“ഞാൻ പോട്ടെ തറവാട്ടിൽ ആരും ഇല്ല….”
ഞാൻ തപ്പിപിടിച്ചു എഴുന്നേറ്റു. സംഗതി ഓവർ ആയെന്ന് എനിക്കപ്പഴെ തോന്നിയിരുന്നു.
“കുറച്ചു നേരം ഇരുന്നിട്ട് പോടാ അല്ലെങ്കി നീ എവിടേലും വീഴും “
മനു ആണത് പറഞ്ഞത്. അവനു മാത്രമേ ബോധം ഒള്ളൂ, അഖിലും ജിഷ്ണുവും നിലത്തു വീണ് കിടന്ന് വാളു വെക്കുകയാണ്.
“ഇനിയും നിന്നാൽ ശരിയാവില്ല”.
ഞാൻ അതും പറഞ്ഞു തിരിഞ്ഞു നടന്നു. തലക്കകത്തു ആകെ ഒരു പെരുപ്പ്. എന്റെ ഓർമ ശരി ആണെങ്കിൽ ഞാൻ ഒരു ഒമ്പത് പെഗ്ഗ് കഴിച്ചിട്ടുണ്ട്. ഞാൻ വേച്ചു വേച്ചു നടന്നു പഴം പൊരി എടുത്ത് വഴിയിൽ എത്തി. ഫോണിന്റെ ഫ്ലാഷ് അടിച്ചു നടത്തം തുടങ്ങി. ചുറ്റും എല്ലാം കറങ്ങിക്കൊണ്ടിരിക്കുന്നതായി എനിക്ക് തോന്നി. കഷ്ടിച്ച് ഇരുനൂറു മീറ്ററെ തറവാട്ടിലേക്ക് ഒള്ളൂ . ആടിയാടി ഞാൻ അവിടെ എത്തി അതിനിടെ ഒരു തവണ മുഖമടച്ചു വീഴുകയും ചെയ്തിരുന്നു. ഷർട്ടിൽ മണ്ണ് പറ്റിയിട്ടുണ്ട്.
തറവാട്ടിൽ അടുക്കളഭാഗത്ത് എത്തുമ്പോൾ അമ്മു വഴിയിലേക്ക് നോക്കി നിക്കുന്നത് എനിക്ക് കാണാമായിരുന്നു. കണ്ണിന് ചെറിയ മൂടൽ ഉണ്ടായിരുന്നു എങ്കിലും അവളെ ഞാൻ ഏത് ഇരുട്ടത്തും തിരിച്ചറിയും.
നീല ചുരിദാറും ഇട്ട് ഷാൾ ഇല്ലാതെ നിക്കുന്ന അവൾ എന്നെ കണ്ടതും ഒന്നുകൂടെ മുറ്റത്തെക്ക് ഇറങ്ങി നിന്നു ചെറുതായി പുഞ്ചിരിച്ചു. പക്ഷെ അത് മായാൻ അധികം നേരം വേണ്ടി വന്നില്ല. എന്റെ നടത്തവും ഷർട്ടിലെ മണ്ണും കണ്ടപ്പോൾ തന്നെ ഞാൻ കുടിച്ചിട്ടുണ്ടെന്നു അവൾക്ക് മനസ്സിലായിട്ടുണ്ട് എന്ന് ഞാൻ മനസ്സിലാക്കി.
അവൾ ഇടുപ്പിൽ കൈ രണ്ടും കുത്തി എന്നെ തുറിച്ചു നോക്കി നിൽക്കുന്നത് കണ്ട ഞാൻ പരമാവധി ഡീസന്റ് ആയി നടക്കാൻ ശ്രമിച്ചു.
“ഇതമ്മ തന്നു വിട്ടതാണ്……
ഞാൻ മുഖത്ത് നോക്കാതെ പഴംപൊരിയുടെ കവർ അവൾക്ക് നേരെ നീട്ടി.
അവൾ വാങ്ങിയില്ലെന്ന് മാത്രം അല്ല, ഒരക്ഷരം മിണ്ടാതെ അങ്ങനെ തന്നെ നിന്ന് എന്നെ നോക്കി ഉണ്ടകണ്ണുരൂട്ടി അതെ നിൽപ്പാണ്
ഞാൻ പരുങ്ങലോടെ അവളെ മറി കടന്ന് പൊതി അമ്മിക്കല്ലിന്റെ മുകളിൽ വെച്ചു അവിടെ ഒരു നിമിഷം നിന്നു. മൈര് ബൾബിന്റെ വെളിച്ചം കണ്ട് പ്രാന്ത് പിടിക്കുന്നു.ആകെ ഒരു മന്ദത. എങ്ങനേലും ഇവളുടെ അടുത്ത് നിന്ന് രക്ഷപ്പെട്ട് ഉള്ളിൽ എത്തണം. അല്ലെങ്കിൽ ചിലപ്പോ പത്തലു വെട്ടി അടിക്കാനും പെണ്ണ് മടിക്കില്ല എന്നെനിക്ക് തോന്നി. പിന്നേ പിണക്കത്തിൽ ആണെന്നുള്ളതാണ് ഒരാശ്വാസം.
“കണ്ണൻ ഒന്ന് നിന്നെ… “
ഞാൻ മുന്നോട്ടു കാലെടുത്തു വെച്ചതും പിറകിൽ നിന്ന് വിളി വന്നു.
“ആരെ കാണിക്കാനാണ് ഇതൊക്കെ?
അവൾ നടന്നു മുന്നിലെത്തി എന്റെ വഴി തടഞ്ഞുകൊണ്ട് പറഞ്ഞു
എന്ത്..?
ഞാൻ അറിയാത്ത ഭാവത്തിൽ ചോദിച്ചു. അപ്പോഴും കാലുറച്ചു നിക്കാൻ ഞാൻ പാട് പെടുകയായിരുന്നു.
‘എന്തിനാ നീ കുടിച്ചത് ‘
“ഞാൻ കുടിച്ചിട്ടില്ല… ഞാൻ പതിയെ ചെറിയ പേടിയോടെ പറഞ്ഞു.
“ഠപ്പെ”…
കൈ വീശിയുള്ള അടി എന്റെ കവിളിൽ കൊണ്ടത് മാത്രം ഓർമ ഉണ്ട്. കിക്കിലായത് കൊണ്ട് വേദന ഇല്ല.കാലുകൾ പിറകോട്ടടിച്ചു ഞാൻ മലർന്നടിച്ചു വീണു.
അയ്യോ അമ്മേ…
എന്ന് നിലവിളിച്ചു എന്നെ വന്നു പൊക്കിഎടുത്തതും അവൾ തന്നെ ആണ്. കുറച്ചു മുന്നേ സംഹാരരുദ്രയായി നിന്ന ആ ഭദ്രകാളി തന്നെ. ഓടി വന്നു എന്റെ കക്ഷത്തിലൂടെ കയ്യിട്ട് അവൾ എന്നെ പൊക്കാൻ ശ്രമിച്ചു.അവളെക്കൊണ്ട് ഒറ്റക്ക് എന്നെ പൊക്കാൻ പറ്റില്ലെന്ന് മനസ്സിലായ ഞാൻ ഇടതു കൈ മണ്ണിൽ കുത്തി എണീറ്റു, അപ്പോഴും അവൾ ഒരു കൈ കൊണ്ട് കണ്ണുതുടക്കുന്നുണ്ടായിരുന്നു. തല ഇടിച്ചൊന്നറിയില്ല ആകെ ഒരമ്പരപ്പ്. എണീറ്റ് നേരെ നിന്നതും അവൾ കൈ വിട്ടു എന്നിൽ നിന്ന് മാറി നിന്നു.
ഞാൻ വേച്ചു വേച്ച് ഉമ്മറത്തേക്ക് നടന്നു. തപ്പി തടഞ്ഞു ഉമ്മറത്തേക്ക് കയറി ഹാളിൽ എത്തി കസേര പിടിച്ചു അതിൽ ഇരുന്നു. ഞാൻ വന്നതറിഞ്ഞ അച്ഛമ്മ ടി വിയിൽ നിന്ന് കണ്ണെടുത്തു.
“എന്താ കുട്ട്യേ വൈകീത്?
“ഒന്നൂല്ല അച്ഛമ്മേ കൊറച്ചു പണി ണ്ടായിരുന്നു… “
ഞാൻ നാവു കുഴയാതിരിക്കാൻ പരമാവധി ശ്രമിച്ചു കൊണ്ട് പറഞ്ഞു.