“ഹാലോ മോളെ, അമ്മ ഒരു മീറ്റിംഗിൽ ആണ്, അത് കഴിഞ്ഞിട്ട് ഞാൻ വിളിക്കാൻ പറയാം.” ഒരു സ്ത്രീ എന്നോട് പറഞ്ഞു.
“ഞാൻ റാഷിക അല്ല, അവളുടെ ഫ്രണ്ട് ആണ്. ഒരു ചെറിയ ആക്സിഡന്റ്… അവൾ ഇപ്പൊ ഹോസ്പിറ്റലിൽ ആണ്, ഒന്ന് ഇങ്ങോട്ടെ വരാൻ പറ്റുമോ” ഞാൻ ചോദിച്ചു. അവർ എന്നോട് ഹോസ്പിറ്റൽ ഏതാണ് എന്ന് ചോദിക്കുകയും ചെയ്തു, എത്രയും പെട്ടന് ഇങ്ങോട്ട് വരാം എന്നും പറഞ്ഞു.
ഇത് സമയം അവളെ സ്കാനിംഗ് വേണ്ടി കൊണ്ട് പോവുകയും ചെയ്തു. അവളുടെ ഒരു ബാഗ് എന്റെ കയ്യിൽ അവർ തന്നു, അതിൽ ഒരു കോളേജ് ഐ. ടി. കാർഡും പിന്നെ പേഴ്സ്, മേക്കപ്പ് സാധനങ്ങളും ആയിരുന്നു ഉണ്ടായിരുന്നത്. ഫോൺ അതിലേക്ക് തിരിച്ച വെക്കുന്നതിന് മുന്നേ അതിൽ നിന്നും എന്റെ ഫോണിലേക് ഞാൻ ഒരു മിസ് കാൾ ഇട്ടു അവളുടെ നമ്പർ സേവ് ചെയ്തു.
ഇനി അവൾ a*i*a അല്ല RaSHiKa ആണ്. അവളുടെ പേര് കിട്ടിയതോട് എന്തെന്നില്ലാത്ത സന്തോഷമായിരുന്നു എനിക്ക്, അവൾക് അപകടം പറ്റിയപ്പോ ഉള്ള സങ്കടം എല്ലാം ഞാൻ മറന്ന് പോയി. സ്കാനിംഗ് റൂമിന്റെ പുറത്ത് ഞാൻ ഇരിക്കുക ആയിരുന്നു, അപ്പോഴാണ് കോറിഡോറിലൂടെ കുറച്ച് പേർ നടന്ന് വരുന്നത് കണ്ടത്,
കോട്ടും സ്യൂട്ടും ധരിച്ച ഒരു സ്ത്രീയും അവരുടെ റൈറ്റും ലെഫ്റ്റും ആയിട്ട് ഈരണ്ട് പേർ ഉണ്ടായിരുന്നു, കണ്ടാൽ അറിയാം എന്തോ വല്യ മീറ്റിംഗ് കഴിഞ്ഞിട്ട് നേരിട്ട് ഇങ്ങോട്ട് വന്നത് ആണ് എന്ന്. ആ കൂട്ടത്തിൽ ഉണ്ടായിരുന്നു ഒരാൾ ഡോക്ടറുടെ റൂമിലേക് കേറി പോയി… കുറച്ച് സമയം കഴിഞ്ഞപ്പോ കേറി പോയ ആളും ഡോക്ടറും ഇറങ്ങി വന്നു
“എന്ന പിന്നെ സർജറി ചെയാൻ ഉള്ളത് എല്ലാം പെട്ടന് റെഡി ആകാം, കുട്ടിയുടെ അമ്മ വന്നിട്ട് ഉണ്ട് എന്നല്ലേ പറഞ്ഞത്, അവർ കുറച്ച പേപ്പർ ഒക്കെ സൈൻ ചെയാൻ ഉണ്ട്” ഡോക്ടർ പറഞ്ഞു. കൂടെ ഉണ്ടായിരുന്ന ആൾ അപ്പൊ തന്നെ ആ കോട്ടും സ്യൂട്ടും ഇട്ട പെണ്ണിനോട് വന്ന പറഞ്ഞു
“മാഡം, മോൾടെ കാൽമുട്ട് ഡീസലൊക്കേറ് ആയി, ലിഗ്മെന്റും ചെറിയ ഡാമേജ് ഉണ്ട് അതുകൊണ്ട് ചെറിയ ഒരു സർജറി വേണം. അപ്പൊ മാഡം ഒന്ന് വന്ന് സൈൻ ചെയ്ത…”
“സർജറി ഇവിടുന്ന് തന്നെ വേണോ രാജീവ്, വേറെ ബെറ്റർ ഹോസ്പിറ്റൽസ് ഏതെങ്കിലും നോക്കണോ” കോട്ടും സ്യൂട്ടും ഇട്ട സ്ത്രീ ചോദിച്ചു. അപ്പൊ ഇതാണ് അവളുടെ അമ്മ. അത്യാവശ്യം സെറ്റപ്പ് ടീം ആണലോ, ഇപ്പൊ തന്നെ ഒന്ന് പരിചയപ്പെട്ടേക്കാം.
“ആന്റി ഞാൻ ആണ് റാഷികയെ ഇവിടെ എത്തിച്ചത്, ഫോൺ വിളിച്ച് പറഞ്ഞതും ഞാൻ തന്നെ ആണ്.” ഞാൻ മുഖത്ത് ഒരു ചിരി ഫിറ്റ് ചെയ്ത് കൊണ്ട് പറഞ്ഞു.
“ഓ താങ്ക്സ്, രാജീവ്… ഇയാൾക്ക് എന്താണ് എന്ന് വെച്ച കൊടുത്ത് സെറ്റൽ ചെയ്ത് വിട്ടേക്” അവളുടെ അമ്മ പറഞ്ഞു എന്നിട്ട് നടന്ന് പോയി. ഞാൻ എന്താ തള്ളെ വല്ല പിച്ചക്കാരനും ആണോ. പിന്നെ അയാളുടെ അടുത്ത് പോയി ഞാൻ കാര്യങ്ങൾ പറഞ്ഞു: ഫ്രണ്ട് ആണ് എന്നും ആക്സിഡന്റ് പറ്റുന്ന സമയത് ഞാൻ അവിടെ ഉണ്ടായിരുന്നത് കൊണ്ടാണ് ഇവളെ ഹോസ്പിറ്റലിൽ എത്തിച്ചത് എന്നും.
“അപ്പൊ മോൾടെ വണ്ടി അവിടെ തന്നെ അല്ലെ ഉള്ളത്. നമക്ക് പോയി ഒന്ന് എടുത്താലോ ?” അയാൾ എന്നോട് ചോദിച്ചു. ശെരി എന്ന് ഞാൻ പറഞ്ഞു, എന്തായാലും എന്റെ ബൈക്ക് അവിടെ ആണ് ഉള്ളത്. അവൾക് കൊടുക്കാൻ വേണ്ടി ഞാൻ ഒരു ഗിഫ്റ്റും വാങ്ങിച്ചിരുന്നു അതൊക്കെ എവിടെ ആണോ എന്തോ. ഞങ്ങൾ രണ്ടാളും കൂടി താഴത്തേക്ക് പോയി, അവിടെ ഒരു ബെൻസ് കാർ ഞങ്ങൾക്ക് വേണ്ടി കാത് നിൽക്കുന്നുണ്ടായിരുന്നു. ആദ്യമായിട്ടാണ് ഞാൻ ഇതുപോലൊരു വണ്ടിയിൽ കേറുന്നത്. അങ്ങനെ ഞങ്ങൾ ആക്സിഡന്റ് നടന്ന സ്ഥലത്തേക്ക് ചെന്നു, കുറച്ച് പെയിന്റ് പോയി എന്ന് അല്ലാതെ വേറെ പ്രെശ്നം ഒന്നുമില്ല.
അയാൾ സ്കൂട്ടർ എടുത്തു പോയി ഞാൻ എന്റെ ബൈക്കും എടുത്തു. തിരിച്ച് ഹോസ്പിറ്റലിലേക് ഞാൻ പോയി, അവിടെ എത്തിയപ്പോഴേക്കും അവളെ സർജറി ചെയാൻ വേണ്ടി കൊണ്ടുപോയിരുന്നു. ചെറിയ ഒരു സർജറി ആണ് എന്നും പക്ഷെ ഇന്ന് ഫുൾ സെഡേഷൻ കാരണം മയക്കിതിലും ആയിരിക്കും എന്നാണ് അവിടെ ഉള്ള നേഴ്സ് എന്നോട് പറഞ്ഞത്. ഞാൻ പിന്നീട് ഹോസ്പിറ്റലിലേക് വരാം എന്നും പറഞ്ഞ് എന്റെ ബൈക്ക് എടുത്ത് വീട്ടിലേക് പോയി.
രാത്രി ഡിന്നർ സമയം ആയപ്പോ ആണ് ഞാൻ വീട്ടിൽ എത്തിയത്, അമ്മയോട് ഫ്രണ്ടിന് ആക്സിഡന്റ് പറ്റിയെന്നും അതുകൊണ്ട് അവിടെ ആയിരുന്നു എന്നും ഇനി കുറച്ച കഴിഞ്ഞ ഒന്നുടെ അങ്ങോട്ട് പോണം എന്നും ഞാൻ പറഞ്ഞു. അച്ഛൻ തിരിച്ച് ഗൾഫിലേക്ക് പോയി ചേട്ടൻ ജോലിക്കും,
ഞാനും അമ്മയും മാത്രമേ ഉള്ളു വീട്ടിൽ, ഒറ്റക് ഇവിടെ ആകാൻ ഒരു ബുദ്ധിമുട്ട് ഉണ്ടായിരുന്നു എങ്കിലും പോകാതെ ഇരിക്കാനും പറ്റില്ല. അമ്മയോട് ഞാൻ വല്യമ്മേടെ അടുത്ത് ആകാൻ തീരുമാനിച്ചു. പിന്നെ രാത്രി അവിടുന്ന് കിച്ചുവിനെയും കൊണ്ട് ഹോസ്പിറ്റലിൽ പോവാലോ എന്നും കരുതി…
ഞങ്ങൾ ബൈക്കിൽ ഹോസ്പിറ്റലിലേക്ക് പോയികൊണ്ടിരുന്നപ്പോ…
“അപ്പൊ നീ ആണ് അവളെ ഈ അവസ്ഥയിൽ കൊണ്ട് എത്തിച്ചത് ലെ” കിച്ചു എന്നോട് ചോദിച്ചു.
“നീ വെറുതെ ഓരോന്ന് പറഞ്ഞ് പിന്നെയും എന്നെ തളർത്താതെ, ഒന്നു നോക്കി നടന്ന മതിയാരുന്നു ഞാൻ. ഇന്ന് പോയി അവളെ കണ്ടിട്ട് കാര്യങ്ങൾ ഒക്കെ പറയണം.” അങ്ങനെ ഞങ്ങൾ അവിടെ എത്തി, സമയം രാത്രി 11 മണി… അതുകൊണ്ട് തന്നെ വല്യ തിരക്ക് ഒന്നും അവിടെ ഇല്ലായിരുന്നു. വൈകുനേരം കണ്ട നഴ്‌സിനെ ഞാൻ പിന്നെയും കണ്ടു, അപ്പൊ അവർ അവളുടെ സർജറി കഴിഞ്ഞു എന്ന് പറഞ്ഞു. വല്യ സർജറി ഒന്നും അല്ലായിരുന്നു അതുകൊണ്ട് വേഗം കഴിഞ്ഞു. അങ്ങനെ അവളുടെ റൂമിലേക്ക് ഞാനും കിച്ചുവും പോയി
“ആരാ എങ്ങോട്ടാ” റൂമിന്റെ പുറത്ത് ഉണ്ടായിരുന്ന ഒരു സ്ത്രീ ചോദിച്ചു, രാവിലെ അവളുടെ അമ്മയുടെ കൂടെ ഉണ്ടായിരുന്നു ഇവർ.
“ഞാൻ റാഷികയുടെ ഫ്രണ്ട് ആണ് ഒന്ന് കാണാൻ വന്നതാണ്.”
“അവൾ ഉറങ്ങാൻ , പോയിട്ട് നാളെ വരൂ”
“അല്ല ജസ്റ്റ് ഒന്ന് കാണാൻ…”
“എടൊ പറഞ്ഞില്ലെ, അവൾ ഉറങ്ങാൻ, നാളെ വരൂ, പാട്ടുവാണെകിൽ നാളെ കാണാം” അവർ കുറച്ച് ശബ്ദം കടുപ്പിച്ച് പറഞ്ഞു. കിച്ചു എന്തോ തിരിച്ച പറയാൻ പോയപ്പോഴേക്ക് ഞാൻ അവനെയും വിളിച്ച് തിരിച്ച് നടന്നു.
“ഡാ ആരാ, ഇവൾക്ക് എന്താ ഇത്ര ഷോ” കിച്ചു നടക്കുന്ന വഴിക്ക് എന്നോട് ചോദിച്ചു
“അവളുടെ അമ്മേടെ കമ്പനിയിൽ ജോലി ചെയുന്ന ആരോ ആണ്”
“അല്ലാതെ അവളടെ അമ്മ ഒന്നും അല്ലാലോ… ഇത്രെയും ആയ സ്ഥിതിക്ക് നീ ഇന്ന് അവളെ കാണണം”
“അതിപ്പോ എങ്ങനെയാടാ, എനിക്ക് അവളോട് കുറച്ച് സംസാരിക്കാനും ഉണ്ടായിരുന്നു”
“എന്താ മക്കളെ പോവാനോ” താഴത് വെച് കണ്ട നേഴ്സ് ഞങ്ങളോട് ചോദിച്ചു.
“അതെ ചേച്ചി ഞങ്ങൾക്ക് ഒരു സഹായം ചെയ്ത് തരുമോ” കിച്ചു നഴ്സിനോട് ചോദിച്ചു.
“എന്ത് പറ്റി, കാര്യം പറ നിങ്ങൾ”