“ഡാ അഭീ…….
പരിജിതമായ ശബ്ദം കേട്ട് തല ഉയർത്തി നോക്കുമ്പോൾ വെള്ളയും ചുവപ്പും നിറത്തിൽ പൂക്കളുടെ മനോഹരമായ വർക്കുള്ള ചുരിദാർ ധാരിയായ വെളുത്തു മെലിഞ്ഞു സുന്ദരിയായ ഒരു പെൺകുട്ടി എന്നെ നോക്കി ചിരിതൂകി നിൽക്കുന്നു ആതിര! ഞാൻ മനസ്സിൽ പറഞ്ഞു. എന്റെ പഴയ സഹപാഠി ആണ്.
“ആതിര.. നീ ഇവിടെ….
ഞാൻ അവളെ പ്രതീക്ഷിക്കാതെ കണ്ടതിൽ ഉള്ള അത്ഭുതം മറച്ചു വെക്കാതെ ചോദിച്ചു.
അതെന്താ ഇത് മൊത്തം നിനക്ക് എഴുതി തന്നതാണോ?
അവൾ ചിരിയോടെ എന്റെ നേരെ ഓപ്പോസിറ്റ് വന്നിരുന്നു.
“അല്ല അതല്ല. നീ എന്ന് ചേർന്നു ഇവിടെ…..
“ഞാൻ ഇന്നലെ ചേർന്നതെ ഉള്ളൂ.അല്ല ഇന്നലെ നിന്നെ കണ്ടില്ലല്ലോ?
“ആ ഇന്നലെ വേറെ കുറച്ചു പരിപാടികൾ ഒക്കെ ഉണ്ടായിരുന്നു. വരാൻ പറ്റീല. “ഞാൻ അവളെ നോക്കി ചെറുചിരിയോടെ പറഞ്ഞു.
“അല്ലേലും നീ പണ്ടേ പഠിപ്പിസ്റ്റ് അല്ലെ. നിനക്ക് ക്ലാസ്സിൽ കേറേണ്ട ആവശ്യം ഇല്ലല്ലോ “.
“പോടീ ചുമ്മാ കളിയാക്കാതെ… അല്ല മാളെ നീ എന്തെ ഇപ്പൊ ഇതിനിറങ്ങാൻ?
ഞാൻ അവളെ കളിയാക്കിക്കൊണ്ട് പറഞ്ഞു
“ഡിഗ്രി കഴിഞ്ഞപ്പോ തന്നെ പഠിക്കാനുള്ള മൂഡ് പോയി. പിന്നെ വീട്ടുകാരെ പറ്റിക്കാൻ ഇതാ ബെസ്റ്റ് “
അവൾ എന്നെ നോക്കി കണ്ണിറുക്കിക്കൊണ്ട് പറഞ്ഞു.
നീ കെമിസ്ട്രി ആയിരുന്നില്ലേ?
“ആ ഡാ എടുത്ത് പെട്ടതാ. ഇനി pg ക്ക് കൂടെ പോയാൽ ഞാൻ തീർന്നു”. അവൾ അതും പറഞ്ഞു ചിരിക്കാൻ ആരംഭിച്ചു.
കല്യാണം…?
“അതിനൊന്നും ആയിട്ടില്ല മോനെ. നിന്നെപ്പോലെ വല്ല ചുള്ളന്മാരും വരോന്നു നോക്കട്ടെ”
ഞാൻ ഭയപ്പെട്ടത് പോലെ തന്നെ സംഭവിച്ചു. ഇതാരാ മൊതല് എന്നറിയോ?. പണ്ട് പ്ലസ് വണ്ണിനു ചേർന്ന് ഒരാഴ്ച കഴിഞ്ഞപ്പോൾ എന്നെ വന്നു പ്രപ്പോസ് ചെയ്ത മുതലാണ്. പൊതുവെ നാണം കുണുങ്ങിയായ ഞാൻ അന്ന് ഒന്നും പറഞ്ഞില്ല ഒന്ന് ചിരിച്ചേ ഒള്ളൂ. പിന്നെ അവൾക്ക് ഞാൻ അവളുടെ കാമുകൻ ആയിരുന്നു. ഞാനാണേങ്കിൽ നോ പറയാനുള്ള മടി കൊണ്ടു അവളെ കാണുമ്പോൾ എല്ലാം ചിരിച്ചു കാണിക്കും. അങ്ങനെ ഇരിക്കുന്ന സമയത്താണ് അനുപമ ഞങ്ങളുടെ കുടുംബത്തിലേക്കും എന്റെ മനസ്സിലേക്കും വരുന്നത്. അതോടെ എന്റെ താല്പര്യം കുറഞ്ഞു. അവൾ പിന്നേം എന്റെ പിന്നാലെ തന്നെ ആയിരുന്നു എന്ന് ഞാൻ മറ്റു പലരിൽ നിന്നും അറിഞ്ഞിരുന്നു. പ്ലസ് ടു കഴിഞ്ഞതോടെ കണക്ഷൻ കട്ടായി പിന്നെ ഇന്നാണ് കാണുന്നത്. ദൈവമേ ഇവൾക്ക് വേറെ ലൈൻ സെറ്റായിട്ടുണ്ടാവണേ ഞാൻ മനസ്സിൽ ഓർത്തു. പക്ഷെ അന്നത്തെക്കാൾ സുന്ദരി ആയിട്ടുണ്ട് ഇവൾ ഇപ്പൊ. അന്ന് ഇരുനിറത്തിൽ ഒരു പെണ്ണായിരുന്നു. ഇപ്പോൾ നിറവും മുടിയും ഉയരവും കൂടി നല്ല കിണ്ണൻ ചരക്കായിട്ടുണ്ട് പെണ്ണ്. ചുണ്ടിൽ ഒക്കെ തൊട്ടാൽ ചോര തെറിക്കും.
“നീ ആളാകെ മാറിയല്ലോടീ ” എജ്ജാതി ലുക്കാണ് ഇപ്പൊ.! മനസ്സിലുള്ളത് അറിയാതെ പുറത്ത് ചാടി.
അവൾ തെല്ലു നാണത്തോടെ എന്നെ നോക്കി ചിരിച്ചു.അവൾക്കത് നന്നായി സുഖിച്ചു എന്ന് അവളുടെ മുഖത്തുനിന്ന് എനിക്ക് മനസ്സിലായി.
“പോടാ ചുമ്മാ കളിയാക്കാതെ..
അവൾ എന്റെ മുഖത്തു തോണ്ടിക്കൊണ്ട് പറഞ്ഞു
“കളിയാക്കിയതല്ല സത്യം ആണ്. ഞാൻ ഇതുവരെ നിന്നോട് ഇങ്ങനെ പറഞ്ഞിട്ടില്ലല്ലോ? “
“ആഹ് ഇതുകൊണ്ട് എന്ത് കാര്യം ആര് കാണാനാ….
അവൾ ഒരു നെടുവീർപ്പോടെ പറഞ്ഞു.
“നിന്റെ കാമുകന്റെ ഭാഗ്യം….
ഞാൻ ചുമ്മാ ഒന്ന് എറിഞ്ഞു നോക്കി
“പോടാ പട്ടീ എനിക്ക് കാമുകൻ ഒന്നും ഇല്ല. ഒരുത്തൻ ഉണ്ടായിരുന്നു അവനാണെങ്കിൽ എന്നെ വേണ്ടായിരുന്നു.”
അവൾ നിരാശയോടെ എന്നെ നോക്കാതെ പറഞ്ഞു.
ആഹ് ബെസ്റ്റ്. ഇപ്പോ ഒരു കാര്യം കൂടെ ഉറപ്പായി അവൾക്കിപ്പോഴും എന്നെ തന്നെ ആണ് നോട്ടം. നിന്റെ കൂടെ കുറവേ ഉണ്ടായിരുന്നുള്ളു മോളെ.ഇപ്പൊ പൂർത്തിയായി.ഞാൻ മനസ്സിൽ പറഞ്ഞു.
“അല്ല നിന്റെ ചേച്ചീടെ കല്യാണം കഴിഞ്ഞോ?
“ആ കഴിഞ്ഞ മാസം ആയിരുന്നു. നിന്നെ വിളിക്കണം എന്നുണ്ടായിരുന്നു നമ്പർ ണ്ടായിരുന്നില്ല……
അവൾ ക്ഷമാപണത്തോടെ പറഞ്ഞു.
“നിന്റെ നമ്പർ തന്നെ. ഇടക്ക് വാട്സാപ്പിൽ ചാറ്റാല്ലോ…”
അവൾ ചെറു ചിരിയോടെ പറഞ്ഞു. എന്റെ നമ്പറും വാങ്ങി സേവ് ചെയ്തു അവൾ വാട്സാപ്പിൽ hii അയച്ചു.
“ഇതാണ് എന്റെ നമ്പർ. ഇടക്കൊക്കെ വിളിക്കെടോ….
അവൾ അത് പറഞ്ഞു വശ്യമായി ഒന്ന് ചിരിച്ചു.
“ആ ഞാൻ വിളിക്കാം…. “
ഞാൻ മുഖത്തൊരു ചിരി വരുത്തിക്കൊണ്ട് അവളെ നോക്കി പറഞ്ഞു.
“ഉവ്വ… പണ്ടത്തെ പോലെ ആണെങ്കിൽ വേണ്ടേ…… “
അവൾ അതും പറഞ്ഞു വായ പൊത്തി ചിരിക്കാൻ തുടങ്ങി. എന്നെ ഒരു മാതിരി വടിയാക്കി കൊണ്ട് അവൾ ചിരിക്കുന്നത് കണ്ടപ്പോൾ എനിക്ക് ചെറിയ ദേഷ്യം വന്നു. അല്ല അവളെ പറഞ്ഞിട്ട് കാര്യം ഇല്ല. അതിന് പിന്നിൽ ഒരു കഥയുണ്ട്
പ്ലസ് വണ്ണിൽ അവൾ എന്നെ പ്രപ്പോസ് ചെയ്ത് ഞങ്ങൾ പ്രേമിക്കാൻ ആരംഭിച്ച സമയം..
അന്ന് അവളുടെ കയ്യിൽ ഏതോ g five എന്ന ചൈനീസ് ഫോൺ ഉണ്ടായിരുന്നു.
“അഭീ നിന്റെ നമ്പർ താ..
പ്രപ്പോസ് ചെയ്തതിന്റെ പിറ്റേന്ന് സ്കൂളിൾ ചെന്നപ്പോൾ അവൾ ചോദിച്ചു.
എനിക്കാണേൽ അന്ന് ഫോണും ഇല്ല. അത് ഇവളോടു പറഞ്ഞാൽ കുറച്ചിൽ അല്ലെ. ഞാൻ അമ്മയുടെ നമ്പർ കൊടുത്തു. അവൾ എന്നും വൈകുന്നേരം വിളിക്കാൻ തുടങ്ങി. ഞാൻ അമ്മ അറിയാതിരിക്കാൻ ഫോൺ സൈലന്റ് ആക്കി വെക്കാൻ തുടങ്ങി. വിളിച്ചിട്ട് കാര്യമായിട്ട് ഒന്നും ഇല്ല. അന്ന് സ്കൂളിൽ നടന്ന കാര്യങ്ങൾ അങ്ങോട്ടും ഇങ്ങോട്ടും പറയും. ചുമ്മാ ചിരിക്കും. ഇടയ്ക്കിടെ അവൾ എനിക്ക് നിന്നെ വല്യ ഇഷ്ടം ആണ് എന്ന് പറയും. ഞാൻ എനിക്കും എന്ന് മറുപടി പറയും.ഒടുവിൽ അവൾ നിറഞ്ഞ മനസ്സോടെ ഗുഡ് നൈറ്റ് പറഞ്ഞു ഫോൺ വെക്കും. അത്ര തന്നെ. അങ്ങനെ ദിവസങ്ങൾ കടന്നു പോയി ഒരു ദിവസം അവൾക്കൊരു പരാതി ഉണ്ടായിരുന്നു.
“എന്നും ഞാൻ അങ്ങോട്ട് വിളിക്കണം. നിനക്കെന്നെ ഒന്ന് വിളിച്ചൂടെ “.
“ആ ഞാൻ നാളെ അങ്ങോട്ട് വിളിക്കാം. എന്നും പറഞ്ഞു ഞാൻ ഫോൺ വെച്ചു.
വാസ്തവത്തിൽ അവൾ ഇങ്ങോട്ട് വിളിക്കുമ്പോൾ തന്നെ എനിക്ക് മരണ ടെൻഷൻ ആണ്. നാളെ അങ്ങോട്ട് വിളിക്കണല്ലോ എന്നാലോചിച്ചു എനിക്ക് ഉറക്കം പോയി. പിറ്റേന്ന് രാവിലെ സ്കൂളിൽ വെച്ച് ആരും കാണാതെ അവൾ ഓര്മിപ്പിക്കേം ചെയ്തു.
“ഇന്ന് വിളിക്കൂലേ…
‘ആ വിളിക്കാം, ഫോൺ നിന്റെ കയ്യിൽ തന്നെ ആവൂലെ?..
.ഞാൻ സംശയിച്ചു കൊണ്ടു ചോദിച്ചു.
“ആ പേടിക്കണ്ട എന്റെ ഫോൺ തന്നെ ആണ് “
അതും പറഞ്ഞു
നിറഞ്ഞ പുഞ്ചിരി സമ്മാനിച്ചു അവൾ പോയി. പോവുന്നതിന്റെ ഇടക്ക് എന്നെ പലകുറി തിരിഞ്ഞു നോക്കുന്നുണ്ടായിരുന്നു.
അങ്ങനെ വീട്ടിലെത്തി വൈകുന്നേരം ആയി അമ്മ സീരിയൽ കാണുന്നതിന്റെ ഇടക്ക് ഞാൻ ഫോൺ പൊക്കി ഞാൻ മുറ്റത്തേക്കിറങ്ങി. അവളുടെ നമ്പർ ഡയൽ ചെയ്തു.റിങ് ചെയ്യുന്നതിനോടൊപ്പം എന്റെ ഹൃദയമിടിപ്പും കൂടി വന്നു. മറുതലക്കൽ ഫോൺ എടുത്തു