“നീ കഴിച്ചില്ലല്ലോ…ബാ…”
ബ്ലൗസിന്റെ പുറത്തേയ്ക്ക് ചാടികിടന്ന ബ്രാ സ്ട്രാപ്പ് ഞാൻ ബ്ലൗസ് കൊണ്ടു നേരെയിട്ടു കൊടുത്തപ്പോൾ പെണ്ണ് ബാഗിൽ നിന്ന് പാത്രമെടുത്തു തുറന്ന് വെച്ചു.
മോര് ചാറ് ചോറിലൊഴിച്ചു ഒരു മീനിന്റെ കഷ്ണം നുള്ളി ചോറിനൊപ്പം കുഴച്ചു എന്റെ വായിലേക്ക് ഉരുട്ടി വെച്ചു തന്നു.
“ചെക്കന്റെ കോലം നോക്ക്, നേരാം വണ്ണം ഒന്നും കഴിക്കേമില്ല…”
അമ്മയെ പോലെ എന്നെ പിണങ്ങി തീറ്റിക്കുന്നതിനിടയിൽ അവളും ഒന്നോ രണ്ടോ ഉരുള വിഴുങ്ങി.
“നീ ഇപ്പൊ ഓരോ ദിവസോം ഭയങ്കര ഭംഗി ആയിട്ടാണല്ലോ വരുന്നേ…അതിന്റെ ട്രിക്ക് എന്താടി…”
എന്റെ വായിലേക്ക് ഉരുള വെച്ചിട്ട് പുറം കൈകൊണ്ടു മുന്നിലേക്ക് വീണ നീണ്ട മുടിയിഴ ഒതുക്കുന്ന അങ്കിയോട് ഞാൻ ചോദിച്ചു.
“അതൊക്കെ ഒരു സംഭവ മോനെ, പ്രേമത്തിൽ പെട്ടാൽ ആ പ്രേമത്തിൽ പെണ്ണ് ഹാപ്പി ആയാൽ അവൾക്ക് ഭംഗി കൂടും…..”
പുരികം വളച്ചുപൊക്കി കുറുമ്പോടെ അവൾ പറഞ്ഞു.
“കലാ പരിപാടികൾ ഉടനെ ആരംഭിക്കുന്നതാണ്,…യൂണിയൻ മെമ്പേഴ്സും, പ്രോഗ്രാമിന് ലിസ്റ്റ് ചെയ്തിട്ടുള്ളവരും ഓഡിറ്റോറിയത്തിൽ റിപ്പോർട്ട് ചെയ്യേണ്ടതാണ്…താങ്ക്യൂ…”
“അയ്യോ…ഡി…ഞാൻ പോവാ, പിള്ളേരെയൊക്കെ തപ്പി പിടിച്ചു എത്തിക്കണം…”
ചവച്ചോണ്ടിരുന്ന ചോറ് വേഗം ഇറക്കി ഞാൻ പെണ്ണിനോട് പറഞ്ഞതും ചുണ്ട് കൂർപ്പിച്ചു പെണ്ണ് ചിണുങ്ങി.
ഒന്നു കവിളിൽ തട്ടി സമാധാനിപ്പിച്ചു ഞാൻ നേരെ വാഷ് ബേസിനിൽ ചെന്നു മുഖവും കഴുകി ഓഡിറ്റോറിയത്തിലേക്ക് ഓടി.
ജോപ്പൻ കുറച്ചു പിള്ളേരുടെ കൂടെ ഡി ജെ ക്ക് കൊണ്ടു വന്ന സ്മോക് ഗണ്ണും മറ്റും ഒക്കെ എടുത്തു നോക്കി കളിക്കുന്നുണ്ട്.
“ഡാ…കാൽവീ…”
അവനടുത്തേക്ക് ചെല്ലാൻ നോക്കുമ്പോൾ വിളി കേട്ടു.
മേഘ മിസ്സാണ്…
ആള് ആദ്യ പരിപാടിക്കുള്ള പിള്ളേരുടെ അടുത്തു നിൽപ്പുണ്ട്, ഫ്യൂഷൻ ഡാൻസിന് വേണ്ടി അവരെല്ലാം കോസ്റ്യൂം ഇട്ടു റെഡി ആയി നിൽപ്പുണ്ട്.
“ഡാ…പിള്ളേര് എല്ലാം റെഡി ആയാൽ ഇവരെ വെച്ചു തുടങ്ങാം…നീ അവരോടു പറഞ്ഞു ഓഡിറ്റോറിയത്തിലേക്ക് എല്ലാത്തിനെയും കേറ്റി ഇരുത്താൻ നോക്ക്, സമയം കളയാനില്ല…”
മിസ്സ് ആകെ സ്പീഡിലാണ്, ക്ഷീണം മുഖത്തുണ്ട്, ആൾക്ക് ഈ പരിപാടിയുടെ ടെൻഷൻ നല്ലോണം ഉണ്ടെന്നു കാണുമ്പോൾ അറിയാം, വിയർത്തു സാരികൊണ്ടു ഇടയ്ക്കെല്ലാം ഒപ്പുന്നുണ്ട്.
“അതിപ്പോ റെഡി ആക്കാം മിസ്സെ…”
ഞാൻ പറഞ്ഞിട്ട് പോയി സൗണ്ട് ഓപ്പറേറ്റ് ചെയ്യുന്നവരോട് ഒരു കിടിലൻ ട്രാക്ക് പ്ളേ ചെയ്യാൻ പറഞ്ഞു.,
തിരികെ വരുമ്പോൾ ജോപ്പൻ സ്മോക് ഗൺ കൊണ്ട് ചുമ്മ വരുന്ന പിള്ളേരുടെ മേലേക്ക് ചൂണ്ടി വെടിവെക്കുന്ന പോലെ കാണിക്കുന്നു, ഈ മൈരനെ ഏതു നേരത്താണോ…”
സീറ്റുകൾ നിറഞ്ഞു തുടങ്ങിയത് കണ്ട ഞാൻ തിരികെ മിസ്സിന്റെ അടുത്തെത്തി,
“മിസ്സെ പയ്യെ തുടങ്ങാം,…”
“ഉം…”
“രാവിലെ അടിപൊളി ആയിരുന്നൂട്ടോ രണ്ടു പേരും, ഇത്രയും കിടിലൻ ആയി ചെയ്യുമായിരുന്നേൽ വേറെ ആരേം നോക്കണ്ടായിരുന്നു…”
ഞാൻ പറഞ്ഞതുകേട്ട മിസ്സ് ഇടുപ്പിൽ കൈ ഒടിച്ചു കുത്തി നിന്ന് എന്നെയൊന്നു നോക്കി.
“ചെക്കാ…രാവിലെ ആണ് നീ ഇത് പറഞ്ഞിരുന്നേങ്കിൽ നിന്നെ ഞാൻ തല്ലിക്കൊന്നേനെ…ഹോ ആങ്കർ ചെയ്യാൻ ആളില്ലെന്നു പറഞ്ഞപ്പോ ഞാൻ അനുഭവിച്ച ടെൻഷൻ…”
“എന്തായാലും അടിപൊളിയായി…താങ്ക്യൂ…”
“ഉവ്വാ മോൻ താങ്ക്യൂൽ ഒന്നും ഒതുക്കാം എന്നു കരുതേണ്ട ഇതിനൊക്കെ ട്രീറ്റ് വേണം…”
മിസ്സ് ചിരിയോടെ പറഞ്ഞു, എനിക്ക് പക്ഷെ ഒരു മിസ്സിനോട് സംസാരിക്കുന്നതിനെക്കാൾ ഒരു ഫ്രണ്ട് ഫ്രണ്ടിനോട് വഴക്കടിക്കുന്ന പോലൊരു തോന്നലായിരുന്നു, ശെരിക്കും അങ്കിയൊക്കെ എന്നോട് വർത്താനം പറയുമ്പോലെ.
“അത് മിസ്സ് പറഞ്ഞാൽ മതി,…ട്രീറ്റ് എന്റെ വക….”
“മേഘ മിസ്സെ വാ തുടങ്ങാം…”
അപ്പുറെ നിന്ന് കൃഷ്ണേന്ദു വിളിച്ചതും മിസ്സ് നുണക്കുഴി ചിരിയോടെ അങ്ങോട്ട് നടന്നു.
കലാപരിപാടി തുടങ്ങി, പത്തു പരിപാടി എത്ര പെട്ടെന്ന് തീർക്കുന്നോ അത്ര നേരത്തെ ഡി ജെ തുടങ്ങാം എന്നുള്ളത് കൊണ്ട് പരമാവധി വേഗത്തിൽ ഓരോന്നും തീർക്കാൻ തുടങ്ങി, കൂടുതലും ഡാൻസ് ആയിരുന്നു, സീറ്റിലിരുന്നു കാണുന്ന കുറച്ചുപേരെ ഉണ്ടായിരുന്നുള്ളുവെങ്കിലും ഓഡിറ്റോറിയത്തിൽ ഡി ജെയ്ക്ക് മുൻപേ തുള്ളാൻ നിറയെ ആളുണ്ടായിരുന്നു, പെണ്പിള്ളേരുടേ ഇടയിൽ ആണുങ്ങൾ കേറാതെ ബുദ്ധിമുട്ടുണ്ടാവാതിരിക്കാൻ സാറുമ്മാരും മിസ്സുമാരും ഇടയിലെല്ലാം നിൽപ്പുണ്ട്.
രണ്ടു മൂന്നു ഡാൻസ് ഒക്കെ ചീറ്റിപ്പോയെങ്കിലും അധികം കൂവലൊന്നുമില്ലാതെ രക്ഷപെട്ടു, രണ്ടു മണിക്കൂർ കൊണ്ട് എല്ലാം തീർത്തു.
അതോടെ കുമ്പിടിയെ പിടിച്ച മുണ്ടൻ കേശവൻ നായരുടെ ഗതിയായി എനിക്ക്, തളർന്നൊടിഞ്ഞു ഞാൻ മൂലയിൽ ഒരു കസേരയിൽ ഇരിപ്പായി, ഇനിയാകെ ഡി ജെ മാത്രമേ ബാക്കിയുള്ളൂ അത് ഇനിയിപ്പോൾ നടന്നോളും…
ഞാൻ നോക്കുമ്പോൾ മിസ്സും ഒരിടത്തു ചാഞ്ഞു ഇരിപ്പുണ്ട് കൂടെ കൃഷ്ണേന്ദുവും ആരതിയും, പാവങ്ങൾ.
ജോപ്പൻ ഡി ജെയുടെ സ്മോക്ക് ഗണ്ണിൽ നിന്ന് പിടി വിടുന്നില്ല, ഋതിനും ബാക്കി ഉള്ളവരും ഡെസ്ക്കും മറ്റും സെറ്റ് ചെയ്യുന്നുണ്ട്.
“ഹെലോ…പറേഡി…”
അങ്കി യുടെ ഫോൺ വന്ന നേരം ഞാൻ എടുത്തു.
“ഡാ…നിനക്കിപ്പോൾ ഒന്നു വരാൻ പറ്റോ…”
“എങ്ങോട്ട്…”
“എന്നെ ഒന്ന് വീട്ടിൽ കൊണ്ടു വിട്ടു താ…”
“എടി ഇവിടെ ഇപ്പൊ ഡി ജെ തുടങ്ങും, അതിനിടയിലോ.. “
“എടാ…അതിനിനി നീ തന്നെ വേണോന്നില്ലല്ലോ, തുള്ളി തുള്ളി എന്റെ സാരി ഒക്കെ ഉലഞ്ഞു, ഡി ജെയ്ക്ക് മുൻപ് മാറ്റി വേറെ ഉടുത്തിട്ട് വരാനാ…പ്ലീസ് വരോ…”
പെണ്ണ് കൊഞ്ചി ചിണുങ്ങി….ആലോചിച്ചപ്പോൾ ഇനി വലിയ പണി ഒന്നുല്ല, ബാക്കി ഋതിനും ജോപ്പനും പിള്ളേരും നോക്കിക്കോളും….കുറച്ചു നേരം ഈ ഒച്ചയും ബഹളവും ഒക്കെ ഒന്നു ചെവിയിൽ നിന്നും തലയിൽ നിന്നും പോട്ടെ എന്നു ഞാനും കരുതി.
“ഡി…ഞാൻ ഒന്ന് പുറത്തുപോവാ….ഇപ്പോതന്നെ വരും, എന്തേലും വേണേൽ വിളിച്ചാൽ മതി…”
ആരതിയോട് പറഞ്ഞു ഞാൻ ബൈക്കിനടുത്തേക്ക് നടന്നു.
പാർക്കിങ്ങിൽ നിന്ന് ബൈക്കെടുത്തു തിരിക്കുമ്പോൾ സാരി പൊക്കിപ്പിടിച്ചു കുണുങ്ങി കുണുങ്ങി പെണ്ണ് വരുന്നുണ്ട്.
നേരെ വന്നു എന്റെ പിന്നിൽ ചെരിഞ്ഞിരുന്നു വയറിലൂടെ കൈ ചുറ്റി…
ഞാൻ വണ്ടി എടുത്തു.
*************************************
“ഡി….നേരം വൈകും മുന്നേ പോവാ….നീ മാറിയിട്ട് വേഗം വാ….”
വീട്ടിലേക്ക് കയറിയതും പെണ്ണിനോട് ഞാൻ പറഞ്ഞത് കേട്ട അവളൊന്നു ചുണ്ട് കൂർപ്പിച്ചു നോക്കി.
“മാറാനൊക്കെ തന്നെയാട ചെക്കാ പോണേ,…വാ ഇങ്ട്…”
വാതിൽ ചാരി എന്റെ കയ്യിൽ വലിച്ചു പെണ്ണ് ഭിത്തിയിലേക്ക് ചേർത്തു നിർത്തി,
മഷി വിയർപ്പിൽ പടർന്ന കണ്ണുകൾ എന്റെ കണ്ണിൽ നോക്കി വെട്ടിച്ചു.
“ഞാൻ ഇന്ന് സാരി ഉടുത്തത് എന്തിനാന്നു അറിയോട ചെക്കാ…”