പ്രതികരണമില്ലാ….
അമ്മൂസെ…..
“എന്നെ വേണേൽ രണ്ട് പൊട്ടിച്ചോ എന്നാലും എല്ലാം ഉള്ളിലൊതുക്കി ഇങ്ങനെ മിണ്ടാതെ ഇരിക്കല്ലേ എനിക്ക് സഹിക്കണില്ല.. “
ഞാൻ ദയനീയമായി പറഞ്ഞു….
“എനിക്കൊന്നും മിണ്ടാനില്ല..” അവൾ എന്നെ നോക്കാതെ പറഞ്ഞു.
“പക്ഷെ എനിക്ക് മിണ്ടാനുണ്ട് “…
“എനിക്ക് കള്ളു കുടിയൻമാരോട് ഒന്നും സംസാരിക്കാനില്ല “..എന്നെ തളർത്തിക്കൊണ്ട് മറുപടി വന്നു.
“ഞാൻ കള്ളുകുടിക്കാൻ കാരണം മേമയാണെന്ന് അറിയാലോ “
“എല്ലാ കള്ളുകുടിയൻമാർക്കും ഇങ്ങനെ ഓരോ ന്യായം കാണും”
അവൾ ഉറച്ച സ്വരത്തിൽ പറഞ്ഞു “
“എന്നെ ഇനി കള്ളുകുടിയനെന്ന് വിളിക്കരുത്. എനിക്കത് ഇഷ്ട്ടപെടുന്നില്ല”.ഞാൻ ദേഷ്യത്തോടെ പറഞ്ഞു.
“കള്ളു കുടിയൻമാരെ വേറെന്ത് വിളിക്കാനാ”.
അവള് പുച്ഛത്തോടെ അതും പറഞ്ഞു എന്നെ നോക്കി
ഞാൻ സ്വയം നിയന്ത്രിച്ചു നിന്നു.എനിക്ക് ദേഷ്യം ഇരച്ചു കയറുന്നുണ്ടായിരുന്നു.
“കള്ളു കുടിച്ചത് തെറ്റ് തന്നെ, ഞാൻ അംഗീകരിക്കുന്നു.പക്ഷെ ഇന്നലെ അങ്ങനെ പെരുമാറാൻ ഉണ്ടായ കാരണം എനിക്കറിയണം. ഞാൻ പറഞ്ഞ ഒരു തമാശക്ക് നീ ഓവർ റിയാക്ട് ചെയ്യാനുണ്ടായ കാരണം എനിക്കറിയണം “.
അത് പറയുമ്പോഴേക്കും എന്റെ തൊണ്ട ഇടറുന്നുണ്ടായിരുന്നു.
“എനിക്ക് നിന്നെ ഇഷ്ടമല്ല അത് തന്നെ..”
അവൾ ഉണ്ടക്കണ്ണുരുട്ടി എന്റെ നേരെ ചീറി.
“കുറച്ച് ദിവസങ്ങൾ കൊണ്ട് ജീവിതകാലം മുഴുവൻ ഓർക്കാനുള്ള സ്നേഹം നീ എനിക്ക് തന്നിട്ടുണ്ട്. എന്നെ നീ സ്നേഹിക്കുന്നില്ലെങ്കിൽ അതൊക്കെ അഭിനയം ആയിരുന്നോ, ഇല്ല എനിക്കത് വിശ്വസിക്കാൻ കഴിയില്ല “
ഞാൻ അവളുടെ തോളിൽ കൈ വെച്ച് കൊണ്ട് പറഞ്ഞപ്പോൾ അവൾ എന്നെ ദഹിപ്പിക്കുന്ന പോലെ എന്നെ നോക്കി.
“എന്നെ തൊടരുത് “. അവൾ അലറി
“തൊടും നീ എന്റെ പെണ്ണാ..
അവളുടെ കണ്ണുകളിലെ തീ കഷ്ടപ്പെട്ട് പ്രതിരോധിച്ചു ഞാൻ പറഞ്ഞു
“.കയ്യെടുക്കടാ നാറി… നീ ആരാ എന്റെ?
അവള് തൊണ്ട പൊട്ടുമാറ് അലറി. അതോടൊപ്പം ഇരുകൈകൾ കൊണ്ടും മാറി മാറി എന്റെ കവിളിൽ അടിച്ചു. അടികൊണ്ട് കവിൾ പൊട്ടുമെന്ന അവസ്ഥ ആയിട്ടും ഞാൻ നിന്നിടത്തു നിന്ന് അനങ്ങിയില്ല. അവള് എന്നെ കൊല്ലുന്നെങ്കിൽ കൊല്ലട്ടെ എന്ന് ഞാനും കരുതി. അവൾ ശക്തിയായി എന്റെ കവിളിൽ വീശി അടിച്ചു കൊണ്ടിരുന്നു. എന്റെ മുഖം പൊട്ടി ചോര വരുമെന്നെനിക്ക് തോന്നി. കുറച്ച് കഴിഞ്ഞപ്പോൾ അവൾ എന്നെ മാന്തി പറിക്കാൻ തുടങ്ങി.
അസഹ്യമായ അടിയുടെ വേദനയെക്കാൾ അവളുടെ ഈ പെരുമാറ്റം കണ്ട് എന്റെ ചങ്ക് പൊട്ടിയെങ്കിലും ഞാൻ സ്വയം നിയന്ത്രിച്ചു നിന്നു.ഒടുവിൽ അവൾ കണ്ണുകൾ പാതി അടഞ്ഞു കുഴഞ്ഞു എന്റെ നെഞ്ചിലേക്കു വീണു.
ഞാൻ അവളെ താങ്ങി നിർത്തിയെങ്കിലും എന്റെ പിടിവിട്ട് അവൾ നിലത്തേക്ക് കുഴഞ്ഞു വീണു. ആകെ പരിഭ്രാന്തനായ ഞാൻ അടുക്കളയിൽ പോയി കുറച്ച് വെള്ളം എടുത്ത് റൂമിൽ തിരിച്ചെത്തി. അവളെ നിലത്തു നിന്ന് താങ്ങിയെടുത്ത് കട്ടിലിലേക്ക് കിടത്തി മുഖത്തു വെള്ളം തളിച്ചു.
“.അമ്മൂ , അമ്മൂസെ… കണ്ണ് തൊറക്ക്…. “.
ഒരു പ്രതികരണവും ഇല്ല എന്റെ ശരീരമാകെ വിയർത്തൊലിക്കാൻ തുടങ്ങി എന്റെ തൊണ്ടയിൽ വെള്ളം വറ്റി. എന്ത് ചെയ്യണമെന്നറിയാതെ ഞാൻ കുഴങ്ങി. എന്റെ പെണ്ണ് ബോധരഹിതയായി കട്ടിലിൽ കിടക്കുന്നു. ദൈവമേ ഒന്നും വരുത്തല്ലേ? ഞാൻ ഉള്ളുരുകി പ്രാർത്ഥിച്ചു.ഞാൻ എന്റെ വിരൽ എടുത്ത് അവളുടെ മൂക്കിന് കീഴെ വെച്ചു ഭാഗ്യം ! ശ്വാസം എടുക്കുന്നുണ്ട്. ഞാൻ അവളുടെ കവിളിൽ ആവർത്തിച്ച് തട്ടി അവളെ ഉണർത്താൻ ശ്രമിച്ചു. അവളുടെ ചുമലിൽ പിടിച്ചു ആഞ്ഞു കുലുക്കി.
എന്റെ ചങ്കിലെ തീ കെടുത്തിക്കൊണ്ട് അവൾ ഒരു ഞെരക്കത്തോടെ കണ്ണ് തുറന്ന് ചുറ്റും നോക്കി പിന്നേ എന്നെയും ഒന്ന് പാളി നോക്കി അതെ കിടപ്പ് തുടർന്നു.
അമ്മൂ…
അമ്മൂ..
മ്മ്…
അവൾ പതിയെ മൂളി..
“എന്താ നിനക്ക് പറ്റിയെ?. എന്തിനാ എന്നോടിങ്ങനെ…”
എങ്ങനെ….? അവൾ എന്റെ നേരെ ചോദ്യഭാവത്തിൽ നോക്കി.
“എന്നെ ഇങ്ങനെ സങ്കടപ്പെടുത്തണേ …
“എനിക്ക് നിന്നെ ഇഷ്ടമല്ലാഞ്ഞിട്ട്”
.അവൾ യാതൊരു ഭാവ വ്യത്യാസവും ഇല്ലാതെ എന്നോട് പറഞ്ഞു കൊണ്ട് കട്ടിലിൽ എഴുന്നേറ്റിരുന്നു.
അതെനിക്ക് താങ്ങാൻ കഴിയാത്ത ആഘാതമായിരുന്നു. നിമിഷങ്ങൾ മുന്നേ അവൾ എന്റെ പഴയ അമ്മുവായി മാറിയെന്ന എന്റെ തോന്നലിനേറ്റ പ്രഹരം. വാത്സല്യത്തിൽ മമ്മൂട്ടി സിദ്ധീഖിനോട്‌ പറയുന്ന ഡയലോഗ് ആണ് അപ്പോൾ എന്റെ മനസ്സിലൂടെ മിന്നി മറഞ്ഞത്‌. “ഭൂമിയോളം താഴാ പിന്നെങ്ങട്ടാ താഴാ….. !. ഇനിയും അവളോട് കെഞ്ചുന്നത് മൊത്തം പുരുഷ വർഗ്ഗത്തിനു തന്നെ അപമാനമാവുമെന്ന് എനിക്ക് തോന്നി. ഞാൻ പതിയെ കട്ടിലിൽ നിന്ന് എഴുന്നേറ്റു എന്റെ കണ്ണിൽ നിന്നിറ്റു വീണ കണ്ണീർ അവൾ കാണാതിരിക്കാൻ ഞാൻ എന്റെ മുഖം തിരിച്ചു. അവൾ യാതൊരു ഭാവവ്യത്യാസവും ഇല്ലാതെ ഇരിക്കുന്നതാണ് എന്നെ ഏറെ വേദനിപ്പിച്ചത്. എന്തൊരു പെണ്ണാണ് ഇത് ! ഞാൻ ഒരു നിമിഷം മനസ്സിലോർത്തു.
എങ്ങോട്ടാ..?
അപമാനിതനായി ഞാൻ തിരിഞ്ഞു നടക്കുമ്പോൾ അവൾ പിറകിൽ നിന്നും ചോദിച്ചു.
“ഞാൻ പുറത്ത് കിടന്നോളാം..ഇഷ്ടമില്ലാത്ത വരുടെ കൂടെ കിടന്ന് ബുദ്ധിമുട്ടണ്ട”
ഞാൻ തിരിഞ്ഞു നോക്കാതെ പറഞ്ഞു.
“എനിക്ക് ഇഷ്ടല്ല എന്നാ ഈ വീട്ടീന്ന് പോവ്വോ…”
” ഇതും കൂടി കേട്ടതോട് കൂടി എങ്ങോട്ടോ പോയി…
ഇല്ല…
അതെന്താ…?
“എന്നോട് ഉണ്ണിമാമയാണ് ഇവിടെ നിക്കാൻ പറഞ്ഞത്..
ഞാൻ അവളെ നോക്കാതെ ദയനീയമായി പറഞ്ഞു.
“ഉണ്ണിമാമ എന്തിനാ പറയണേ എനിക്ക് നിന്നെ കണ്ടൂടാ.!ഉളുപ്പുണ്ടെങ്കിൽ പോണം..”
അതും പറഞ്ഞു അവൾ ബെഡിൽ നിന്നിറങ്ങി എന്റെ അടുത്തേക്ക് വന്നു. ഇത്ര ക്രൂരയാവാൻ ഇവൾക്ക് സാധിക്കുമോ എന്ന് ഞാൻ അത്ഭുതപ്പെട്ടു. ഹൃദയം തകരുന്ന വേദനയിലും ഞാൻ കരയാതെ പിടിച്ചു നിന്നു.
“ഞാൻ നാളെ ഉണ്ണിമാമയോട് വിളിച്ചു പറഞ്ഞിട്ട് പൊക്കോളാം..
ഇന്ന് കൂടെ ഞാൻ ഇവിടെ ഉമ്മറത്തു കിടക്കും”
ഞാൻ തളർന്ന സ്വരത്തിൽ അവളെ നോക്കാതെ പറഞ്ഞു.
“ഓഹോ ഉണ്ണിമാമ പറഞ്ഞാലേ പോവോള്ളോ”
അവൾ പുച്ഛത്തോടെ എന്നെ നോക്കി ചോദിച്ചു.
“ആ എന്നാലേ പോവൂ. ഞാൻ നിലത്തു നോക്കിക്കൊണ്ട് പറഞ്ഞു. “
അവൾ എന്റെ അടുത്തേക്ക് നീങ്ങി നിന്ന് എന്നെ ഒറ്റ തള്ള്. ഞാൻ പുറകോട്ടടിച്ചു ബെഡിൽ മലർന്നടിച്ചു വീണു.എന്നെ ഞെട്ടിച്ചു കൊണ്ട് അവളും എന്റെ മേലേക്ക് വീണു. ഇപ്പോൾ അവൾ എന്റെ മേലെ ആണ് കിടക്കുന്നത്. അവളുടെ വലതു തുട എന്റെ മേലേക്ക് എടുത്തിട്ടിരിക്കുന്നു. എന്റെ മുഖത്തു വീണു കിടക്കുന്ന അവളുടെ നീളൻ മുടിയിഴകൾ കൈകൊണ്ട് കോതി നേരെയാക്കി അവൾ ഗൗരവം വിടാതെ എന്നെ നോക്കി.
“നീ എന്റെ പൊക കണ്ടേ പോവൂ അല്ലേടാ നാറി…
അവൾ രൂക്ഷമായി എന്നെ നോക്കി. ഞാൻ ഒന്നും മനസ്സിലാവാതെ അന്തം വിട്ടു കിടക്കുമ്പോൾ മുത്തുമണി പൊഴിയുംപോലെ അവൾ ചിരിച്ചു കൊണ്ട് എന്നെ മുറുകെ കെട്ടിപിടിച്ചു കൊണ്ട് എന്നെ നോക്കി പിന്നേ ഭ്രാന്തമായ ആവേശത്തിൽ എന്റെ മുഖം പിടിച്ചു ആവേശത്തോടെ എല്ലായിടത്തും ചുംബിച്ചു.രണ്ട് ദിവസമായി എന്റെ ചങ്കിൽ അവൾ കോരിയിട്ട തീ അവൾ പ്രണയചുംബനങ്ങൾ കൊണ്ട് അണക്കുന്നതാസ്വദിച്ചു കൊണ്ട് ഞാൻ അനങ്ങാതെ കണ്ണടച്ച് കിടന്നു കൊണ്ട് അവളോട് സഹകരിച്ചു.
ആ നിമിഷം ഞാൻ സകല ദൈവങ്ങളോടും മനസ്സിൽ കൈകൂപ്പി നന്ദി പറയുകയായിരുന്നു. എന്റെ പെണ്ണിനെ, എന്റെ ജീവിതം തിരികെ തന്നതിന് !
ആവേശത്തോടെ എന്റെ മുഖം മുഴുവൻ ചുംബിച്ച അവൾ എന്റെ കവിളത്തു കിടന്ന കണ്ണുനീർ തുള്ളികൾ നാവു നീട്ടി നക്കിയെടുത്തു ഒരു തേങ്ങലോടെ എന്റെ നെഞ്ചിലേക്ക് വീണു തേങ്ങി.
