ഹലോ….
ഞാൻ വിറയാർന്ന ശബ്ദത്തോടെ പറഞ്ഞു.
ഹലോ.. ഇതാരാ..
മറുതലക്കൽ ഗംഭീര്യമുള്ള ഒരു സ്ത്രീ ശബ്ദം!.
അവൾ അല്ലെന്ന് അറിഞ്ഞതും.എന്റെ പകുതി ജീവൻ പോയി. അവളല്ലാതെ ആരെങ്കിലും ഫോൺ എടുക്കുവാണേൽ ആ നിമിഷം റോങ് നമ്പർ എന്നും പറഞ്ഞു ഫോൺ വെക്കണം എന്ന് ഇക്കാര്യത്തിൽ ഗുരു സ്ഥാനീയനായ എന്റെ ചങ്ക് ജിഷ്ണു എന്നോട് വിശദമായി ക്ലാസ്സ്‌ എടുത്തു തന്നിരുന്നെങ്കിലും അതൊന്നും എനിക്കപ്പോൾ തോന്നിയില്ല
“ഇത്.. അഭിലാഷ് ആണ്. ആതിര ഇല്ലേ..”
മരപ്പൊട്ടനായ ഞാൻ പേരടക്കം പറഞ്ഞു കൊടുത്തു.
“ആതിരാ കുളിക്കാണ് എന്ത് വേണം.?
സ്ത്രീ ശബ്ദം കൂടുതൽ കനത്തു. അത് അവളുടെ അമ്മയാണെന്ന് ഞാൻ ഊഹിച്ചു.
“ഞാൻ അവളെ കിട്ടാൻ വിളിച്ചതാണ്… “ഞാൻ പതിയെ പറഞ്ഞു.
“അവളെ എന്തിനാ വിളിക്കുന്നെ അത് പറ “
“അത്.. സംസാരിക്കാൻ..
ഞാൻ ധൈര്യം സംഭരിച്ചുകൊണ്ടു പറഞ്ഞു.
“നിനക്കെന്താടാ എന്റെ മോളോടിത്ര സംസാരിക്കാൻ”
അവളുടെ അമ്മയുടെ ശബ്ദം ഉയർന്നു.
“ഞാൻ കുറെ ദിവസമായി ഇത് ശ്രദ്ധിക്കുന്നു.അവൾ എന്നും നിന്റെ ഫോണിലേക്ക് വിളിക്കുന്നുണ്ട്. എന്റെ മോളെ ശല്യം ചെയ്താൽ നിന്നെ ഞാൻ ശരിയാക്കും. മേലാൽ ഈ ഫോണിലേക്ക് വിളിച്ചു പോവരുത്. “.ആ താടക പറഞ്ഞു നിർത്തി.
തൊമ്മനും മക്കളും സിനിമയിൽ സലീം കുമാർ പറയുന്ന പോലെ അതെനിക്ക് ഇഷ്ടായില്ല. അല്ലെങ്കിലും അമ്മ അല്ലാതെ വേറൊരു പെണ്ണ് നമ്മളോട് ശബ്ദം ഉയർത്തി സംസാരിക്കുന്നത് ഒരു ശരാശരി മലയാളിക്ക് ഇഷ്ടം അല്ലല്ലോ.
“നിങ്ങള് പോയി പണി നോക്ക് തള്ളേ, അവളെ എനിക്ക് ഇഷ്ടമാണ് ഞാൻ ഇനീം വിളിക്കും “
ഒറ്റശ്വാസത്തിൽ പറഞ്ഞു ഞാൻ ഫോൺ വെച്ചു. എവിടുന്നാ ഈ ധൈര്യം വന്നത് എന്ന് ഞാൻ ശങ്കിച്ചു. മണ്ടത്തരമായോ? ഏയ്‌..
അതങ്ങനെ അവസാനിച്ചെന്ന് കരുതിയതാണ്. പിറ്റേന്ന് സ്കൂളിൽ ചെന്നപ്പോൾ അതാ സ്റ്റാഫ്‌ റൂമിന്റെ വരാന്തയിൽ അവളും അവളുടെ അമ്മയും നിക്കുന്നു.
തലേന്നത്തെ ശൗര്യം ഒന്നും എനിക്കപ്പോൾ ഉണ്ടായിരുന്നില്ല. അവരെ കണ്ടതും എന്റെ തല ചുറ്റാൻ തുടങ്ങി. ആതിര എന്നെ ചൂണ്ടിക്കൊണ്ട് ആ സ്ത്രീയോട് എന്തൊക്കെയോ പറയുന്നുണ്ട്. എന്റെ ക്ലാസ്സിലെ മുഴുവൻ നാറികളും സർക്കസ് കാണാൻ നിക്കുന്ന പോലെ വരാന്തയിൽ തടിച്ചു കൂടീട്ടുണ്ട്.എന്നെ കണ്ടതും ജിഷ്ണു ഓടി വന്നു.
“നീ ഒന്നും പേടിക്കണ്ടടാ, ഞാൻ ഇതൊക്കെ എത്ര കണ്ടതാ “.
കാര്യം അറിഞ്ഞു കഴിഞ്ഞപ്പോൾ അവൻ പറഞ്ഞു. ഞാൻ ക്ലാസ്സിൽ തന്നെ ഇരുന്നു.അതിനിടെ ഓരോ നാറികളും വന്നു എന്നെ പോസ്റ്റ്‌ മോർട്ടം ചെയ്യുന്നുണ്ടായിരുന്നു. ആതിര നിസ്സഹായ ഭാവത്തിൽ എന്നെ നോക്കി. കുറച്ചു കഴിഞ്ഞപ്പോൾ ക്ലാസ്സ്‌ ടീച്ചറായ ഉഷ ടീച്ചർ വന്നു എന്നെ സ്റ്റാഫ്‌ റൂമിലേക്ക് വിളിച്ചു. ചെന്ന് നിന്നത് എല്ലാ മാഷുമ്മാരുടെയും നടുക്ക്. എല്ലിൻ കഷ്ണം കിട്ടിയ നായ്ക്കളെ പോലെ അവർ എന്നെ പങ്കുവെച്ചു. അതിനിടെ ആ തള്ളയും എന്നെ എന്തൊക്കെയോ പറഞ്ഞു.ആകെ കഞ്ചാവടിച്ച അവസ്ഥ ആയിരുന്നത് കൊണ്ട് എനിക്കൊന്നും ഓർമ ഇല്ല
“നീ പഠിക്കുന്ന കുട്ടി ആയോണ്ടാണ് TC തരാത്തത്”
എല്ലാം കഴിഞ്ഞ് ഒടുവിൽ ഉഷ ടീച്ചർ ശവത്തിൽ ആണിയും അടിച്ചു. ആ സംഭവം കുറച്ചു കാലം ചർച്ചാ വിഷയം ആയിരുന്നു. പിന്നെ പലരും അത് മറന്നു തുടങ്ങി. ഒടുവിൽ ഞാൻ പോലും മറന്നു തുടങ്ങിയ നേരത്താണ് ഇവളെ വീണ്ടും കാണുന്നത്. ഞാൻ പ്ലസ് ടു ഓർമകളിൽ കുടുങ്ങി കിടക്കുകയാണെന്ന് മനസ്സിലായ ആതിര എന്റെ കയ്യിൽ തട്ടി എന്നെ ഉണർത്തി.
“മതി സ്വപ്നം കണ്ടത്… “അവൾ അപ്പോളും ചിരിക്കുന്നുണ്ട്.
“അന്ന് നീയാടി പന്നീ അതിന് കാരണം “.
ഞാൻ ആ സംഭവം ഓർമിച്ചുകൊണ്ടു അവളുടെ തലക്ക് പതിയെ കിഴുക്കി
“ആ ബെസ്റ്റ് അമ്മ ഫോൺ എടുത്തപ്പോ ബബ്ബബ്ബ അടിച്ചത് ആരാ? എന്നിട്ടിപ്പോ എനിക്കായോ കുറ്റം “.
അവൾ പരിഹാസത്തോടെ എന്നോട് പറഞ്ഞു.
“ഞാൻ ബബ്ബബ്ബ അടിച്ചൊന്നും ഇല്ല….. ഞാൻ കെറുവിച്ചു കൊണ്ടു പറഞ്ഞു.
“ആ മതി മതി അതൊക്കെ കഴിഞ്ഞില്ലേ. അന്നത്തെ സംഭവത്തിനു ശേഷം ഇന്നാണ് നിന്നെ ഒന്ന് മര്യാദക്ക് സംസാരിക്കാൻ കിട്ടുന്നെ …അതെങ്ങനെ പിന്നെ എന്നെ കാണുമ്പഴേ ഓട്ടം ആയിരുന്നില്ലേ?
അവൾ വീണ്ടും ചിരിക്കാനുള്ള പുറപ്പാടാണ്.
“ഓ ഇനി പ്പോ ഇവിടേം രക്ഷ ണ്ടാവൂല ലെ….. “
ഞാൻ കളിയോടെ അവളോട് പറഞ്ഞു.
“ആ ഉണ്ടാവില്ല, നിന്നെ അങ്ങനെ വിടാൻ ഉദ്ദേശിച്ചിട്ടില്ല “…
‘അവൾ ആ പറഞ്ഞതിൽ ഒരു ഹിഡൻ മീനിങ് ഇല്ലേ?…
“എന്നെ പരീക്ഷിക്കാണോ പടച്ചോനെ?..
സാധാരണ ഉച്ചക്ക് ഇറങ്ങുന്ന ഞാൻ അന്ന് വൈകുന്നേരം ആണ് അവിടെ നിന്നും ഇറങ്ങിയത്.
ആതിര വന്നതിന്റെ ഒരു ഗുണം എന്താണെന്ന് വെച്ചാൽ തലേന്നത്തെ സംഭവങ്ങളിൽ തകർന്നിരുന്ന എന്നെ പ്ലസ് ടു കാലഘട്ടത്തിലേക്ക് തിരിച്ചു വിടാൻ അവൾക്കായി എന്നതാണ്.അവളോട് യാത്ര പറഞ്ഞിറങ്ങുമ്പോൾ..
“എന്നെ ബസ്റ്റാന്റിൽ വിടോ?..
“അതിനാണോ ചുമ്മാ നിന്ന് പരുങ്ങിയത്. അങ്ങ് കൂടെ കേറിയ പോരെ “ഞാൻ അവളെ നോക്കി കണ്ണടച്ച് കാണിച്ചു.
“അല്ല നിനക്ക് എന്തേലും പ്രശ്നം ണ്ടങ്കിലോ?
പണ്ടത്തെ പോലെ ശല്യം ആവണ്ടാന്ന് കരുതീട്ടാ… അവൾ താഴേക്ക് നോക്കി പറഞ്ഞു
“ഓഹ് ആവുമ്പോൾ പറയാം
ഇപ്പൊ തമ്പുരാട്ടി വന്നു കേറിയാട്ടെ !.
അവൾ ചിരിയോടെ വന്നു ബൈക്കിൽ കയറി എന്റെ തോളിൽ കൈ പിടിച്ചിരുന്നു. കോച്ചിങ് സെന്ററിൽ നിന്ന് ഏകദേശം ഒരു കിലോമീറ്റർ ദൂരം ഉണ്ട് ബസ്റ്റാന്റിലേക്ക്. അവളെ അവിടെ ഇറക്കി പോരുമ്പോൾ വൈകിട്ട് വിളിക്കാം എന്നാ അർത്ഥത്തിൽ അവൾ ചെവിയിൽ വിരൽ ഫോൺ പോലെ വെച്ച് ആംഗ്യം കാണിച്ചു.
അവൾ പോയതും മനസ്സ് പിന്നെയും പഴയ പോലെ തന്നെ ആയി. ആകെ ഒരു വിങ്ങൽ.ഒരു സ്വസ്ഥത കിട്ടുന്നില്ല. ലച്ചുവിനോട് എല്ലാം തുറന്ന് പറഞ്ഞാലോ?.. അല്ലേൽ വേണ്ട ചിലപ്പോ പിടി വിട്ട് പോവും. എത്ര സ്നേഹം ഉണ്ടെങ്കിൽ സ്വന്തം മകൻ അവന്റെ ചെറിയമ്മയെ സ്നേഹിക്കുന്നു എന്നറിഞ്ഞാൽ ഏത് അമ്മയ്ക്കും അത് അംഗീകരിക്കാൻ പറ്റില്ല.
വീട്ടിലെത്തിയപ്പോൾ സമയം അഞ്ചു മണി ആയിരുന്നു. അമ്മ ഉമ്മറത്തു പത്രം വായിച്ചിരിക്കുന്നുണ്ട്. രാവിലെ സമയം കിട്ടാത്തൊണ്ട് പണ്ട് മുതലേ ഉള്ള ശീലം ആണ് ഈ വൈകുന്നേര വായന
എന്നെ കണ്ടതും പത്രത്തിൽ നിന്ന് തല ഉയർത്തി നോക്കി വീണ്ടും വായന തുടർന്നു. ഞാൻ ബൈക്ക് പോർച്ചിൽ നിർത്തി ബാഗും എടുത്ത് ഉമ്മറത്തേക്ക് കയറി.
“എന്താടാ ഒരു മൂടിക്കെട്ടല്?
അമ്മ തല ഉയർത്താതെ ചോദിച്ചു.
“എന്തോന്ന് മൂടിക്കെട്ടാൻ?
ഞാൻ കൃത്രിമ ആത്മവിശ്വാസത്തോടെ മറുപടി നൽകി.
“ആ ഒന്നും ഇല്ലാതിരുന്നാല് മതി”.
ഉടൻ മറുപടിയും എത്തി.
ചാനൽ മാറ്റിയില്ലെങ്കി ശരിയാവില്ല എന്ന് മനസ്സിലാക്കിയ ഞാൻ ചെന്ന് ലച്ചുവിന്റെ പുറകിലൂടെ ചെന്ന് കെട്ടി പിടിച്ചു കവിളിൽ നുള്ളിക്കൊണ്ട് പറഞ്ഞു.
“പിന്നേ നാളെ പരീക്ഷയല്ലേ. ചുമ്മാ ജാഡ കാണിക്കാതെ വന്നു ചായ എടുത്ത് താ ലച്ചൂ ….
