ഷഹല എന്ന ഹൂറിയുടെ സൊന്ദര്യത്തിനു മുഞ്ഞിൽ അത്രമേൽ അടിമപ്പെട്ടു പോയിരുന്നു മുനീബ്!!
ഇപ്പോൾ മുനീബും ഷഹലയും സഞ്ചരിക്കുന്നത് ഒരേ പാതയിലാണ്, വലിയ ഒരു തെറ്റിന്റെയും കടുത്ത പ്രണയത്തിന്റെയും ഇടയിലുള്ള വളരെ നേരിയ പാതയിൽ, ആ നേരിയ പാതയിലൂടെ നടക്കുമ്പോൾ അവർ എപ്പോൾ വേണമെങ്കിലും തെന്നി വീണേകാം, പക്ഷെ ഏതു ഭാഗത്തേക്ക് വീഴുന്നു എന്നുള്ളത് അവരുടെ മനസ്സിന്റെ നന്മയും പക്വതയും അനുസരിച്ചിരിക്കും!!!
മുനീബ് അവന്റെ ബ്ലാക്ക് ഫോർച്ച്യൂണറിന്റെ അകത്തേക്കു കയറിയിരുന്നു, എസി ഓൺ ചെയ്തു സീറ്റിന്റെ ബാക്ക് റെസ്റ്റ് പരമാവധി താഴ്ത്തി അതിലേക്കു ചാഞ്ഞു,
അസ്തമയ സൂര്യ കിരണങ്ങൾ അവന്റെ കണ്ണുകളിലേക്കു നേരിട്ട് പതിച്ചത് കൊണ്ടാകാം അവൻ അവന്റെ വലത്തെ കൈത്തണ്ട കൊണ്ട് കണ്ണുകളെ മറച്ചു.
കണ്ണുകൾക്കു ഇരുട്ട് കിട്ടിയെങ്കിലും അവന്റെ അകക്കണ്ണിൽ ഷഹലയുടെ മുഖം ഉദിച്ചു നിൽക്കുന്ന സൂര്യൻറെ പ്രകാശത്തിൽ എന്ന പോലെ തെളിന്നു വന്നു, അവന്റെ ചിന്തകൾ നിമിഷങ്ങൾക്ക് മുമ്പ് കണ്ട ഷഹലയുടെ മുഖം ഓർത്തെടുത്തു!!
ആദ്യമായാണ് മുനീബ് ഷഹലയെ ഇത്രയും അടുത്ത് കാണുന്നത്, അവളുടെ ഗന്ധം ആസ്വദിക്കുന്നത്, അവളുടെ ശരീരത്തിന്റെ പതുപതുപ്പും, ചൂടും അറിയുന്നത്, ആ നിമിഷത്തിൽ കണ്ട ഷഹലയുടെ സൗന്ദര്യം താൻ ഈ ലോകത്തു വെച്ച് കണ്ട ആർക്കും തന്നെ ഇല്ല എന്ന് മുനീബിനു തോന്നി.
ചോര തുളുമ്പുന്ന അവളുടെ കവിളിണകൾ, ചെറുതായി പുറത്തേക്കു മലർന്നു നിൽക്കുന്ന തേനിറ്റുന്ന പവിഴ ചുണ്ടുകൾ, ഞാൻ അവളെ പെട്ടെന്ന് ആലിംഗനം ചെയ്തപ്പോൾ ദേഷ്യം കൊണ്ടോ കാമം കൊണ്ടോ എന്നറിയാത്ത ചുമന്നു കലങ്ങിയ അവളുടെ ഉണ്ടക്കണ്ണുകൾ, ആ കണ്ണുകൾക്കു ചുറ്റും അലങ്കോലമായി ഒലിച്ചിറങ്ങിക്കിടക്കുന്ന കണ്മഷിയുടെ വലയം, എല്ലാത്തിലുമുപരി മുല്ലപ്പൂവിന്റെയും അവളുടെ വിയർപ്പിന്റെയും മിശ്രിതമായ മത്തു പിടിപ്പിക്കുന്ന ഗന്ധവും,
തന്റെ കാറിൽ നിന്നും ഷഹല എന്ന ഹൂറിയുടെ ആ മനം മയക്കുന്ന ഗന്ധം വീണ്ടും അവന്റെ മൂക്കിലേക്ക് പതിച്ചപ്പോൾ, അവൻ ആദ്യം ഒന്ന് ആശ്ചര്യപ്പെട്ടു, പിന്നെ നിമിഷങ്ങൾക്കകം അവൻ മനസ്സിലാക്കി, ആ മനം മയക്കുന്ന ഗന്ധം വമിക്കുന്നതു തന്റെ വസ്ത്രങ്ങളിൽ നിന്നുമാണെന്നു, അടുക്കളയിൽ നടന്ന സംഭവത്തിൽ ഷഹലയുടെ ഹൃദയം കവരാൻ ആയോ എന്ന് അവനു ഉറപ്പില്ലെങ്കിലും അവളുടെ ഗന്ധം തീർച്ചയായും കവർന്നിട്ടുണ്ട്.
ഓഹ്,,,,
മുനീബ് ഗത്യന്തരമില്ലാതെ സീറ്റിൽ നിന്നും എഴുന്നേറ്റിരുന്നു, ഒരു സിഗരറ്റിനു തീ കൊളുത്തിക്കൊണ്ടു മനസ്സിന് കുറച്ചു ആശ്വാസം കിട്ടാൻ കാറിലെ മ്യൂസിക് സിസ്റ്റം ഓൺ ചെയ്തു, റേഡിയോയിൽ പകുതിയോളം പാടിക്കഴിഞ്ഞിരുന്ന ഏതോ ഒരു പാട്ടിന്റെ ബാക്കി വരികൾ അവന്റെ കാതുകളിലേക്കു ഒഴുകിയെത്തി
” പലനാളഞ്ഞ മരുയാത്രയിൽ,, ഹൃദയം തിരഞ്ഞ പ്രിയ സ്വപ്നമെ,, മിഴികൾക്കുമുമ്പിൽ ഇതളാർന്നു നീ,,,
എന്തോ അങ്ങനെയുള്ള ആ നിമിഷത്തിൽ ആ പാട്ടിന്റെ വരികൾ കൂടി കേട്ടപ്പോൾ മുനീബിന്റെ മനസ്സിൽ സുഖമുള്ള ഒരു നോവ് അനുഭവപ്പെട്ടു.
Yes! True love is always painful!!
പക്ഷെ ആ പാട്ടിലെ വരികൾ അവന്റെ മനസ്സിനെ വല്ലാതെ നോവിക്കുന്നു എന്ന് തിരിച്ചറിഞ്ഞപ്പോൾ, പെട്ടെന്ന് തന്നെ മ്യൂസിക് ഓഫ് ചെയ്തു വണ്ടിയിൽ നിന്നും ഇറങ്ങി വീണ്ടും കല്യാണ വീട്ടിലേക്കു തന്നെ മടങ്ങി.
അപ്പോഴും, മുനീബ് പോലും അറിയാതെ അവന്റെ ഉപബോധ മനസ്സിൽ നിന്നും എന്ന പോലെ അവന്റെ തന്നെ ചുണ്ടുകൾക്കിടയിൽ നിന്നും ആ പാട്ടിന്റെ തുടർന്നുള്ള വരികൾ പുറത്തേക്കു വരുന്നുണ്ടായിരുന്നു
” പുലരാൻ തുടങ്ങുമൊരുരാത്രിയിൽ,,, തനിയെ കിടന്നു മിഴി വാർക്കവേ,,,”
അതെ! മുനീബിപ്പോൾ പ്രണയത്തിന്റെ നോവുള്ള ആ സുഖം അങ്ങേയറ്റം ആസ്വദിച്ചു തുടങ്ങിയിരിക്കുന്നു..
******
അന്ന് രാത്രി, ഷഹല മുനീബിന്റെ മെസ്സേജ് പ്രതീക്ഷിച്ചിരുന്നു, അവനുമായി ഒരു നീണ്ട നേരത്തെ ചാറ്റിനു വേണ്ടി അവളുടെ മനസ്സ് കൊതിച്ചിരുന്നു.
പ്രതീക്ഷിച്ച പോലെ തന്നെ രാത്രി വളരെ വൈകി അവൾക്കു മുനീബിന്റെ മെസ്സേജ് വന്നു, പക്ഷെ ആ മെസ്സേജ് ഷഹലയെ വളരെയധികം ധർമ്മസങ്കടത്തിൽ ആകുന്ന ഒന്നായിരുന്നു