എന്താഡോ മുഖത്ത് ഒരു പ്രസാദം ഇല്ലാത്തത്
അതുപിന്നെ ചേട്ടാ ആകെ ടയേഡ് ആയി.. രാവിലെ മുതല്‍ സാരിയും ഉടുത്ത് നില്‍ക്കുന്നതല്ലേ, ആകെ തലവേദന
എടോ താന്‍ റെസ്റ്റ് എടുത്തോ നാളെയും കല്യാണം ഉള്ളതല്ലേ നമുക്ക് ഇനി ജീവിതകാലം മുഴുവന്‍ ഉണ്ടല്ലോ ആദ്യരാത്രി ആഘോഷിച്ചില്ല എന്നു വച്ച് ആരും തൂക്കികൊല്ലാന്‍ ഒന്നും പോകുന്നില്ലല്ലോ. ബിനു ചിരിച്ചുകൊണ്ടു പറഞ്ഞപ്പോ അവള്‍ ആശ്വാസത്തോടെ കിടന്നു ഉറങ്ങി.. ബിനുവും ക്ഷീണിതന്‍ ആയതിനാല്‍ അവനും കിടന്നു.
പിറ്റേന്നു കല്യാണപരിപാടികൾ ഭംഗിയായി നടന്നു.. രണ്ടു വിവാഹങ്ങളും ഭംഗിയായി നടന്നതിൽ എല്ലാവര്ക്കും സന്തോഷം ..വൈകിട്ട് പന്തൽ അഴിച്ചു കൊണ്ട് ഇരുന്നപ്പോ ബിനുവിന്റെ മൊബൈലിൽ ഒരു കാൾ വന്നു
ഹലോ
ബിനുചേട്ടൻ അല്ലേ
അതേ ആരായിരുന്നു
ചേട്ടാ എന്റെ പേര് റഫീഖ് എന്നാണ് എനിക്ക് ചേട്ടനെ ഒന്ന് കാണണമായിരുന്നു
എന്തായിരുന്നു കാര്യം ഇന്നിപ്പോ ഞാൻ കല്യാണത്തിരക്കിൽ ആണ് അടുത്ത ദിവസം കണ്ടാൽ പോരെ
പോര ചേട്ടാ വളരെ അത്യാവശ്യം ആണ് ബുദ്ദിമുട്ട് ഇല്ലങ്കിൽ അടുത്തുള്ള ആൻസ് ബേക്കറി വരെ ഒന്ന് വരൂ
എന്റെ സുഹൃത്തേ ഞാൻ പറഞ്ഞില്ലേ ഇന്നിപ്പോ എന്ത് അത്യാവശ്യം ആണെങ്കിലും വരാൻ പറ്റില്ല നിങ്ങൾ കാര്യം ഫോണിൽ പറയൂ അല്ലങ്കിൽ ഇങ്ങോട്ട് വരൂ
ഫോണിൽ പറയാവുന്ന കാര്യമോ അങ്ങോട്ട് വരാൻ പറ്റുന്ന സാഹചര്യവും അല്ല പക്ഷേ എനിക്ക് ചേട്ടനെ കണ്ടേ പറ്റൂ
എന്താണ് ഹേയ് ഇത് തല പോകുന്ന കാര്യം ആണെങ്കിലും ഇന്ന് പറ്റില്ല പിന്നെ ഒരിക്കൽ ആകട്ടെ
ചേട്ടന്റെ ഈ നമ്പറിൽ വാട്സാപ്പ് ഉണ്ടോ
ഇല്ല ഇത് എന്റെ ലോക്കൽ നമ്പർ ആണ് എന്റെ വാട്സാപ്പ് നമ്പർ +27 ………. 9 ആണ്
ഓക്കേ ചേട്ടാ ആ നമ്പറിലോട്ട് ഞാൻ ഒരു ഫോട്ടോ അയച്ചിട്ടുണ്ട് അതൊന്നു നോക്കീട്ട് ചേട്ടൻ വരണമോ വേണ്ടയോ എന്ന് തീരുമാനിക്ക്
ഫോണിൽ മെസ്സജ് ടോൺ കേട്ട് ബിനു വാട്സാപ്പ് തുറന്നു നോക്കി ..ഒരു ഫോട്ടോ ആണ് .. സുമുഖൻ ആയ ഒരു ചെറുപ്പക്കാരന്റെ മടിയിൽ തല വെച്ച് കിടക്കുന്ന ഒരു യുവതി, മുഖം വ്യക്തമല്ല രേഷ്മയുടെയും ഗ്രീഷ്മയുടെയും മുടി പോലെ ചുരുണ്ട മുടിയാണ്… ഫോട്ടോ കണ്ടു ഇരിക്കുമ്പോ ഫോണിൽ വീണ്ടും കോൾ വന്നു
ഹലോ ചേട്ടാ ഫോട്ടോ കണ്ടല്ലോ ഇതിനെക്കുറിച്ച് സംസാരിക്കാൻ ആണ് ഒന്ന് കാണണം എന്ന് പറഞ്ഞത്
മോനെ എന്താ നിന്റെ ഉദ്ദേശം ഇതാരാ ഫോട്ടോ മോർഫ് ചെയ്തു ബ്ലാക്ക് മെയിലിംഗ് ആണോ ഉദ്ദേശം ആള് മാറിപ്പോയി
എന്റെ പൊന്നു ചേട്ടാ എന്നെ അത്ര ചീപ് ആളായി കാണരുതേ ചേട്ടന് ഒരു ഉപകാരം ചെയ്യാം എന്ന് കരുതി പറഞ്ഞു എന്ന് മാത്രം ഒരു അഞ്ചു മിനിറ്റ് മതി ഒന്ന് വരൂ ഞാൻ ആൻ ബേക്കറിയിൽ ഉണ്ടാകും
ഏതായാലും എന്താണ് സംഭവം എന്ന് അറിയാൻ ബിനു കാർ എടുത്തു ബേക്കറിയിലേക്കു പോയി വീടിനു ഒരു കിലോമീറ്റർ അകലെയാണ് ബേക്കറി.. അവിടെ ചെന്ന് കാറിൽ ഇരുന്നു തന്നെ നോക്കിയപ്പോ മൂന്നോ നാലോ പേര് അവിടെ നിൽക്കുന്നത് കണ്ടു .. പെട്ടന്ന് കാറിന്റെ അടുത്തേക്ക് ഒരു ചെറുപ്പക്കാരൻ വന്നു ഫോട്ടോയിൽ ഉള്ള ചെറുപ്പക്കാരൻ അല്ല
ബിനുചേട്ടാ
യെസ് പറയൂ റഫീഖ് ?
അതേ ഞാൻ ആണ് വിളിച്ചത് അകത്തേക്ക് കയറിക്കോട്ടെ
കയറൂ
ചേട്ടാ അല്പം മാറ്റി നിർത്തൂ ഇവിടെ വച്ച് സംസാരിക്കുന്നത് ആരും കാണണ്ട
എന്താടോ ഇത്ര സീക്രെട് , ഉടായിപ്പ് പരിപാടി വല്ലതും ആണെങ്കിൽ തല്ലു വാങ്ങിയേ ഇവിടുന്നു പോകൂ കേട്ടോ
എന്റെ ചേട്ടാ തല്ലു കൊള്ളാനായി ബാംഗ്ലൂർ നിന്നും ഇവിടെ വരെ വരേണ്ട കാര്യം എനിക്കുണ്ടോ..ചേട്ടൻ അങ്ങോട്ട് മാറ്റി ഒന്ന് ഒതുക്കൂ ഞാൻ കാര്യം പറയാം
നീ ഇനി കാര്യം പറ – അല്പം ആൾ ഒഴിഞ്ഞ സൈഡിലോട്ട് വണ്ടി നിർത്തി ബിനു പറഞ്ഞു
ചേട്ടാ എന്റെ പേര് റഫീഖ് എന്റെ ഫ്രണ്ട് നൗഫൽ പറഞ്ഞത് അനുസരിച്ചാണ് ഞാൻ വന്നത്
നിങ്ങൾ കാര്യത്തിലേക്കു വരൂ മിഷ്ടർ
ചേട്ടാ എനിക്ക് പറയാൻ ഉള്ളത് ചേട്ടന്റെ ഭാര്യ ഗ്രീഷ്മയെ കുറിച്ചാണ്
എന്റെ ഭാര്യയെക്കുറിച്ചോ ..mm പറയൂ ഞാൻ ഒന്ന് ഞെട്ടട്ടെ
ചേട്ടന്റെ ആക്ഷേപം എനിക്ക് മനസ്സിലാവുന്നുണ്ട് ,സ്വാഭാവികം , ഫോട്ടോ മോർഫ് ചെയ്തു ആളുകളെ പറ്റിക്കുന്ന ഫ്രോഡ് അല്ല ഞാൻ
താൻ എന്താണ് പറയാൻ ഉള്ളത് എന്നുപറയൂ എന്നിട്ട് തീരുമാനിക്കാം
ചേട്ടാ പറയാൻ ഉള്ളത് എനിക്കല്ല എന്റെ സുഹൃത്ത് നൗഫലിനാണ് അവൻ ബാംഗ്ലൂർ ആണ് അവന്‍ ഇപ്പോ ചേട്ടനെ വിളിക്കും നിങ്ങൾ സംസാരിക്കൂ ഞാൻ പുറത്തു നിൽക്കാം . – ബിനുവിന്റെ ഫോണ്‍ ബെല്ലടിച്ചതും റഫീക് കാര്‍ തുറന്നു പുറത്തേക്ക് ഇറങ്ങി
ഹലോ
ഹലോ ചേട്ടാ ഞാന്‍ നൌഫല്‍ ആണ്
പറയൂ നൌഫല്‍ എന്താണിത് ആദ്യം റഫീക് വരുന്നു പിന്നെ നൌഫല്‍ ..എന്താണ് നിങ്ങളുടെ ഉദ്ദേശം,ഉഡായിപ്പ് പരിപാടി നടത്താന്‍ ആണെങ്കില്‍ തല്ല് മേടിച്ചേ പോകൂ എന്നു ഞാന്‍ റഫീക്കിനോട് പറഞ്ഞുകഴിഞ്ഞു നമ്മുടെ സംസാരവും റെക്കോര്‍ഡ് ആകുന്നുണ്ട് വെറുതെ പ്രോബ്ലത്തില്‍ ചെന്നു ചാടരുത്
ചേട്ടാ എനിക്കു വരാന്‍ പറ്റുന്ന അവസ്ഥ ആയിരുന്നു എങ്കില്‍ ഇങ്ങനെ ഒരു സംസാരത്തിന്റെ ആവശ്യം പോലും ഉണ്ടാകുമായിരുന്നില്ല ..ഇവിടെ എനിക്കു കോവിഡ് പിടിച്ചതുകൊണ്ടാണ് റഫീക്കിനെ അയച്ചത്
നിങ്ങള്‍ നിന്നു കഥാ പ്രസംഗം നടത്താതെ കാര്യത്തിലേക്ക് വരൂ എനിക്കു തിരക്ക് ഉള്ളതാണ്
എനിക്കറിയം തിരക്ക് ഉണ്ടാകും എന്നു ഇന്നലെ മാറ്റിവെച്ച ആദ്യരാത്രി ഇന്ന് ആഘോഷിക്കാന്‍ ഉള്ളതല്ലേ , ചേട്ടാ ഞാന്‍ നേരിട്ടു കാര്യത്തിലേക്ക് വരാം ഞാനും ഗ്രീഷ്മയും തമ്മില്‍ കഴിഞ്ഞ മൂന്നു വര്‍ഷമായി സ്നേഹത്തില്‍ ആണ്
എനിക്കു തോന്നി നിന്റെ പറച്ചില്‍ ഇങ്ങോട്ടാണെന്ന് .. എന്നെ അത്ര പഴഞ്ചന്‍ ആയി കാണേണ്ട ..രണ്ടു പേര്‍ക്ക് തമ്മില്‍ സ്നേഹം തോന്നുന്നത് ലോകത്തില്‍ ആദ്യത്തെ സംഭവം ഒന്നും അല്ല, അതില്‍ ബ്രേക് അപ്പ് വരുന്നതും കല്യാണ ദിവസം ഇങ്ങനെ ഓരോരുത്തര്‍ വരുന്നതും ആദ്യ സംഭവം അല്ല
അതിനു ഞങ്ങള്‍ ബ്രേക് അപ്പ് ആയിട്ടില്ല ഞങ്ങള്‍ ഇപ്പൊഴും പരസ്പരം സ്നേഹിക്കുന്നു അവളില്ലാതെ എനിക്കു ജീവിക്കാന്‍ കഴിയില്ല അവള്‍ക്കും അങ്ങനെ തന്നെ
ഓഹോ അത്രക്ക് തീവ്രം ആണോ എന്നിട്ട് അവള്‍ എന്നോടു ഒന്നും പറഞ്ഞില്ലല്ലോ
അവള്‍ക്ക് ഇന്നത്തെ വിവാഹം എങ്ങനെ എങ്കിലും ഒന്നുകഴിയണം ആയിരുന്നു അതിനായി മിണ്ടാതെ ഇരുന്നതാ
നീ ഈ പറയുന്നതു അവള്‍ക്ക് അറിയാമോ
നിങ്ങളുടെ സ്വരത്തിലെ കളിയാക്കല്‍ എനിക്കു മനസിലാവും നിങ്ങള്‍ വിചാരിക്കുന്നതിലും അധികം അടുത്ത ബന്ധം ആണ് ഞങ്ങളുടേത് ….ചേട്ടന് ഇനിയും വിശ്വസം വരുന്നില്ല എങ്കില്‍ ഞാന്‍ വേറെ കുറച്ചു വീഡിയോ ചേട്ടന് അയച്ചു തരാം ..ഞാനും എന്റെ പെണ്ണും ഉള്ള പ്രൈവറ്റ് നിമിഷങ്ങള്‍ ആയത് കൊണ്ടാണ് റഫീക്കിനേ പോലും ഞാന്‍ അത് കാണിക്കാതെ ഇരുന്നതു ..പക്ഷേ നിങ്ങള്‍ ഇപ്പോ ഇതുകണ്ടില്ല എങ്കില്‍ വിശ്വസിക്കില്ല എന്നെനിക്കറിയം അതുകൊണ്ട് ഞാന്‍ അയച്ചു തരാം..കണ്ടിട്ട് നിങ്ങള്‍ തീരുമാനിക്കൂ.. ..എന്റെ എച്ചില്‍ കഴിക്കേണ്ട ഗതികേട് ഉള്ള ആളല്ലല്ലൊ നിങ്ങള്‍ ..
