ശ്ശെ….. വേണ്ടായിരുന്നു വെറുതേ മത്സരിച്ച് നാണക്കേടുമായ് …. മനസ്സിലങ്ങനെ അലോചിച്ച് ഇളിഭ്യനായ് നിൽക്കുമ്പോൾ പ്രിയ അരികിലായെത്തി……
എടാ….. പോട്ടെടാ വിട്ടു കള ഒരു മത്സരമല്ലെ… തോറ്റെന്നും പറഞ്ഞ് ഇങ്ങനെ സങ്കടപ്പെടാതെ…..
ആശ്വാസവാക്കുകൾ പറഞ്ഞുകൊണ്ട് പ്രിയ എൻ്റെ തോളിൽ തട്ടി…….
എന്നാലും ൻ്റെ പ്രിയേ….. എല്ലാം…… ശ്ശെ ഓർക്കുമ്പോൾത്തന്നെ…… പറഞ്ഞ് മുഴുവിക്കാതെ ഞാൻ താടിയിൽ കയ്യൂന്നി….
ഹ…. വിടെടാ കഴിഞ്ഞത് കഴിഞ്ഞു ഇനി അതേപ്പറ്റിപ്പറഞ്ഞിട്ടെന്താ കാര്യം…. ഇനിയും 2 ഓണം കൂടി വരാനില്ലേ അന്നേരം നമുക്ക് പകരം വീട്ടാടാ…. നല്ലൊരു ദിവസമായിട്ട് നിങ്ങൾ വെറുതെ ഡെസ്പ്പാവല്ലെ…….
മ്മ്….. പ്രിയയുടെ വാക്കുകൾക്ക് മറുപടി ഒന്നും നൽകാതെ ഞാനൊന്നു മൂളി….
ഡാ….. നീ ഒന്ന് ചിരിച്ചേ …. നിൻ്റെയീ ഭാവം കണ്ടിട്ട് എനിക്ക് നല്ല ദേഷ്യം വരുന്നുണ്ട്ട്ടോ….
ദേഷ്യത്തോടെ പ്രിയ എൻ്റെ മുഖത്തേക്ക് നോക്കിയതും അവളുടെ ഭീഷണിക്ക് മുന്നിൽ വോൾട്ടേജില്ലാത്തൊരു ചിരി ഞാൻ പാസ്സാക്കി…….
വാടാ നമുക്കെന്നാൽ ക്ലാസ്സിലേക്ക് ചെല്ലാം അവിടെ 3 എണ്ണം ഏതവസ്ഥയിലാണാവോ! ആരോടെന്നില്ലാതെ പറഞ്ഞുകൊണ്ട് പ്രിയ എൻ്റെ കയ്യിൽപ്പിടിച്ച് നടക്കുവാൻ തുടങ്ങി….
……….ക്ലാസ്സിലെത്തിയതും അവിടുത്തെ കാഴ്ച കണ്ട് ഒരു നിമിഷം ഞാനും പ്രിയയും തോറ്റ സങ്കടമെല്ലാം മറന്ന് പരസ്പരം നോക്കി ഒന്ന് ചിരിച്ചുപോയ്……….
” പാപ്പി അപ്പച്ചാ ” സിനിമയിൽ ഇലക്ഷനിൽ തോറ്റ് സോഫയിൽ കയ്യൂന്നി മോളിലേക്ക് നോക്കി ദിലീപേട്ടൻ കിടക്കുന്നത്പോലെ “റോണി ബഞ്ചിലായ് കിടക്കുന്നു”…….
തൊട്ടടുത്തായ് “നിരപ്പേൽ മത്തായിയെപ്പോലെ ജിത്തുവും”……
കുറച്ചപ്പുറത്തായ് “ധർമ്മജനെപ്പോലെ ഭിത്തിയിൽ ചാരി മോളിലേക്ക് നോക്കി പരാജയ നിമിഷങ്ങൾ അയവിറക്കുന്ന അനൂപും”…….
” അജിത്തേ റോണിയുടെ ബോഡി എടുക്കാറായോ”????
പരിഹാസരൂപേണ കളിയാക്കി ചിരിച്ചുകൊണ്ട് പ്രിയ എന്നെ നോക്കി……
എടീ…. നീ ഇനി അവൻ്റെ വായിലിരിക്കുന്നത് കേൾക്കാൻ നിൽക്കണ്ട ഒന്നാമത്തെ മൊത്തത്തിൽ കുരുപൊട്ടിയിരിക്കുവാ എല്ലാത്തിനും, അതിനിടയിൽ നിൻ്റെ തമാശകളിയും…….
പറഞ്ഞുകൊണ്ട് ദേഷ്യത്തോടെ ഞാൻ പ്രിയയെ നോക്കി കണ്ണുരുട്ടി……
ഓ ഞാനിനി ഒന്നും പറയുന്നില്ല അല്ലേലും “അങ്ങാടി തോറ്റതിന് അമ്മയോട് കയർത്തിട്ടെന്താ കാര്യം” എൻ്റെ ദേഷ്യംകണ്ട് പ്രിയ ആരോടെന്നില്ലാതെ പറഞ്ഞു…..
—- * * ——-
ഇതേ സമയം ഗ്രൗണ്ടിൽ വടംവലി ജയിച്ച ടീമുകൾ എല്ലാം പഴക്കുലയുമായ് ആഘോഷ പ്രകടനം നടത്തുവാൻ തുടങ്ങിയിരുന്നു…….
” അതിനിടയിൽ ശവത്തിൽ കുത്തുന്നതിനായ് ഇക്കണോമിക്സിലെ മൈരന്മാർ ഞങ്ങളുടെ ക്ലാസ്സിനു മുന്നിലെത്തി പഴക്കുലയുമായ് തുള്ളുവാൻ തുടങ്ങി” ആകെ കുരു പൊട്ടിയിരുന്ന ഞങ്ങൾക്ക് അത് കൂടി ആയപ്പോൾ “തൃപ്പതിയായ്”…….
“റോണിയേ കുറച്ച് പഴം എടുക്കട്ടേ ടാ????…. കൂട്ടത്തിലൊരുവൻ റോണിയോടായ് ഉറക്കെ വിളിച്ച് ചോദിച്ചു……
ഏയ് അവൻ കഴിക്കില്ലെടാ…. “അവനിപ്പോൾ പഴം കഴിക്കാൻ പറ്റിയ മൂടിലല്ല ”….. ഇളിച്ച ചിരിയോടെ മറ്റൊരു മൈരനും അകമ്പടി സേവിച്ചു….
ഹൊ! എന്തൊക്കെ “ഷോ ” ആയിരുന്നു “വടം കയ്യിലെടുക്കുന്നു അരവഴി ചുറ്റുന്നു മസില് പിടിക്കുന്നു ” അവസാനം റോണിയും കൂട്ടരും മൂ…………. അവസാന ആണിയും കൂടി അവന്മാർ ഞങ്ങടെ നെഞ്ചത്തടിച്ച ശേഷം ക്ലാസ്സിലെ പെൺകുട്ടികൾക്ക് പഴവും നൽകി മടങ്ങി….. മറുത്തൊരക്ഷരം ഉരിയാടാതെ നാണംകെട്ട് തല താഴ്ത്തിയിരിക്കാനെ ഞങ്ങൾക്ക് കഴിഞ്ഞുള്ളു……
————- * * * ———-
പിന്നീടുള്ള വെക്കേഷൻ ദിനങ്ങൾ ഞങ്ങളൊരുമിച്ച് ” ചാത്തൻതറയിൽ ” ആഘോഷമാക്കി ബിയറടിയും നാടൻ പാട്ടും വട്ടക്കളിയുമായ് ഓണം പൊളിച്ചടുക്കി…..
അങ്ങനെ ഓണാവധിക്ക് ശേഷം വീണ്ടും കോളേജ് തുറന്നു ക്ലാസ്സുകൾ പതിവുപോലെ നടന്നുകൊണ്ടേയിരുന്നു…..
ഒരു ദിവസം ഇൻ്റർവെൽ സമയത്ത് ഞങ്ങൾ 4 പേരും കൂടി ക്ലാസ്സിനു വെളിയിൽ സംസാരിച്ച് നിൽക്കുമ്പോൾ പ്രിയ ഞങ്ങളുടെ അടുത്തേക്കായ് വന്നു…
“എടാ എനിക്ക് നിങ്ങളോടായ് ഒരു കാര്യം പറയാനുണ്ട് ” ഔപചാരികതയോടെ പ്രിയസംസാരിക്കാൻ തുടങ്ങി…..
അതിന് നിനക്കെന്തേലും ഞങ്ങളോട് പറയാനുണ്ടേൽ എന്തിനാ പ്രിയേ ഈ മുഖവുര….. അൽപ്പം ഗൗരവത്തോടെ തന്നെ ഞാൻ തിരക്കി…..
എടാ അത് …. അത് വേറൊന്നുമല്ലെടാ നമ്മുടെ ക്ലാസ്സിലെ പെൺകുട്ടികളെല്ലാം നിങ്ങളോട് ഒരു സഹായം അഭ്യർത്ഥിക്കുന്നുണ്ട് അതിന് നിങ്ങളൊരു തീരുമാനം ഉണ്ടാക്കണം…. പറഞ്ഞ ശേഷം പ്രിയ പ്രതീക്ഷയോടെ ഞങ്ങളെ മാറി മാറി നോക്കി….
ജിത്തു : എന്താടി കോപ്പേ കാര്യം നീ വെറുതെ മുഖവുരയിടാതെ എന്താന്ന് വെച്ചാൽ പറയ്……
എടാ ഈ “3rd year ഹിസ്റ്ററിയിലെ ” ചേട്ടൻമ്മാരെക്കൊണ്ട് ഭയങ്കര ശല്യമാണ് നിങ്ങളിവിടുന്ന് മാറിക്കഴിയുമ്പോൾ അവന്മാരിവിടെ വന്ന് നമ്മുടെ കൂടെ പഠിക്കുന്ന പെൺകുട്ടികളെ ‘കോട് വിളിക്കും പുറകെ നടന്ന് ശല്യവും ചെയ്യും’ അധ്യാപകരെപ്പോലും അവർ വെറുതേ വിടാറില്ല .ഇന്നലെ നന്മുടെ “അന്നമ്മയെ ഒരുത്തൻ ഉപദ്രവിച്ചു”…. അവളാകെ കരച്ചിലായിരുന്നു…..
ഹേ! “അന്നമ്മയെ ഉപദ്രവിച്ചെന്നോ “???
എതവനാ അത് …. അന്നമ്മയുടെ കാര്യമറിഞ്ഞതും അനൂപ് നിന്ന് ചീറാൻ തുടങ്ങി…….
അതേടാ ഇന്നലെ ഒരുത്തൻ അന്നമ്മയെ ശല്യം ചെയ്ത് അവൾ കംപ്ലെയ്ൻ്റ് ചെയ്യൂന്ന് പറഞ്ഞപ്പോൾ അവനവളുടെ കയ്യിൽ കയറിപ്പിടിച്ച് തിരിക്കുകയുണ്ടായ്…… നടന്ന സംഭവം ചെറുതായ് വിവരിക്കുന്നപോലെ പ്രിയസംസാരിച്ച് നിർത്തി……
എടാ അജിത്തേ അതേതവനാണേലും അവനെ പൊക്കണം നമ്മുടെ “അന്നമ്മയെ ഉപദ്രവിച്ചിട്ടൊരുത്തനും ഇവിടെ നെളിഞ്ഞു നടക്കണ്ട “….. ദേഷ്യത്താൽ ഉറഞ്ഞുകൊണ്ട് അനൂപ് എന്നെയും പ്രീയയെയും മാറി മാറി നോക്കി…
റോണിയേ എങ്ങനാ കാര്യം??? ഈ കൊട്ടേഷനങ്ങ് ഏറ്റെടുക്കുവല്ലെ????
സംശയത്തോടെ അനൂപിനെ ഒന്ന് നോക്കിയ ശേഷം ഞാൻ റോണിയോടായ് പറഞ്ഞു……
കൊട്ടേഷനൊക്കെ എടുക്കാം പിന്നെ അന്നമ്മയെ ഉപദ്രവിച്ചതിന് നമ്മളോട് സഹായം ചോദിക്കണ്ട ആവശ്യമൊന്നുമില്ല ” അവളവളുടെ വീട്ടിൽ പറഞ്ഞാൽ മതി അതോടെ അവന്മാരുടെ കാര്യത്തിൽ തീരുമാനമായ്ക്കോളും”…… ഗൗരവത്തോടെ പറഞ്ഞശേഷം റോണി പ്രിയയെ നോക്കി…..
എടാ അവൾക്ക് പേടിയാടാ വീട്ടിൽ പറയാൻ അതാ നിങ്ങളോട് പറഞ്ഞത് …. അവന്മാരെക്കൊണ്ട് ഭയങ്കര ശല്യമാണെടാ… “നിങ്ങളന്ന് രാജേഷിനെ പേടിപ്പിച്ച് വിട്ടതിൽപ്പിന്നെ അവനീ പരിസരത്തേക്ക് പോലും വന്നിട്ടില്ല”…. അതറിഞ്ഞാണ് പെൺകുട്ടികളെല്ലാം നിങ്ങളോട് സഹായം ചോദിച്ചത്…… ഒന്ന് സംസാരിക്കെടാ അവരോട് പ്ലീസ്……..
റോണീ അവന്മാർ നമ്മുടെ ക്ലാസ്സിൽ കയറി കളിക്കാൻ മാത്രമായോ അതങ്ങനെ വെറുതെ വിട്ടാൽ പറ്റില്ലല്ലോ…. എന്താണേലും ഇതിനൊരു തീരുമാനം ഇന്ന് തന്നെ ഉണ്ടാവണം നമുക്ക് അവരുടെ ക്ലാസ്സിൽ കയറി ചെന്ന് കാര്യം പറയാം…. പറഞ്ഞശേഷം അഭിപ്രായം അറിയുന്നതിനായ് ജിത്തു റോണിയേ നോക്കി….