“എത്രയൊക്കെ ആട്ടിയിറക്കാൻ നോക്കീട്ടും നീ മനസീന്ന് പോണില്ലല്ലോ പന്നീ…
അവൾ മുഖമുയർത്തി എന്റെ കണ്ണിലേക്കു നോക്കി പറഞ്ഞു കൊണ്ട് എന്റെ താടിയിൽ കടിച്ചു.അപ്പോൾ അവളുടെ കണ്ണിൽ നിന്ന് കണ്ണീർ പൊടിയുന്നുണ്ടായിരുന്നു.
അതെ ഞാൻ ഊഹിച്ചത്‌ തന്നെ ! പരസ്പരം അതിരു വിട്ട് അടുത്ത രണ്ട് ആത്മാക്കളെ വേർപിരിക്കാൻ, ഞങ്ങൾ ഒന്നിക്കാൻ പാടില്ല എന്ന ധാരണയിൽ എന്നെ ഒഴിവാക്കൻ അവൾ കണ്ടെത്തിയ മാർഗം !.അതാണ് ആണ് ഇന്നലത്തെ ആ ഊതി പെരുപ്പിച്ച വഴക്കും അതിനെ തുടർന്ന് അരങ്ങേറിയ നാടകങ്ങളും.
“ഒരുത്തന്റെ മനസ്സ് കുത്തികീറി ഇട്ടിട്ട് ന്യായം പറയുന്നോ കുരിപ്പേ”
ഞാൻ നെഞ്ചിൽ തല വെച്ച് കിടന്ന അവളെ മുകളിലേക്ക് വലിച്ചു എന്റെ ദേഹത്തെക്ക് ഇറുക്കി പുണർന്നു കൊണ്ട് പറഞ്ഞു.
“ഫീൽ ആയോ പോന്നൂസേ…
സോറി..
അവൾ എന്റെ കവിളിൽ കവിളുരസിക്കൊണ്ട് എന്നെ മുറുക്കെ കെട്ടി പിടിച്ചു പറഞ്ഞു.
ഏയ് തീരെ ഫീൽ ആയില്ല. എനിക്കോർമ വെച്ചിട്ട് ഞാൻ ഇത്ര കരഞ്ഞിട്ടില്ലാ..
ഞാൻ അവളുടെ കവിളിൽ കടിച്ചു കൊണ്ട് പറഞ്ഞു.
ആഹ്……
കടി അത്ര വേദനയില്ലാഞ്ഞിട്ടും പെണ്ണ് ശബ്ദമുണ്ടാക്കി ചിണുങ്ങി.രണ്ട് ദിവസത്തെ കടം ബാക്കിയില്ലേ ഇനി കൊഞ്ചാനേ നേരം കാണൂ..
“എനിക്കും നിന്നെ കണ്ടിട്ട് പാവം തോന്നിയിരുന്നു. ചങ്ക് കുത്തികീറണ വേദന ഉള്ളിൽ അടക്കീട്ടാ ഞാനും എല്ലാം പറഞ്ഞതും ചെയ്തതും… എല്ലാം ഇതോടെ തീരാണെങ്കിൽ തീരട്ടേന്ന് കരുതി….. നീ എന്നെ രണ്ട് തെറിയും പറഞ്ഞു എല്ലാം അവസാനിപ്പിക്കും എന്നാ ഞാൻ വിചാരിച്ചേ. പക്ഷെ ഞാൻ തന്നെ തോറ്റു….”
അത് പറഞ്ഞതും രണ്ടു തുള്ളി ചൂട് കണ്ണീർ എന്റെ കവിളിൽ വീണു ഒരേങ്ങലോടെ അവൾ ശക്തിയായി എന്നെ കെട്ടിപിടിച്ചു.എനിക്ക് ചെറുതായി ശ്വാസം മുട്ടി.
“ഇനി ഞെക്കികൊല്ലാനുള്ള പരിപാടിയാണോ?
ഞാൻ ചെറു ചിരിയോടെ അവളുടെ പുറത്ത് തഴുകി ഞാൻ പറഞ്ഞു.
“അവിടെ കെടക്ക് ചത്താൽ ഞാൻ കുഴിച്ചിട്ടോളാം”
പെണ്ണ് കുറുമ്പോടെ പറഞ്ഞു വീണ്ടും എന്നെ ഇറുകെ കെട്ടിപിടിച്ചു.
പെണ്ണെ..
മ്മ്..
അമ്മൂസെ…
മ്മ്…. അവൾ ചിണുങ്ങി..
“നീ എന്നെ ചൂലെടുത്ത്‌ അടിച്ചാലും ഞാൻ നിന്നെ വിട്ട് പോവൂല. അതോണ്ട് ആ പ്രതീക്ഷ വേണ്ടാ.. നിനക്കെന്നെ വേണ്ടാന്ന് തോന്നുമ്പോ…..
വേണ്ടാന്ന് തോന്നുമ്പോ…
അവൾ മുഖമുയർത്തി എന്റെ മുടിയിൽ തഴുകിക്കൊണ്ട് ചോദിച്ചു…
“ചോറിലോ മറ്റോ ഇത്തിരി വിഷം വെച്ച് തന്നാ മതി അല്ലാതെ ഇനി ഇങ്ങനെ കൊല്ലാകൊല ചെയ്യരുത് പ്ലീസ്… “
അത് കേട്ടപ്പോൾ അവൾ പെട്ടന്ന് നിശബ്ദയായി എന്റെ നെഞ്ചിൽ മുഖം പൂഴ്ത്തി കിടന്നു
എന്താടി ആലോചിക്കുന്നേ?
പെണ്ണ് മ്ലാനമായി ഇരിക്കുന്നത് കണ്ട് ഞാൻ ചോദിച്ചു.
“അല്ല ഏതു വിഷം വാങ്ങും എന്നാലോചിക്കാ…
അവൾ അതും പറഞ്ഞു കുടുകുടാ ചിരിച്ചു ഷർട്ടിന് മുകളിലൂടെ നെഞ്ചിൽ കടിച്ചു.
“ഡീ പന്നീ ഞാൻ അത്രേം ഫീൽ ചെയ്ത് പറഞ്ഞ ഡയലോഗിന് നീ ചിരിക്കുന്നോ? …
ഞാൻ അവളുമായി ഒന്ന് മലക്കം മറിഞ്ഞു. ഇപ്പോൾ അവൾ എന്റെ അടിയിലായി. ഞാൻ മുഖം അവളിലേക്ക് എന്റെ മുഖം അടുപ്പിച്ചതും അവളുടെ ചുണ്ട് വിറക്കാൻ തുടങ്ങി. അവൾ ഒന്ന് ചുരുങ്ങി എന്റെ കരവാലയത്തിനുള്ളിൽ വീർപ്പുമുട്ടി..
താ…
ഞാൻ പതിയെ പറഞ്ഞു
എന്ത്..
അവൾ നിഷ്കളങ്കമായി ചോദിച്ചു
“എന്നെ വിഷമിപ്പിച്ചതിനുള്ള കൂലി.. ”
ഞാൻ കുസൃതിയായി പറഞ്ഞു അവളുടെ മൂക്കിൽ വേദനിപ്പിക്കാതെ കടിച്ചു.
അത് പറഞ്ഞതും അവൾ ഇരുകൈ കൊണ്ടും എന്റെ മുഖം അവളിലേക്ക് പിടിച്ചമർത്തി എന്റെ ചുണ്ട് ചപ്പി വലിച്ചു. ആ ചുംബനത്തിൽ എനിക്ക് ഒരു റോളും ഉണ്ടായില്ല അവൾ നാവ് തള്ളികയറ്റുമ്പോൾ വായ തുറക്കുക എന്നല്ലാതെ. അവൾ എന്റെ ചുണ്ടുകളെ മാറിമാറി താലോലിച്ചു, എന്റെ നാവിനെ വലിച്ചു കുടിച്ചു ചെറുതായി കടിച്ചു.ശ്വാസം മുട്ടിയപ്പോളാണ് പെണ്ണ് എന്റെ ചുണ്ടുകൾ മോചിപ്പിച്ചത്. ചുണ്ടുകൾ വേർപ്പെടുത്തി എന്നെ നോക്കി കിതച്ചു കൊണ്ട് കിടക്കുന്ന എന്റെ അമ്മുവിനെ ഞാൻ കണ്ണിമ വെട്ടാതെ നോക്കി നിന്നു.
പ്രണയാർദ്രമായ ആ രംഗം അവസാനിച്ചത് അവളുടെ ഇടതു കൈ ശക്തിയായി എന്റെ കവിളിൽ പതിഞ്ഞപ്പോളാണ്.
ഹാ.. ഇതിപ്പോ എന്തിനാ പ്രാന്തി…
ഞാൻ പല്ലുറുമ്മികൊണ്ട് ചോദിച്ചു.
ഇനി കള്ള് കുടിക്കോ………?
നിമിഷങ്ങൾക്കകം രൗദ്ര ഭാവം പൂണ്ട അവൾ എന്റെ കഴുത്തിൽ കുത്തിപിടിച്ചു കൊണ്ട് ചോദിച്ചു.
“ഓ അതായിരുന്നോ… ഇനി നീ മിണ്ടാതിരുന്നാൽ അന്നേ കുടിക്കൂ.. “
“ഇനി നീ എന്ന് കുടിക്കുന്നോ അന്ന് തീർന്നു ഞാനും നീയും തമ്മിലുള്ള ബന്ധം ” അവൾ എന്നെ കണ്ണുരുട്ടി പേടിപ്പിച്ചുകൊണ്ട് പറഞ്ഞു.
“എന്തോന്നെടി ഇപ്പൊ ആരാ കുടിക്കാത്തെ, ഇതൊക്കെ വല്യ കാര്യം ആണോ അമ്മൂസെ “
ഞാൻ ദയനീയ ഭാവത്തിൽ അവളെ നോക്കിക്കൊണ്ട് ചോദിച്ചു
അവൾ കുറുമ്പൊടെ എന്നെ അവളിലേക്ക് അണച്ചു എന്റെ കാതിൽ കടിച്ചുകൊണ്ട് തുടർന്നു.
“അതൊന്നും എനിക്കറിയണ്ട.. എന്റെ ചെക്കൻ കുടിക്കണ്ട.. !പിന്നെ നിനക്കത്രക്ക് കുടിക്കാൻ മുട്ടുമ്പോ….
മുട്ടുമ്പോൾ….
ഞാൻ അവളുടെ കഴുത്തിൽ മുഖം പൂഴ്ത്തി എന്റെ പെണ്ണിന്റെ മണം വലിച്ചെടുത്തു കൊണ്ട് ചോദിച്ചു
“കുടിക്കാൻ ഞാൻ വേറെ ചിലത് തരാം ”
പെണ്ണ് കുസൃതിയോടെ പറഞ്ഞു കിലുകിലാ ചിരിച്ചു.
അവൾ പറഞ്ഞതിന്റെ അർത്ഥം എനിക്ക് പിന്നെ ആണ് മനസ്സിലായത്‌..
ഇപ്പൊ തരുവോ..
ഞാൻ അവളുടെ കണ്ണിലേക്കു നോക്കി കൊഞ്ചി
“അയ്യടാ അടങ്ങി കെടക്കവിടെ.. “
അവൾ എന്റെ കഴുത്തിനു പിറകിലൂടെ രണ്ടു കൈയും ഇട്ട് എന്നെ അവളിലേക്ക് മുറുക്കി
എടീ എന്നെ കൊല്ലല്ലേ…
ഞാൻ തമാശയായി പറഞ്ഞു
എന്നാ എണീറ്റ് പോ.. അവൾ ഈർഷ്യയോടെ എന്നെ തള്ളി മാറ്റാൻ നോക്കി
“ഡീ എനിക്കിപ്പോ ചോദിക്കാനും പറയാനും ഒക്കെ ആൾക്കരൊക്കെ ണ്ട് ട്ടോ…
“അതിപ്പോ ആരാ പുതിയത്….
അവൾ ചോദ്യഭാവത്തിൽ എന്നെ നോക്കി. അവളിൽ നിന്നെന്തെങ്കിലും മറച്ചു വെക്കാൻ ഞാൻ അശക്തനായിരുന്നു. അവളോട് തുടക്കം മുതൽ തന്നെ പറയുന്നതാണ് ഭാവിക്ക് നല്ലത് എന്നെനിക്ക് തോന്നി.
ഞാൻ അന്ന് രാവിലെ നടന്ന സംഭവങ്ങൾ എല്ലാം പറഞ്ഞു. ആതിരയെ കണ്ടതും ഞങ്ങളുടെ പഴയ പ്രണയത്തെ കുറിച്ചും എല്ലാം.അവളെക്കുറിച്ചു പറയുമ്പോൾ പെണ്ണിന്റെ മുഖം മാറുന്നത് ഞാൻ ശ്രദ്ധിക്കുന്നുണ്ടായിരുന്നു. എന്നാലും അവൾ ഒരു വിളറിയ ചിരി മുഖത്ത് വരുത്താൻ ശ്രമിച്ചു എന്നെ കഥ പറയാൻ പ്രേരിപ്പിച്ചു. അവസാനം ബസ് സ്റ്റാൻഡിൽ കൊണ്ടാക്കിയതും കൂടെ പറഞ്ഞതോടെ അവളുടെ മുഖം വല്ലാതായി. അവൾ എന്നെ നോക്കാതെ മുഖം വെട്ടിച്ചു കിടന്നു.
ഡീ…
അമ്മൂസെ….
മ്മ്… നേർത്ത ഒരു മൂളൽ മാത്രം
“ഡീ കുശുമ്പിപ്പാറു.. ഇങ്ങോട്ട് നോക്കിക്കെ..”
അവൾ എന്റെ നേരെ മുഖം തിരിച്ചു. കണ്ണുകൾ അപ്പോഴേക്കും കലങ്ങിയിരുന്നു.
“ഞാൻ എന്റെ അമ്മൂസിനെ വിട്ട് വേറെ പെണ്ണിന്റെ പിന്നാലെ പോവോ……?
