“വേണേൽ എടുത്ത് കുടിക്ക്!
എന്റെ കൈ തട്ടി മാറ്റി അവിടെത്തന്നെ ഇരുന്നു അമ്മ വായന തുടർന്നു.
“പറച്ചിലിൽ മാത്രേ സ്നേഹം ഒള്ളൂ. നേരിട്ട് കണ്ടാൽ തിരിഞ്ഞുനോക്കുംകൂടെ ഇല്ല. “
ഞാൻ സെന്റി നാടകം എടുത്ത് അലക്കി. അതേറ്റു ! ആ നിമിഷം തന്നെ പത്രം മടക്കി എണീറ്റ് വന്നു. എന്റെ ചന്തിക്കൊരടിയും തന്നിട്ട് എന്നേം വലിച്ചു ഉള്ളിലേക്കു പോയി
“മുഴുവൻ കള്ളത്തരവും അറിയാ ചെക്കന്.. ” പോകുന്നതിനിടെ അമ്മ പറഞ്ഞു.
“അച്ഛൻ വിളിച്ചാരുന്നോ അമ്മേ?
“ആ കുറച്ചു മുൻപേ വിളിച്ചേ ഒള്ളൂ. നിന്നോട് അവിടെക്ക് പോവാണെന്ന് കരുതി പഠിത്തം ഉഴപ്പണ്ടാന്ന് പറയാൻ പറഞ്ഞു.”
റാൻ…
ഞാൻ കളിയാക്കുന്ന പോലെ കൈ കൊണ്ടു മുഖം പൊത്തി കുനിഞ്ഞു കൊണ്ടു പറഞ്ഞു. ചായക്ക് പഴംപൊരി ഉണ്ടാക്കി വെച്ചിരുന്നു അമ്മക്കുട്ടി.
“ഇതെന്തിനാ ഇത്രേം. നാട്ടുകാർക്ക് മൊത്തം ഇവിടുന്നാണോ ചായ?
പാത്രത്തിൽ കുറെ കണ്ടപ്പോൾ ഞാൻ തിരക്കി.
“അത് നീ അന്വേഷിക്കണ്ട !
എടുത്തടിച്ച പോലെ മറുപടിയും വന്നു.
“ഞാൻ അന്വേഷിക്കും എന്റെ അച്ഛന്റെ കാശാ.”
ചമ്മൽ പുറത്തു കാണിക്കാതെ ഞാൻ തിരിച്ചടിച്ചു “
“ആഹാ അത് ഞാൻ നിന്റെ അച്ഛനോട് ബോധിപ്പിചോളാം..നീ വേണേൽ തിന്നിട്ട് പോ “.
ഇന്നലെ മുതൽ എല്ലാരും വാക്കുകൾ കൊണ്ടു എന്നെ വധിക്കുകയാണല്ലോ ദൈവമേ ! ഞാൻ മനസ്സിലോർത്തു. എന്നിട്ട് യൂ ടൂ ബ്രൂട്ടസ് എന്ന ഭാവത്തിൽ അമ്മയെ നോക്കി.
ആ നോട്ടം കണ്ടപ്പോൾ സംഗതി അത്ര പന്തിയല്ലെന്ന് കണ്ട ലച്ചു കസേരയിൽ ഇരിക്കുന്ന എന്റെ അടുത്തു വന്നു കുനിഞ്ഞു എന്റെ കഴുത്തിലൂടെ കൈകൾ ചുറ്റി മാറിലേക്ക് ചേർത്തു. അങ്ങനെ ഒരു കെട്ടിപിടുത്തം ഞാൻ ഇന്നലെ മുതൽ ആഗ്രഹിച്ചതാണ്. ഞാൻ സാരിക്ക് മുകളിലൂടെ അമ്മയുടെ അരക്കു ചുറ്റും കൈകൾ കൊണ്ടു വരിഞ്ഞു ആ മാറിലെക്ക് തല ചായ്ച്ചു.
“ഫീൽ ആയോ ……… .
അമ്മ എന്റെ പുറത്ത് തഴുകി കൊണ്ടു ചോദിച്ചു.
ഇല്ല…….
ഞാൻ അമ്മയെ ഒന്നുകൂടി വരിഞ്ഞു മുറുക്കിക്കൊണ്ട് പറഞ്ഞു. ലോകത്തെ എത്ര വലിയവനും ഒടുവിൽ ആശ്രയവും സാന്ത്വനവും ആവാൻ അവന്റെ അമ്മ മാത്രേ കാണൂ. ഏത് ഘട്ടത്തിലും ! ഞാൻ മനസ്സിൽ ഓർത്തു.
“അമ്മേടെ പൊന്നിന് അമ്മയോടെന്തെങ്കിലും പറയാനുണ്ടോ? അമ്മ എന്റെ മൂർധാവിൽ ചുംബിച്ചു കൊണ്ടു ചോദിച്ചു.
“ഉണ്ട്…. പക്ഷെ ഇപ്പൊ അല്ല ഞാൻ പിന്നേ പറയാ..”
ഞാൻ പതിയെ പറഞ്ഞു. അമ്മയോട് കള്ളം പറയാൻ എനിക്ക് ഒരു കാലത്തും പറ്റീട്ടില്ല.
ഒന്നുകൂടെ നിർബന്ധിച്ചിരുന്നേൽ ഞാൻ മുഴുവൻ പറഞ്ഞേനെ പക്ഷെ അമ്മ ചോദിച്ചില്ല. പകരം ഒന്നു മാത്രം പറഞ്ഞു.
“നിനക്ക് സൗകര്യം ഉണ്ടാവുമ്പോ പറഞ്ഞ മതി. പക്ഷെ അതെന്തായാലും ആദ്യം അറിയുന്ന ആൾ ഞാൻ ആവണം എനിക്ക് അത്രേ ഒള്ളൂ”
ഇതും പറഞ്ഞു അമ്മ എന്നിൽ നിന്നും മാറാൻ തുടങ്ങിയപ്പോൾ ഞാൻ വീണ്ടും അമ്മയെ വലിച്ചടുപ്പിച്ചു
കുറച്ചു നേരം കൂടെ ലച്ചൂ…..
ഞാൻ പതിയെ പറഞ്ഞു. അത് കേട്ടപ്പോൾ സംഗതി അൽപ്പം സീരിയസ് ആണെന്ന് കക്ഷിക്ക് മനസ്സിലായി.
“ഓരോന്നാലോജിച്ചു വെറുതെ സങ്കടപ്പെടെണ്ടാ അമ്മ ഉണ്ട് ന്റെ കണ്ണന് “
മാറിൽ നിന്ന് എന്റെ മുഖം പിടിച്ചുയർത്തിക്കൊണ്ട് പറഞ്ഞു. പിന്നേ എന്നെ എണീപ്പിച്ചു.
” കൊഞ്ചാതെ വേഗം കുളിച്ചു തറവാട്ടിലേക്ക് പോ …
“എനിക്ക് പോവാൻ തോന്നണില്ല എനിക്കെന്റെ ലച്ചൂന്റെ കൂടെ ഇവിടെ നിന്നാ മതി “.
“അയ്യടാ മര്യാദക്ക് പൊക്കോ ഒരു പാവം പെണ്ണാണത് അതിനെ ഒറ്റക്കാക്കണ്ട…
‘ആ പാവം പെണ്ണിനെകുറിച്ച് കൂടുതൽ ഒന്നും എന്നെക്കൊണ്ട് പറയിക്കണ്ട..’ ഞാൻ മനസ്സിൽ പറഞ്ഞു.
“ആ പിന്നേ പോവുമ്പോ നാല് പഴംപൊരി കൂടെ പൊതിഞ്ഞെടുത്തോ “
“ഞാനെങ്ങും കൊണ്ട് പോവൂല, എനിക്ക് വേണ്ടാ “
ഞാൻ നിഷേധാർത്തത്തിൽ തലകുലുക്കിക്കൊണ്ട് പറഞ്ഞു.
“നീ തന്നെ കൊണ്ട് പോവും അല്ലെങ്കിൽ കൊണ്ടേ പോവൂ ”
അമ്മ അർത്ഥം വെച്ച് പറഞ്ഞുകൊണ്ട് എന്നെ നോക്കി.
“നാശം… എന്നാ എടുത്ത് വെക്ക്. ഞാൻ കുളിച്ചിട്ടു വരാം..”
ഞാൻ തല ചൊറിഞ്ഞു കുളിമുറിയിലേക്ക് നടന്നു.
തിരിച്ചു വന്നു ഫോൺ എടുത്തപ്പോൾ ജിഷ്ണുവിന്റെ രണ്ടു മിസ്സ്കോളുകൾ. അല്ലെങ്കിലേ psc ക്ക് പഠിക്കാൻ തുടങ്ങിയപ്പോ എന്നെ ഒന്നിനും കിട്ടുന്നില്ലാന്ന് പൊതുവെ ചെക്കൻമാർക്കൊക്കെ ഒരു പരാതി ഉണ്ട്. ഞാൻ അവനെ തിരിച്ചു വിളിച്ചു.
“എവിടെ മുത്തേ നിന്നെ കാണാനേ ഇല്ലല്ലോ ഇപ്പൊ.” മറുതലക്കൽ ജിഷ്ണുവിന്റെ ശബ്ദം
“ഞാൻ ഇവിടെതന്നെ ഉണ്ട് അളിയാ, . പിന്നേ എന്താ വിശേഷം?
“അല്ല മാൻ എന്താണ് പരിപാടി “
“പ്രത്യേകിച്ച് ഒന്നൂല്ല തറവാട്ടിൽ പോണം. ഇപ്പൊ അവിടെ ആണ് പൊറുതി..
ഞാൻ അല്പം നിരാശയോടെ പറഞ്ഞു.
“ആ ഞാൻ അറിഞ്ഞു. ഇന്നലെ ലക്ഷ്മി അമ്മയെ കണ്ടിരുന്നു അപ്പൊ പറഞ്ഞു “
അവൻ ചിരിയോടെ പറഞ്ഞു.
“ആ ലോക്കായി പോയി മോനെ.. ഞാൻ ചെറിയ വിഷമത്തിൽ പറഞ്ഞു.
“അല്ലേടാ ആ വീട്ടിൽ ഒറ്റക്ക് നിക്കാനും റിസ്ക് ആണ്. നമ്മടെ നാട്ടിലെ മൈരൻമാരെ നമുക്കറിഞ്ഞൂടെ? ആ ചേച്ചി ആണെങ്കിൽ ഒരു പാവം ആണ് “.
മ്മ്…. ഞാൻ മൂളിയതെ ഒള്ളൂ
“പിന്നേ ഞാൻ വിളിച്ചതെ ഞങ്ങൾ ഇവിടെ മേലെതൊടിയിൽ ണ്ട്.. നീ വേണേൽ വന്നു രണ്ടെണ്ണം പിടിപ്പിച്ചു പോ “
വാസ്തവത്തിൽ എവിടുന്നേലും രണ്ട് തുള്ളി കിട്ടിയെങ്കിൽ എന്ന് ഞാൻ ആഗ്രഹിച്ചിരുന്നു. പിന്നേ തറവാട്ടിൽ പോണല്ലോന്ന് ആലോചിച്ചു ഒഴിവാക്കിയതാണ്. പക്ഷെ അമ്മുവിനെ എങ്ങനെ ഫേസ് ചെയ്യണം എന്ന് എനിക്കറിയില്ലായിരുന്നു എന്നത് വേറെ കാര്യം.
“ഞാൻ അതിലെ വരുമ്പോ കയറാം.ഏതാ ബ്രാൻഡ്?
“മാജിക് മൊമെന്റിന്റെ ഒരു ഫുൾ !
മ്മ് .. ഞാൻ വരാം
ജീവിതത്തിൽ ഒരു പാട് തവണയൊന്നും മദ്യപിച്ചിട്ടില്ല ആകെ മൂന്ന് നാല് തവണ.വൈറ്റ് റം മാത്രമേ അടിച്ചിട്ടുള്ളൂ. അതാവുമ്പോൾ വലിയ സ്മെൽ ഇല്ലാത്തോണ്ട് ലച്ചൂനെ പറ്റിക്കാൻ എളുപ്പം ആണ്. ബിയർ ഇതുവരെ കഴിച്ചിട്ടില്ല എന്തോ ഇഷ്ടമല്ല. ഇന്ന് എന്തായാലും രണ്ട് പെഗ്ഗ് കഴിക്കണം. ഞാൻ മനസ്സിലോർത്തു.
അപ്പഴേക്കും അമ്മ പഴം പൊരി പൊതിഞ്ഞു വണ്ടിയിൽ ടാങ്ക് കവറിൽ വെച്ചിരുന്നു.
“അതെ കൂയ്… ഞാൻ നടന്നാണ് പോണത് മാഡം. ഞാൻ കളിയാക്കി പറഞ്ഞു.
“എങ്ങനെ ആയാലും കൊണ്ട് പോയാ മതി “
അമ്മ ചമ്മൽ പുറത്ത് കാണിക്കാതെ പറഞ്ഞു.
‘പഴം പൊരി വേണേൽ നാലെണ്ണം അധികം വെച്ചോട്ടോ ‘
“ആ അങ്ങനെ വഴിക്ക് വാ..
അമ്മ എന്നെ നോക്കി ചിരിച്ചുകൊണ്ട് പറഞ്ഞു.
ഞാൻ ടീ ഷർട്ടും ട്രാക്ക് സ്യുട്ടും ധരിച്ചു പഴം പൊരി കവർ എടുത്ത് നടന്നു. ഇടവഴിയിലൂടെ നടന്നു മേലെതൊടിയിലേക്ക് കയറി. അതിന് ചാരി ഉള്ള ചവിട്ടു വഴി ആണ് തറവാട്ടിലേക്കുള്ള വഴി. റബ്ബർ തൈകൾ നിറഞ്ഞ തൊടിയിൽ ഇടയ്ക്കിടെ മാവും പ്ലാവും ഒക്കെ ഉണ്ട്. പഴംപൊരി പൊതി തുറന്ന് അഞ്ചാറെണ്ണം എടുത്ത് വേറെ പൊതിയാക്കി മറ്റേ പൊതി കവറിലാക്കി അടുത്തുള്ള മാവിൻ കൊമ്പിൽ തൂക്കിയിട്ടു ഉള്ളിലേക്ക് നടന്നു. അധികം ഉള്ളിലൊന്നും അല്ലാതെ ഉള്ള വലിയൊരു മാവിന്റെ ചുവട്ടിൽ മൂന്നു പേർ ജിഷ്ണു,അഖിൽ, മനു. മൂന്നും എന്റെ സഹപാഠികളും കട്ട ചങ്കുകളും ആണ്. എന്നെ കണ്ടപ്പോൾ ജിഷ്ണു കൈ കൊണ്ട് മാടി വിളിച്ചു.നിലത്ത് പേപ്പർ വിരിച്ചു മൂന്ന് പേരും ഇരിക്കുന്നു അതിന് നടുവിൽ മാജിക് മൊമെന്റിന്റെ ഒരു ഫുള്ളും ബക്കാർഡിയുടെ വേറൊരു ഫുള്ളും. തൊട്ടടുത്തു അച്ചാറിന്റെ ചെറിയ പാക്കറ്റുകളും ഒരു കവറിൽ നാലഞ്ചു ഓറഞ്ച്, പിന്നേ രണ്ട് ലിറ്ററിന്റെ ഒരു സെവനപ്പും, കുറച്ചു ചെറു നാരങ്ങയും.
എന്താ നാറികളെ കുടിച് ചാവാൻ തീരുമാനിച്ചോ, 4പേർക്ക് രണ്ട് ഫുള്ളോ?.