അങ്ങനെ ചിന്ന വീട് സെറ്റപ്പിൽ പുള്ളി സോഫിയയെ നില നിർത്തി വരവേ സോഫിയ പെറ്റു. ഒരു സുന്ദരി പെൺ കുഞ്ഞിനെ.. പക്ഷെ കുഞ്ഞിനെ കാണാൻ വന്ന വരത്തന്റെ കിളി പോയി. കാരണം കുഞ്ഞിന്റെ കൃഷ്ണമണി നല്ല ഇളം നീല നിറം! ഇളം നീല നിറത്തിൽ ഈ നാട്ടിൽ കണ്ണുകൾ ഉള്ളത് ഹൈ റേഞ്ചിൽ പള്ളി മിഷനറി ആയി വന്ന ജോർജ് അച്ഛന് മാത്രമാണെന്ന വിവരം വരത്തൻ ഓർത്തു. കറവ പരുവത്തിൽ നിൽക്കുന്ന സോഫിയയെ വരത്തൻ എടുത്തിട്ട് പെരുക്കി. എങ്കിലും ഇത് ജോർജ് സായിപ്പിന്റെ കുഞ്ഞാണോ അല്ലയോ എന്ന് സോഫിയ മിണ്ടിയില്ല. അതോടെ സോഫിയെ നേരെ നാട്ടിലേക്ക് പാക്ക് ചെയ്തു വിട്ടു. സിംഗിൾ ആയി ഹൈ റേഞ്ച് ഇറങ്ങി പൂച്ച കണ്ണി കൊച്ചുമായി തിരിച്ചു വീട്ടിലേക്ക് പോയ സോഫിയ ചേച്ചി കുടുംബത്തിന് ഒരു തീരാ കളങ്കമായി വീട്ടിൽ അടിഞ്ഞു.
അങ്ങനെ ഇരിക്കെ, കെട്ടിയോളും ചത്ത് മക്കൾ നാല് വഴിക്കും പോയി ഒറ്റക്ക് മൂഞ്ചി തെറ്റി നടന്ന ഏതോ കിഴവൻ കഴപ്പ് അച്ചായൻ ഉല്ലസിക്കാൻ ഹൈ റേഞ്ച് കയറിയപ്പോൾ സോഫിയയെ കാണാൻ ഇട വന്നു. സ്പോട്ടിൽ അച്ചായൻ സോഫിയയുടെ വീട്ടിൽ വന്നു സോഫിയക്ക് ഒരു വിലയങ്ങു ഇട്ടു. വീട്ടുകാർ ബഹുത് ഹാപ്പി. കൈയോടെ പൈസ വാങ്ങി വിറ്റു എന്നോ കെട്ടിച്ചു എന്നോ പറയാം.
ഇത്തവണ ഒഫീഷ്യൽ ആയി കല്യാണം കഴിഞ്ഞ് സോഫിയ ഹൈ റേഞ്ച് ഇറങ്ങി, വിത്ത് കുഞ്ഞ്.. കൗമാരത്തിൻ്റെ പ്രൈം അവസ്ഥയിൽ നിൽക്കുന്ന സോഫിയെടെ മുതുകഴപ്പ് താങ്ങാൻ വയ്യാഞ്ഞിട്ടാകും ഒരു കൊല്ലം തികക്കും മുൻപ് നമ്മുടെ അച്ചായൻ പുള്ളി പടമായി ചുമരിൽ കയറി. സോഫിയക്ക് രണ്ടാമത് വയറ്റിലുമായി…
പുള്ളിടെ കൈയും കണക്കും ഇല്ലാത്ത കോടിക്കണക്കിന് രൂപേടെ സ്വത്ത് വകകൾ; തെങ്ങിൽ തോട്ടങ്ങൾ, റബ്ബർ എസ്റ്റേറ്റുകൾ, കെട്ടിട മുറികൾ ലോറികൾ കാറുകൾ നൂറു കണക്കിന് ഭൃത്യ ജനങ്ങൾ എന്ന് വേണ്ട ആ നാട്ടിലെ ധനികരിൽ ധനിക ആയി മാറി സോഫിയ.. ഇതെല്ലാം അനുഭിച്ച് പോരുന്നതിനിടക്ക് സോഫിയ രണ്ടാമത്തെ പെൺകുഞ്ഞിനെ പെറ്റു. കഷ്ടകാലത്തിനു രണ്ടാമത്തെ കൊച്ചിനും നല്ല ഇളം നീല നിറത്തിൽ കണ്ണുകൾ!! അതോടെ അതുവരെ പഞ്ചപുച്ഛം അടക്കി നിന്ന അച്ചായന്റെ കുടുംബക്കാരും നാല് പാട് നിന്നും ഓടി വന്ന മക്കളും കൂടെ സോഫിയയെ പാമ്പിനെ അടിച്ച് കൂട്ടുന്ന പോലെ തല്ലി ചതച്ചു. രണ്ടു കുഞ്ഞുങ്ങളെയും മാറോട് അടുക്കി പിടിച്ച് തല്ലെല്ലാം ഏറ്റു വാങ്ങിയ സോഫിയ അതുങ്ങടെ ശരീരത്തിൽ ഒരു പോറൽപോലും ഏൽപ്പിക്കാതെ അത്ഭുതകരമായി രക്ഷപ്പെടുത്തി, അവിടെ നിന്നും ജീവനും കൊണ്ട് ഓടി…
തലേന്ന് വരെ പ്രഭ്വി ആയി വിലസിയ സോഫിയ നേരം ഇരുട്ടി വെളുക്കുന്ന താമസത്തിൽ ഉടുതുണിക്ക് മറുതുണി ഇല്ലാത്തവളായി..! ഗത്യന്തരമില്ലാതെ വീണ്ടും ഹൈ റേഞ്ച് കയറി. ഇത്തവണ കൈയിൽ തന്തയില്ലാത്ത രണ്ടു കുഞ്ഞുങ്ങളുമായി… ഈ എന്തരവളെ കൊണ്ടു പൊറുതി മുട്ടിയ സോഫിയെടെ അപ്പൻ സേവ്യർ, നാട്ടുകാരെ മുഖത്തു നോക്കാൻ വയ്യാതെ നൈസായിട്ട് കയറിൽ തൂങ്ങി… അതോടെ അവരെ വീട്ടുകാരും നാട്ടുകാരും കൈയൊഴിഞ്ഞു. കുടുംബത്തിന് അത്താണിയില്ലാതെ ആയതോടെ സോഫിയയെം കൊച്ചുങ്ങളെയും നോക്കാൻ വേണ്ടി സോഫിയെടെ അമ്മ നല്ല നടപ്പ് ഉപേക്ഷിച്ചു അസാന്മാർഗികം തുടങ്ങി, നാട്ടിലെ പേരെടുത്ത അമ്മച്ചി ആയി മാറി.
സോഫിയയുടെ കുഞ്ഞുങ്ങൾ, മിഷനറി ജോർജ് സായിപ്പിന്റെ ആണെന്നും ഈ കുടുംബത്തിന്റെ ഇപ്പോഴത്തെ അവസ്ഥക്ക് കാരണം അയാൾ ആണെന്നും അതുകൊണ്ട് സോഫിയയുടെയും കുഞ്ഞുങ്ങളുടെയും ഉത്തരവാദിത്തം പള്ളിക്ക് അല്ലെ എന്നും ഇതര മതസ്ഥർ ചായക്കടയിലും കള്ളു ഷാപ്പിലുമായി ഘോര ഘോരം പ്രസംഗിച്ചു. ഇത് കേട്ട് കുരു പൊട്ടിയ അച്ചായന്മാർ അതിനെ ശക്തിയുക്തം എതിർത്തു. സോഫിയയുടെ കുഞ്ഞുങ്ങളെ കണ്ണിന്റെ പേരിൽ നാട്ടിൽ ഒരു വർഗീയ ധ്രുവീകരണം തന്നെ നടന്നു. അതൊരു പൊതു വേദിയിലെ കൂട്ട തല്ലിനും രണ്ടു ആൾക്കൂട്ട കൊലപാതകങ്ങൾക്കും വരെ ഹേതുവായി.
സഭകയുടെ കണ്ണിൽ കരടായി നിൽക്കുന്ന സേവ്യർ കുടുംബത്തിന് എതിരായി പ്രാമാണിമാർ ചേർന്ന് ഒരു ഒന്നൊന്നര നിവേദനം അങ്ങ് കാച്ചിയപ്പോൾ സോഫിയയെം അമ്മച്ചി മറിയയെയും എന്തിനു, മുല കുടി മാറാത്ത കുഞ്ഞിനെയും വരെ സഭയിൽ നിന്നും നിഷ്കാസനം ചെയ്ത് സമൂഹത്തിൽ ഒറ്റപ്പെടുത്തി, പള്ളിയും പട്ടക്കാരും ചേർന്ന് സമൂഹം അങ്ങ് ‘ശുദ്ധീകരിച്ചു’! അതോടെ നാട്ടിൽ നിൽക്കകളിയില്ലാതെ സോഫിയ വീണ്ടും ഹൈ റേഞ്ച് ഇറങ്ങി. ഇത്തവണ, കൂടെ രണ്ടു കൊച്ചുങ്ങളും അമ്മച്ചിയുമായിട്ട്…