“ഒരാൾക്ക് 2 ബിയർ മതിയോ, ഞാൻ നല്ല ഫോമിൽ ആണ് എനിക്ക് 3 എണ്ണം വേണ്ടി വരും എന്നാണ് തോന്നുന്നത്” പ്രിയ പറഞ്ഞു.
“ഒന്ന് പൊടി, നീ എന്താ ബിയർ വെച്ച് കുളിക്കാൻ പോവുന്നോ… 2 എണ്ണം മതി” അവൾ പറഞ്ഞു. അതിന്ടെ ഒപ്പം ടച്ചിങ്സും വാങ്ങിയത്തിന് ശേഷം അവർ റൂമിലേക്ക് പോയി.
“പൂയ്… എന്താ ചേച്ചിമാരെ ഷോലിന്റെ ഇടയിൽ ഒരു കവർ ഒക്കെ ഉണ്ടാലോ…” തൊട്ട് അടുത്ത റൂമിൽ ഉണ്ടായിരുന്ന കുറച്ച് കുട്ടികൾ ചോദിച്ചു.
“പ്രോജെക്ടിന്റെ കുറച്ച് കാര്യങ്ങൾ ആടി, അല്ലാതെ വേറെ എന്ത്” പ്രിയ പറഞ്ഞു.
“ഓ അതെല്ലേ… എന്തായിരിക്കും അല്ലേടി ഇങ്ങനെ കവർ കുലുങ്ങുമ്പോ ‘ക്ലിങ്-ക്ലിഗ്’ എന്നൊരു ഒച്ച ഒക്കെ കേൾക്കുന്നെ”
“നിനക്ക് മനസ്സിലായില്ലേ, ഇവരുടെ കോളേജ് പ്രൊജക്റ്റ് ചെയാൻ ഉപയോഗിക്കുന്ന പ്രധാന ഉപകരണം അല്ലെ അത്” അവരെ കളിയാക്കി ചിരിച് കൊണ്ട് എതിർ റൂമിലെ കുട്ടികൾ പറഞ്ഞു.
“ഡി ഡി, നിനക്ക് ഒന്നും പഠിക്കാൻ ഒന്നും ഇല്ലേ… ആ ആ ചെല്ലാൻ നോക്ക്” അവൾ മറുപടി കൊടുത്തു
“ചേച്ചി… ഞങ്ങൾക്കും കൂടി തരുഒ”
“എന്ത് തെരാൻ…”
“കവറിൽ ഉള്ള… പ്രൊജക്റ്റ്… പ്ലീസ്”
“അയ്യടാ… ഇത് ചെറിയ കുട്ടികൾക്ക് ഉള്ള പ്രൊജക്റ്റ് ഒന്നും അല്ല… മിണ്ടാതെ റൂമിൽ കേറി പൊക്കോണം കേട്ടോടി” അവൾ കുറച്ച് ഒച്ച എടുത്ത് പറഞ്ഞു. കൂടുതൽ ഒന്നും പറയാൻ നിക്കാതെ രണ്ട് കൂട്ടരും റൂമിലേക്ക് കേറി പോയി.
“ഇപ്പൊതീരുമാനം ആയേനെ, എന്റെ സമയോജിതമായ ഇടപെടൽ കാരണം അവർക്ക് ഒന്നും മനസിലായില്ല” അവൾ പറഞ്ഞു.
“ഹ്മ്മ്, അവർക്ക് മനസിലായതേ ഇല്ല. നിന്ന് കൊന്ന അടിക്കാതെ ടേബിളിൽ ഉള്ള പ്രൊജക്റ്റ് റിപ്പോർട്ട് എടുത്ത് മാറ്റി വെക്കടി, എന്നിട്ട് ടേബിളും കൂടി മാറ്റി വെക്ക്” പ്രിയാ പറഞ്ഞു.
പ്രൊജക്റ്റ് റിപ്പോർട്ട് മാറ്റി വെക്കാൻ വേണ്ടി അവൾ പോയി. അത് കൈയിൽ എടുത്ത് പേജുകൾ തിരിച്ച് നോക്കിയപ്പോ അവനെ ഓര്മ വന്നു, അവൾ പറഞ്ഞിട്ട് അവൻ ചെയ്ത കൊടുത്ത റിപ്പോർട്ടിന്റെ ചെറിയ ഒരു ഭാഗം. അവൾ ഒരു പുഞ്ചിരിയോട് കൂടി അതും നോക്കി അവിടെ നിന്നു. റിപ്പോർട്ടിന്റെ താഴെ ‘Done by ???’ എന്നും കൂടി കണ്ടപ്പോ അവളുടെ ചിരി ഒന്നും കൂടി വിരിഞ്ഞു. അവൾ അതും നോക്കി ചിരിച്ച് നിൽക്കുന്നത് കണ്ടിട്ട് രമ്യ എല്ലാരേയും വിളിച്ച് അത് കാണിച്ചു.
“ഇനി ട്രെയിനിന് ഇവൾ പറഞ്ഞത് സത്യം ആണോ… പ്രോജെക്ടിനെ പറ്റി ആലോചിച്ച് തന്നെ ആണോ അവൾ ചിരിച്ച് ഇരുന്നിട്ട് ഉണ്ടാവാ” എല്ലാരും ഇതും പറഞ്ഞ് ചിരിച്ചു. ഇവരുടെ ചിരി കേട്ടപ്പോ സ്വബോധം വന്ന അവൾ റിപ്പോർട്ട് മാറ്റി വെച്ചു… ഒരു രണ്ടാളും കൂടി ടേബിൾ മാറ്റി വെച്ചിട്ട് അവർ നിലത്ത് ഇരുന്നു.
“അപ്പൊ തുടങ്ങുവല്ലേ പിള്ളേരെ” മീരാ പറഞ്ഞു.
“Cheers…”
പാട്ടും വെച്ച് അവർ പരുപാടി തുടങ്ങി… ബിയർ അടിക്കലും ഡാൻസ് കളിയും ആയി അവർ തുടർന്നു…
“ഡി, എന്നെ കൊണ്ട് പറ്റും എന്ന് തോന്നുനില്ല… മതിയായി” പ്രിയ പറഞ്ഞു.
“ഡി ആകെ പകുതി കുപ്പി അല്ലെ ആയിട്ടുള്ളു” അവൾ ചോദിച്ചു.
“പറ്റണില്ല മോളെ”
“മൂന്ന് ബിയർ വേണം എന്നാല്ലെ ശെരിയാവുള്ളൂ, എന്തൊക്കെ ആയിരുന്നു”
“എനിക്കും രണ്ടെണ്ണം ഒന്നും തീർക്കാൻ പറ്റും എന്ന് തോന്നുന്നില്ല” രമ്യ പറഞ്ഞു.
“ഇവൾമാർ ഇത്… ഇനി ഈ ബാക്കി വന്നത് എന്തോ ചെയ്യും” അവൾ ചോദിച്ചു.
“ഒരു കാര്യം ചെയ്യ്, അപ്പുറത്തെ റൂമിൽ ഉള്ള അവൾമാരെയും കൂടി വിളിക്ക്, എന്തായാലും നേരത്തെ ചോദിച്ചതല്ലെ…” പ്രിയാ പറഞ്ഞു.
“ആ ആ വിളിക്ക്, അല്ലാതെ ഇത് എടുത്ത് കളയാൻ പറ്റില്ലാലോ… സ്കൂൾ പഠിക്കണ പിള്ളേരെ ആണലോ എന്ന് ഓർക്കുമ്പോഴാ…” അവൾ പറഞ്ഞു, കേട്ട് തീരും മുന്നേ അവരെ വിളിക്കാൻ രണ്ട് ആൾ പോയി കഴിഞ്ഞു. വല്യ സതോഷത്തോട് കൂടി ഒരു 5 ആൾകാർ അവരുടെ കൂടെ കൂടി നിലത്ത് ഇരുന്നു. അവിടെ ഉണ്ടായിരുന്നത് വെച്ച് അഡ്ജസ്റ്റ് ചെയ്യാനും പിന്നെ ടേസ്റ്റ് അറിയുക ഫിറ്റ് ആവാതെ ഇരിക്കുക, ഇതൊക്കെ ആയിരുന്നു അവൾ ആ പിള്ളേർക്ക് കൊടുത്ത നിർദേശം. തുടക്കത്തിൽ പൂച്ച കുട്ടികളെ പോലെ ഇരുന്ന പിള്ളേർ ഓരോ സിപ് എടുക്കും തോറും ഇവരോട് കൂടുതൽ സ്വാതന്ത്ര്യം ആയി തുടങ്ങി. അതിൽ ഒരു കുട്ടി കുറച്ച് കഴിഞ്ഞപ്പോ ഇവളുടെ മടിയിൽ കിടന്ന് വിശേഷങ്ങൾ പറയാൻ തുടങ്ങി.