ഞങ്ങൾ രണ്ടുപേരും പരസ്പരം ആൽബിയെ നോക്കി
ആൽബി കുറച്ചു നേരം എന്തോ ആലോചിച്ചു നിന്നു
” ഈ വിപി ഇപ്പൊ പറഞ്ഞത് നടക്കാത്ത ഒരു കാര്യമാണ്,
പക്ഷെ അങ്ങനെ ഒരു ചാൻസില്ലാതെ ഇല്ലാതില്ല,
അവള് നിന്റെകൂടി വിശ്വാസം പിടിച്ചുപറ്റിയാൽ,
ബാക്കിയുള്ള ആൾക്കാരുടെ മുന്നിൽ നിങ്ങൾ ഒരു നല്ല ദമ്പതികൾ ആവുമല്ലോ,
പിന്നെ ഈ മാരേജിൽ നിന്ന് ഊരിപോവാൻ അവൾക്കു എന്റെ അറിവിൽ ഒറ്റ വഴിയേ ഞാൻ കാണുന്നുള്ളൂ,
പക്ഷെ അവളാ ആ വഴി ഉപയോഗിച്ചാൽ ഇപ്പൊ വിപി പറഞ്ഞത് പോലെ തന്നെ എല്ലാം നടക്കാം,
അതാണേൽ അവളുടെ ഭാഗത്താവും നൂറുശതമാനോം എല്ലാവരും.!”
ആൽബി അത് പറഞ്ഞു എന്നെയും വിപിയെയും മാറിമാറി നോക്കി
” ആ വഴി എന്താണെന്നു കൂടി പറയടാ തെണ്ടി ടെന്ഷൻ അടിപ്പിക്കാതെ.!”
ഞാൻ അപ്പൊത്തന്നെ കത്തിച്ചുവെച്ച അടുപ്പിനു മുകളിൽ കയറിയിരിക്കുന്ന അവസ്ഥ ആയിരുന്നു.!
ഞങ്ങൾ രണ്ടുപേരും മാറിമാറി അവനെ നോക്കി
” അവിഹിതം.!” അവൻ പറഞ്ഞു
ഞാനും വിപിയും പരസ്പരം നോക്കി
“അവിഹിതമാണ് അതിനു പറ്റിയ ഏറ്റവും നല്ല കുറ്റം,
നീയും രേഷ്മയും തമ്മിലുള്ള കാര്യം അവൾക്കറിയാം,
അതുപോലെ വേറെ എന്തെങ്കിലും സോളിഡ് ആയിട്ടുള്ള കാര്യം മതി അവൾക്കു പുല്ലുപോലെ ഡിവോഴ്‌സ് കിട്ടും,!”
ആൽബി പറഞ്ഞു നിർത്തി ഞങ്ങളെ നോക്കി
” ആ ബെസ്റ്റ് വിഹിതമായി കിട്ടിയ മൊതലിലെ തന്നെ പണിയാൻ ഇവനെ കൊണ്ട് പറ്റിയിട്ടില്ല,
പിന്നെയല്ലേ പുറത്തു നിന്ന് വേറെ ഒരെണ്ണത്തിനെ കിട്ടുന്നത്.!”
വിപി എന്തോ വലിയ കാര്യം പറഞ്ഞപോലെ ചിരിച്ചു
” എടാ ആൽബിയെ,
മിക്കവാറും അവൾക്കു അത്ര പാടുപെടേണ്ട വരില്ല,
കൊലക്കുറ്റത്തിന് ഞാൻ മിക്കവാറും അകത്തുപോകും, ഈ തെണ്ടിയെ അങ്ങ് കൊന്നാലോ,
ഇവിടെ എനിയ്ക്കു പ്രാണവേദന അപ്പൊ ഇവന് ഫ്ലൂട്ട് വായന.!”
ഞാൻ കയ്യിൽ കിട്ടിയ ഐസ് ക്യൂബെടുത്തു വിപിയെ എറിഞ്ഞു
” എടാ വിപിയെ ഒന്ന് മിണ്ടാതെ ഇരിക്കാമോ.!” ആൽബി അവനെ രൂക്ഷമായി ഒന്ന് നോക്കി
വിപി പിന്നെ ഒന്നും മിണ്ടിയില്ല
“എടാ ഇതിൽ നിന്നു ഞാൻ എങ്ങനെ രക്ഷപെടും.?!” ഞാൻ നിസ്സഹായനായി അവനെ നോക്കി
” ഒറ്റ വഴിയേ ഉള്ളു മോനെ അവളുടെ വലയിൽ നമ്മൾ അവളെത്തന്നെ വീഴ്ത്തണം..!”
” അതിനു ഈ നേരത്തു വല എവിടുന്നു കിട്ടാനാ.!” വിപി ഒരു സംശയ ഭാവത്തിൽ ഞങ്ങളെ നോക്കി
” എന്റെ മൈരേ നിന്നെ ഞാൻ തന്നെ കൊല്ലണ്ട വരുമല്ലോ,
വലയെന്നു ഞാൻ ഉദ്ദേശിച്ചതു അവളുടെ തന്ത്രത്തിൽ അവളെത്തന്നെ നമ്മൾ കുടുക്കണമെന്ന.!”
ആൽബി വിപിയുടെ തലയ്ക്കിട്ടു ഒന്ന് കിഴുക്കി
” ആ അങ്ങനെ മനുഷ്യന് മനസിലാവുന്ന ഭാഷയിൽ പറ.!” തല തടവികൊണ്ടു വിപി പറഞ്ഞു
അല്ലേലും വിപിയെ കുറ്റം പറഞ്ഞിട്ട് കാര്യമില്ല,
ഞാനും പെട്ടെന്ന് വലയെ പറ്റി ഒന്ന് ആലോചിച്ചതാണ്,
ഉള്ളിൽ കിടക്കുന്ന റം ആകെ കുഴഞ്ഞുമറിഞ്ഞ മട്ടിലാണ് ചിന്തിപ്പിക്കുന്നത്
” പക്ഷെ അതിനു സാഹചര്യവും ആളും ഒത്തുവരണം.!”
ആൽബി എന്തോ ആലോചിച്ചിട്ട് ഒന്ന് നിർത്തി
” നിങ്ങൾക്ക് ആർക്കും പറ്റില്ലേൽ,
ഞാൻ ആ അവിഹിതം ഏറ്റെടുക്കാൻ തയ്യാറാണ്,
ഒന്നുല്ലെലും എന്റെ മനുവിന് വേണ്ടിയല്ലേ,
പിന്നെ വീണയും അടിപൊളിയല്ലേ,
അളിയാ നീ വേറൊന്നും വിചാരിക്കണ്ട, നിന്റെ ഭാര്യ എന്റെ പെങ്ങളെ പോലെയാണ്,
പക്ഷെ ഇപ്പോളവള് നിന്റെ ഭാര്യ അല്ലാലോ നിന്റെ രക്തം കുടിക്കാൻ വന്ന വടയക്ഷിയാണ് അവള്,
വടയുള്ള യക്ഷി ,..”
വിപി ഒരു ഗ്ലാസ്സുകൂടി അകത്താക്കി എന്തോ ഓർത്തു ചിരിച്ചു
” അയ്യടാ,
കലങ്ങിയ കുളത്തിൽ മീൻ പിടിക്കാൻ എന്താ ഇന്റെരെസ്റ്റ്.!
അവിഹിതത്തിന് പറ്റിയ മുതലേ.!”
ആൽബി അവനെ നോക്കി പുച്ഛിച്ചു
അല്ല ആൽബി പറഞ്ഞതിൽ കാര്യമുണ്ടെന്നു എനിയ്ക്കും തോന്നി
” എടാ ആൽബി എന്ന നീ മതി, നീയാവുമ്പോൾ കാര്യങ്ങളെല്ലാം നോക്കിയും കണ്ടും ചെയ്തോളുമല്ലോ.!”
ഞാൻ പെട്ടെന്ന് അറിയാതെ പറഞ്ഞുപോയി
” അതേടാ മൈരേ നിനക്ക് ഞാൻ ഇങ്ങനെ നടക്കണ കണ്ടട്ടു സഹിക്കുന്നില്ലാലെ,
യൂണിഫോം ഇട്ടുനടക്കുന്ന എന്നെ,
ജയിലിൽ കേറ്റി ചപ്പാത്തിക്ക് മാവ് കുഴപ്പിക്കാതെ രണ്ടിനും സമാധാനം ആവിലാലേ,
എടാ പെടുന്നവൻ ചിലപ്പോ അകത്തു പോകുന്ന വകുപ്പാണ് അത്,
പോരാത്തതിന് നാണക്കേട് വേറെ.!
രണ്ടു മൈരന്മാരും കൂടി ഒള്ള കള്ളുമുഴുവൻ കയറ്റി ഒരു ബോധവുമില്ലാതെ എന്തൊക്കെയാ ഈ പറയണത്,.,!”
ആൽബി എന്നെയും വിപിയെയും തുറിച്ചുനോക്കികൊണ്ടു ബാക്കിയുള്ള മദ്യം അവിടെനിന്നു മാറ്റിവെച്ചു
” പിന്നെ എന്ത് ചെയ്യണമെന്ന നീ പറയുന്നേ.?” ഞാൻ ആൽബിയെ നോക്കി
” ഇതിനു പറ്റിയ ആള് ആ വിനു തന്നെയാണ്,
ഇനി വിപി പറഞ്ഞപോലെ ആണ് കാര്യങ്ങൾ എങ്കിൽ അവൻ വന്നു ചാടിക്കോളും,
പക്ഷെ അതിനു നിന്റെ വീടിനെകാളും ബെസ്റ്റ് അവളുടെ വീടും സ്ഥലവും ആണ്,
നീയും അവളും കൂടി എന്ന അവളുടെ വീട്ടിലേയ്ക്കു വിരുന്നിനു പോകുന്നത്.?”
ആൽബി എന്നെ നോക്കി
” അതുപിന്നെ,
അടുത്ത ബുധനാഴ്ച്ച ഒരു എക്സാം കൂടിയുണ്ട് അതുകഴിഞ്ഞാലുള്ള വെള്ളിയാഴ്ച പോകാനാണ് ‘അമ്മ പറഞ്ഞത്.!” ഞാൻ ആൽബിയെ നോക്കി പറഞ്ഞു
” ആ ബെസ്റ്റ് മോൻ ഇതുവരെ എക്സാം എഴുതിയും പഠിച്ചും കഴിഞ്ഞില്ലാലെ,
ഇവിടെ പഠിച്ചു ജോലിയ്ക്കു കയറിയിട്ടും വീട്ടുകാര് കെട്ടിച്ചു വിടുന്നില്ല.!”
ആൽബി എന്നെ കളിയാക്കാനായി പറഞ്ഞു
“എന്ന വേണേൽ നീ കെട്ടിക്കോ അവളെ, എനിയ്ക്കു ഒരു ബുദ്ധിമുട്ടുമില്ല..!”
ഞാൻ അവന്റെ പുച്ഛം ഇഷ്ടപെടാത്തപോലെ പറഞ്ഞു
” ചൂടാവാതെടാ, ഞാൻ ചുമ്മാ പറഞ്ഞതല്ലേ,
അവളുടെ വീട്ടിൽ എത്തിക്കഴിഞ്ഞാൽ അവൾ എന്തായാലും അവനെ ബന്ധപ്പെടാൻ ശ്രെമിക്കാതിരിക്കില്ല, അതാവണം നിനക്കുള്ള അവസരം ഓക്കെ.!,
പിന്നെ ഇന്നുമുതൽ അവളുടെ അതെ നാണയത്തിൽ തന്നെയാവണം നീയും തിരിച്ചടിക്കണ്ടേ,
അവള് നിന്നോട് സ്നേഹത്തോടെ ആണ് പെരുമാറുന്നതെങ്കിൽ,
അവളെ നീയും സ്നേഹംകൊണ്ട് മൂടികൊള്ളണം,
പക്ഷെ ഇപ്പോഴും ഒരു അകലം പാലിക്കുക,
ശെരിക്കുള്ള ഒത്ത ഒരു അവസരത്തിനായി നീ കാത്തിരിക്കുക.,
അതേ നിനക്ക് അവളോട് ഇപ്പൊ ഇഷ്ടമൊന്നും ഇല്ലാലോ അല്ലേ.?!”
ആൽബി എന്നെ ഇരുത്തിയൊന്നു നോക്കി
” അങ്ങനെ നോക്കണ്ടടാ,
സത്യം പറഞ്ഞാൽ അവളോട് എനിയ്ക്കു ഒരു ഇഷ്ടമൊക്കെ തോന്നി തുടങ്ങിയതാണ്,
പക്ഷെ അവളുടെ ഉദ്ദേശം അതാണ് എങ്കിൽ,
അവള് മറ്റൊരു മനുവിനെ ആണ് ഇനി കാണാൻ പോകുന്നത്,
ചതിയ്ക്കു പകരം ചതി മാത്രം.!”
ഞാൻ ഉറച്ച ഒരു തീരുമാനം എടുത്തു കഴിഞ്ഞിരുന്നു
” അപ്പൊ എന്ന ഈ തീരുമാനം നമുക്ക് ഒരു ചീയേർസിൽ ഉറപ്പിക്കാം.!”
ആൽബി മാറ്റിവെച്ച ഗ്ളാസ് പിന്നെയും എടുത്തു, ആൽബിയ്ക്ക് ഒരു ഗ്ലാസ് സോഡയും ഒഴിച്ച് വിപി നീട്ടി,
ഞങ്ങൾ മൂന്നുപേരും ഗ്ളാസ് മേടിച്ചു ഉയർത്തി
“ചിയേർസ്..!”
————–
വീണ അപ്പോഴും റോഷ്‌നി പറഞ്ഞതിനെ മൊത്തം ഗ്രഹിക്കുകയായിരുന്നു,
” റോഷ്‌നി നീ പറഞ്ഞതിലും കാര്യം ഉണ്ടല്ലേ,
എന്റെ പെരുമാറ്റം കൊണ്ടാവും അല്ലെ മനു ആ അകൽച്ച കാണിച്ചത്.?”
