റീന ചായക്ക് വെള്ളം വെച്ചു…. പാപ്പി മുന്നിലേക്ക് ചെന്നു വർക്കിയുമായി ചിരി തമാശകൾ പങ്കു വെച്ചു….
അവരുടെ സംസാരത്തിൽ അവർ നല്ല അടുപ്പമായി എന്നു റീനയ്ക്ക് മനസ്സിലായി….
റീന ചായ റെഡി ആക്കി നാല് സ്റ്റീൽ ഗ്ലാസ്സിലേക്ക് പകർത്തി മുന്നിലേക്ക് വന്നു….
സാറ അവളുടെ വീടിന്റെ പടിക്കൽ ആരെയോ കാത്തു നിൽക്കുകയായിരുന്നു…
റീന : ചേച്ചി ചായ കുടിക്കാം….
വർക്കിയും പാപ്പിയും ഓരോ ഗ്ലാസ് ചായ എടുത്തു….
4 മണി ആയതോടെ ഒരു ഓട്ടോ സാറയുടെ വീടിന്റെ മുമ്പിൽ വന്നെത്തി നിന്നു…. രണ്ട് കുട്ടികൾ അതിൽ നിന്നു ചാടിയിറങ്ങി…..
സാറയുട കയ്യിൽ ബാഗ് കൊടുതു അകത്തേക്ക് ഓടി….
പാപ്പി : ചേട്ടന് ആകെ ഉള്ളത് മോളാന്നു പറഞ്ഞിട്ട്…
വർക്കി : ഓഹ്…. അതാണ് ഞങ്ങളുടെ ബെന്നിച്ചനും ബിൻസിയും…..താ ആ കാണുന്ന വീട്ടിലെയാണ്….
റീന തന്റെ ഇടതു വശത്തുള്ള വീട്ടിലേക്ക് നോക്കി….
വർക്കി : മേരിയുടെ മക്കളാണ്…..ഭർത്താവ് ആൻസൺ ഒരു ആക്സിഡന്റിൽ 3 കൊല്ലം മുൻപ് തൊടുപുഴയിൽ വെച്ചു മരിച്ചു….പിന്നെ ആകെയുണ്ടായിരുന്ന അമ്മയും ഈയടുത്തു പോയി……അവർ അവിടെ തനിച്ചാ
പാപ്പി : ഓഹ് കഷ്ടം …
വർക്കി : മേരി കട്ടപ്പനയിലാ ജോലി…. അക്കൗണ്ടന്റ് ആണ്…. അവള് വരുമ്പോ 6 മണിയാവും….അതുകൊണ്ട് പിള്ളേര് ഞങ്ങടെ കൂടെ ഉണ്ടാകും….
റീന മുറ്റത് കളിക്കുന്ന പെൺകുട്ടിയെ നോക്കി…. സാറ ചേച്ചി വന്നു അവളെ അകത്തേക്കു കൊണ്ടു പോയി ഡ്രസ്സ് മാറ്റി കൊടുത്തു…
വർക്കി : സാറക്ക് പിള്ളേരെന്നു പറഞ്ഞാ ജീവനാ….എനിക്കും കേട്ടോ…
റീന : ചേട്ടനെന്താ ചെയ്യുന്നേ….
വർക്കി : എനിക്ക് ഇവിടെ എസ്റ്റേറ്റില്ലാ…രണ്ട് ദിവസം ഫ്രീയാ….അടുത്ത ലോഡ് വരണം….
അപ്പോഴേക്കും സാറ ചേച്ചി ഒരു പാത്രത്തിൽ അവലുമായി വന്നു…..
വർക്കി : ബെസ്റ്റ് അവരെ ഒറ്റയ്ക്കാക്കിയാണോ പൊന്നെ…
സാറ : ടീവി വെച്ചു കൊടുത്തിട്ടുണ്ട്….കുറച്ചു നേരം അടങ്ങി ഇരുന്നോളും….
പാപ്പിയും വർക്കിയും അവലെടുത്തു കഴിച്ചു …..
സാറ : എൻറെ മോളെ…. അപ്പുറത്തെ വീട്ടിലെയാ രണ്ടെണം… പക്ഷെ ഏതു നേരവും ഞങ്ങടെ അടുത്താ….
റീന ചിരിച്ചു…..
സാറ : ചേച്ചിയും അനിയനും എപ്പോഴും വഴക്കാ…. എന്നാ കണ്ടില്ലെങ്കിലോ ഒടുക്കത്തെ സ്നേഹവും…..
പാച്ചു വീണ്ടും കരഞ്ഞതോടെ റീന അകത്തേക്ക് പോയി….. റീന കൊച്ചിനെ എടുത്തു പാൽ കൊടുത്തു പുറത്തേക്ക് വന്നു…
സാറ : മോളെ എന്തെങ്കിലും ഇനി ചെയ്യാനുണ്ടോ….
റീന : ഇനി ഞാൻ ചെയ്തോളാം ചേച്ചി… രാവിലെ തൊട്ട് ചേച്ചി തുടങ്ങിയതല്ലേ…
വർക്കി : അയ്യോ… കാണുന്ന പോലെ അല്ല… ഫുൾ ടൈം പണിയാ ഇവൾക്ക്…. കാരണം ചെയ്യുന്ന ജോലി മര്യാദക്ക് ചെയ്യാതെ അത് തന്നെ വീണ്ടും വീണ്ടും ചെയ്യല്ലാണ് ഹോബി…
പാപ്പിയും റീനയും ചിരിച്ചു…..റീന ചിരിക്കുന്നത് പാപ്പി ആദ്യമായാണ് കാണുന്നത്….സാറ വർക്കിയേ ഒന്ന് നോക്കി….
സാറ ചെന്നു കുഞ്ഞിനെ വാങ്ങി….
സാറ : പാച്ചു കുട്ടാ….. എണീറ്റോടാ…..
വർക്കി : ഇവന്റെ പേര് ശരിക്കും എന്താ…
റീന : പാച്ചു എന്നാണ് വിളിക്കുന്നത്…. ശരിക്കുള്ള പേര്…. ഇത് വരെ ഇട്ടിട്ടില്ല…
വർക്കി : അത് ഇനി എന്നാ…
സാറ : ഓഹ് സമയമുണ്ടന്നെ….മൂന്ന് മാസമല്ലേ ആയുള്ളൂ….
റീന ഓർത്തു ശരിക്കും ഇന്നാണ് കുഞ്ഞിന്റെ പേര് ഇടേണ്ടത്….. അതിനായുള്ള കാര്യത്തിന് വേണ്ടി പോയപ്പോഴല്ലേ ജീവിതം തകിടം മറിഞ്ഞത്….
റീന ആലാചനയിലാണ്ട് നിന്നു…
സാറ : ഹലോ… ഇതെവിടാ…
റീന : ഞാൻ വേറെന്തോ ആലോചിച്ചു പോയി….
സാറ : പാച്ചുകുട്ടാ അച്ഛൻ എവിടെ…. പാപ്പം വാങ്ങാൻ പോയോടാ ….
ദൂരെ നിന്നു ബുള്ളറ്റ് സൗണ്ട് കേട്ടതോടെ രാജു വരുന്നത് എല്ലാർക്കും മനസ്സിലായി….
ബുള്ളറ്റ് കയറി വന്നതോടെ ശബ്ദം കേട്ടു പിള്ളേർ ഓടി വന്നു…. രണ്ടു പേരും സാറയുടെ കയ്യിലിരുന്ന കുഞ്ഞിനെ കണ്ടു സാറയുടെ അടുത്തേക്ക് വന്നു….
രാജുവിനു അവരെ മനസ്സിലായില്ല….. പാപ്പി അവരെ പരിചയപ്പെടുത്തി കൊടുത്തു…..
ബെന്നിയും ബിൻസിയും വന്നു സാറായുടെ ചുറ്റും നിന്നു പാച്ചുവിനെ നോക്കി നിന്നു
സാറ അവിടെ ഇരുന്നതിനാൽ പിള്ളേരും ഒപ്പം കൂടി…. കുഞ്ഞാവയെ കണ്ട സന്തോഷത്തിൽ പാച്ചുവിന്റെ കുഞ്ഞി കൈകളിൽ തൊട്ട് തലോടി കൊണ്ടിരുന്നു….