രാജു റീനയെ നോക്കി…. പക്ഷെ റീന വാങ്ങാൻ മടിച്ചു നിന്നു….
റീന : നിങ്ങൾ വാങ്ങിച്ചോളൂ
രാജു താക്കോൽ വാങ്ങിച്ചു….
ദേവസ്സി : അപ്പൊ ഞാൻ സാറിനെ വിളിച്ചു പറഞ്ഞോളാം…..രണ്ട് ദിവസം കഴിഞ്ഞു വരാം….. വാടക ചീട്ട് ഒരു 6 മാസത്തേക്ക് എഴുതിയേക്കാം പോരെ….
രാജു : ശരി..
ദേവസ്സി : പിന്നെ….. ഗ്യാസ് കണക്ഷൻ ഉള്ളതാണ്….. കഴിഞ്ഞാൽ താഴെ കവലിയിൽ വിളിച്ചു പറഞ്ഞാൽ മതി…. അവർ വണ്ടിയിൽ എത്തിച്ചു തരും … പിന്നെ നിങ്ങൾക്ക് ആവശ്യമുള്ള എല്ലാ സാദനങ്ങളും അവിടുന്ന് കിട്ടും….. ഇനി മുന്തിയ ഐറ്റംസ് ആണെങ്കിൽ വേണ്ടന്മേടോ കട്ടപ്പനയോ പോണം…. ഏതായാലും വണ്ടിയുണ്ടല്ലോ….
രാജു,: മം…
ദേവസ്സി : എന്നാ ഞാൻ ഇറങ്ങുവാ…
ഇറങ്ങി പോകുന്ന ദേവസ്സിയെ ചൂണ്ടി രാജു പാപ്പിയോട് ആംഗ്യം കാണിച്ചു…
പാപ്പിക്ക് കാര്യം മനസ്സിലായി
പാപ്പി : ചേട്ടാ… ഇത് വെച്ചോളൂ
പോക്കറ്റിൽ നിന്നു 1000 രൂപ എടുത്തു ദേവസ്സിയുടെ നേരെ കാട്ടി
ദേവസ്സി : ഇതെന്തിനാ…..
പാപ്പി : അല്ല ഒരു സന്തോഷം…
ദേവസ്സി : അതിനു കാശ് വേണ്ട…. താൻ വയറു നിറയെ വാങ്ങി തന്നെ ഭക്ഷണം തന്നെ ധാരാളം….. ഇതെനിക്ക് കച്ചവടം അല്ലെടോ….കഴിയുമെങ്കിൽ വരുമ്പോൾ നല്ല ഭക്ഷണം തരുക…..
എല്ലാവർക്കും ദേവസ്സിയോട് ബഹുമാനം തോന്നി…
ദേവസ്സി ഇറങ്ങുമ്പോൾ മുന്നിലുള്ള വീട്ടുകാർക്ക് കൈ വീശി പോയി……
ആ വീട്ടിൽ അവർ നാല് പേരായി……
രാജു റീന പാച്ചു പപാപ്പി……..
രാജു വണ്ടിയിൽ നിന്നു ബാഗുകൾ എടുത്തു… പാപ്പിയും സഹായിച്ചു…..
11 മണി സമയം….നല്ല വെയിൽ ഉണ്ടെങ്കിലും തണുത്ത കുളിർ കാറ്റ് വീശിക്കൊണ്ടിരുന്നു…..
രാജു സാധനങ്ങൾ എടുത്തു വയ്ക്കുമ്പോൾ മുന്നിലുള്ള വീട്ടിലേക്ക് നോക്കുന്ന റീനയെ കണ്ടു… രാജവും തിരിഞ്ഞുനോക്കി……
ആ വീട്ടിൽ നിന്നു 50 വയസ്സിനോടടുത്ത ചേട്ടൻ ഇവരുടെ വീട്ടിലേക്കായി വന്നു….ആളുടെ പിന്നാലെ ചേട്ടത്തിയും വന്നു…..
റീന കുഞ്ഞിനെ കൊണ്ട് പോയി അകത്തു കിടത്തി പുറത്തേക്ക് വന്നു..
രാജു അവർ വന്നതോടെ ഉമ്മറത്തിന്നു താഴേക്ക് വന്നു….
വർക്കി : നമസ്കാരം…ഞാൻ വർക്കി……ഇതെന്റെ കെട്ട്യോൾ…. സാറാ….
രാജു അവരെ നോക്കി ചിരിച്ചു…. സാറയും വർക്കിയും പുറത്തു വന്നു നിന്ന റീനയെയും കണ്ടു ചിരിച്ചു….
രാജു : ഞാൻ ശ്രീരാജ്…..
സാറ : ഇത്
സാറ റീനയെ നോക്കി
രാജു : എൻ… എന്റെ… ഭാര്യ…..
ചെറിയൊരു വിക്കൽ വന്നു പോയി…
സാറ : മോളുടെ പേര്….
റീന : റീന…..
കഴുത്തിലുള്ള കൊന്ത കണ്ടു സാറ ചോദിച്ചു…
സാറ : മോളു ക്രിസ്തിയാനിയാണോ
റീന : മം
സാറ : റീന… ശ്രീരാജ്…ഓഹ്.. ലവ് ആണല്ലേ…..
രാജുവും റീനയും മുഖതോട് നോക്കി… പക്ഷെ പാപ്പയിയുടെ ചിരി കണ്ടു സാറ നോക്കി….
സാറ : എന്നാ ചിരിക്കുന്നെ… ഇവനാരാ…
രാജു : എന്റെ ചങ്ങാതിയ….
സാറ : കണ്ടാൽ തന്നെ വശപിശകാണല്ലോ
പാപ്പി ചെന്നു സാദനങ്ങൾ എടുത്തു ഉള്ളിലേക്ക് വെച്ചു….
വർക്കി : ആ കാണുന്നത് ഞങ്ങളുടെ വീടാണ്…..
മുന്നിലുള്ള വീട് ചൂണ്ടിയാണു പറഞ്ഞത്…
വർക്കി : ഞാൻ ഭാര്യയും മാത്രമേ ഉള്ളൂ…. ഒരു മോളുണ്ട്….. ഡെയ്സി…. അവളെ കട്ടപ്പന കഴിഞ്ഞാ കെട്ടിച്ചയച്ചേക്കുന്നെ…..
രാജു : ഓഹ്….
രാജു അവരെ നോക്കി…
രാജു : ക്ഷമിക്കണം…. കയറി ഇരിക്കാൻ ഇപ്പോ പറയുന്നില്ല…. ഒന്നും സെറ്റ് ആയിട്ടില്ല…
വർക്കി : അതൊക്കെ പിന്നെ ആകാമെന്നേ…തത്കാലം എന്തെങ്കിലും ആവശ്യമുണ്ടെങ്കിൽ ഞങ്ങളോട് പറഞ്ഞാ മതി…..
രാജു : ഓഹ്….
സാറ : എന്നാ നിങ്ങടെ പണി നടക്കട്ടെ….
വർക്കി : അല്ല ഞങ്ങൾ എന്തെങ്കിലും സഹായിക്കാനുണ്ടോ….
രാജു : ഓഹ് ഇല്ല….
സാറ റീനയുടെ മുഖത്തെ ദുഃഖം മനസ്സിലാക്കി……..
അവർ പോകുന്ന വേളയിൽ റീനയെ പറ്റി എന്തോ സംസാരിച്ചു…..
രാജു അത് ചെറുതായി കേട്ടു…
അവർ പോയതോടെ രാജുവും റീനയും അകത്തേക്ക് പോയി…
രാജു : പാപ്പി ഈ ബാഗുകൾ ആ റൂമിലേക്ക് വെച്ചോ….
റീനയുടെ ബാഗുകൾ ആയിരുന്നു…. ബാത്റൂമുള്ള മുറിയിലേക്ക് ആണ് പാപ്പി വെച്ചത്…മറ്റേ മുറി രാജു എടുത്തു….
റീനയുടെ മുറിയിൽ പഴയ കട്ടിൽ ഉണ്ടായിരുന്നു…. നല്ല ബലമുള്ള ഒന്ന് തന്നെ ആയിരുന്നു… പാച്ചു അതിൽ നല്ല സുഖമായി ഉറങ്ങുന്നുണ്ടായിരുന്നു….
റീന അടുക്കളയിൽ പോയപ്പോൾ ഒരു ഗ്യാസ് സിലിണ്ടറും പിന്നെ സ്റ്റവും മാത്രമേ ഉണ്ടായിരുന്നുള്ളൂ…
സമയം 12 ആവാറായി…. രാവിലെ കഴിച്ച ഭക്ഷണം ആവിയായി …
രാജു : ടാ… സാദനങ്ങൾ വേണമല്ലോ…
പാപ്പി : എല്ലാം വേണ്ടി വരും….. അണ്ണാ… ഇതിപ്പോ എത്ര നാളത്തേക്കാ
രാജു : കുറച്ചു നാൾ വേണ്ടി വരും…. സ്ഥലം നല്ല സേഫ് ആണ്…. പെട്ടെന്നു എത്തിപ്പെടാൻ പറ്റില്ല….
പാപ്പി : എന്തൊക്കെയാ വേണ്ടി വരാ…
രാജു : എന്തൊക്കെ വേണ്ടി വരും
പാപ്പി : അതല്ലേ ഞാൻ അണ്ണനോട് ചോദിച്ചത്…
രാജു : അതറിയാത്തത് കൊണ്ടല്ലേ നിന്നോട് ചോദിച്ചത്….
അവർ തമ്മിലുള്ള കലഹം റീന അടുക്കള വാതിൽ നിന്നു നോക്കി കണ്ടു…
രാജുവും പാപ്പിയും റീനയെ നോക്കി….പാച്ചുവും അപ്പോഴേക്ക് കരഞ്ഞു തുടങ്ങി…
റീന അവളുടെ മുറിയിലേക്ക് പോയി…പാപ്പി രാജുവിനോടായി കണ്ണു കൊണ്ട് ചെല്ലാൻ പറഞ്ഞു….
അൽപ സമയം കഴിഞ്ഞു രാജു മുറിയിലേക്ക് പോയി… പാൽ കൊടുക്കുകയായിരുന്ന റീന പെട്ടെന്ന് രാജുവിനെ കണ്ടു തിരഞ്ഞു….
രാജു : സോറി…. ഞാൻ അറിഞ്ഞില്ല…
റീന : എന്താ….
ചെറിയ പരിഭ്രമം അവളുടെ സംസാരത്തിൽ ഉണ്ട്….
രാജു : അതേയ്…. ഒരു സഹായം…
രാജു ഡോറിന്റെ പുറത്തു നിന്നു ചോദിച്ചു…മറുപടി കിട്ടാത്തത് കൊണ്ട് രാജു വീണ്ടും ചോദിച്ചു…
റീന : താ വരണൂ
രാജു വാതിൽക്കൽ തന്നെ തിരിഞ്ഞു നിന്നു… പെട്ടെന്ന് റീന അടുത്ത് വന്നു
റീന : എന്താ
രാജു : അത്..ഈ അടുക്കള സാധങ്ങളുടെ ലിസ്റ്റ് എഴുതി തരുമോ… എന്തൊക്കെയാ വാങ്ങേണ്ടത്…
റീന രാജുവിന്റെ കയ്യിൽ നിന്നു പേനയും കുഞ്ഞു ഡയറിയും വാങ്ങി… കട്ടിലിൽ ഇരുന്നു എഴുതി കൊണ്ടിരുന്നു…. രാജു ആ സമയം പാപ്പിയോടായി കുറച്ചു സാധങ്ങളുടെ ലിസ്റ്റ് കൊടുത്തു….
രണ്ടു മൊബൈലുകൾ രാജു ബാഗിൽ നിന്നെടുത്തു…..
ലിസ്റ്റുമായി വന്ന റീന രാജുവിന് കൊടുത്തു… ലിസ്റ്റിന്റെ നീളം കണ്ടു രാജു റീനയെ നോക്കി …. ഒരു വീട്ടിലേക്കുള്ള സാധനം ഇത്രയുമുണ്ടോ….
രാജു : ഇതൊക്കെ അടുക്കളയിൽ ആവശ്യമുള്ളതാണോ….
റീന : തലയാട്ടി….
രാജു : ശരി….
റീന അകത്തേക്ക് പോകാനൊരുങ്ങി….
രാജു : അതേയ്….. ഈ ഫോൺ വെച്ചോ…. ഇതാണ് പുതിയ നമ്പർ…
ഒരു സാദാ നോക്കിയ ഫോൺ ആയിരുന്നു..,.
രാജു ഒരു കടലാസും കൊടുത്തു…
രാജു : വട്ടമിട്ടത് നിന്റെ നമ്പർ….. താഴെ എന്റെ നമ്പർ….. പിന്നെ അതില് പാപ്പിയുടെയും മല്ലിയുടെയും ശക്തിയുടെയും നമ്പറുണ്ട്…. ഒരു കാരണവശാലും ബാലേട്ടനെയോ ദേവി ചേച്ചിയെയോ അമ്മയെയോ വിളിക്കരുത്…. അതിനു വേറെ ഏർപ്പാടക്കാം
റീന ഫോൺ വാങ്ങിച്ചു തലയാട്ടി….
രാജു : ബാലേട്ടനെ ഞാൻ വിളിച്ചു പറഞ്ഞിട്ടുണ്ട് ഇവിടെ എത്തിയെന്നു…. നിന്റെ ജോയ്മോനോട് ആൾ പറഞ്ഞോളും….