“വീണേ സാരമില്ല സംഭവിക്കാനുള്ളത് എന്നായാലും സംഭവിക്കും,
നമ്മുടെ കല്യാണം തന്നെ നോക്ക്, ആരെങ്കിലും കരുതിയതാണോ.. ഇങ്ങനെ എ..!”
“അതെ നമ്മുടെ കല്യാണം,
അതാണ് ഇതെല്ലം വരുത്തിവച്ചത്,
നീ എന്റെ ജീവിതത്തിൽ വന്നതുമുതലാണ് എല്ലാം..!”
വീണ പെട്ടെന്നാണ് എന്റെ വാക്കുകളെ മുറിച്ചത്, പൊട്ടിക്കരഞ്ഞ പെണ്ണ് പെട്ടെന്ന് പിന്നെയും ഭദ്രകാളി പരിവേഷം.!
ആഹാ ഇതെല്ലാം ഇപ്പൊ എന്റെ നെഞ്ചത്തായോ, ഞാനെന്തു ചെയ്തു,!
” ഒരുപക്ഷെ നീ എന്റെ ജീവിതത്തിൽ വന്നില്ലായിരുന്നെങ്കിൽ ഇങ്ങനെ ഒന്നും സംഭവിക്കില്ലായിരുന്നു,
നീയാണ് എല്ലാത്തിനും ഉത്തരവാദി..!”
അവളുടെ വാക്കുകൾക്കു മൂർച്ഛയേറി
” ഒലക്കേടെ മൂട്, എടി കോപ്പേ,
വെറുതെ പപ്പടോം തിന്നു പായസോം കുടിച്ചോണ്ടിരുന്ന എന്നെപിടിച്ചു നിന്നെ കെട്ടിച്ചത്,
നിന്റെയാ കഷണ്ടിത്തലയൻ തന്തയാണ്,
അങ്ങേർക്കു എന്തിന്റെ വട്ടായിരുന്നു,
ഈ മുഴുപ്പിരി ലൂസായ സാധനത്തിനെ എന്റെ തലയിൽ കേറ്റി വെക്കാൻ.!
കുടുബം മൊത്തം വട്ടും വെച്ചോണ്ട് ഇറങ്ങിയട്ടു ബാക്കിയുള്ളോരേ കുറ്റം പറയുന്നോ.!”
എനിയ്ക്കു പെട്ടെന്ന് എന്റെ എല്ലാ നിയന്ത്രണവും പോയി,
പറഞ്ഞുകഴിഞ്ഞപ്പോഴാണ് ഇത്തിരി കൂടിപ്പോയോ എന്ന് തോന്നിയത്.!
പെട്ടെന്ന് ഒരു അലർച്ചയോടെ എന്റെ മുടികുത്തിലേയ്ക്കോ എന്റെ തല തല്ലിപൊട്ടിക്കാനോ വീണ എന്റെ പുറത്തേയ്ക്കു പാഞ്ഞു കയറി,.
വണ്ടി നിയന്ത്രണം വിട്ടു പെട്ടെന്ന് റോഡിനു കുറുകെ ചീറി,.
ഇടംകൈകൊണ്ടു ഞാൻ പെട്ടെന്ന് അവളെ തടഞ്ഞു വെച്ചു, വണ്ടി എന്റെ നിയന്ത്രണത്തിലാക്കി,.
വീണ അപ്പോഴും വെരുക് ചീറുന്ന പോലെ ചീറി എന്നെ ആക്രമിക്കാൻ ശ്രെമിക്കുകയാണ്,
” എടാ പട്ടി, നീയെന്റെ അച്ഛന് പറയുമല്ലേ..!”
അവൾ എന്നെ പിച്ചാനോ മാന്താനോ എല്ലാം നോക്കുന്നുണ്ട്
“ആ പിന്നെ ആ പെട്ട തലയെ, കഷണ്ടി തല എന്നല്ലാതെ എന്താ പറയണേ., വിളനിലമെന്നോ .?!”
എനിയ്ക്കും വിട്ടുകൊടുക്കാൻ തോന്നിയില്ല
പെട്ടെന്ന് എന്നെ അടിക്കാനായി അവൾ ഓങ്ങിയ കൈ എന്റെ കവിളിൽ അവളുടെ നഖം ആഴ്ന്നിറക്കി.,
ആ നീണ്ട നഖം എന്റെ മുഖത്ത് നീണ്ട നീറുന്ന ചോരകിനിയുന്ന ഒരു ചാല് വരച്ചു.!
എന്റെ മുഖത്ത് കീറൽ വീഴ്ത്തണമെന്നു അവൾ കരുതിയില്ലെന്നു തോന്നുന്നു,
പെട്ടെന്ന് എന്തോ വലിയ തെറ്റുചെയ്തപോലെ അവൾ പിന്മാറാൻ പോയി,
പക്ഷെ അവൾ അല്പം താമസിച്ചു പോയിരുന്നു
വേദനയാൽ എന്റെ എല്ലാ നിയന്ത്രണം നഷ്ടപെട്ടിരുന്നു,.
അവളെ മാറ്റാനായും പെട്ടെന്നുള്ള ദേഷ്യത്തിലും ഞാൻ അറിയാതെ എന്റെ ഇടത്തെ കൈ പുറം വെച്ച് ശക്തിയായി വീശിയടിച്ചു,
പെട്ടെന്നുള്ള അടിയായതുകൊണ്ടും,
അവൾ പിന്മാറാൻ ശ്രെമിച്ചതുകൊണ്ടും അവളുടെ ആ ചുവന്നു തുടുത്ത കവിൾതടവും എന്റെ പുറം കൈയും ചുംബിച്ചു.,
അടിയുടെ ശക്തി ഇത്തിരി കൂടിപ്പോയോ എന്ന് കൊടുത്തുകഴിഞ്ഞപ്പോഴാണ് ചിന്തിച്ചത്,
സ്വതവേ ചുവന്ന കവിൾത്തടം ഇപ്പൊ കത്തിച്ചുവെച്ച ബുൾബുപോലെ തിളങ്ങി.!
അവളുടെ കണ്ണുകളിൽ തേനീച്ച ഭരതനാട്യം തുടങ്ങിയെന്നു അവളുടെ കണ്ണുകളിലെ കിറുക്കം കണ്ടപ്പോൾ എനിയ്ക്കു മനസിലായി,
ഒരു നിമിഷം സ്ഥലകാലബോധം വീണ്ടെടുക്കാൻ പാടുപെട്ട വീണ,
പെട്ടെന്ന് തന്നെ അടികൊണ്ടു സ്വർഗത്തിൽ നിന്ന് തിരിച്ചു ഭൂമിയിലെത്തി,.
ഒരു നിമിഷം അവൾ ആ വേദന കടിച്ചമർത്തി,
പിന്നെ അടക്കിപ്പിടിച്ച തേങ്ങലുകൾ,
” വണ്ടി നിർത്തട., അല്ലേൽ ഞാനിപ്പോ ചാടും,..” അവൾ പെട്ടെന്ന് ഹാൻഡ് ബ്രേക്കിലും, ഡോറിന്റെ പിടിയിലും പിടിച്ചു.!
” ചാടാതെ, അതിൽ നിന്ന് പിടിവിട്,..” ഞാൻ വണ്ടി വേഗം സിഗ്നൽ ഇട്ടു സൈഡിലേക്ക് ചേർത്തു
വണ്ടി നിന്ന ഉടനെ വീണ വണ്ടിയിൽ നിന്ന് ചാടിയിറങ്ങിയതും, മഴ പെയ്തതും ഒരുമിച്ചായിരുന്നു..
“നീയിതു എവിടെ പോവാണ് വീണേ..!”
ഞാൻ പെട്ടെന്ന് വണ്ടിയിൽ നിന്ന് ചാടിയിറങ്ങി
“ഇനി നിന്റെ കൂടെ ഞാൻ എങ്ങോട്ടുമില്ല, നീയെന്നെ തല്ലികൊല്ലില്ല എന്ന് ആർക്കറിയാം.!, ഇപ്പൊ എന്നെ തല്ലിയതിനു ഞാൻ പരിഹാരം കണ്ടോളാം..!”
അവൾ ആ കോരിച്ചൊരിയുന്ന മഴയിലും തെല്ലുപോലും തണുക്കാതെ എന്നെ കൊല്ലാനായുള്ള ഭാവത്തിൽ തന്നെ നിലകൊണ്ടു