“എനിക്ക് എല്ലാരോടും ഒരു കാര്യം ചോദിക്കണം, ഒരു നാണക്കേടും കൂടാതെ സത്യസന്ധമായി എല്ലാരും ഉത്തരം പറയണം” ഇത് കേട്ട് എല്ലാരും ശെരി എന്നാ രീതിയിൽ തലയും ആട്ടി ഒരു തംബ്സ് അപ്പും കൊടുത്തു.
“നിങ്ങൾ ഫസ്റ്റ് കിസ്സ് അടിക്കുന്നതിന് മുന്നേ പരസ്പരം പറഞ്ഞ ഡയലോഗ് എന്താണ്…” പെട്ടന്ന് അങ്ങനെ ഒരു ചോദ്യം കേട്ടപ്പോ എല്ലാരും ഒരു ഞെട്ടി, ഇത് കണ്ട ഇവൾ പിന്നെയും തുടർന്നു…
“എന്ന ഞാൻ തന്നെ തുടങ്ങാം, അവൻ എന്നോട് പറഞ്ഞു ഞാൻ നിന്നെ ഉമ്മ വെക്കാൻ പോവാൻ പേടിക്കരുത് എന്ന് ” അത് പറഞ്ഞപ്പോ എല്ലാരുടെയും മുഖത്ത് ഒരു ചിരിയും വന്നു അവരും പറയാൻ തുടങ്ങി…
“എന്നോട് പറഞ്ഞത് നീ എന്തേലും തരും എന്നും കരുതി കാത്ത് നിന്ന ഇങ്ങനെ ഇരിക്കെ ഉള്ളു… ഇതും പറഞ്ഞ് അവൻ… ഹ്മ്മ് ഹ്മ്മ് ഹ്മ്മ് ” മീര പറഞ്ഞു. അതും കേട്ട് എല്ലാരും ചിരിച്ചു.
“കൂടുതൽ ഒന്നും എന്നോട് പറഞ്ഞില്ല, കണ്ണ് അടക്കാൻ പറഞ്ഞു…” മറ്റേ കൂട്ടത്തിലെ വേറെ ഒരുത്തി പറഞ്ഞു.
“എന്റെതിൽ ഞാനും അവനും ചെയാം എന്ന് തീരുമാനിക്കുന്നു, ഞാൻ അവനോട് റെഡി ആണോ എന്ന് ചോദിച്ചു, അവൻ തലയാട്ടി എന്നിട്ട് അവൻ 3,2,1 എന്ന് എണ്ണി” മറ്റവരുടെ കൂട്ടത്തിൽ ഒരുത്തി പറഞ്ഞു, ഇത് കേട്ടപ്പോ എല്ലാരും കൂടി ഒരുമിച്ച് പൊട്ടി ചിരിച്ച്.
“അയ്യോ ചിരിച്ച് കവിൾ ഒക്കെ വേദനിക്കുന്നു, നിങ്ങൾക്ക് ഒക്കെ ഡയലോഗ് ഉണ്ടായിരുന്നു ലെ എനിക്ക് അത് ഇല്ല” അവൾ പാതി ബോധത്തിൽ പറഞ്ഞു. ഒരു ഞെട്ടളോട് കൂടി പ്രിയയും മീരയും രമ്യയും അവളെ നോക്കി. എന്തിനാ എല്ലാരും ഇങ്ങനെ തന്നെ നോക്കുന്നത് എന്ന് അവളും ചിന്തിച്ചു. അവൾക്ക് കാര്യം മനസ്സിലാക്കാൻ കുറച്ച് സമയം എടുത്തു,
ഇനി എല്ലാ കാര്യങ്ങളും പറയാ എന്ന് അല്ലാതെ ജീവിനോട് ഇരിക്കാൻ അവൾക്ക് മറ്റൊരു മാർഗം ഇല്ല. അവൾ കാര്യങ്ങൾ എല്ലാം പറഞ്ഞ് തുടങ്ങാൻ അവരുടെ നോട്ടം തന്നെ ധാരാളം ആയിരുന്നു. അവൾ കുളത്തിൽ വെച്ച് സംസാരിച്ചതും അടുത്ത ദിവസം കാഫെയിൽ നടന്നതും എല്ലാം അവൾ പറഞ്ഞു കൊടുത്തു. ഇതെല്ലാം കേട്ട് എന്താ ഇവിടെ നടക്കുന്നത് എന്ന് അറിയാതെ ഒരു കൂട്ടം അവിടെ ഇരുന്ന് ഇവരെ നോക്കി ഇരുന്നു. അവർക്കും കൂടി മനസ്സിലാവാൻ വേണ്ടി രമ്യ അവർക്ക് ചെറിയ രീതിയിൽ കാര്യങ്ങൾ എല്ലാം പറഞ്ഞ് കൊടുത്തു…
“ഓ പിന്നെ… പേര് പറയാതെ അങ്ങോട്ടും ഇങ്ങോട്ടും ഇത്ര കമ്പനി ആവണോ??? എനിക്ക് ഈ കഥ വിശ്വസിക്കാൻ ബുദ്ധിമുട്ട് ഉണ്ട്”
“നീ വിശ്വസിക്കണ്ടെടി, നിന്നെ ബോധിപ്പിച്ചിട്ട് വേണ്ടലോ ഞാൻ ഓരോന്ന് ചെയ്യാൻ” അവൾ പറഞ്ഞു. അവൾ എഴുനേറ്റ് മറ്റവളുടെ അടുത്തേക്ക് പോകാൻ പോയപ്പോഴേക്കും അവളെ എല്ലാരും പിടിച്ച് അവിടെ തന്നെ ഇരുത്തി.
“കണ്ട ലോജിക് ഇല്ലാത്ത പടം കാണുമ്പോ ഇവൾ ഇങ്ങനെ ഒന്നും ചോദിക്കില്ലാലോ, ഞാൻ ഒരു കാര്യം പറഞ്ഞപ്പോ നിനക്ക് വിശ്വസിക്കാൻ വയ്യാ ലെ… ഓരോ പൊട്ടാ കളി കളിക്കാം എന്ന് പറഞ്ഞ് എന്നെ പെടുത്തിയപ്പോ സന്തോഷമായില്ലേ നിനക്ക്” അവൾ തുടർന്നു. അപ്പോഴും അവളുടെ കൂട്ടുകാരികൾ എല്ലാം അവൾ തുറിച്ച് നോക്കി കൊണ്ടിരിക്കുക ആയിരുന്നു.
“ശെരിയാണ് നിങ്ങളോട് പറയാതെ ഇരുന്നത് വല്യ തെറ്റ് ആയിപോയി എന്നോട് ഒന്ന് ക്ഷേമിക്ക് നിങ്ങൾ…” അവൾ ശബ്ദം വളരെ താഴ്ത്തിട്ട് പറഞ്ഞു, എന്നിട്ടും അവരുടെ മുഖത്ത് ബാവവെത്യാസം ഒന്നും തന്നെ ഉണ്ടായില്ല.
“നിങ്ങൾ ഇങ്ങനെ മിണ്ടാതെ ഇരിക്കലെ, എന്നെ ഒന്ന് ചീത്ത വിളിക്ക എങ്കിലും ചെയ്യ്”
“വേണ്ടടി, നീയും നിന്റെ ചെക്കനും കൂടി എന്താ എന്ന് വെച്ച ചെയ്തോ… ഇത് ഇപ്പൊ കുറച്ച് ബിയർ കുടിച്ചതോണ്ട് അറിയാതെ വായെന്ന് വീണു പോയി, ഇനി ഇവർ ഇത് അല്ലാതെ വേറെ എന്തൊക്കെ ഒപ്പിച്ചിട്ട് ഉണ്ട് എന്ന് ദൈവത്തിന് അറിയാം” മീര പറഞ്ഞു.
“ഡി… എല്ലാം സെറ്റ് ആയിട്ട് പറയാം എന്ന് വെച്ചിട്ട. അല്ലാതെ ഞങ്ങൾ വേറെ ഒന്നും ഒപ്പിച്ചിട്ട് ഇല്ല, അവൻ ഡീസന്റ് ആണ്”
“ഓ അവനെ പറഞ്ഞപ്പോ അവൾക്ക് കൊണ്ടു” രമ്യ പറഞ്ഞു.
“എടി എനിക്ക് അവനെ ഇഷ്ടമാണ്, അവനും. കാരണം ഒന്നും എന്നോട് ചോദിക്കരുത്, എന്തോ കുറച്ച് കാലം കൂടെ പോയപ്പോഴും അവന്ടെ ഓരോ കളികളും സ്വഭാവും ഒക്കെ കണ്ടപ്പോ എനിക്ക്…
ഇനി ഇതൊക്കെ കഴിഞ്ഞ് കോളേജിലേക്ക് തിരിച്ച് പോവുമ്പോ ഒരു രണ്ട് ദിവസം ഞാൻ അവൻ പറയുമോ ഇല്ലേ എന്ന് നോക്കും. അവൻ ഇഷ്ടമാണ് എന്ന് പറഞ്ഞില്ലെങ്കിൽ ഞാൻ അവനെ ഒന്ന് വട്ടം കറക്കും, എന്നിട്ട് ഞാൻ പറയും” ഇപ്പൊ തുറിച്ച് നോട്ടം മാറി എല്ലാരും ഒരു ഞെട്ടലോടെ അവളെ നോക്കി ഇരുന്നു.
“അത് ഇപ്പൊ എന്തിനാ, ചേച്ചിക്ക് ആദ്ധ്യേ അങ്ങോട്ട് പോയി പറഞ്ഞ പോരെ… സമയം കളയണ്ടേലോ”
“എന്നോട് ഇങ്ങോട്ട് പറയണം, എനിക്ക് ഓരോ ആഗ്രഹങ്ങൾ ഉണ്ടാവിലെ… അല്ലെങ്കിലേ അവൻ കുറച്ച് ചമ്മൽ ആണ്, അതൊക്കെ മാറ്റിക്കണം”
“ഓ അവൾ അപ്പോഴേക്കും ഭരണം എട്ട് എടുത്തു… ഇങ്ങനെ ആണെകിൽ സെറ്റ് ആവുന്നതും പൊട്ടുന്നതും ഒരുമിച്ച് ആയിരിക്കും” രമ്യ പറഞ്ഞത് കേട്ട് എല്ലാരും ചിരിച്ചു.
“ഇവള്ടെ സ്വഭാവത്തിന് പറ്റിയത് നല്ല ഒരു കലിപ്പൻ ആയിരുന്നു… ഇവൾ ആ പാവത്തിനെ എന്തൊക്കെ ചെയ്യും എന്ന് കണ്ടറിയണം” പ്രിയയും കൂടി ചേർന്ന് അവളെ കളിയാക്കാൻ തുടങ്ങി.
“എല്ലാർക്കും എന്റെ മെല്ലെ കുതിര കേറാൻ കിട്ടിയ ഒരു അവസരം അല്ലെ, ആയിക്കോട്ടെ…”
“ഇല്ലെടി മോളെ, ഞങ്ങൾ നിനക്ക് ഫുൾ സപ്പോർട്ട്. നിനക്ക് അവനോട് കാര്യം പറയുമ്പോ എങ്ങനെ പറയണം എന്ത് പറയണം എന്ന് വല്ല കൺഫ്യൂഷനും ഉണ്ടെകിൽ ടിപ്സ് ഞാൻ പറഞ്ഞ് തരും” മീര പറഞ്ഞു.
“അതിന്ടെ ഒന്നും ആവിശ്യം ഇല്ല, സിമ്പിൾ ആയിട്ട് ഞാൻ തന്നെ പറയും… ഞാൻ എന്റെ പേര് പറയുമ്പോ ആദ്യം, അപ്പൊ തന്നെ അവന്ന് കാര്യം മനസ്സിലാവും, പിന്നെ അങ്ങോട്ട് പറയും ഞാൻ…”
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
ഞാൻ വൈകിട്ട് ഹോസ്പിറ്റലിൽ എത്തിയപ്പോ വോക്കിങ് സ്റ്റിക്കിന്ടെ സഹായത്തോടെ അവൾ നടക്കാൻ ശ്രേമിക്കുന്നുണ്ടായിരുന്നു, കൂടെ ഗ്രീഷ്മ ചേച്ചിയും ഉണ്ട്.
“ഓ ഇവിടെ ഒക്കെ ഉണ്ടോ, കുറച്ച് ആയാലോ കണ്ടിട്ട്” ഞാൻ ചേച്ചിയോട് ചോദിച്ചു.
“ഞാൻ നിന്നെ പോലെ പണി ഇല്ലാതെ നടക്കുവാലെലോ, എനിക്ക് വേറെ രോഗികളെയും നോക്കണ്ടേ, ഇവിടെ മാത്രം നിന്ന മതിയോ…” ചേച്ചി മറുപടി തന്നു, ആഹ് എനിക്ക് അത് കിട്ടണം
“നീ വന്നത് ഏതായാലും നന്നായി, നീ ഇവളെ ഒന്ന് അങ്ങോട്ടും ഇങ്ങോട്ടും നടത്തിച്ചേ, എനിക്ക് വേറെ ഒരു കാര്യത്തിന് പോവാൻ ഉണ്ട്” ചേച്ചി പറഞ്ഞു. ചേച്ചി എനിക്ക് അവളുടെ കൂടെ നിൽക്കാൻ ഒരു അവസരം തന്നത് പോലെ എനിക്ക് തോന്നി, ഒരു താങ്ക്സ് പറയാൻ പോലും എനിക്ക് പറ്റിയില്ല. അവൾക്ക് നടക്കാൻ കുറച്ച് അധികം ബുദ്ധിമുട്ട് ഉള്ളത് കൊണ്ട് തന്നെ ഒരു കൈ എന്റെ തോളിൽ കൂടെ ഇട്ടിട്ട് ആണ് ഇപ്പൊ നടക്കുന്നത്.