“അല്ലേടാ ആ വീട്ടിൽ ഒറ്റക്ക് നിക്കാനും റിസ്ക് ആണ്. നമ്മടെ നാട്ടിലെ മൈരൻമാരെ നമുക്കറിഞ്ഞൂടെ? ആ ചേച്ചി ആണെങ്കിൽ ഒരു പാവം ആണ് “.
മ്മ്…. ഞാൻ മൂളിയതെ ഒള്ളൂ
“പിന്നേ ഞാൻ വിളിച്ചതെ ഞങ്ങൾ ഇവിടെ മേലെതൊടിയിൽ ണ്ട്.. നീ വേണേൽ വന്നു രണ്ടെണ്ണം പിടിപ്പിച്ചു പോ “
വാസ്തവത്തിൽ എവിടുന്നേലും രണ്ട് തുള്ളി കിട്ടിയെങ്കിൽ എന്ന് ഞാൻ ആഗ്രഹിച്ചിരുന്നു. പിന്നേ തറവാട്ടിൽ പോണല്ലോന്ന് ആലോചിച്ചു ഒഴിവാക്കിയതാണ്. പക്ഷെ അമ്മുവിനെ എങ്ങനെ ഫേസ് ചെയ്യണം എന്ന് എനിക്കറിയില്ലായിരുന്നു എന്നത് വേറെ കാര്യം.
“ഞാൻ അതിലെ വരുമ്പോ കയറാം.ഏതാ ബ്രാൻഡ്?
“മാജിക് മൊമെന്റിന്റെ ഒരു ഫുൾ !
മ്മ് .. ഞാൻ വരാം
ജീവിതത്തിൽ ഒരു പാട് തവണയൊന്നും മദ്യപിച്ചിട്ടില്ല ആകെ മൂന്ന് നാല് തവണ.വൈറ്റ് റം മാത്രമേ അടിച്ചിട്ടുള്ളൂ. അതാവുമ്പോൾ വലിയ സ്മെൽ ഇല്ലാത്തോണ്ട് ലച്ചൂനെ പറ്റിക്കാൻ എളുപ്പം ആണ്. ബിയർ ഇതുവരെ കഴിച്ചിട്ടില്ല എന്തോ ഇഷ്ടമല്ല. ഇന്ന് എന്തായാലും രണ്ട് പെഗ്ഗ് കഴിക്കണം. ഞാൻ മനസ്സിലോർത്തു.
അപ്പഴേക്കും അമ്മ പഴം പൊരി പൊതിഞ്ഞു വണ്ടിയിൽ ടാങ്ക് കവറിൽ വെച്ചിരുന്നു.
“അതെ കൂയ്… ഞാൻ നടന്നാണ് പോണത് മാഡം. ഞാൻ കളിയാക്കി പറഞ്ഞു.
“എങ്ങനെ ആയാലും കൊണ്ട് പോയാ മതി “
അമ്മ ചമ്മൽ പുറത്ത് കാണിക്കാതെ പറഞ്ഞു.
‘പഴം പൊരി വേണേൽ നാലെണ്ണം അധികം വെച്ചോട്ടോ ‘
“ആ അങ്ങനെ വഴിക്ക് വാ..
അമ്മ എന്നെ നോക്കി ചിരിച്ചുകൊണ്ട് പറഞ്ഞു.
ഞാൻ ടീ ഷർട്ടും ട്രാക്ക് സ്യുട്ടും ധരിച്ചു പഴം പൊരി കവർ എടുത്ത് നടന്നു. ഇടവഴിയിലൂടെ നടന്നു മേലെതൊടിയിലേക്ക് കയറി. അതിന് ചാരി ഉള്ള ചവിട്ടു വഴി ആണ് തറവാട്ടിലേക്കുള്ള വഴി. റബ്ബർ തൈകൾ നിറഞ്ഞ തൊടിയിൽ ഇടയ്ക്കിടെ മാവും പ്ലാവും ഒക്കെ ഉണ്ട്. പഴംപൊരി പൊതി തുറന്ന് അഞ്ചാറെണ്ണം എടുത്ത് വേറെ പൊതിയാക്കി മറ്റേ പൊതി കവറിലാക്കി അടുത്തുള്ള മാവിൻ കൊമ്പിൽ തൂക്കിയിട്ടു ഉള്ളിലേക്ക് നടന്നു. അധികം ഉള്ളിലൊന്നും അല്ലാതെ ഉള്ള വലിയൊരു മാവിന്റെ ചുവട്ടിൽ മൂന്നു പേർ ജിഷ്ണു,അഖിൽ, മനു. മൂന്നും എന്റെ സഹപാഠികളും കട്ട ചങ്കുകളും ആണ്. എന്നെ കണ്ടപ്പോൾ ജിഷ്ണു കൈ കൊണ്ട് മാടി വിളിച്ചു.നിലത്ത് പേപ്പർ വിരിച്ചു മൂന്ന് പേരും ഇരിക്കുന്നു അതിന് നടുവിൽ മാജിക് മൊമെന്റിന്റെ ഒരു ഫുള്ളും ബക്കാർഡിയുടെ വേറൊരു ഫുള്ളും. തൊട്ടടുത്തു അച്ചാറിന്റെ ചെറിയ പാക്കറ്റുകളും ഒരു കവറിൽ നാലഞ്ചു ഓറഞ്ച്, പിന്നേ രണ്ട് ലിറ്ററിന്റെ ഒരു സെവനപ്പും, കുറച്ചു ചെറു നാരങ്ങയും.
എന്താ നാറികളെ കുടിച് ചാവാൻ തീരുമാനിച്ചോ, 4പേർക്ക് രണ്ട് ഫുള്ളോ?.
ഞാൻ നിലത്തിരുന്നുകൊണ്ട് ചോദിച്ചു
“ഒരു ഫുൾ വെറുതെ കിട്ടിയതാണ്. ഒന്നിനെ കാശ് ചെലവുള്ളൂ” അഖിലാണത് പറഞ്ഞത്
“ആ എന്തായാലും എനിക്ക് രണ്ട് പെഗ്ഗ് മതി “
പഴം പൊരി കവർ ജിഷ്ണുവിന്റെ കയ്യിൽ കൊടുത്ത് ഞാൻ പറഞ്ഞു.
“നീ വന്നിട്ട് പൊട്ടിക്കാന്ന് വെച്ചു…
മനു ഇതും പറഞ്ഞു കുപ്പി പൊട്ടിച്ചു നാല് ഗ്ലാസുകൾ എടുത്ത് ഒഴിച്ച് അതിൽ സെവനപ്പും ചേർത്ത് മിക്സ് ചെയ്തു. സമയം 6മണി കഴിഞ്ഞിരുന്നു. പെട്ടന്ന് രണ്ടെണ്ണം വീശി പോവാം എന്ന ധൃതിയിൽ ഞാൻ ചിയെഴ്സ് പറഞ്ഞു ഒറ്റവലിക്ക് കുടിച്ചു തീർത്തു.
“പതിയെ കുടി മൈരേ അല്ലേൽ വാള് വെക്കും “
“പിന്നേ ഇത് മൊത്തം കുടിച്ചാലും ഞാൻ പയറു പോലെ നടക്കും..
ഒരു പെഗ്ഗ് ഉള്ളിലെത്തിയ വീറിൽ ഞാൻ പറഞ്ഞു.
സാധാരണ അഞ്ച് പെഗ്ഗ് ആണ് എന്റെ പതിവ്. അന്ന് പക്ഷെ അമ്മുവിന്റെ ഇന്നലത്തെ വാക്കുകൾ തികട്ടി വന്നതൊടെ ഞാൻ വാശിയോടെ കുടിച്ചു. സെവനപ്പ് തീർന്നപ്പോൾ ഡ്രൈ ആയും അടിച്ചു രണ്ടെണ്ണം. പക്ഷെ എന്റെ വായിൽ നിന്ന് അവളെകുറിച്ച് ഒരു വാക്ക് പുറത്ത് ചാടാതിരിക്കാൻ മാത്രം ഞാൻ ശ്രദ്ധിച്ചു. അത് പിന്നേ മുട്ടൻ പണിയാവും എന്നെനിക്ക് ഉറപ്പായിരുന്നു. മദ്യ ലഹരിയിൽ എല്ലാരും എന്തൊക്കെയോ പറഞ്ഞു പരസ്പരം തെറി വിളിച്ചും ചിരിച്ചും സമയം പോയത് അറിഞ്ഞില്ല. ഇരുട്ട് വീണു തുടങ്ങിയിരിക്കുന്നു