“അത് ചേച്ചി 307 കുട്ടിനെ ഒന്ന് കാണാൻ വന്നപ്പോ പുറത്തു ഇരിക്കുന്ന ആ ത… അല്ല ആ സ്ത്രീ ഞങ്ങളെ ഉള്ളിലേക്ക് വിടുന്നില്ല” കിച്ചു പറഞ്ഞു
“അവളെ സെഡേഷനിൽ ആണ് മക്കളെ, സംസാരിക്കാൻ ഒന്നും പറ്റില്ല.”
“സംസാരിക്കണ്ട, ഒരു 5 മിനിറ്റ് ഇവൻ അവളെ ഒന്നു കണ്ട മാത്രം മതി” കിച്ചു എന്നെ ചൂണ്ടി കാണിച്ച് പറഞ്ഞു. ഞാൻ ഒരു പാവം പോലെ നഴ്സിനെ നോക്കി നിന്നു.
“ഇപ്പൊ തന്നെ വേണോ, നാളെ പോരെ”
“ചേച്ചി പ്ലീസ്, ഇവന്ടെ കാമുകി ആണ് അവൾ, അവളെ കണ്ടില്ലെങ്കിൽ ഇവൻ ഇന്ന് ഇനി ഉറങ്ങില്ല” പറഞ്ഞിട്ട് കിച്ചു എന്നെ നോക്കി ചിരിച്ചു, നഴ്സും എന്നെ നോക്കി ചിരിച്ചു. ഞാൻ എനിക്ക് മുഖത്ത് വരുത്താൻ പറ്റുന്ന എല്ലാ എക്സ്പ്രഷനും ഇട്ട് അവിടെ നിന്നു
“ഹമ്, ഞാൻ എന്താ കാമുകനും കാമുകിക്കും വേണ്ടി ചെയ്യണ്ടത്” ഒരു ആക്കിയ ചിരിയോട് കൂടി നേഴ്സ് ചേച്ചി ചോദിച്ചു.
“ആ റൂമിന്റെ പുറത്ത് ഇരിക്കുന്ന അവരെ ഒന്നു മാറ്റി തന്ന മതി, കുറച്ച നേരത്തേക്ക്”
“ഹ്മ്മ് ഹ്മ്മ് വാ” നേഴ്സ് പറഞ്ഞു. നേഴ്സ് പോയിട്ട് അവിടെ ഇരിക്കുന്ന ചേച്ചിയോട് എന്തോ മരുന്ന് വാങ്ങിച്ചിട്ട് വരാൻ പറഞ്ഞു, പോയിട്ട് വരുന്ന വരെ നേഴ്സ് അവിടെ ഇരുന്നോളാം എന്നും പറഞ്ഞു. ഞങ്ങൾ ഇതെലാം കുറച്ച ദൂരത്ത് നിന്നും കേൾക്കുന്നുണ്ടായിരുന്നു. അവർ പോയി കഴിഞ്ഞപ്പോ ഞങ്ങൾ അങ്ങോട്ട് ചെന്ന്.
“താങ്ക് യു ചേച്ചി , ചേച്ചിടെ പേര് എന്താ?” ഞാൻ ചോദിച്ചു
“ഗ്രീഷ്മ…, വേഗം കണ്ടിട്ട് വാ…”
റൂമിലേക് ഞാൻ കേറി, അവിടെ ഉണ്ടായിരുന്ന ഡിം ലൈറ്റ് വെട്ടത്തിൽ ഞാൻ അവളെ കണ്ടു. ഉറക്കത്തിൽ ഇവരെ കാണാൻ അന്യായ ഫീൽ ആണ്. അവളുടെ കാൽ ബാൻഡേജുകളാൽ മൂടി വെച്ചിരുന്നു, ഓടിയാത്തത് കൊണ്ട് പ്ലാസ്റ്റർ ഇട്ടിട്ടില്ല. അവളുടെ കൈയിൽ ഡ്രിപ് ഇട്ടിട്ടുണ്ട്. ഞാൻ അവളുടെ അടുത്തേക്ക് മെല്ലെ നടന്നു…
“ഹലോ, ഇന്ന് തന്നെ നിന്നെ ഒന്ന് കാണാം സംസാരിക്കണം എന്ന് തോന്നി അതാണ് ഈ പാതിരാത്രി തന്നെ വന്നത്. കൂറേ കാലത്തിന് ശേഷം ഇന്നാണാലോ കാണാം എന്ന് പറഞ്ഞത് അതാണെകിൽ ഇങ്ങനെയും ആയി പോയി…
എന്താണ് എന്ന് അറിയില്ല കണ്ടിട്ട് ഒരു മാസം ആയാലോ, അതുകൊണ്ട് പിന്നെയും ഞാൻ പഴയത് പോലെ ആയിപോയി എനി… എനിക്ക് നിന്നെ കാണുമ്പോ സംസാരിക്കാൻ പറ്റുന്നില്ല, അതുകൊണ്ടാണ് നിനക് ബോധം ഉള്ളപ്പോ പറയാൻ പറ്റാത്ത കാര്യങ്ങൾ ഇപ്പൊ പറയാം എന്ന് വിചാരിച്ചത്.” ഞാൻ അവളുടെ ബെഡിന്റെ അടുത്ത് ഉള്ള സ്റ്റൂളിൽ ഇരുന്നു. എന്റെ വിറക്കുന്ന കൈകൾ എടുത്ത് അവളുടെ കൈയിൽ വെച്ചു.
“എടി സോറി, ഞാൻ നടുറോഡിൽ സ്വപ്നം കണ്ട് നടന്നത് കൊണ്ടാണാലോ നിനക് ഇപ്പൊ ഇങ്ങനെ ഒക്കെ ഉണ്ടായത്… നിന്ടെ പേര് കിട്ടി, എന്റെ പേര് ഞാൻ പറഞ്ഞില്ല… ഞാൻ ഹൃതിക്, ബാക്കി ഒക്കെ അറിയാലോ. നിനക് ബോധം ഉള്ളപ്പോ പറയാൻ ധൈര്യം ഇല്ലാത്തോണ്ട് ഒന്നും അല്ല, ടെൻഷൻ കാരണം ഞാൻ പറയുന്നത് ഫുൾ തെറ്റും… പക്ഷെ പറയും ഞാൻ നിന്നോട് ഇതൊക്കെ ഒന്നും കൂടി പറയും കാരണം ആദ്യമായിട്ടാണ് ഇങ്ങനെ ഒക്കെ എന്റെ ജീവിതത്തിൽ നടക്കുന്നത്…
എനിക്ക് പണ്ട് തൊട്ടേ ഉള്ള സംശയം ആയിരുന്നു വലുതാവുമ്പോ ഞാൻ ആരാവും, എന്ത് ചെയ്യും, എന്തൊക്കെ എന്റെ കയ്യിൽ ഉണ്ടാവും… അതിന് ഉള്ള ഉത്തരം എനിക്ക് ഇപ്പോഴും അറിയില്ല. എന്റെ കൈയിൽ ഇപ്പൊ സ്വന്തമായിട്ട് ഒരു ബൈക്ക് ഉണ്ട്, സ്വന്തമായി ഒരു മുറി ഉണ്ട് പക്ഷെ…
ഇതേവരെ ഒരു പെൺകുട്ടി കൂടെ ഉണ്ടായിട്ട് ഇല്ല, അല്ല വേണം എന്ന് തോന്നിട്ടില്ല, പക്ഷെ നിന്നെ കണ്ടതിന് ശേഷം, ഒരുമിച്ച് കറങ്ങാൻ പോയതിന് ശേഷം, വൈകുനേരം ചായ കുടിക്കാൻ പോയപ്പോ ഉള്ളിൽ എവിടെയോ ഒരു അങ്ങനെ ഒരു ആഗ്രഹം വന്നു.
നിനക്ക് Love at first sightഇൽ വിശ്വാസം ഉണ്ടോ ? ഏയ്യ്, നിന്നെ ഇത്രയൊക്കെ അറിഞ്ഞടത്തോളം നിനക്ക് അങ്ങനെ ഒന്നും തോന്നാൻ സാധ്യത ഇല്ല…
അല്ലെങ്കിൽ ആരെയെങ്കിലും കണ്ടതിന് ശേഷം അല്ലെങ്കിൽ നന്നായി പരിചയപ്പെട്ടതിന് ശേഷം ഇവരുടെ കൂടെ വയസ്സ് ആവുന്നത് ജീവിക്കാൻ പട്ടനെ എന്ന് ആഗ്രഹിച്ചിട്ട് ഉണ്ടോ…
പേര് പോലും അറിയാതെ ആരെങ്കിലും സ്നേഹിച്ചിട്ടുണ്ടോ…
പാതിരാത്രി ബോധം ഇല്ലാത്ത ആരോടെങ്കിലും സംസാരിച്ച് ഇരുന്നിട്ട് ഉണ്ടോ…
ഇതൊക്കെ ഞാൻ ചെയ്തിട്ട് ഉണ്ട്.
അങ്ങനെ ജീവിക്കാൻ പട്ടനെ എന്നെ തോന്നി കഴിഞ്ഞ അടുത്ത ആഗ്രഹം ഉണ്ടാവുക അത് എത്രയും പെട്ടന് തുടങ്ങനെ എന്നായിരിക്കും.” ഞാൻ താടിയിൽ കൈ വെച്ച് അവളെ നോക്കി ഇരുന്നു.
“പിന്നെ അന്ന് കഫെയിൽ സംഭവിച്ചതിന് സോറി, നിന്ടെ സമ്മതം ഇല്ലാതെ ഞാൻ നിന്നെ… പെട്ടന് എന്താ സംഭവിച്ചത് എന്ന് അറിയില്ല എന്റെ കൈയിൻ പോയി. ആ സമയത് നിന്ടെ കണ്ണുകളോട് ഉള്ള ആരാധനാ കാരണം ഒരു മായാലോകത്ത് എത്തിയത് പോലെ തോന്നി പിന്നെ നടക്കുന്നത് സ്വപ്നം ആണോ യാഥാർഥ്യം ആണോ എന്ന് മനസ്സിലായില്ല. നിന്ടെ കണ്ണ് ആണോ മുഖം ആണോ സ്വഭാവം ആണോ, എന്ത് ആണ് എന്നെ കൊണ്ട് നിന്നെ കൂടുതൽ ഇഷ്ടപെടുത്തിയത് എന്ന് എനിക്ക് അറിയില്ല പക്ഷെ… ഇഷ്ടം ആണ് എനിക്ക്…”
മരുന്ന് വാങ്ങിക്കാൻ പോയിട്ട് അവർ തിരിച്ച് വന്നിരുന്നു, പക്ഷെ ഉള്ളിൽ കേറി സമയം പോയത് ഞാൻ അറിഞ്ഞില്ല. അവർ ആ മരുന്ന് നഴ്സിനെ കൊടുത്തു.
“എന്തിനാ സിസ്റ്ററെ ഇപ്പൊ മരുന്ന്” അവർ ചോദിച്ചു
“രാത്രി ഒരു പ്രാവിശ്യം ഡ്രിപ് ഇട്ട് സൊല്യൂഷൻ മാറ്റണം, ഞാൻ കേറി ഒന്ന് ചെയ്തിട്ട് വരാം” നേഴ്സ് പറഞ്ഞു
“ഞാനും വരാം”
“വേണ്ട ഇയാൾ ഇവിടെ ഇരുന്ന മതി” എന്നും പറഞ്ഞ് നേഴ്സ് മുറിയിലേക്ക് കേറി. പെട്ടന് ഡോർ തുറക്കുന്ന ശബ്ദം കേട്ട ഞാൻ എന്ത് ചെയ്യണം എന്ന് അറിയാതെ അവളുടെ ബെഡിന്റെ അടിയിൽ ഒളിച്ച് ഇരുന്നു.
“ഇവൻ ഇത് എവിടെ പോയി, ഡാ മോനെ…” നേഴ്സ് ചെറിയ ശബ്ദത്തിൽ വിളിച്ചു. അപ്പൊ തന്നെ ബെഡിന്റെ അടിയിൽ നിന്നും മെല്ലെ തല പുറത്ത് ഇട്ട് ഞാൻ നോക്കി.
“ആ ഗ്രീഷ്മ ചേച്ചി ആയിരുന്ന, ഞാൻ ആകെ പേടിച്ച് പോയി”
“അത് ശെരി, കണ്ടിട്ട് അപ്പൊ തന്നെ ഇറങ്ങാം എന്ന് പറഞ്ഞിട്ട്… കട്ടിലിന്റെ അടിയിൽ ആണോ നിനക്ക് കാണാൻ ഉള്ള ആൾ ഉള്ളത്… എന്റെ ജോലി കളയാൻ ആയിട്ട് !! ഈ സൂചി വെച്ച് ഒരു കുത് അങ്ങോട്ട് തന്നാൽ ഉണ്ടാലോ” സൂചി എനിക്ക് നേരെ നീട്ടിട്ട് ചേച്ചി പറഞ്ഞു
“ആയോ, സോറി ചേച്ചി… ഇപ്പൊ തന്നെ ഇറങ്ങാം ഞാൻ”
“ഇപ്പൊ അല്ല ഞാൻ പറയാം അപ്പൊ തന്നെ ഇറങ്ങണം, സിഗ്നൽ കിട്ടിയ ഉടനെ ഉറങ്ങിക്കോണം.” അതിന് ഞാൻ തലയാട്ടി ശെരി എന്ന് പറഞ്ഞു. ഡ്രിപ് ഇട്ട കൈയിലേക്ക് ഒരു ഇൻജെക്ഷൻ കൊടുത്തതിന് ശേഷം ചേച്ചി പുറത്തേക്ക് പോയി. കുറച്ച് കഴിഞ്ഞപ്പോ കിച്ചു എന്നെ ഫോൺ വിളിച്ച് വേഗം ഇറങ്ങാൻ പറഞ്ഞ്. ബോധം ഇല്ലാതെ കിടക്കുന്ന അവളെ നോക്കി കൈ കാണിച്ച് ഞാൻ ഇറങ്ങി. ഗ്രീഷ്മ ചേച്ചി മറ്റവളെ കുറച്ച് നേരത്തേക്ക് എങ്ങോട്ടോ മാറ്റിയ ഗ്യാപ്പിൽ ഞാനും കിച്ചുവും സ്ഥലം വിട്ടു.