റീന : ഞാൻ മല്ലി ചേച്ചിയെ വിളിച്ചോട്ടെ…
രാജു തലയാട്ടി …
റീന ഫോൺ വാങ്ങി മല്ലിയെ വിളിച്ചു അകത്തേക്ക് പോയി….
രാജു റീന തന്നെ ലിസ്റ്റിൽ നോക്കി….പാപ്പി അടുത്ത് വന്നു ആ ലിസ്റ്റ് നോക്കി….
രാജു : കാശ്…
പാപ്പി : കാശ് ഓർത്തു ടെൻഷൻ അടിക്കണ്ട… പക്ഷെ ഇതൊക്കെ വാങ്ങണ്ടേ….
രാജു : മം…
പാപ്പി : മറ്റേതു മല്ലിയുള്ളത് കൊണ്ട് ആരും ഒന്നും അറിഞ്ഞിരുന്നില്ല…
രാജു നെടുവീപ്പിട്ടു തൂണും ചാരി നിന്നു….
രാജു : തത്കാലം നീ പോയി മൂന്ന് ഊണ് വാങ്ങി കൊണ്ട് വാ….
പാപ്പി അടുത്തുള്ള കവലയിലേക്ക് ബൈക്ക് തിരിച്ചു പോയി….
രാജു അവന്റെ ബാഗിലെ ഡ്രെസ്സുകൾ റൂമിൽ ഷോകേസിൽ ഒതുക്കി വെച്ചു…
റീന : കറന്റ്‌ ഇല്ലന്നു തോന്നുന്നു…
റീനയുടെ ശബ്ദം കേട്ടാണ് രാജു തിരിഞ്ഞു നോക്കിയത്…
രാജു : ആണോ… നോക്കട്ടെ
രാജു റൂമിലെ ലൈറ്റ് ഓൺ ചെയ്തു നോക്കി…..ഓൺ ആയില്ല…
രാജു : ഇപ്പൊ വരാം…
രാജു വീടിന്റെ പുറത്തിറങ്ങി മീറ്റർ ബോർഡിൽ നോക്കി…. ഫ്യൂസ് ഊരി വെച്ചേക്കുവാണ്….
അത് കണക്ട് ചെയ്തതോടെ കറന്റിന് പരിഹാരമായി…..
രാജു : ഓൺ ആയി ലെ
റീന : മം…
റീന അടുക്കളയിൽ പോയി പൈപ്പ് ഓൺ ചെയ്തു…നല്ല തണുത്ത വെള്ളം പൈപ്പിൽ നിന്നോഴുകി….
പക്ഷെ പാത്രങ്ങൾ ഒന്നും തന്നെ ഉണ്ടായിരുന്നില്ല…..
റീന അത് വഴി വന്ന രാജുവിനെ നോക്കി….
രാജു : എത്തും…വൈകീട്ടോടെ റെഡി ആക്കാം….
റീന വീടിന്റെ പുറത്തിറങ്ങി നിന്ന് ആ പരിസരം ഒക്കെ വീക്ഷിച്ചു…..
ഒരാഴ്ച മുൻപ് വരെ തന്റെ വീട്ടിൽ ശ്രീയേട്ടനും അമ്മയോടൊപ്പവും കഴിഞ്ഞ മുഹൂർത്തങ്ങൾ മനസ്സിലേക്ക് വന്നു….. ഇപ്പൊ ഇതാ നാടോടികളുടെ പോലെ ഒരു സ്ഥലത്തു നിന്നും അടുത്ത സ്ഥലത്തേക്ക് ചാടികൊണ്ടിരിക്കുന്നു…..
തന്റെ ജീവിതത്തിൽ ഉണ്ടായ മാറ്റങ്ങൾ ഇപ്പോഴും ഉൾകൊള്ളാൻ കഴിയുന്നില്ല….
പരസപരം അറിയാത്ത ഒരാളുടെ കൂടെ ഒറ്റയ്ക്കു ഈ വീട്ടിൽ…. കണ്ണുകൾ നിറഞ്ഞൊഴുകി….
സാറ അവളുടെ വീട്ടിൽ നിന്നു റീനയെ നോക്കുന്നുണ്ടായിരുന്നു….. റീന അത് മനസ്സിലാക്കിയതോടെ അവളുടെ കണ്ണുകൾ തുടച്ചു….
സാറ പുറത്തേക്ക് വന്നു….
സാറ : എന്തിനാ കരയുന്നെ….
റീന : ഓഹ് ഒന്നുമില്ല ചേച്ചി….
സാറ : നാടുവിട്ടതിന്റെ ആണോ…
റീന ഒന്നും പറഞ്ഞില്ല….
അപ്പോഴേക്കും രാജു പുറത്തേക്ക് വന്നു…. റീനയാണെങ്കിൽ അകത്തേക്കും പോയി….
സാറ പുറത്തിരുന്നു പേപ്പർ വായിച്ചിരുന്നു…..
രാജു അവരുടെ വീട്ടിലേക്ക് പോയി….രാജു വരുന്നത് കണ്ട് സാറ എണീറ്റു
സാറ : എന്താ മോനെ
രാജു : ചേച്ചി ഒരു ചൂല് കിട്ടുമോ….
സാറ : അതിനെന്താ…. കയറി വാ
രാജു : പിന്നെയാവാം…. വീടാകെ പൊടിയാ…
സാറ അകത്തു നിന്നു ചൂലുമായി വന്നു
രാജു : ചേട്ടൻ…
സാറ : പിന്നിലുണ്ട്…..
രാജു : വൈകീട്ട് തരാം
സാറ : ആയിക്കോട്ടെ
രാജു ചൂലുമായി പോയി…..
റീന അകത്തു അടുക്കള ഒരു തുണി ഉപയോഗിച്ചു നനച്ചു തുടയ്ക്കുകയായിരുന്നു…..
രാജു അവളുടെ മുറിയിൽ ചെന്നു നോക്കി…. പാച്ചു നല്ല ഉറക്കമായിരുന്നു….
പുറത്തു ബുള്ളറ്റ് വന്ന ശബ്ദം കേട്ടു നോക്കി…..
പാപ്പി : ഫുഡ്‌ റെഡി…..
രാജു : ആഹ്….. സെറ്റ്….
രാജു അടുക്കളയിൽ ചെന്നു റീനയെ ഭക്ഷണം കഴിക്കാനായി വിളിച്ചു….
അവർ മൂവരും നിലത്തു പേപ്പർ വിരിച്ചു…
റീന : നിങ്ങൾ കഴിച്ചോളൂ…. ഞാൻ പിന്നെ ഇരുന്നോളാം
പാപ്പി : തങ്കച്ചി….. ഭക്ഷണം നല്ല ചൂടുണ്ട്… ഒരുമിച്ച് കഴിക്കാം……
റീന രാജുവിനെ നോക്കി നിലത്തിരുന്നു….രാജു ഒരു പാർസൽ അവൾക്ക് നീട്ടി അവർ ഭക്ഷണം കഴിച്ചു തുടങ്ങി…..
വലിയ രുചി ഉണ്ടായിരുന്നില്ല….. റീന കുറച്ചു കഴിച്ചു നിർത്തി…. പാപ്പിയും രാജുവും മുഴുവനും കഴിച്ചു….
വിശപ്പ് മാറിയതോടെ റീന അടുക്കള പണിയിലേക്ക് തിരിച്ചു പോയി…..
ഭക്ഷണം കഴിഞ്ഞു ഉമ്മറത്ത് ഇരുന്നു രാജുവും പാപ്പിയും
രാജു : ഇനി സാദനങ്ങൾ വാങ്ങാൻ പോകണ്ടേ….
പാപ്പി: മം..അണ്ണാ എത്ര നാളത്തേക്ക് എന്നു വെച്ചാ….. കാര്യങ്ങൾ സെറ്റ് ആയാൽ പിന്നെ ഈ വാങ്ങിയതൊക്കെ വേസ്റ്റ് ആയില്ലേ…
രാജു : ടാ… എന്തായാലും ഈ അടുത്ത് ശരിയാവില്ല… സമയം പിടിക്കും….പിന്നെ ആ പെണ്ണിന് ഒരു മാറ്റം വേണം…. ഇവിടെ ഒറ്റയ്ക്കാവുമ്പോൾ കാര്യങ്ങൾ ചെയ്തു സമയം പൊക്കോളും….. വന്നപ്പോൾ മുതൽ കരഞ്ഞു കരഞ്ഞു ഒരു വിധമായി….
പാപ്പി : അണ്ണനും…… അണ്ണനും പഴയ കളി ചിരി ഇല്ല…..
രാജു : പോയത് അമ്മയും അനിയനുമല്ലെടാ…..
ആ സമയത്താണ് വർക്കിയും സാറയും വന്നത്… കയ്യിൽ ബക്കറ്റും വേറെ ചൂലും ഉണ്ടായിരുന്നു….
വർക്കി : അല്ല മക്കളെ നിങ്ങൾക്ക് സാധനങ്ങൾ ഒക്കെ വേണ്ടേ….
രാജു : വേണം ചേട്ടാ…. അത് വാങ്ങാൻ ഇറങ്ങുവായിരുന്നു…
വർക്കി : ആണോ…. എന്നാൽ ഞാനും വേണേൽ വരാം….. നിങ്ങൾക്ക് ഈ സ്ഥലം അത്ര പരിചയമില്ലലോ…
പാപ്പി : അതൊരു ഉപകാരമായിരിക്കും ചേട്ടാ…
സാറ : നിങ്ങൾ കഴിച്ചോ….
രാജു : മം…. കഴിച്ചു കഴിഞ്ഞതേ ഉള്ളൂ…
സാറ : പെണ്ണെവിടെ
രാജു : അകത്തുണ്ട്…
സാറ : ഞാൻ കയറുവാണേ
അതും പറഞ്ഞു സാറ അകത്തേക്ക് പോയി….
രാജു : പാപ്പി എന്നാ നീ ചേട്ടനെയും കൂട്ടി വിട്ടോ…ജീപ്പെടുത്തോ
പാപ്പി : മം…. ചേട്ടാ എന്നാ പോയാലോ
വർക്കി : ഓഹ് യെസ്….
പാപ്പി വണ്ടി സ്റ്റാർട്ട്‌ ചെയ്തു…. ജീപ്പിൽ ഇരുന്നു കൊണ്ട് ബുള്ളറ്റ്റിന്റെ താക്കോൽ രാജുവിന് നേരെയെറിഞ്ഞു….
പാപ്പിയും വർക്കി ചേട്ടനും പോയി….
രാജു അകത്തേക്ക് പോയി… അടുക്കളയിൽ സാറയും റീനയും ഓരോ ജോലിയിൽ ആയിരുന്നു…
റീന : ഞാൻ ചെയ്തോളാം ചേച്ചി…..
സാറ : സാരല്ല്യ മോളെ…..
വർക്കി ചേട്ടനും സാറ ചേച്ചിയും ഇടിച്ചു കയറി ചെല്ലുന്ന പ്രകൃതമാണ്…… പക്ഷെ രാജുവിന് അവരുടെ വരവ് സഹായകരമായി….
രാജു വന്നതോടെ രണ്ട് പേരും രാജുവിനെ നോക്കി……രാജു റീനയോട് വരാൻ ആംഗ്യം കാണിച്ചു
സാറ : മോള് ചെല്ല്…..
റീന രാജുവിന്റെ അടുത്തേക്ക് പോയി
രാജു : അതേയ് ഞാൻ പുറത്തേക്ക് പോവാ….. എന്തെങ്കിലും വാങ്ങാനുണ്ടോ….
റീന ആകെ നനഞ്ഞിരുന്നു….
റീന : പ്രത്യേകിച്ച് അങ്ങനെ ഒന്നും ഇല്ല…
രാജു : ശരി എന്തെങ്കിലും ഓർമ വന്നാൽ വിളിച്ചാൽ മതി…..
റീന തലയാട്ടി…..
രാജു : പിന്നെ….. ആ ചേട്ടത്തി പലതും ചോദിക്കും….. സൂക്ഷിച്ചു വേണം ഉത്തരം പറയാൻ….
അതിനും റീന തലയാട്ടി…രാജു പോയതോടെ റീന വീണ്ടും പണികൾ തുടർന്നു…..
സാറയും റീനയും കൂടി വീട് വൃത്തി ആക്കി…. ബാത്രൂം റീന തന്നെ വൃത്തി ആക്കി…. അകത്തേയും പുറത്തെയും….
വീട്ടിൽ ഒന്നും തന്നെ ഇല്ലാത്തതുകൊണ്ട് പെട്ടെന്ന് തന്നെ വൃത്തി ആക്കി….
പണി കഴിഞ്ഞു വിയർത്തെങ്കിലും അവിടത്തെ ഉമ്മറത്തിരുന്നു തണുത്ത കാറ്റ് വീശിയതോടെ അവളുടെ ദേഹം തണുത്തു…..
റീന : ഇവിടെ എപ്പോഴും ഇങ്ങനെ തണുപ്പാണോ ചേച്ചി…
സാറ : മം.. ഡിസംബറും ജനുവരിയും ഒക്കെ ആയാൽ നല്ല തണുപ്പാ….
റീന : ഇതിനെക്കാളും….
സാറ : മം….
പാച്ചുവിന്റെ കരച്ചിലോടെ അവരുടെ സംഭാഷണം മുറിഞ്ഞു…. റീന അകത്തു പോയി പാച്ചുവിനെ എടുത്തു…. ആകെ അപ്പിയിൽ കുളിച്ചു കിടന്നിരുന്നു പാച്ചു…..
