“ടാ…ചെക്കാ…നിക്കടാ അവിടെ…”
“ശ്ശെൻ്റെ പൊന്നോ…” ആര്യൻ ശാലിനിയെ കണ്ട് മനസ്സിൽ പറഞ്ഞു.
“നീ എന്താ എന്നെ വിളിക്കാതെ പോകുന്നെ…?” ശാലിനി അവനരികിലേക്ക് നടന്നു വന്നുകൊണ്ട് ചോദിച്ചു.
“അതിന് ചേച്ചി ഇന്ന് മുതൽ വരുമെന്ന് എനിക്കറിയില്ലല്ലോ…”
“അത് പറയാൻ നിന്നെ ഒന്ന് കാണണ്ടേ അതിന്…എവിടായിരുന്നു രണ്ട് ദിവസം…ഞങ്ങള് കരുതി നീ ജോലി രാജി വച്ച് പോയെന്ന്…”
“കളിയാക്കണ്ട…എന്നോട് ചുമ്മാ വഴക്കിട്ടോണ്ടാ ഞാൻ വരാഞ്ഞത്…” ആര്യൻ നടന്നുകൊണ്ട് പറഞ്ഞു.
“നീ അല്ലേ എന്നോട് വഴക്കിട്ട് പോയത്…ഇപ്പോ എനിക്കായോ കുറ്റം…”
“അത് ഞാൻ വായിച്ചോണ്ടിരുന്ന പുസ്തകം എടുത്തോണ്ട് പോയിട്ടല്ലേ…അത് ചോദിച്ചിട്ട് തരാഞ്ഞിട്ടല്ലേ…”
“അതിന് ഞാൻ അറിഞ്ഞോ നീ ഇങ്ങനത്തെ വൃത്തികെട്ട പുസ്തകം ഒക്കെയാ വായിക്കുന്നതെന്ന്…”
ശാലിനി അത് പറഞ്ഞപ്പോൾ തന്നെ ആര്യന് അവളാ പുസ്തകം വായിച്ചു എന്ന് മനസ്സിലായി. അവൻ ലജ്ജയോടെ തല താഴ്ത്തി നിന്നു. പക്ഷേ പെട്ടെന്ന് തന്നെ അവൻ മനസ്സിൽ ആലോചിച്ച് വച്ചത് പോലെ തന്നെ പറയാൻ തുടങ്ങി.
“വൃത്തികെട്ട പുസ്തകമോ…അതിനകത്ത് എന്താ അതിന് വൃത്തികേട്…?”
“അയ്യോ പാവം…മോന് ഒന്നും അറിഞ്ഞൂടാ അല്ലേ?”
“എനിക്കെങ്ങനെ അറിയാനാ ഞാൻ അത് മുഴുവൻ വായിച്ചിട്ടില്ലല്ലോ അതിന്…”
“പിന്നെ നീ എന്തിനാ അന്ന് മരണവെപ്രാളം കാണിച്ചത് ആ ബുക്കിനു വേണ്ടി…?”
“അത് ഞാൻ അത് വായിച്ചോണ്ടിരുന്നത് കൊണ്ട്…”
“അതോ ഞാൻ അത് വായിക്കാതെ ഇരിക്കാൻ വേണ്ടിയോ?”
“ചേച്ചി വായിക്കേണ്ട എന്ന് ഞാൻ പറഞ്ഞില്ലല്ലോ അതിന്…”
“മ്മ് ഉവ്വാ…കള്ള ചെക്കൻ…”
“എന്ത് കള്ള ചെക്കൻ…ചേച്ചി എന്താ അതിൽ വായിച്ചതെന്ന് പറ എങ്കിൽ അല്ലേ എനിക്കറിയൂ…”
“നീ കൂടുതൽ കിടന്നുരുളണ്ടാ…എനിക്കെല്ലാം മനസ്സിലായി…”
“എന്ത് മനസ്സിലായീന്ന്…? ചേച്ചി തെളിച്ച് പറ…”
“അതിൽ എല്ലാം വൃത്തികേടുകൾ ആണ് എഴുതി വച്ചേക്കുന്നത്…”
“എന്ത് വൃത്തികേട്?”
“അശ്ലീലം ആണെന്ന്…”
“ആ…എനിക്കറിഞ്ഞുകൂടാ…ഞാൻ ഒന്നും കണ്ടില്ലാ…”
“ടാ ചെക്കാ…മതി…കൂടുതൽ കളിക്കല്ലേ…”
“ശെടാ…ഞാൻ കണ്ടില്ലെന്ന്…”
“നീ വായിച്ചിട്ടില്ലന്നല്ലേ പറഞ്ഞത്…വായിക്കുമ്പോ കണ്ടോളും…”
“ചേച്ചി അതിന് മുഴുവൻ വായിച്ചോ…?”
“പോയ്ക്കോണം ഞാനൊന്നും വായിച്ചില്ല…ആദ്യത്തെ മൂന്നാല് പേജ് കഴിഞ്ഞപ്പോഴേക്കും എനിക്ക് മനസ്സിലായി…”
“ഹാ…അത് പറ…വെറുതെയല്ല…തുടക്കം ഉള്ള കുറച്ച് സംഭാഷണങ്ങളെയുള്ളൂ അങ്ങനെ അശ്ലീല ചുവയുള്ളത് അത് കഴിഞ്ഞ് ഒന്നുമില്ല…”
“വായിക്കാത്ത നിനക്കെങ്ങനെ അറിയാം അത്…?”
“പകുതി വരെ ഞാൻ വായിച്ചതാ കേട്ടോ…മുഴുവൻ വായിച്ചില്ലന്നല്ലേ പറഞ്ഞത്…”
“ഓഹോ ആയിക്കോട്ടെ…”
“ചേച്ചി വായിക്കാതെ ചേച്ചിക്കും അറിയില്ലല്ലോ അപ്പോ പിന്നെ മിണ്ടണ്ടാ…”
“നീ തർക്കിച്ച് ജയിക്കാൻ ഒന്നും നോക്കണ്ട…എനിക്കെല്ലാം മനസ്സിലായി…വൃത്തികെട്ടവൻ…”
“എന്ത് മനസ്സിലായെന്ന്…ഞാൻ വായിച്ചിടം വരെ അതിലൊന്നും ഉണ്ടായിരുന്നില്ല വൃത്തികേടായിട്ട്…ഇനി അഥവാ ഉണ്ടെങ്കിൽ തന്നെ ഒരു പുസ്തകം വായിച്ചാൽ ഉടനെ വൃത്തികെട്ടവൻ ആയെങ്കിൽ ആയിക്കോട്ടെ…ശ്ശെടാ…”
“നീ ശരിക്കും വായിച്ചില്ലേ അത്…?”
“ഇല്ലെന്ന്…”
“പകുതി വരെ വായിച്ചിട്ടും അതിൽ ഒന്നും കണ്ടില്ലാ…?”
“ഇല്ലെന്ന് പറഞ്ഞില്ലേ…ചേച്ചി വായിച്ചില്ലല്ലോ നാല് പേജ് കഴിഞ്ഞ് അതുകൊണ്ടാ അങ്ങനെ തോന്നിയത്…”
“മ്മ്…ശരി…”
“എന്താ ഇനി ഞാൻ സത്യം ഇടണോ…?”
“വേണ്ടാ…ഞാൻ വിശ്വസിച്ചു പോരെ…”
“ഹാ മതിയേ…”
“മ്മ്…എന്നാലും എന്തൊരു വാശിയാ…ഒന്ന് വന്നുപോലുമില്ല ചെക്കൻ അങ്ങോട്ടേക്ക്…”
“ചേച്ചിക്ക് അങ്ങോട്ടും വരാമായിരുന്നല്ലോ…”
“സാധാരണ നീ അല്ലേ അങ്ങോട്ട് വരുന്നത്…ഞാൻ കരുതി ഇന്നലെയെങ്കിലും വരുമെന്ന്…എവിടെ…”