“ഡാ, സോറി… ഞാൻ വെറുതെ ഒരു തമാശ ആയിട്ട് പറഞ്ഞു എന്നെ ഉള്ളു അല്ലാതെ…” അവൾ എന്നോട് പറഞ്ഞു
“അതിന് ഞാൻ ഒന്നും പറഞ്ഞില്ലാലോ, ഞാൻ അതൊക്കെ ആ സെൻസിലെ എടുത്തിട്ട് ഉള്ളു” ഞാൻ പറഞ്ഞ് അവളെ നോക്കി രണ്ട് കണ്ണും അടച്ച് കാണിച്ചു.
“പ്രൊജക്ടറിൽ ഒക്കെ ഇട്ട് സിനിമ കണ്ട എല്ലാവർക്കും ഡിസ്റ്റർബ്ൻസ് ആവിലെ”
“ഹെഡ്സെറ്റ് വെക്കും, വല്യ സ്ക്രീനിൽ കാണുന്നു എന്നെ ഉള്ളു… നീ ഇങ്ങനെ ഒരു മണ്ടൻ ആയിപോയല്ലോ” എന്നും പറഞ്ഞ് അവൾ ഫോണിൽ എന്തോ നോക്കി ഇരുന്നു. മണ്ടൻ നിന്റെ… ഒക്കെ ചെയ്തും കൊടുക്കണം ഇതൊക്കെ കേൾക്കുകയും വേണോ
“കാലിൽ ഒരു തട്ടും കൂടി തന്നാൽ ഉണ്ടലോ ഒരു മാസം കൂടി ഇവിടെ കിടക്കും നീ കിടക്കും, കേട്ടാലോ”
“എനിക്ക് കുഴപ്പം ഇല്ല, നിന്നെ ഇടിക്കാതെ ഇരിക്കാൻ വേണ്ടി വണ്ടി വെട്ടിച്ച ഞാൻ ഇത്രെയും കാലം ഇവിടെ കിടന്നില്ലേ… ഇനി പിന്നെയും നീ കാരണം കുറച്ച് കാലം കൂടി കിടക്കേണ്ടി വന്ന പോട്ടേ എന്ന് വെക്കും” അവളുടെ ആ മറുപടിക്ക് മുന്നിൽ നെഞ്ച് പിടഞ്ഞ് നിൽക്കുക എന്ന് അല്ലാതെ ഒന്നും ചെയ്യാൻ എനിക്ക് തോന്നിയില്ല, ഒരു സോറി പറയാനോ അറിയാതെ പറ്റിയത് ആണ് എന്ന് പറയാനോ ഒന്നും തോന്നിയില്ല…
“ആ പോട്ടേ ഇനി ഇപ്പൊ എന്ത് ചെയ്യാൻ പറ്റും… ഞാൻ സിനിമ വെക്കാൻ പോവാൻ നീ ഉണ്ടോ കാണാൻ?? രണ്ട് ഹെഡ്സെറ്റ് ഉണ്ട്” ഞാൻ അവളുടെ കൂടെ കാണും എന്നെ ഉറപ്പിച്ച് കൊണ്ട് തന്നെ അവൾ ചോദിച്ചു, ഒരു കോൺഫിഡൻസ് അവളുടെ ടോണിൽ ഉണ്ടായിരുന്നു. രാത്രി ആയത് കൊണ്ട് പോകണം എന്ന് ഉണ്ടായിരുനെകിലും അവൾ നേരത്തെ പറഞ്ഞ കാര്യം എന്നെ പോകാൻ അനുവദിച്ചില്ല. അമ്മയെ വിളിച്ച് ലേറ്റ് ആവും എന്ന് ഞാൻ അറിയിച്ചു.
ഒരു ഇംഗ്ലീഷ് പടം ആയിരുന്നു അവൾ വെച്ചത്, കണ്ട തുടങ്ങിയതും ബോറടിച്ചു തുടങ്ങി. കുറച്ച് സീൻ ഉള്ള പടം ആയത് കൊണ്ട് മാത്രം ഞാൻ ഉറങ്ങിയില്ല. അവൾ ശ്രെദ്ധിച്ച് ഇരുന്ന് കാണുന്നും ഉണ്ട്, അതിന് കുറിച് എന്തകയോ ബുക്കിൽ എഴുതുന്നും ഉണ്ട്.
“അത് ശെരിയായില്ല, സ്നേഹം കാണികുമ്പോ അതിന്ടെ ഇന്റന്സിറ്റിയിൽ കാണിക്കണം, അല്ലാതെ വെറുതെ കവിളിൽ ഒരു ഉമ്മ കൊടുത്തത് കൊണ്ട് എന്ത് ആവാൻ ആണ്…” കുറച്ച് നേരം സിനിമയിൽ മാത്രം ആണ് ശ്രെദ്ധ എന്ന് തോന്നിയപ്പോ ഞാൻ പറഞ്ഞു.
“അതൊക്കെ ഓരോരുത്തരുടെ ഇഷ്ടം അല്ലേടാ… ഇപ്പൊ നീ പറഞ്ഞ പോലെ ഫുൾ ഇന്റന്സിറ്റിയിലും കാണിച്ചിട്ടും അവർക്ക് അത് മനസിലായില്ലെങ്കിലോ, മറ്റേ ആൾ വിചാരിച്ചുന്ന പോലെ തിരിച്ച് ഒരു മറുപടി കിട്ടിയില്ലെങ്കിലോ…”
അവൾ മറുപടി തന്നു. ഇവൾക്ക് ഒന്ന് നേരെ കാര്യം പറഞ്ഞ സിനിമയാണോ അതോ എന്റെ കാര്യം ആണോ എന്ന് മനസിലാക്കാമായിരുന്നു. ഞാൻ കാര്യങ്ങൾ വല്ലാതെ നീട്ടി വെളിച്ച് കൊണ്ടുപോവുന്നത് പോലെ ഇപ്പൊ ഒരു തോന്നൽ, പക്ഷെ ഇങ്ങനെ ഒരു സാഹചര്യത്തിൽ അവളോട് കാര്യങ്ങൾ പറയാനും എനിക്ക് തോന്നുന്നില്ല, പരസ്പരം ഇഷ്ടം ഉണ്ടെകിലും തുറന്ന് പറഞ്ഞ് അത് ഉറപ്പിക്കണ്ട ഒരു അവസാന പരിപാടി കൂടി ബാകി ഉണ്ടലോ…
സിനിമ കഴിഞ്ഞതും ഞാൻ പോകാൻ തീരുമാനിച്ചു, കാര്യമായ സംസാരം ഒന്നും അതിന്ടെ ഇടയിൽ സംഭവിച്ചില്ല. അതിന്ടെ ഇടയിൽ ഗ്രീഷ്മ ചേച്ചിയെ കണ്ട് സംഭവങ്ങൾ ഒക്കെ ഒന്ന് സൂചിപ്പിക്കുകയും ചെയ്ത്, രാത്രി പെട്ടന് പോയി വരണം എന്ന് ആയിരുന്നു കിട്ടിയ നിർദേശം.
അടുത്ത രണ്ട് ദിവസമാവും ഞാൻ അവളെ വന്ന് കണ്ടു, മൂന്നാം ദിവസം ആയപ്പോഴേക്കും അവൾ കുറച്ചും കൂടി നന്നായി നടക്കാൻ തുടങ്ങി, അന്ന് രാത്രി തന്നെ കറങ്ങാൻ പോവാൻ ആയിരുന്നു ഞങ്ങളുടെ പ്ലാൻ. ഞങ്ങൾ ഇപ്പൊ ഉള്ളത് 3rd ഫ്ലോറിൽ ആണ്, 4ത്തിൽ ചെറിയ പണി നടക്കുന്നത് കൊണ്ട് പണിക്കർക്ക് സെപറേറ്റ് ആയിട്ട് ഒരു ലിഫ്റ്റ് ഉണ്ട്, ഡയറക്റ്റ് പാർക്കിങ്ങിലും പിന്നെ ഈ ഫ്ളൂരിലും മാത്രമേ ആ ലിഫ്റ്റ് നിർത്തുള്ളു. അതിൽ കേറി താഴത്തേക്ക് പോയ അതികം ആരും ശ്രേധികില്ല എന്നാണ് ഗ്രീഷ്മ ചേച്ചി പറഞ്ഞത്, പക്ഷെ ഇവളെയും കൂട്ടി മേലോട്ട് എത്തുന്നത് ആണ് ആകെ ഉള്ള ഒരു പണി.