“വീണേ ഒരു അബദ്ധം പറ്റിയതാണ്, നീയല്ലേ എന്നെ ആദ്യം മാന്തി കീറിയത്,!”
അവൾ ഞാൻ പറയുന്നതിനൊന്നും ചെവികൊടുക്കാതെ ആദ്യം കൈകാണിച്ചു നിർത്തിയ ഓട്ടോയിൽ കയറി.,
ഞാൻ വേഗം വീണ്ടും ഓട്ടോയുടെ അടുത്തെത്തി അവളെ തടഞ്ഞു
“എനിയ്ക്കു പറയാനുള്ളത് കൂടി നീ കേൾക്കു..!”
“ഇനിയും എന്റെ അച്ഛനെ തെറി പറയാനാണോ, അതോ എന്റെ മറ്റേ കവിളുകൂടി അടിച്ചുപൊട്ടിക്കാനോ.?!”
എനിയ്ക്കതിനു മറുപടി ഉണ്ടായിരുന്നില്ല,
അവൾ ആ ഓട്ടോയിൽ കയറി പോകുന്നത് ഞാൻ ആ മഴയത്തു നിസ്സഹാനായി നോക്കിനിന്നു.!
ഞാൻ എന്ത് ചെയ്യണമെന്നറിയാതെ ആ കോരിച്ചൊരിയുന്ന മഴയിൽ വെന്തുരുകി.!
പെട്ടെന്ന് പോക്കറ്റിൽ കിടന്ന ഫോൺ വൈബ്രെഷനോടെ മുഴങ്ങി,
എനിയ്ക്കു സ്ഥലകാലബോധം പിന്നെയും വീണു,
ഞാൻ ഓടി കാറിൽ കയറി..
“ആ ഹാലോ ആൽബിയാടാ, നീയിതെവിടെയാണ്.? ഞാൻ സംകൃതിഭവനിൽ ഉണ്ട്.!”
മറുതലയ്ക്കൽ ആൽബി ഇൻസ്പെക്ടർ.!
“അളിയാ മൊത്തത്തിൽ കയ്യീന്ന് പോയെടാ., നീ വിപിയുടെ വീട്ടിലേയ്ക്കു വാ ഞാൻ അവിടെ കാണും,!”
ഞാൻ എന്ത് പറയണമെന്ന് രൂപമില്ലാതെ പറഞ്ഞു നിർത്തി
” ആ എന്ന നീ അങ്ങോട്ട് വിട്ടോ ഞാനൊരു അരമണിക്കൂറിൽ അങ്ങോട്ട് എത്തിക്കോളാം..!”
എന്റെ സ്വരത്തിലെ പതർച്ച മനസിലാക്കിയവണ്ണം അവൻ പറഞ്ഞു.!
ഞാൻ വണ്ടി വേഗം വിപിയുടെ വീട്ടിലേയ്ക്കു പായിച്ചു,
മഴയെ ബേധിച്ചു എന്റെ വണ്ടി മുന്നേറി.!
എന്റെ ഉള്ളിലാകെ നീറ്റലായിരുന്നു,
എന്നാലും അവളെ തല്ലണ്ടായിരുന്നു, അടി ഇത്തിരി കൂടിപ്പോയോ എന്നൊരു സംശയം,
എന്നാലും അവള് എന്നെ മാന്തിയിട്ടല്ലേ, മരപ്പട്ടിയ്ക്കു ഉണ്ടായതാണോ ആ സാധനം.?
എന്നാലും അടിച്ചതിനെക്കാളും അവൾക്കു കൂടുതൽ വിഷമമായതു അച്ഛനെ പറഞ്ഞപ്പോഴാണ്,അത് വേണ്ടായിരുന്നു എന്ന് ഇപ്പൊ ഒരു തോന്നൽ.!
അവളിപ്പോ എങ്ങോട്ടാവും പോയി കാണുക.?
അവളുടെ വീട്ടിലേയ്ക്കു.?
ദൈവമേ അവളുടെ തന്ത ഇനി ഒരു പടയുമായി വരുമോ.?
ഇനിയിപ്പോ അങ്ങോട്ടേയ്ക്കല്ലേൽ എങ്ങോട്ടു.?
ഇനിയെങ്ങാനും തിരിച്ചു വിനുവിന്റെ അടുത്തേയ്ക്കു പോയി കാണുമോ.?
കൊല്ലും ഞാൻ രണ്ടിനെയും.!
ഏഹ് അങ്ങനെ പോകാൻ ചാൻസില്ല, ഇപ്പൊ അവനു അവളുടെ കലിപ്പ് ലിസ്റ്റിൽ രണ്ടാം സ്ഥാനം എങ്കിലും കാണും, ഫസ്റ്റ് ഞാൻ ആർക്കും വിട്ടുകൊടുക്കില്ല.!
എന്നാലും എന്റെ മുത്തപ്പാ ഞാൻ നിങ്ങളോടു ഒരു തമാശയ്ക്കല്ലേ അങ്ങനെ പറഞ്ഞത്,
അത്ര അത്യാവിശ്യമായിരുന്നേൽ ഞാൻ എന്റെ തലതന്നെ മൊട്ടയടിച്ചെനെലോ,
എന്നാലും എനിയ്കിട്ടു ഇങ്ങനെ ഒരു പണി തരണ്ടായിരുന്നു,
ഞാൻ മുത്തപ്പനോട് ലേലം വിളിച്ചതിന്റെ വിഷമവും, അവള് പോയതിന്റെ ബന്ധപ്പാടും കാരണം പൊറുതിമുട്ടി
മനസ്സ് ആകെ കലുഷിതമായി.!
വണ്ടി വിനുവിന്റെ വീട്ടിലേയ്ക്കു പാഞ്ഞു
——————————-
“എങ്ങോട്ടാ ചേച്ചി പോവണ്ടേ,?!”
ഓട്ടോ കാരൻ റിയർവ്യൂ മിററിലൂടെ വീണയെ നോക്കി,.
വീണ അപ്പോഴും ആലോചനയിൽ ആയിരുന്നു,
“ഒരു മിനിറ്റ് ചേട്ടാ ഇപ്പോൾ പറയാം..!”
അവൾ തന്റെ ബാഗിൽ നിന്ന് ഫോണെടുത്തു, ആരെയോ വിളിച്ചു
” ആ എടി റോഷ്നി ഇത് വീണയാ,
നീയിപ്പോ വീട്ടിലുണ്ടോ, ഐ വാണ്ട് ടു സീ യു നൗ..!” വീണ അറിയാതെ വിതുമ്പി തുടങ്ങിയിരുന്നു..
അവൾ ഉടനെ ഫോൺ കട്ട് ചെയ്തു
” ചേട്ടാ ലീല സിറ്റിയിലേയ്ക്ക് പൊയ്ക്കോ, 11ആം നമ്പർ ജാസ്മിൻ വില്ല..!” അവൾ പറഞ്ഞു നിർത്തി
ഓട്ടോ ലീല സിറ്റിയിലേക്ക് പാഞ്ഞു. കഷ്ടിച്ച് പത്തു മിനിറ്റോളം മാത്രമുള്ള ദൂരം
വിപിയുടെ വീടിന്റെ മുന്നിലെത്തി ഞാൻ നീട്ടി ഹോർണടിച്ചു,
ഒരു കുടയും പൊക്കിപ്പിടിച്ചോണ്ടു അവൻ വന്നു ഗേറ്റ് തുറന്നു,
ഞാൻ വണ്ടി ഓടിച്ചു അവന്റെ വീട്ടിലേയ്ക്കു കയറ്റി, വണ്ടി ഓഫാക്കി ഇറങ്ങി,
“ഇതെന്താടാ മൊത്തം നനഞ്ഞിരിക്കുന്നേ.?
വീട്ടില് കുളിക്കാൻ സ്ഥലമില്ലാത്തോണ്ടാണോ നീ മഴയത്തു ഇറങ്ങി നടന്നേ.?”
അവൻ എന്നെ നോക്കി പുച്ഛിച്ചു.
” എടാ സാധനം വല്ലതും ഇരുപ്പുണ്ടോ.?” എൻറെ ആദ്യ ചോദ്യം ഇതായിരുന്നു
എന്തോ പന്തം കണ്ട പെരുച്ചാഴിയെപ്പോലെ എന്നെ ഒന്ന് നോക്കിയതിനു ശേഷം അവന്റെ മുഖത്ത് ഒരു സന്തോഷത്തിന്റെ ചിരി വിടർന്നു