ആ രാത്രി പതിവ് പോലെ അവളുടെ അമ്മ മീറ്റിംഗിന്റെ തിരക്കിൽ ആയിരുന്നു, വേറെ ആരെയും പുറത്ത് നിർത്തണ്ട ഒറ്റക് ഇരുന്നോളാം എന്നും നേഴ്സ് ഉണ്ടാലോ എന്നും അവൾ അമ്മയെ പറഞ്ഞ് സമ്മതിപ്പിച്ചു. തലയിൽ ഒരു ഷോളും ചുറ്റി അവൾ എന്റെ ഒപ്പം രാത്രി വന്നു. മുകളിൽ നിലയിൽ പോകാൻ സ്റ്റെപ് കേറാൻ അവൾ കുറച്ച് പണി പെട്ടു, അങ്ങനെ ഞങ്ങൾ ലിഫ്റ്റിൽ താഴത്തേക്ക് പോയി. അവിടെ പാർക്കിങ്ങിൽ കൂറേ പണിക്കാർ ഉറങ്ങി കിടക്കുന്നുണ്ടായിരുന്നു, ഞങ്ങൾ ബൈക്കിൽ കേറി പാതിരാ തട്ടുകട തേടി ഉള്ള യാത്ര തുടങ്ങി…
“നീ ശെരിക്കും എങ്ങോട്ടാ എന്നെ കൊണ്ടുപോവുന്നെ !!! വഴിയിൽ ആണെകിൽ ഒരു പൂച്ച കുട്ടി പോലും ഇല്ല” റാഷി പറഞ്ഞു. ഞാൻ കേട്ട ഭാവം നടിക്കാതെ വണ്ടി ഓടിച്ചു. അവളെ കുറ്റം പറയാനും പറ്റില്ല, കുറച്ച് നേരം വണ്ടി ഓടിച്ചിട്ടും ഒന്നും കാണാൻ ഇല്ല.
“രാത്രി ഞാൻ ഒറ്റക് ഏതോ ഒരുത്തന്റെ കൂടെ ഇങ്ങനെ കറങ്ങി നടക്ക എന്ന് ഒക്കെ പറഞ്ഞ… ഓഹ് ടൂ മച്ച്.”
“പേടി ആണെകിൽ പറഞ്ഞ മതി, നിന്റെ അമ്മയെ വിളിച്ച് കാര്യം പറയാം…” എന്നും പറഞ്ഞ് ഞാൻ വണ്ടി സൈഡ് ആക്കി. പ്രത്യേകിച്ച് ബാവാവ്യതാസം ഒന്നും അവളിൽ ഉണ്ടായില്ല, അങ്ങനെ ഒന്നും ഞാൻ ചെയ്യില്ല എന്ന കോൺഫിഡൻസ് അവൾക് ഉണ്ടായിരുന്നു.
“എന്ന പിന്നെ ഹോസ്പിറ്റലിലേക്ക് തിരിക്കാം… അതാവുമ്പോ…” ഞാൻ പറഞ്ഞ് തീരും മുന്നേ അവൾ എന്റെ കൈകൾക്ക് ഇടയിലൂടെ എന്നെ പുറകിൽ നിന്നും കെട്ടിപിടിച്ചു, അവളുടെ മുഖം എന്റെ പുറത്ത് വെച്ചു. ഹാൻഡ്ലിൽ നിന്നും എന്റെ കൈ താഴത്തേക്ക് വീണു. അപ്രതീക്ഷിതമായ ആ കെട്ടിപിടിത്തം എന്നെ ഏതോ സ്വപ്നത്തിൽ ലയിപ്പിച്ചു.
“എന്താടാ വണ്ടി തിരിക്കാൻ തോന്നുന്നിലെ? അല്ലെങ്കിൽ ഒരു കാര്യം ചെയ്യ് അമ്മയെ വിളിച്ച് പറഞ്ഞോ നീ…” അവൾ പറഞ്ഞു. തോൽക്കില്ല എന്ന് ഉറപ്പ് ഉള്ളത് കൊണ്ട് അവൾ എന്റെ അടുത്ത് നടത്തിയ വെല്ലുവിളി.
“എന്റെ അമ്മ പണ്ട് പറഞ്ഞിട്ട് ഉണ്ട്, പെൺകുട്ടികളുടെ കൂടെ പോകുമ്പോൾ സൂക്ഷിക്കണം എന്ന്, ഇപ്പൊ തന്നെ കണ്ടിലെ ഒരു അവസരം കിട്ടിയപ്പോ എന്റെ സമ്മതം ഇല്ലാതെ നീ എന്നെ എന്തൊക്കെ ആണ് ചെയ്തത്” ഞാൻ പറഞ്ഞത് കേട്ട് അവൾ ആദ്യം അവൾ ചിരിച്ച് എന്നിട്ട് എന്റെ തൊലിൽ അടിച്ചു.
“മിണ്ടാതെ വണ്ടി എടുക്കട, അവൻ പറഞ്ഞ് പറഞ്ഞ് ഇത് എങ്ങോട്ടാ” അവൾ പറഞ്ഞത് കേട്ട് ഞാൻ വണ്ടി എടുത്തു. കുറച്ച് മുൻപോട്ട് പോയപ്പോ ഒരു തട്ടുകട കിട്ടി. അവൾക്ക് ദോശയും പൊറോട്ടയും വേണം എന്നായിരുന്നു പറഞ്ഞത്, ഞാനും അത് തന്നെ തിന്നു…
“നീ എന്തിനാ മുടി ഇത്ര വെട്ടിയത് മറ്റേത് ആയിരുന്നു നല്ലത്” ഞാൻ അവളോട് പറഞ്ഞു.
“അത്ര ഒന്നും വെട്ടിയില്ല, അറ്റത് മാത്രം കുറച്ച്”
അവൾ പറഞ്ഞു. ഇത് ആണോടി നിന്റെ കുറച്ച്… ഏകദേശം അരക്കെട്ട് വേറെ ഉണ്ടായിരുന്നു മുടി ഇപ്പൊ കഴുത്തിന്റെ ജസ്റ്റ് താഴെ വരെ ആയി.
“ഓഹ് അങ്ങനെ എങ്കിൽ അങ്ങനെ…” ഞാൻ അവളുടെ മുടി തലോടി കൊണ്ട് പറഞ്ഞു. ഭക്ഷണം കഴിക്കലും സംസാരവും ഒക്കെ ആയി ഞങ്ങൾ അവിടെ കൂറേ നേരം ഇരുന്നു. അവളുടെ ചെറിയ ചെറിയ ആഗ്രഹങ്ങളും എന്റെ ആഗ്രഹങ്ങളും ഞാൻ പറഞ്ഞു, പിന്നെ ഞങ്ങൾ ഇറങ്ങി
“എന്താടി നടക്കാൻ ബുദ്ധിമുട്ട് ഉണ്ടോ” അവളുടെ നടത്താതിലെ ചെറിയ ഞൊണ്ടൽ കണ്ടിട്ട് ഞാൻ ചോദിച്ചു. ഒന്നും ഇല്ല എന്നുള്ള രീതിയിൽ അവൾ തലയാട്ടി, പക്ഷെ മുഖം കണ്ടപ്പോ ഒരു ബുദ്ധിമുട്ട് ഉള്ളത് പോലെ തോന്നി, അവൾ സമ്മതിച്ചില്ല എന്ന് മാത്രം.
അങ്ങനെ പാതിരാത്രി ഞങ്ങൾ തിരിച്ച് ഹോസ്പിറ്റലിൽ എത്തി. ബൈക്കിൽ നിന്നും ഇറങ്ങി ഞങ്ങൾ ലിഫ്റ്റിന്റെ അടുത്തേക്ക് നടന്നു. നടക്കാൻ ചെറിയ ബുദ്ധിമുട്ട് ഉള്ളത് പോലെ തോന്നിയപ്പോ ഞാൻ സഹായിക്കാൻ പോയി.
“എനിക്ക് കുഴപ്പം ഒന്നും ഇല്ലടാ”
“ഹ്മ്മ്, കണ്ടാലും പറയും”
“സംശയം ഉണ്ടോ…” എന്നും ചോദിച്ച് അവൾ അവൾ ചുറ്റും നോക്കിയാ ശേഷം ലിഫ്റ്റ് ചൂണ്ടി കാണിച്ചു.
“അവിടെ ആരാണ് ആദ്യം ഓടി ഏതാ എന്ന് നോക്കാം”
“ശെരി സമ്മതിച്ചു നീ ഓ.കെ ആണ് പോരെ, ഇതിന്ടെ ഒന്നും ആവിശ്യം ഇല്ല”