“ഉമ്മയും ബാപ്പയും ഒന്നും ഇല്ല. മോൻ ചുമ്മാ സമയം കളയണ്ട “.
അവൾ എന്നെ വട്ടാക്കുകയാണെന്ന് എനിക്ക് മനസ്സിലായി. ഞാൻ ഇപ്പോ അവളെ പിടിച്ചു കളിച്ചാലും അവൾ എതിർക്കില്ല എന്ന് എനിക്കറിയാം. പക്ഷെ ഏതോ സിനിമയിൽ പറയുന്ന പോലെ അതിൽ ഒരു ത്രില്ലില്ലാ ! അപ്പൊ എന്ത് ചെയ്യും വീണ്ടും കെഞ്ചുക തന്നെ.
“പ്ലീസ് പെണ്ണേ ഒരെണ്ണം ദേ കവിളിൽ മതി. ഇഷ്ടം കൊണ്ടല്ലേടാ…
പറ്റില്ല….
അവൾ തീർത്തു പറഞ്ഞു.
“ഞാൻ മുഖം അവളിലേക്ക് അടുപ്പിച്ചു അവളുടെ മുടിയുടെ ഗന്ധം ആസ്വദിച്ചു വലിച്ചെടുത്തു.അത് കണ്ട് അവൾ എന്നെ അത്ഭുതത്തോടെ നോക്കി.
“നിനക്ക് വട്ടാണോ കണ്ണാ?.
“ആ നീയാണ് ആ വട്ട്..”
ഞാൻ അവളുടെ കവിളിൽ മുഖമുരസിക്കൊണ്ട് പറഞ്ഞു
“അയ്യ നിറഞ്ഞു ഒഴുകുവാണല്ലോ ചെക്കാ !
എന്ത്?
സ്നേഹം..!.
“നിനക്ക് എന്നോടും ഇല്ലേ പെണ്ണേ
അത് “..
“എനിക്കൊന്നും ഇല്ല….”
ഇല്ലേ… ഞാൻ അവളുടെ കണ്ണിലേക്കു നോക്കി ചോദിച്ചു.
ഇല്ല… ഇല്ല.. ഇല്ല
“പിന്നെ എന്തിനാടി കള്ളീ അടുത്ത് ജന്മത്തിൽ എങ്കിലും ഇവനെ എനിക്ക് തരണേ ഈശ്വരാ എന്നും പറഞ്ഞു മോങ്ങിയത്”.
ഒരു നിമിഷം അവൾ നിശബ്ദയായി എന്നെ നോക്കി
“തെണ്ടീ നീയപ്പോ ഉണർന്ന് കിടക്കുവാരുന്നോ?
അവൾ എന്റെ കവിളിൽ ശക്തിയായി നുള്ളി.
“പിന്നല്ലാതെ. പിന്നെന്തിനാ മുത്തേ നീ ഇപ്പൊ അഭിനയിക്കുന്നെ..
അതിന്റെ മറുപടിയെന്നോണം അവളുടെ അധരങ്ങൾ എന്റെ കവിളിൽ പതിഞ്ഞു അവൾ എന്നെ കൈകളാൽ വരിഞ്ഞു മുറുക്കിക്കൊണ്ട് അവൾ ഒരു നിമിഷം നിന്നു.
“മതി അമ്മ സംശയിക്കും. വാ.. . അവൾ എന്റെ കൈപിടിച്ചു പുറത്തേക്കിറങ്ങി.
” നിക്ക് അമ്മൂസെ ഞാൻ നിന്നെ ഒന്ന് എടുത്തോട്ടെ “
“നിനക്കെന്ത് വട്ടാ ചെക്കാ.!
അവൾ എന്നെ നോക്കി അതിശയത്തോടെ പറഞ്ഞു.
ഞാൻ ചിരിച്ചുകൊണ്ട് അവളെ പൊക്കിയെടുത്തു. അവൾ അനുസരണയോടെ എന്റെ കഴുത്തിൽ കൈ ചുറ്റി എന്നെ നോക്കി പുഞ്ചിരിച്ചു ഞാൻ അവളേം എടുത്ത് മുറ്റത്തുകൂടെ നടന്നു ഉമ്മറത്തെക്ക് കയറി അച്ഛമ്മയുടെ തോട്ടു പിന്നിൽ എത്തിയപ്പോൾ അവളെ താഴെയിറക്കി രണ്ട് പേരും അകന്ന് നിന്നു.അവൾ അടുക്കളയിലേക്ക് പോയി ഞാൻ അച്ഛമ്മയുടെ അടുത്ത് കിടന്ന് ഫോണിൽ തോണ്ടി ഇരുന്നു
അതിനിടയിൽ ഞാൻ ചില തട്ടലിനും മുട്ടലിനും ഒക്കെ ശ്രമിച്ചെങ്കിലും അവൾ എന്നെ കണ്ണുരുട്ടി പേടിപ്പിച്ചു നിലക്ക് നിർത്തി. അതിനിടെ ആണ് എന്റെ സുഹൃത്ത് നവാസ് എന്നെ വിളിച്ചത്. അത് അമ്മുവിന്റെ അച്ഛന്റെ ജോലി കാര്യം പറയാൻ ആയിരുന്നു. അത് അവൻ ശരിയാക്കിയിട്ടുണ്ടെന്നു പറഞ്ഞു. ഞാൻ അവന് നന്ദി പറഞ്ഞു അവൻ പിന്നെ വിളിക്കാന്ന് പറഞ്ഞു ഫോൺ വെച്ചു വീടിനകത്തേക്ക് കയറി. അമ്മുവും അച്ഛമ്മയും അപ്പോൾ കാര്യമായി സീരിയൽ കണ്ടുകൊണ്ടിരിക്കുകയാണ് സീരിയലിലെ ഓരോ സന്ദർഭത്തിനും അനുസരിച്ചു അവളുടെ മുഖത്തു ഭാവങ്ങൾ മിന്നി മറയുന്നത് കണ്ട് എനിക്ക് ചിരി വന്നു. എല്ലാവരും നിലത്തു പായ വിരിച്ചാണ് ടി വി കാണാൻ ഇരിക്കുന്നത് ഏറ്റവും മുന്നിൽ അച്ഛമ്മ കണ്ണടയും വെച്ച് കാലു നീട്ടി വളരെ സീരിയസായി ഇരിക്കുന്നു. അമ്മു അച്ഛമ്മക്ക് മുഖം കൊടുത്ത് ചുമരിൽ ചാരി ഇരിക്കുന്നു. ഞാൻ ഇവരുടെ രണ്ട് പേരുടെയും പിറകിൽ കുറച്ചു മാറി ഇരിക്കുന്നു. എനിക്ക് ഫോൺ വന്നതൊക്കെ അവൾ ശ്രദ്ധിച്ചിട്ടുണ്ട്. ഞാൻ അച്ഛമ്മ കാണാതെ അവളുടെ കാലിൽ തോണ്ടി. കുരുപ്പ് തിരിഞ്ഞു പോലും നോക്കുന്നില്ല ! രണ്ടു മൂന്നു തവണ അങ്ങനെ ചെയ്തിട്ടും അവൾക്ക് ഒരനക്കവും ഇല്ല. എനിക്കാണെങ്കിൽ കലി കയറി വിറക്കാൻ തുടങ്ങി. അവൾക്ക് സന്തോഷമാവുന്ന ഒരു കാര്യം പറയാൻ വിളിക്കുമ്പോൾ അവൾടെ അമ്മേടെ ജാഡ ! ഞാൻ മനസ്സിലോർത്തു. ഞാൻ അവരുടെ മുന്നിലൂടെ നേരെ അടുക്കളയിലേക്ക് നടന്നു എന്നിട്ട് അവളെ വിളിച്ചു.
മേമേ..
ആ.. അവൾ വിളികേട്ടു
“ജഗ്ഗ് എവിടെയാ വെച്ചിരിക്കുന്നെ..?
“അവിടെ ബെഞ്ചിൽ ഉണ്ടല്ലോ”
അവൾ ഒട്ടും സംശയിക്കാതെ പറഞ്ഞു. സത്യത്തിൽ അവിടെത്തന്നെ ഉണ്ടായിരുന്നു. ഞാൻ അവളെ വരുത്തിക്കാൻ വേണ്ടി ഒരു നമ്പറിട്ടതാണ്.
“ഇവിടെ കാണുന്നില്ലാ..”
ഞാൻ വിനയത്തോടെ പറഞ്ഞു.
“അവിടെ ഉണ്ട് കണ്ണാ ശരിക്ക് നോക്ക്
അവൾ എന്റെ വിളി ഇഷ്ടപ്പെടാത്ത പോലെ പറഞ്ഞു.
“ഒന്ന് പോയി എടുത്ത് കൊട്ക്ക് അമ്മു.”
സീരിയലിന്റെ ഫ്ലോ പോയ ദേഷ്യത്തിൽ അച്ഛമ്മ അവളോടായി പറഞ്ഞു.
അവൾ ദേഷ്യത്തോടെ പിറുപിറുത്തു എണീറ്റ് ചവിട്ടി തുള്ളി എന്റെ അടുത്തേക്ക് വന്നു. വന്നപ്പോൾ ജഗ്ഗിന്റെ തൊട്ടടുത്തു ബെഞ്ചിൽ ഇരിക്കുന്ന എന്നെയാണ് കണ്ടത്. അവൾ ദേഷ്യത്തോടെ പല്ലുറുമ്മി.
“എന്താടാ നാറി നീ ചാകാൻ കിടക്കുവാണോ?.
അവൾ കിടന്ന് തുള്ളി
“സീരിയലിൽ നിന്റെ അമ്മായി പെറ്റ് കിടക്കുന്നുണ്ടോടീ തെണ്ടീ,
ഞാൻ ജഗ്ഗ് കാണാഞ്ഞിട്ട് വിളിച്ചതാ “
ഞാനും വിട്ട് കൊടുത്തില്ല.
“ഇത് പിന്നെ നിന്റെ അച്ഛന്റെ തലയാണോ പന്നീ ”
അവൾ എന്റെ കോളറിന് കുത്തിപിടിച്ചു ജഗ്ഗ് ചൂണ്ടികൊണ്ട് പറഞ്ഞു.
അവളുടെ വായിൽ നിന്ന് അങ്ങനെ തറ വർത്തമാനം കേട്ട ഞെട്ടലിൽ ഞാൻ വായപൊളിച്ചു
“ഡീ പന്നീ എന്റെ അച്ഛനെ പറഞ്ഞാൽ അടിച്ചു മോന്ത ഞാൻ പൊളിക്കും.” എനിക്ക് നല്ല ദേഷ്യം വന്നു
“സോറി. ഞാൻ ഒന്നും ഓർത്ത് പറഞ്ഞതല്ല”
അവൾ എന്നിലേക്ക് ചേർന്ന് നിന്ന് എന്റെ നെഞ്ചിൽ തല വെച്ച്കൊണ്ട് പറഞ്ഞു.
“ആ എല്ലാം കഴിഞ്ഞിട്ട് സോറി പറഞ്ഞാ മതിയല്ലോ.. “
“പിന്നെ ഞാനിപ്പോ എന്ത് ചെയ്യണം നിന്റെ കാലു പിടി ക്കണോ.”
അതു ചോദിക്കുമ്പോൾ അവളുടെ ശബ്ദം ഇടറിയിരുന്നു.
“വേണ്ട എന്റെ അച്ഛനെ പറഞ്ഞാൽ ഞാനും പറയും നിന്റെ അച്ഛനെ “
“ദേ കണ്ണാ എന്നെ എന്ത് വേണേലും പറഞ്ഞോ വേണേൽ തല്ലിക്കൊ പക്ഷെ അച്ഛനെ പറഞ്ഞ ഞാൻ സഹിക്കില്ല.”
“പറഞ്ഞാൽ.. നീ എന്നെ തല്ലുവോ?
ഞാൻ അവളെ ദേഷ്യം പിടിപ്പിക്കാനായി പറഞ്ഞു.
“ആ തല്ലും..”
അവൾ ഉറച്ച ശബ്ദത്തോടെ പറഞ്ഞു.
“ആഹാ എന്നാലതൊന്നു കാണണ മല്ലോ. നിന്റെ തന്തക്ക്….”
ഠപ്പേ….
അതു പറഞ്ഞപ്പോളേക്കും അവളുടെ വലതു കൈ എന്റെ കരണം പുകച്ചിരുന്നു. അടിയുടെ ആഘാതത്തിൽ ഞാൻ പിറകിലേക്ക് നീങ്ങി കവിളിൽ കൈ വെച്ച് പോയി. അവൾ കലിതുള്ളി നീക്കുവാണ്. ഇതെന്ത് ജീവി ഞാൻ മനസ്സിൽ ഓർത്തു.
“എടീ പുല്ലേ നിന്റെ തന്തക്ക് ജോലി ശരിയായ കാര്യം പറയാൻ വന്നതാ..”
ഞാൻ അടി കിട്ടിയ സങ്കടത്തിൽ പറഞ്ഞു അവളെ തട്ടി മാറ്റി അവിടെ നിന്ന് പൊന്നു ഉമ്മറത്തിരുന്നു. ഇത്രേം കോലാഹലം നടന്നിട്ടും അച്ഛമ്മ ഇതൊന്നും അറിഞ്ഞിട്ടേ ഇല്ല.
ഞാൻ ഉമ്മറത്ത് വന്നു കസേരയിൽ ഇരുന്ന് തിണ്ണയിലേക്ക് കാൽ കയറ്റി വെച്ചു. ഒരു മിനിറ്റ് കഴിഞ്ഞപ്പോഴേക്കും കലങ്ങിയ കണ്ണുകളോടെ അമ്മു ഉമ്മറത്തേക്ക് വന്നു. ഞാൻ അവളെ മൈൻഡ് ചെയ്യാതെ പുറത്തേക്ക് നോക്കി ഇരുന്നു. സത്യത്തിൽ അവൾ തല്ലിയതിൽ എനിക്ക് സങ്കടം ഉണ്ടായിരുന്നു. അവൾ ഒന്നും മിണ്ടാതെ എന്റെ മടിയിൽ വന്നിരുന്നു.
