ശരിയെടാ ഇതിനിന്നു തന്നെ ഒരു തീരുമാനമുണ്ടാക്കാം.. “നീയും അനൂപും ഒരു കാര്യം ചെയ് ക്ലാസ്സിൽ ചെന്ന് അന്നമ്മയോട് കാര്യങ്ങളെല്ലാം ഒന്ന് ചോദിച്ചറിയ്” ….. “ഞാനും റോണിയും കൂടി ഹിസ്റ്ററി ഡിപ്പാർട്ട്മെൻ്റ് വരെ പോയ് ഒരു പ്ലാനുണ്ടാക്കാം”…… റോണി വാ നമുക്കൊന്ന് കറങ്ങാം…
തീരുമാനമറിയിച്ചുകൊണ്ട് ഞാൻ റോണിയേം കുട്ടി നടക്കുവാൻ തുടങ്ങി….
എടാ റോണീ…. നീ ഒരു കാര്യം ശ്രദ്ധിച്ചോ അന്നമ്മയെ ആരോ ശല്യം ചെയ്തെന്ന് പറഞ്ഞപ്പോൾ നമ്മുടെ അനൂപിനൊന്ന് പൊള്ളിയത്??? സംശയഭാവത്തോടെ ഞാൻ റോണിയെ നോക്കി…..
മ്മ്….. ഞാനും ശ്രദ്ധിച്ചായിരുന്നു…. അവന് അന്നമ്മയോടൊരു താൽപ്പര്യമുള്ള പോലെ തോന്നുന്നുണ്ട് ……….
ഇനി “ആരതിയുടെ വീട്ടിൽ പോയത്പോലെ അന്നമ്മയുടെ വീട്ടിലും പോവേണ്ടി വരുമോടാ??? പരിഹാസരൂപേണ ചിരിച്ചു കൊണ്ട് ഞാൻ റോണിയോട് തിരക്കി….
“ആ നല്ല സ്ഥലവാ”….. ‘ചെന്ന് കേറിക്കൊട്’…. “പിന്നെ ഒരുത്തനും ജീവനോടെ അവിടുന്ന് തിരികെ പോരില്ല”…… ‘നാലിനേം കൊന്ന് വല്ല വാഴയ്ക്കും വളമായിടും അവര് ‘……… ഭീഷണിപോലെ റോണി പറഞ്ഞു നിർത്തി…..
ഹേ! നീ ഇതെന്തൊക്കെയാടാ ഈ പറയുന്നത് അത്രക്ക് പ്രശ്നമാണോ അവര്?? അതിശയത്തോടെ ഞാൻ ആരാഞ്ഞു…..
എൻ്റെ പൊന്നേ…. ആണോന്നോ ??? അവരുടെ കുടുംബത്തെപ്പറ്റി നിനക്കറിയാത്തോണ്ടാ എന്തെങ്കിലും തുമ്പ് കിട്ടിയാൽ എല്ലാം കൂടി ഇങ്ങ് വരും “പിടിച്ചോണ്ട് വരാൻ പറഞ്ഞാൽ കൊന്നോണ്ട് ചെല്ലുന്നതാ ഇനം”…. ഒറ്റ ശ്വാസത്തിൽ എന്നെ നോക്കി റോണി പറഞ്ഞു നിർത്തി…
അയ്യോ! അതേതാടാ ആ ടീംസ് നീ സസ്പെൻസ് ഇടാതെ കാര്യം പറ……
അതൊക്കെ ഞാൻ പിന്നെ പറയാം” ആദ്യം നമ്മുടെ ചെക്കന് ഇഷ്ടാണോന്നറിയട്ടെ എന്നാട്ട് പറയാം എല്ലാം”…..
എടാ ഇനി അവര് തമ്മിലിഷ്ടത്തിലായാൽ അവളുടെ വീട്ടുകാർ സീനാക്കുമോ??? സംശയഭാവത്തോടെ ഞാൻ റോണിയോട് തിരക്കി…..
“അതുറപ്പല്ലെ”…. എന്നാലും നമുക്ക് നോക്കാടാ അവൻ്റെ ഇഷ്ടമല്ലെ. “നമ്മളല്ലാതെ വേറെ ആരാ അവനുള്ളത് “…. മാക്സിമം അവൽ അടികൊള്ളാതെ നമുക്ക് നോക്കാം……
മ്മ്…. എടാ നമുക്കെന്നാൽ ക്ലാസ്സിലേക്ക് പോയാലോ ???
അപ്പോ ഹിസ്റ്റററി ഡിപ്പാർട്ട്മെൻ്റിൽ പോവണ്ടേ??? സംശയഭാവത്തിൽ റോണി എന്നോട് തിരക്കി….
എന്ത് അണ്ടിക്ക്…. ഞാനീ കാര്യം പറയാനല്ലെ നിന്നെ വിളിച്ചത് .
“ഇനി അവന് അന്നമ്മയെ ഇഷ്ടമാണേൽ അവൻ തന്നെ കാര്യങ്ങളവളോട് ചോദിച്ചറിയട്ടേന്ന് കരുതി അങ്ങനാവുമ്പോൾ അവൾക്കും അവനോട് എന്തെങ്കിലും താൽപ്പര്യം തോന്നിയാലോ”???? റോണിയെ നോക്കി ഞാനൊരു കള്ളച്ചിരി ചിരിച്ചു…
എടാ മൈരേ…..”കാഞ്ഞ പുത്തിയാണല്ല നിനക്ക്”….. പരിഹാസമെന്നോണം റോണിയും ചിരിച്ചു….
വാ അവിടെ എന്തായെന്ന് നോക്കാം…. റോണിയെയും കൂട്ടി ഞാൻ ക്ലാസ്സിലേക്ക് ചെന്നു കയറുമ്പോൾ അന്നമ്മ പറയുന്നതെല്ലാം കേട്ട് ഡെസ്ക്കിന് പുറത്ത് കൈ വെച്ച് ഇടിക്കുന്ന അനൂപിനെയാണ് കാണുന്നത്… ജിത്തു എല്ലാം കേട്ടുകൊണ്ട് പ്രിയയോടൊപ്പം ഒന്നും മിണ്ടാതെ നിൽക്കുകയാണ്…..
എന്നെയും റോണിയേയും കണ്ടതും അവർ ഞങ്ങടടുത്തേക്കായ് വന്നു…
എടാ അവന്മാരെ വെറുതേ വിടാൻ പാടില്ല നല്ല പണികൊടുക്കണം……
ഞങ്ങടടുത്തെത്തിയതും ചീറിക്കൊണ്ട് അനൂപ് പറഞ്ഞു….
മ്മ്…. കാര്യങ്ങളെല്ലാം പ്ലാൻ ചെയ്തിട്ടുണ്ടെടാ ഈ ഹവർ നമുക്ക് കയറണ്ട ലഞ്ച്ബ്രേക്കിന് ഹിസ്റ്ററിയിലോട്ട് കയറിച്ചെന്ന് അവന്മാർക്കൊരു വാണിംഗ് കൊടുക്കാം അതിനെ മീതി ആരെങ്കിലും നമ്മുടെ ക്ലാസ്സിനു മുന്നിൽ വന്നാൽ പിന്നെ അവനൊന്നും ഈ കോളേജിൽ മര്യാദക്ക് പഠിക്കില്ല….
അന്നമ്മയെ നോക്കി ചിരിച്ചു കൊണ്ട് ഞാൻ അനൂപിനോടായ് പറഞ്ഞു….
“വാണിംഗോ”??? അതൊന്നും വേണ്ട കയറി പൊട്ടിച്ചാമതി ആ ചെറ്റകളെ … കലിപ്പിൻ്റെ Extreeme level പുറത്തെടുത്തശേഷം നിലത്ത് ശക്തിയിൽ ചവിട്ടിക്കൊണ്ട് അനൂപ് ആരോടെന്നില്ലാതെ പറഞ്ഞു…
അവൻ്റെ പ്രകടനം കണ്ടതും ഞാനും റോണിയും കൂടി മുഖാമുഖം നോക്കിയൊന്നടക്കിച്ചിരിച്ചു….!
ഏയ് നിങ്ങൾ അടിയൊന്നും ഉണ്ടാക്കല്ലെ അവരോട് കാര്യം പറഞ്ഞാൽ മതി പഴയപോലെ നിങ്ങൾക്ക് പ്രശ്നമുണ്ടാവരുത്…. ഭയത്താൽ വിറയാർന്ന ശബ്ദത്തോടെ അന്നമ്മ മൊഴിഞ്ഞു…
അതെ അന്നമ്മോ… നീ പേടിക്കുവോന്നും വേണ്ട പിന്നെ ആദ്യം അടിയൊന്നും ഇല്ല കാര്യം അവരോട് പറഞ്ഞു നോക്കും അത് പറഞ്ഞിട്ടും മനസ്സിലായില്ലേൽ മാത്രം “Action”…… പ്രിയേ നീ അന്നമ്മയേ കുട്ടി ക്ലാസ്റ്റിൽ കയറിക്കോളൂ …. വാടാ നമുക്ക് പുറത്തേക്ക് പോകാം…. നായക ഭാവത്തോടെ പറഞ്ഞ്കൊണ്ട് ജിത്തു ഞങ്ങളെയും കൂട്ടി നടക്കുവാൻ തുടങ്ങി…..
എടാ എല്ലാരോടുമായ് പറയുകയാണ് ആദ്യമേ ചാടിക്കയറി അടിക്കാനോ പിടിക്കാനോ പോകരുത്….. “ഒന്നാമതെ നമ്മൾ നാലും ഇവിടുത്തെ നോട്ടപ്പുള്ളികളാണ്”… ഒരു വാണിംഗ് പോലെ സംസാരിക്കാം….. ലഞ്ച് ബ്രേക്കിനുള്ള ബെല്ലടിച്ചു കഴിഞ്ഞ് മിസ്സ് ക്ലാസ്സിൽ നിന്ന് പുറത്തേക്കിറങ്ങിയാലുടൻ നമുക്കകത്തു കയറണം …. നടക്കുന്നതിനിടയിൽ റോണി എല്ലാരോടുമായ് പറഞ്ഞു……
മ്മ്……. ആളിക്കത്തിയ ദേഷ്യത്തോടെ അനൂപ് ഒന്ന് മൂളി…..
ക്ലാസ്സിൽ കയറാതെ അക്ഷമരായ് ലഞ്ച് ബ്രേക്കിനായുള്ള ബൽ മുഴങ്ങുന്നതും കാത്ത് ഞങ്ങൾ ഗ്രൗണ്ടിലായ് വെയ്റ്റ് ചെയ്തു…..
ബെൽ മുഴങ്ങുന്നതിന് 5 മിനിട്ട് മുൻപ് തന്നെ 3rd Year ഹിസ്റ്ററി ക്ലാസ്സിനു മുന്നിലായ് ഞങ്ങൾ 4 പേരും സ്ഥാനമുറപ്പിച്ചു…..
ബെൽ മുഴങ്ങി മിസ്സ് ഇറങ്ങിയതും ഒപ്പം തന്നെ ഞങ്ങൾ 4 ഉം കൂടി ക്ലാസ്സിലേക്ക് കയറി …… പതിവില്ലാതെ ഞങ്ങൾ 3rd year ക്ലാസ്സിൽ കയറുന്നത് കണ്ട മിസ്സ് സംശയത്തോടെ ഞങ്ങളെ നോക്കി പുറത്ത് തന്നെ നിന്നു……
“ഹിസ്റ്ററിയിലെ പ്രിയപ്പെട്ട ഞങ്ങടെ സേട്ടന്മാരേ, ചേച്ചിമാരേ”……. ഒരു നിമിഷം എല്ലാരും ഒന്ന് ശ്രദ്ധിക്കണെ……. ക്ലാസ്സിലേക്ക് കയറിയതും ഔപചാരികതയോടെ കാര്യങ്ങൾക്ക് ഞാൻ തുടക്കമിട്ടു….
അതേ ചേച്ചിമാരെ ഞങ്ങൾക്ക് കുറച്ച് കാര്യങ്ങൾ നിങ്ങളെ അറിയിക്കാനുണ്ട് വേറൊന്നുമല്ല നിങ്ങടെ കൂടെ പഠിക്കുന്ന ഈ സേട്ടന്മാരെപ്പറ്റിയാണ് അതുകൊണ്ട് കാര്യങ്ങൾ വ്യക്തമായ് കേട്ട ശേഷം നിങ്ങൾ തന്നെ ഇവരെ ഒന്നുപദേശിക്കുക….
റോണിയേ അപ്പോ എങ്ങനാ കാര്യങ്ങളങ്ങ് വിശദീകരിച്ചാലോ??? പിന്നിലായ് നിന്ന റോണിയോടായ് ഞാൻ ആരാഞ്ഞു…..
“Why not”….
എന്നാപ്പിന്നെ അങ്ങനാവട്ടെ നീ കാര്യങ്ങൾ അങ്ങ് പറഞ്ഞോ ബാക്കി എന്താന്ന് വെച്ചാൽ ഞങ്ങൾ നോക്കിക്കോളാം….
ഗൗരവത്തോടെ റോണി പറഞ്ഞ് നിർത്തിയതും ഞാൻ കാര്യങ്ങൾ വിശദീകരിക്കാൻ തുടങ്ങി……
അപ്പോ ഞങ്ങൾ വന്ന കാര്യം എന്താന്ന് വെച്ചാൽ ദാ “ഈസേട്ടന്മാർ 1st year ഫിസിക്സിൻ്റെ മുന്നിൽ വന്ന് ഞങ്ങളുടെ സഹപാഠികളായ പെൺകുട്ട്യോളോട് അപമര്യാതയായ് പെരുമാറുന്നതും കോട് വിളിക്കുന്നതും അങ്ങനെ ആവശ്യമില്ലാത്ത കുൽസിത പ്രവർത്തികൾ നടത്തുന്നത് ഒരു പരാതി എന്നോണം ഞങ്ങളുടെ ശ്രദ്ധയിൽപ്പെട്ടിട്ടുണ്ട്….
” അവർക്കൊരു പ്രശ്നം വന്നാൽ ഞങ്ങളല്ലെ സഹായിക്കണ്ടത് ” അതുകൊണ്ട് ഞങ്ങടെ തീരുമാനം ഞങ്ങളങ്ങ് അറിയിക്കുകയാണ്…..
” ഇതു വരെ നിങ്ങൾ കാണിച്ച തെണ്ടിത്തരമെല്ലാം ഞങ്ങളങ്ങ് ക്ഷമിക്കുകയാണ് “…. ഇനി ഏതെങ്കിലും ഒരുത്തൻ ഞങ്ങടെ സഹപാടികളെ ശല്യം ചെയ്യാനായ് ക്ലാസ്സിൻ്റെ പരിസരത്തോ എവിടേലും കണ്ടാൽ…. “ഈ അനിയന്മാരുടെ സ്വഭാവം മാറും”……
ദാ ഇതേപോലെ വന്ന് “ക്ലാസ്സിൽ കയറി പൂരവും വെടിക്കെട്ടും ഒരുമിച്ച് നടത്തിയേച്ചങ്ങ് പോകും”…….
” ഇനി ഒരു പരാതി കൂടി നിങ്ങളെക്കുറിച്ച് കേട്ടാൽ “????
എല്ലാരെയും നോക്കി വിരൽ ചൂണ്ടിയ ശേഷം ദേഷ്യ ഭാവത്തോടെ ഞാൻ പറഞ്ഞു…..
