ലേഡി :എന്തിയെ മോളെ കൂടെ ഒരു പയ്യൻ ഉണ്ടായിരുന്നല്ലോ.
മനീഷ :എന്നേ എങ്ങനെ അറിയാം..
ലേഡി :മോൾ അല്ലെ ഒരു ചുവന്ന ബൈക്ക് ഉള്ള പയ്യന്റെ കൂടെ വരുന്നത്.
മനീഷ :ഉം.
ലേഡി :തലയിൽ കൂടി ഷോൾ ഇട്ടാലും മുഖം ഞാൻ കണ്ടിരുന്നു ചെറുതായി. പിന്നെ മോൾ ഈ ഡ്രസ്സ് ഇട്ട് ഒരുപാട് തവണ ആ പയ്യന്റെ കൂടെ ഞാൻ കണ്ടിട്ടുണ്ട്.
മനീഷ :ഉം.
ലേഡി :ആ പയ്യൻ എവിടെ മോളെ…!
മനീഷ :ആള് വന്നില്ല ഇന്ന്.
ലേഡി :അതാണോ മോളുടെ മുഖത്ത് ഒരു വാട്ടം.
മനീഷ :ഹേയ് അങ്ങനെ ഒന്നും ഇല്ല.
ലേഡി :നോക്കി ഒക്കെ വേണ്ടേ മോളെ… അറിയാം ആദ്യം സേഫ്റ്റി ഒക്കെ നോക്കും പിന്നെ നിങ്ങളുടെ ഹരം തീരാൻ പലതും കാട്ടി കൂട്ടും. ഇപ്പോൾ പ്രശ്നം വല്ലോം ആയോ.
മനീഷ തല കുനിച്ചു നിന്നു…
ലേഡി :ഉം ഉറ ഇട്ട് കാണില്ല അല്ലെ. നോക്കി വേണ്ടേ മോളെ ഇതൊക്കെ ചെയ്യാൻ. എനിക്കറിയാം നിങ്ങളെ പോലെ ഉള്ള കുറെ കുട്ടികളെ ഞാൻ ദിവസേന കാണുന്നത് അല്ലെ. പ്രായത്തിന്റെ തിളപ്പിൽ ഓരോന്നിലും ചെന്ന് ചാടും. വീട്ടിൽ ഇരിക്കുന്നവരെ കുറിച്ച് ഒന്ന് ആലോചിച്ചു കൂടെ.
മനീഷ ഒന്നും മിണ്ടാതെ വീട്ടിലേക്ക് നടന്നു. വീട്ടിൽ വന്നു ടെസ്റ്റ് നോക്കിയപ്പോൾ റിസൾട്ട് പോസിറ്റീവ് ആയിരുന്നു. അവൾ ആകെ വിങ്ങി പൊട്ടി കരയാൻ തുടങ്ങി. ആകെ ഇനി ആശ്രയം ഉണ്ണി മാത്രം ആണ് പക്ഷേ താൻ ഉണ്ണിയേട്ടനോട്ചെയ്ത വഞ്ചന ഒരിക്കലും പൊറുക്കാൻ പറ്റുന്നതിനും അപ്പുറം ആണ്. അവൾക്ക് മനസ്സിന് സ്വസ്ഥത കിട്ടാതെ ആയി. അപ്പോൾ ആണ് ലീവ് മതിയാക്കി തിരിച്ചു ക്ലാസ്സിൽ ചെല്ലണം എന്നവൾക്ക് തോന്നിയത്. അവിടെ മീര ഉണ്ടല്ലോ അവളുടെ കയ്യിൽ എന്തെങ്കിലും വഴി ഉണ്ടാകും എന്ന് കരുതി. അവളെ നമ്പറിൽ വിളിച്ചപ്പോൾ കിട്ടാതെ വന്നപ്പോൾ മനീഷ കോളേജിലേക്ക് പോയ്. എന്നാൽ മീര അവിടെ നിന്നും അപ്പോഴേക്കും പോയിരുന്നു. അവളെ കോളേജിൽ നിന്നും അന്ന് രാവിലെ പുറത്താക്കിയിരുന്നു. കഞ്ചാവ് കേസിൽ പൊക്കിയ പയ്യൻ കൂടെ മീര കറങ്ങി നടക്കുന്നത് കോളേജ് അധ്യാപകർ കണ്ടിരുന്നു. എല്ലാം കൈ വിട്ട് പോയ് എന്ന് കരുതി കോളേജ്ന് പുറത്തേക്ക് നടന്നു വന്നപ്പോൾ അഞ്ജലിയോട് സംസാരിച്ചു കൊണ്ട് ഷോപ്പിൽ നിൽക്കുന്ന ഉണ്ണിയേട്ടനെ കണ്ടു. ഉണ്ണി അവളോട് തിരികെ പോകുന്ന കാര്യം പറയാൻ വന്നത് ആണ്. അവളുടെ മനസിൽ അവനോടു ആ ഇഷ്ടം നിറഞ്ഞു നിൽക്കുക ആയിരുന്നു. പെട്ടന്ന് അവരെ തന്നെ നോക്കി നിൽക്കുന്ന മനീഷയെ കണ്ടു. അവളെ കണ്ടപ്പോൾ ഉണ്ണിയുടെ മുഖത്ത് ദേഷ്യം ഉരുണ്ടു കൂടി. അവൻ തിരിഞ്ഞു നിന്നു കൊണ്ട് അഞ്ജലിയുടെ കൈയിൽ കയറി പിടിച്ചു ഷോപ്പിന്റെ പുറത്തേക്ക് നടന്നു. അഞ്ജലി സത്യത്തിൽ അത് ഒട്ടും പ്രതീക്ഷിച്ചില്ല. അവളുടെ മനസ്സിൽ അപ്പോൾ എന്തായിരുന്നു അവസ്ഥഎന്ന് അവൾക്ക് പറഞ്ഞു അവതരിപ്പിക്കാൻ കഴിയില്ല. മനീഷയെ നോക്ക്കുത്തിയായി നിർത്തി കൊണ്ട് അവൻ അഞ്ജലിയെ ബൈക്കിന്റെ പിന്നിൽ കയറ്റി. പറയേണ്ട താമസം ആയിരുന്നു അവൾ പെട്ടന്ന് അവന്റെ പിറകിൽ കയറി ഇരുന്നു..
ഉണ്ണി :എടിയേ ഒന്ന് ചുറ്റി പിടിച്ചു ഇരിക്ക് അല്ലെങ്കിൽ ചിലരെ പോലെ അടി തെറ്റി താഴെ പോകും.
മനീഷ കേൾക്കും വിധം ഉറക്കെ പറഞ്ഞു.ബൈക്ക് മെല്ലെ മുന്നോട്ടു എടുത്തു. കുറച്ചു മുൻപോട്ടു ചെന്നപ്പോൾ അഞ്ജലി കൈ അവന്റെ അരയിൽ നിന്നും എടുത്തു തോളിലേക്ക് വെച്ചു.
അഞ്ജലി : ഉം അവൾക്ക് നല്ല വിഷമം ഉണ്ടായി കാണും അല്ലെ.
ഉണ്ണി :എന്താ കേട്ടില്ല….
അഞ്ജലി :അല്ല അവളെ പെട്ടന്ന് നീ ഇങ്ങനെ വടി പോലെ നിർത്തി കളയും എന്ന് ഞാൻ കരുതിയില്ല.
ഉണ്ണി :അവൾക്ക് ഇതല്ല ഇതിനപ്പുറം ഞാൻ കൊടുത്താലും അത് മതിയാകില്ല. അവൾക്ക് എന്നെ മതി ആയിരുന്നു എങ്കിൽ എന്നോട് അത് തുറന്നു പറയാമായിരുന്നു.
അഞ്ജലി :ഉം… ശെരി അവളുടെ മുൻപിൽ ആള് ആയി കാണിക്കാൻ അല്ലെ എന്നെ വിളിച്ചു വണ്ടിയിൽ കയറ്റിയത് അതെ ഇനി എന്നേ തിരിച്ചു കൊണ്ട് വിട്.
ഉണ്ണി അവന്റെ തോളിൽ വെച്ചിരുന്ന അവളുടെ കയ്യിൽ പിടിച്ചു അവന്റെ ശരീരത്തിൽ ചുറ്റി പിടുപ്പിച്ചു.