എന്ത് നല്ല മണം…
“വീണ എങ്ങോട്ടാ പോകണ്ടേയെന്നു പറഞ്ഞില്ലാലോ..”
ഞാൻ മേഘങ്ങളോടൊപ്പം ഞങ്ങൾക്കിടയിൽ ഉരുണ്ടു കൂടിയ ആ മൗനം ബേധിക്കാനെന്നവണ്ണം ചോദിച്ചു.!
അവൾ പെട്ടെന്ന് എന്റെ മുഖത്തേയ്ക്കു നോക്കി…
തീഷ്ണമായ കണ്ണുകൾ,
അത് ചെറുതായി നിറഞ്ഞട്ടുണ്ടോ,
അവളുടെ കണ്ണുകൾക്ക് ഇത്ര ഭംഗിയുണ്ടെന്നു ഞാൻ ഇപ്പോഴാണ് അറിയുന്നത്,
ആ ചുവന്ന ചുണ്ടുകളുടെ തുടുപ്പു എന്നോട് ഒരായിരം കഥകൾ പറയാൻ വെമ്പുന്നപോലെ എനിയ്ക്കു തോന്നി,
ആ കഥകളുടെ മധുരമാണോ അവളുടെ ചുണ്ടുകളുടെ മധുരമാണോ കൂടുതലുണ്ടാവുക.?
“എങ്ങോട്ടെങ്കിലും പോവാം, ഐ ജസ്റ്റ് വാണ്ട് ടു ഡ്രൈവ് ലൈക് ദിസ്…!”
അവളാ കാറ്റിന്റെ സുഖമടിച്ചു പറഞ്ഞു…
ഇപ്പൊ അവളുടെ കണ്ണുകളിലോ വാക്കുകളിലോ എനിയ്ക്കു വിഷമം കാണാൻ പറ്റുന്നില്ല.!
ഇവളിത്ര പെട്ടെന്ന് മാറിയോ.?
ഇതെന്താപ്പാ എന്റെ അച്ഛനെ തോൽപ്പിക്കുന്ന ഓന്തോ.?
ഞാൻ ചുമ്മാ അവളെ അടിമുടിയൊന്നു നോക്കി,
ഇരിക്കുന്നതാലാവണം അവളുടെ തുടകൾ കുറച്ചുകൂടി എനിയ്ക്കു വണ്ണിച്ചതായി തോന്നി,
നല്ല പതുപതുപ്പ് ആയിരിക്കുമോ അതിനു,.?
രേഷ്മയെ അല്ലാതെ ഇതുവരെ ഒരു പെണ്ണിനെ തൊടുവാൻ സാധിച്ചട്ടില്ല,
അന്നാണെൽ ആക്രാന്തം കൊണ്ട് മര്യാദയ്ക്ക് ഒന്ന് തൊടുവാനും പറ്റിയില്ല.,
ഒന്ന് ഇപ്പൊ തൊട്ടു നോക്കിയാലോ.?
ഇവള് ചൂടാവുമോ.?
എന്തിനാണ് ചൂടാവുന്നതു ഞാൻ ഇവളുടെ ഭർത്താവല്ലേ.?
എന്നാലും….
മനസ്സിനാകെ ഒരു എരുപിരി സഞ്ചാരം,.
” വീണ നീ നേരത്തെ എന്നെ പറ്റി പറഞ്ഞത് കാര്യമായിട്ടാണോ..
ഞാൻ അവനെക്കാളും ബേധമാണെന്നു..!”
ഞാൻ ആകാംഷയോടെ അവളെ നോക്കി
ഏഹ്മ്..!
എന്നെ നോക്കാതെ പുറത്തേയ്ക്കു നോക്കിയവൾ ചെറുതായി മൂളി.!
പക്ഷെ എനിയ്ക്കാ മൂളൽ ഉച്ചയ്ക്ക് ഊണിനുള്ള സൈറനെക്കാളും ഉച്ചത്തിലുള്ളതായി തോന്നി..!
ഇവളിപ്പോൾ എന്റേതാണ്,,.. ഈ മനുവിന്റെ വീണ.!
ഞാൻ മെല്ലെ ഗിയർ മാറ്റാനെന്ന പോലെ പയ്യെ അവളുടെ തുടകളിൽ ഉരസി,
പെട്ടെന്നു അവളെ ഒന്ന് മാടി നോക്കി,
ഇല്ല ഭാവവ്യത്യാസം ഒന്നുമില്ല,
മനസ്സിൽ പിന്നെയും ലഡുപൊട്ടി,
ഈ ഗിയർ മാറ്റൽ ഞാൻ ഒരു രണ്ടു മൂന്നു തവണ കൂടി നോക്കി,
വണ്ടിയുടെ ഗിയർ പല്ലു ഇന്ന് പോയാലും വേണ്ടില്ല, എന്റെ പല്ലുകളാണ് എനിക്ക് മുഖ്യമല്ലോ.!
അവളുടെ ഭാഗത്തു നിന്ന് എതിർപ്പൊന്നുമില്ല,.
ഞാൻ മെല്ലെ എന്നാൽ ഉറച്ച കൈവെപ്പോടെ എന്റെ ഇടത്തെ കൈ വീണയുടെ വലത്തേ തുടയിൽ മുട്ടിച്ചു മെല്ലെ,
പെട്ടെന്ന് തന്നെ അവളുടെ മുഖത്തേയ്ക്കു നോക്കി,
ഇല്ല ഒരു ഭാവമാറ്റവുമില്ല…
ഞാൻ മെല്ലെ എന്റെ കൈ പതുക്കെ അവളുടെ തുടയിലേയ്ക്ക് ഓടിച്ചു,
ഞാൻ എന്റെ കണ്ണുകൾ നേരെ റോഡിലേയ്ക്കും,…
ദൈവമേ എന്ത് സുഖമാണ്,
ഇത്ര മൃദുവാകും എന്ന് സ്വപ്നത്തിൽ വിചാരിച്ചില്ല,
മസസ്സിൽ എന്തോ എവറസ്റ്റ് കീഴടക്കിയ സന്തോഷം..!
ഞാൻ കൈയ്യുടെ ചലനത്തിന് അനുസരിച്ചു ചിരിച്ചുകൊണ്ട് മെല്ലെ വീണയെ നോക്കി.!
അമ്മേ….
വീണ്ടും ആ ഭദ്രകാളി ഭാവം മുഖത്ത്.!
കണ്ണുകൾ ചുവന്നു കലങ്ങിയിരിക്കുന്നു, കരഞ്ഞാണോ,അതോ എന്നെ കരയിപ്പിക്കാൻ ആണോ എന്ന് മാത്രം മനസിലാവുന്നില്ല.!
“എടുക്കട കൈ എന്റെ ദേഹത്ത് നിന്ന്..!
കാതടിപ്പിക്കുന്ന ആക്രോശമാണ് എന്നെ വരവേറ്റത്,
അറിയാതെ കൈ പിൻവലിച്ചുപോയി..
എന്ത് പറയണമെന്ന് ഒരു രൂപവുമില്ല,
ഇത്ര നേരം മനസ്സിലേയ്ക്ക് ഓടിവന്ന രൂപമൊക്കെ ഇപ്പൊ എങ്ങോ പോയിമറഞ്ഞു,
എനിയ്ക്കു പരിചിതമായ എന്റെ കാലന്റെ രൂപമുള്ള വീണ പിന്നെയും എന്റെ മുന്നിൽ
“അയ്യോ വീണേ, അതു വീണയുടെ തുടയായിരുന്നോ, ഞാൻ കരുതി ഹാൻഡ് റെസ്റ്റർ ആവുമെന്ന്..!”
ഞാൻ പെട്ടെന്ന് മനസ്സിൽ വന്നത് പറഞ്ഞു കൂടെ എന്റെ വളിച്ച ചിരിയും,.
അവളുടെ കണ്ണുകൾ ഒന്നുകൂടി ചുവന്നു, അതിനു ഒപ്പം പിടിയ്ക്കാനെന്ന പോലെ അവളുടെ മുഖം മൊത്തത്തിൽ ചുവന്നു തുടുത്തു,
ദൈവമേ….. അറിയാതെ മനസ്സ് വിളിച്ചുപോയി,…
“അതേടാ, നിന്നെ പോലുള്ള എല്ലാവന്മാർക്കും ഞങ്ങള് പെണ്ണുങ്ങൾ ഒരു വസ്തു മാത്രം ആണല്ലോ,
മജ്ജയും മാംസവും ഉള്ള ഒരു വസ്തു, നിന്റെയൊക്കെ ഇഷ്ടത്തിന് തട്ടി കളിയ്ക്കാനുള്ള ജീവികൾ..!
അവൾ ദേഷ്യം കൊണ്ട് തുള്ളുകയായിരുന്നു.,
” എന്റെ പൊന്നു വീണേ, നീ ഒച്ചപ്പാട് ഉണ്ടാക്കാതെ, ഞാൻ അറിയാതെ ചെയ്തുപോയതാ..!”
ഞാൻ രംഗം എങ്ങനെയെങ്കിലും ശാന്തമാക്കാൻ പാടുപെട്ടു.,
“ഇപ്പൊ ഞാൻ ഒച്ചപ്പാട് ഉണ്ടാക്കിയതാണോ പ്രെശ്നം, നീ ചെയ്തതിൽ ഒരു തെറ്റുമില്ലേ.?”
അവളെന്നെ വിടാനുള്ള ഒരു ഭാവവും ഇല്ലായിരുന്നു
” ഞാൻ ഇത്ര തലപോണ കാര്യമൊന്നും ചെയ്തില്ലാലോ, ഒന്നുല്ലെലും ഞാൻ നിന്റെ താലികെട്ടിയ ഭർത്താവല്ലേടി.!”
എനിയ്ക്കു ആകെ അങ്കലാപ്പും ദേഷ്യവും ഒരുപോലെ ഇരച്ചുകയറി വന്നു, അങ്കലാപ്പാണ് കൂടുതൽ, അച്ഛനെയും ചേട്ടനെയും അറിയാവുന്ന സ്ഥലമാണ് കടന്നു പോകുന്നതെല്ലാം,
ആരെങ്കിലും ഞങ്ങളുടെ സംഭാഷണം കേട്ടാൽ, ഓടുന്ന വണ്ടിയാണ് എന്നുള്ളതാണ് ആകെയുള്ള ആശ്വാസം
” അതേ ഈ അധികാരമാണല്ലോ എല്ലാ ആണുങ്ങൾക്കും,
ഇത്തിരി മുന്നേ അവൻ എന്നോട് ചോദിച്ചതും ആ അധികാരത്തിൽ ആണല്ലോ,
ഇതുവരെ എന്നോട് അങ്ങനെ അവൻ സംസാരിച്ചിട്ടില്ല,
ഇന്ന് ആദ്യമായി……
അതും എന്റെ മാനത്തിനു അവൻ…..!”
ഭദ്രകാളിയെ പോലെ വിറളിപിടിച്ചിരുന്ന പെണ്ണ് പെട്ടെന്ന് പൊട്ടിക്കരഞ്ഞു..!
ഇവളിങ്ങനെ കേരളത്തിലെ ചില പാർട്ടികാർ ഗ്രൂപ്പ് മാറുന്നപോലെ പെട്ടെന്ന് പെട്ടെന്ന് വികാരങ്ങൾ മാറ്റിയാൽ ഞാനെന്തു ചെയ്യും.!
പക്ഷെ അവളെ കണ്ട നാൾ മുതൽ എനിയ്ക്കു ഈ കരച്ചിൽ ഒരു വീക്നെസ് ആണ്.!
എന്റെ കയറിവന്ന ദേഷ്യമെല്ലാം എങ്ങോ പിന്നെയും ഓടിമറഞ്ഞു..
ദൈവമേ ഇനി എന്ത് ചെയ്യും..
“വീണേ സാരമില്ല സംഭവിക്കാനുള്ളത് എന്നായാലും സംഭവിക്കും,
നമ്മുടെ കല്യാണം തന്നെ നോക്ക്, ആരെങ്കിലും കരുതിയതാണോ.. ഇങ്ങനെ എ..!”
“അതെ നമ്മുടെ കല്യാണം,
അതാണ് ഇതെല്ലം വരുത്തിവച്ചത്,
നീ എന്റെ ജീവിതത്തിൽ വന്നതുമുതലാണ് എല്ലാം..!”
വീണ പെട്ടെന്നാണ് എന്റെ വാക്കുകളെ മുറിച്ചത്, പൊട്ടിക്കരഞ്ഞ പെണ്ണ് പെട്ടെന്ന് പിന്നെയും ഭദ്രകാളി പരിവേഷം.!
ആഹാ ഇതെല്ലാം ഇപ്പൊ എന്റെ നെഞ്ചത്തായോ, ഞാനെന്തു ചെയ്തു,!
” ഒരുപക്ഷെ നീ എന്റെ ജീവിതത്തിൽ വന്നില്ലായിരുന്നെങ്കിൽ ഇങ്ങനെ ഒന്നും സംഭവിക്കില്ലായിരുന്നു,
നീയാണ് എല്ലാത്തിനും ഉത്തരവാദി..!”
അവളുടെ വാക്കുകൾക്കു മൂർച്ഛയേറി
” ഒലക്കേടെ മൂട്, എടി കോപ്പേ,
വെറുതെ പപ്പടോം തിന്നു പായസോം കുടിച്ചോണ്ടിരുന്ന എന്നെപിടിച്ചു നിന്നെ കെട്ടിച്ചത്,
നിന്റെയാ കഷണ്ടിത്തലയൻ തന്തയാണ്,
അങ്ങേർക്കു എന്തിന്റെ വട്ടായിരുന്നു,
ഈ മുഴുപ്പിരി ലൂസായ സാധനത്തിനെ എന്റെ തലയിൽ കേറ്റി വെക്കാൻ.!
കുടുബം മൊത്തം വട്ടും വെച്ചോണ്ട് ഇറങ്ങിയട്ടു ബാക്കിയുള്ളോരേ കുറ്റം പറയുന്നോ.!”
എനിയ്ക്കു പെട്ടെന്ന് എന്റെ എല്ലാ നിയന്ത്രണവും പോയി,
