻ പറഞ്ഞു …
“കട്ടൻ ചായയും ജോൺസൺ മാഷിന്റെ സംഗീതവും കൂടി വേണ്ടേ …?”
അവന്റെ നെഞ്ചിലേക്ക് ശിരസ്സ് ചായ്ച്ച് അവൾ കളിയാക്കി …
” ദുൽഖർ സൽമാനാണെന്നാ വിചാരം … ”
” ഒന്ന് പോമ്മാ … ഈ അമ്മ ഒട്ടും റൊമാന്റിക്കല്ല …..”
” പിന്നേ… നാല്പതു കഴിഞ്ഞ ഞാനിനി റൊമാന്റിക്കാകാത്ത കുഴപ്പമേയുള്ളൂ … ”
” നാല്പത് വയസ്സ് രണ്ടാം യൗവനമാണമ്മാ ..” –
“മാംഗോ സ്കിൻ …. ഓരോ ദിവസവും എങ്ങനെയാ ജീവിച്ചു തീർക്കുന്നതെന്ന് എനിക്കേ അറിയൂ … ”
” എല്ലാം ശരിയാകും മ്മാ …”
അവളുടെ സംസാരത്തിൽ നോവ് പടർന്നതറിഞ്ഞ് അവൻ പറഞ്ഞു..
അവൻ തരുന്നത് പ്രതീക്ഷ മാത്രമാണെന്ന് അവൾക്കറിയാമായിരുന്നു …
അജയ് നേക്കാളും പൊക്കം അല്പം കുറവായിരുന്നു അവൾക്ക് …
അവളുടെ മൂർദ്ധാവിലേക്ക് തന്റെ താടി കുത്തി , അവനവളെ ചുറ്റിപ്പിടിച്ചു …
“ഈ കോടമഞ്ഞിനപ്പുറം മനോഹരമായ ഒരു ലോകമുണ്ടമ്മാ …. ഒരു നാൾ പ്രകാശം പരക്കും … അപ്പോൾ നമുക്കത് കാണാം … അപ്പോഴേ നമുക്കതിന്റെ യഥാർത്ഥ സൗന്ദര്യം കാണാനാകൂ … ”
” മോനേ …. കവിപുംഗവാ …. ”
ഒരീണത്തിൽ അഭിരാമി വിളിച്ചു …
” എന്തോ …..”
അവനവളുടെ ചെവിയിൽ വിളി കേട്ടു …
” മുനിച്ചാമി ഫുഡ് തരക്കൂടാത്… നമ്മ താൻ റെഡി പണ്ണണം … ”
അറിയാവുന്ന തമിഴിൽ അവൾ ചിരിയോടെ പറഞ്ഞു …
“കറക്റ്റായി വരുന്നുണ്ട് … ” അവൻ ചിരിച്ചു …
മലമടക്കുകളിൽ മഞ്ഞുരുകിത്തുടങ്ങിയിരുന്നു ….
# # #
കുപ്പിയിൽ ബാക്കിയിരുന്നത് വിനയചന്ദ്രൻ ഗ്ലാസ്സിലേക്ക് പകർത്തി..
വെള്ളക്കുപ്പി ഒഴിഞ്ഞു കിടന്നിരുന്നു …
ഒഴിച്ചു വെച്ച ഗ്ലാസ്സുമായി അയാൾ അടുക്കളയിലേക്ക് ചെന്നു..
ടാപ്പ് തുറന്നു വെള്ളം ചേർത്ത് അയാൾ മദ്യം ഒറ്റ വലിക്ക് അകത്താക്കി …
അതിനു ശേഷം അയാൾ മൂക്കു ചുളിച്ചു …
ഗ്ലാസ്സ് ഒന്നു കൂടി അയാൾ മണത്തു നോക്കി ….
ഗ്ലാസ്സിൽ നിന്നല്ല …
മൂക്കു ചുളിച്ചു കൊണ്ട് തന്നെ അയാൾ ചുറ്റിനും ഒന്ന് നോക്കി.
വാതിലിനടുത്ത് ഭിത്തിയരികിലായി ഒരു എലി ചത്തു കിടക്കുന്നത് അയാൾ കണ്ടു.
“നാശം ..” അയാൾ പിറുപിറുത്തു ….
ഫോൺ ബല്ലടിക്കുന്നത് കേട്ട് അയാൾ ഗ്ലാസ് സ്ലാബിൽ വെച്ച് മുറിയിലേക്ക് ചെന്നു…
അഭിരാമിയുടെ കോൾ ആയിരുന്നു ….
അയാളുടെ തലച്ചോറുണർന്നു …
അയാൾ കോൾ എടുത്തു …
“വിനയേട്ടാ ….”
അഭിരാമിയുടെ സ്വരം അയാൾ കേട്ടു …
“നിങ്ങളെവിടാ ..?”
” മൂന്നാറിനപ്പുറം വട്ടവട എന്ന സ്ഥലത്താ …”
” സ്ഥലമെങ്ങനെ …?”
“ഇങ്ങോട്ടൊന്നും പെട്ടെന്ന് ആരും വരില്ല … ”
” സേഫ് അല്ലേ…?”
” കുഴപ്പമില്ല … ”
” പുറത്തൊന്നും അധികം ഇറങ്ങണ്ട… ”
” ഇല്ല … ”
” അജയ് ….?”
“അടുത്തുണ്ട് …. ”
” അവനോട് കാര്യം പറഞ്ഞേക്ക് … ”
” ഉം…”
” അർജന്റ് കാര്യത്തിനു മാത്രം ഫോൺ ഓൺ ചെയ്താൽ മതി … ”
” ഉം…”
” എന്നാൽ വെച്ചോ…”
അപ്പുറത്ത് ഫോൺ കട്ടായി …
പിന്നെയെല്ലാം ധൃതിയിലായിരുന്നു …
വാതിൽ തുറന്ന് കടലാസ്സു കൂട്ടി വാലിൽ പിടിച്ച് എലിയെ അടുത്ത പറമ്പിലേക്ക് ഒരേറു കൊടുത്തു … കുഴിച്ചിടാനൊന്നും സമയമില്ല … പല്ലു തേപ്പും കുളിയും അഞ്ചു മിനിറ്റിനുള്ളിൽ കഴിഞ്ഞു …
ഒരോട്ടോ വിളിച്ച് അയാൾ അഭിരാമിയുടെ വീട്ടിലേക്ക് ചെല്ലുമ്പോൾ അമ്മിണിയമ്മ ഗേയ്റ്റിനടുത്തേക്ക് ഓടി വരുന്നത് അയാൾ കണ്ടു …
